bakiroo

2022-01-20 12:06:13 Марказий банк раиси иштирокида матбуот анжуманидан жонли эфир намойиши бошланди. Ochish/sharhlash

2022-01-20 10:59:32 Саноат ишлаб чиқариш асосан энергоресурслар ҳисобига ўсмоқда

2021 йилда саноат ишлаб чиқариш физик ҳажми 8,7 фоизга ўсган. Энергоресурслар ишлаб чиқариш ўсишнинг асосий омилларидан бўлган.

Хусусан, электр генерацияси 4 млрд.квт.соатга ошган ва 70,1 млрд.квт. соатни ташкил этган. Бу Ўзбекистон тарихидаги янги рекорд.

Табиий газ ишлаб чиқариш 4,1 млрд.кубга кўпайган ва 53,8 млрд.кубдан иборат бўлган. Гарчи газ қазиб олиш 2021 йилда юқори суръатда ошган бўлса-да, 2019 йил (60,5 млрд.куб) ва ўтган эпоха максимум кўрсаткичларидан (66 млрд.куб) анча ортда қолинмоқда.

Шунингдек, нефть ва кўмир қазиб олиш ҳам ортаётганини таъкидлаш лозим.

Лекин қатор саноат товарлари бўйича қисқариш давом этмоқда. Саноат ишлаб чиқаришнинг энг катта қисқариши автомобилсозликка тўғри келади. Имтиёзхўр, қолоқ ва нўноқ автомобилсозларимиз енгил автомобиль, юк автомобили, трактор ва двигатель ишлаб чиқаришни кескин қисқартириб юборишган.

Саноат ишлаб чиқариш ҳажми қисқариши яна буғдой ва ун, пишлоқ ва творог, ўсимлик ёғи, тамаки, ароқ, вино каби муҳим озиқ-овқатларда ҳам давом этмоқда. Ochish/sharhlash

2022-01-20 10:07:41 Асосий ставка ўзгаришсиз қолди

Марказий банки Бошқаруви томонидан асосий ставкани йиллик 14 фоиз даражасида, ўзгаришсиз қолдириш тўғрисида қарор қабул қилинди.

Соат 14:00да Марказий банк раиси иштирокида матбуот анжумани ўтказилади. Анжуман, анъанага кўра, Uzreport tv орқали жонли эфирда намойиш этилади. Ochish/sharhlash

2022-01-19 19:15:05 Миллий хавфсизлик бу иқтисодий хавфсизликнинг ҳосиласи. иқтисодий хавфсизлик эса эркинлик орқали яралади

"Камбағал жамиятлар ҳеч қачон ташқи ва ички хавфга нисбатан барқарор қалқондек тура олмайдилар. Иқтисодий салоҳият жамият хавфсизлиги учун жуда муҳим нарса. Бизнинг мамлакатимиз барқарорлиги ва хавфсизлиги учун, иқтисодий тараққиёт шарт омил бўлиб келмоқда. Бу кузатувдан бошқача хулоса қилиш ҳам мумкин, иқтисодий тараққиёт учун қилинган ҳар бир иш, мамлакатнинг хавфсизлик салоҳиятига ҳисса қўшади. Ёки тескариси, иқтисодни қисқартирувчи ишлар, табиийки мамлакатнинг хавфсизлигига ҳам катта таҳдид солади. Бу масала айниқса Ўзбекистон учун муҳим, чунки бизни даромадлар айнан хавфсизлик нуқтаи назардан, нисбатан хавотирли чегараларда ётади".

"Худди шундай, имтиёзларни тарқатиш ҳам, жамиятга жуда қимматга тушади, бунинг натижасида биз камбағаллашамиз, бу нарса ҳам, хавфсизлигимиз учун таҳдид. Тўғри, масалан, ҳеч ким ишлаб чиқармаган маҳсулотни кафолатли сотиб олиш бўйича таклиф сизга мамлакат хавфсизлиги масаласидек туюлмас, ёки берилган ижтимоий ва имтиёзли кредитлар пул нархини кескин ошириб юбориши Ўзбекистонликларни даромадларини қисқартирса ҳам, лекин ҳаётга учун хавф деб кўринмас. Лекин мен сизга айнан шуни айтмоқчиман. Иқтисодий сиёсатдаги хатоликлар, бизга айнан хавфсизлик нуқтаи назардан ҳам жуда катта таҳдид туғдиради. Иқтисодий сиёсат ҳам ватан хавфсизлиги ва ҳимояси масаласи, ва бу борада қилинган ишлар ва ислоҳотлар, табиийки ватанимизни хавфсизроқ ва эркинроқ қилади". Ochish/sharhlash

2022-01-19 15:24:46 Эртага муҳим молиявий сигналлар янграйди

Эртага Марказий банк Бошқаруви асосий ставкани кўриб чиқиш бўйича 2022 йилдаги илк йиғилишини ўтказади.

Йиғилиш инфляция бўйича расмий кўрсаткичлар 10 фоиздан кам бўлган, келгуси 12 ойда бўйича инфляцион кутилмалар секин-аста пасайиб бораётган, миллий валюта курси барқарорлиги сақланаётган, кутилганидан юқорироқ иқтисодий ўсиш шароитларида бўлиб ўтади. Бир қарашда шаклланган статус-квони ўзгартиришга ҳеч қандай зарурият йўқдек. Ставкани ошириш ҳалигача таклиф ортда қолаётгани сабаб инфляцияни пасайтиришга хизмат қилмайди, ставкани пасайтириш эса иқтисодиет билан боғлиқ ва таркибий рисклар сақланаетгани туфайли пул бозоридаги нархларга таъсир этиши қийин.

Лекин иқтисодиётга, бизнесга, банкларга ставка йил давомида шаклланадиган шароитларга қараб пасайтирилиши бўйича муҳим сигнал ва ишоралар берилса керак.

Йиғилиш якунлари бўйича Марказий банк раиси иштирокида матбуот анжумани ўтказилади. Ochish/sharhlash

2022-01-19 09:45:42 Ўзавтомоторс автомобиллари автомагнитоласиз етказиб берилади

Интеграл микросхемалар билан боғлиқ муаммолар ва етказиб берувчиларда ишлаб чиқариш узилиши сабабли, Ўзавтомоторс автомобиллари автомагнитоласиз етказиб берилади.

Монополист нима сабабдан автомагнитола етказиб бериш фақат битта компанияга боғлиқ бўлиб қолгани, муқобил етказиб берувчилар билан ҳамкорлик йўлга қўйилмагани масалаларига изоҳ бермаган.

https://t.me/uzautomotorscom/1939 Ochish/sharhlash

2022-01-19 09:30:05 Захираларимиз йил давомида барқарор қолди

Декабрь ойи якунларига кўра, халқаро захираларимиз 35,1 млрд.доллардан ошган.

Ой давомидаги захираларимизнинг валюта қисми деярли ўзгаришсиз қолган бўлса (-0.1 млрд.доллар), олтин қисми олтиннинг физик ҳажми ошгани эвазига кўпайган (+0,5 млрд.сўм). Декабрь ойи ташқи савдо статтистикаси дастлабки маълумотлари ва олтиннинг физик ҳажми ўзгаришига қараганда декабрда ҳам бироз олтин сотилган бўлиши мумкин (4-6 тонна).

Умуман олганда, 2021 йил давомида захираларимиз қолдиғи ва таркибида, айрим ойларда олтин котировкаси билан боғлиқ волатилликни инобатга олмаса, жиддий ўзгаришлар кузатилгани йўқ. Ochish/sharhlash

2022-01-19 07:53:52 Йил охирига келиб фоизлар пасая бошлаган

2021 йилнинг декабрь ойида кредитларнинг ўртача фоиз ставкаси 20,8%ни ташкил этган. Бу ноябрга нисбатан 0,6 фоиз бандига паст. Ставкаларнинг бирдан бундай пасайиши, катта эҳтимол, йил охирида арзонроқ ставкада қандайдир дастурлар ё лойиҳалар бўйича йирикроқ миқдорда кредитларнинг ажратилгани ёки эски юқорирок кредитларни пастроқ ставкада қайта молияланиши билан боғлиқ бўлиши мумкин.

Аҳолига ажратилган кредитларнинг ўртача ставкаси 20,8% (-0.5%), бизнесга ажратилган кредитларнинг ўртача ставкаси 20,7%ни (-0.8%)дан иборат бўлган. 2021 йил давомида аҳоли ва бизнес учун кредитларнинг ставкалари деярли тенглашиш томон трендда бўлди.

Депозитлар бўйича ставкалар декабрда турлича ўзгарган. Аҳоли омонатлари ўртача ставкасида бироз пасайиш кузатилган бўлса (-0.3%, 20.2%), корпоратив депозитлар нархи оша бошлаган (+0.4%, 15,1%).

Умуман олганда, 2021 йилда банкларнинг чакана бизнесида маржиналлик фақат пасайиб борди (айниқса чакана депозитлар жалб қилиб, чакана кредитлар бериш моделида ишлаган банклар учун).

Корпоратив сектор, гарчи, 2020 йил пандемияси ва иқтисодиётни ёпиш оқибатлари ҳалигача кузатилаётган бўлсада, нисбий афзаллигини сақлаб қолмоқда.

Шу маънода 2022 йил кўплаб банклар учун асосий фаолият соҳасини белгилаш ва устуворликларни қайта аниқлаш йили бўлади. Биз банкларни тўлиқ чаканага ёки тўлиқ корпоратив бизнесга қайтиш жараёнларини кузата бошлаймиз. Ochish/sharhlash

2022-01-18 23:47:55 2020-йилдаги кўрсатгичлар ҳозиргача ўсмоқда.

Статистика қўмитаси мамлакатимизнинг иқтисодий ижтимий ривожланиши бўйича баъзи кўрсатгичларни эълон қилибди. Хусусан, ЯИМнинг ўсиш кўрсатгичи бўйича ҳам маълумотлар келтирилган. Маълумотлар орасида менга қизиқ туюлган жиҳат, 2020-йил учун ЯИМнинг ўсиш кўрсатгичи бўлди. Берилган маълумотга кўра 2020-йилда ЯИМнинг ўсиш кўрсатгичи 1.9% ни ташкил этган экан.

Лекин статистика қўмитасининг 2021-йилда эълон қилган ҳисоботларида, ЯИМнинг ўсиш кўрсатгичи 2020-йил учун 1.6% бўлганлиги келтириб ўтилган.

Халқаро ташкилотлардан, Жаҳон Банки берган маълумотларда 2020-йилда мамлакатимизнинг ўсиш кўрсатгичи 1.7% ни, Халқаро Валюта Жамғармаси берган маълумотларда эса 1.6% ни ташкил этган.

Тўғри, ЯИМ биринчи ҳисобланганда илк кўрсатгичлар бўйича ҳисоб-китоб амалга оширилади. Шу нуқтаи назардан кўрсатгичларда кейинчалик кичик ўзгаришлар кузатилиши мумкин. Лекин биринчидан, нима учун ўзгариш , халқаро ташкилотларга маълумотлар тақдим қилишдан олдин эмас балки айнан бир йилдан кейин номоён бўлмоқда. Иккинчидан, нима учун бизда доимо қайта ҳисоблаш натижаси фақат ўсишга сабаб бўлади. Яъни агар ўтган йили февралда эълон қилинган кўрсатгичлар дастлабки кўрсатгичлар бўлса, кейинги ҳисоб китобларда кўрсатгичлар пасайиши ҳам мумкин эдику, лекин бизда бундай тенденция негадир умуман кузатилмайди.

2021-йил учун ЯИМнинг ўсиш кўрсатгичи биринчи марта эълон қилинганда ўсиш кўрсатгичи 7% деб эълон қилинган эди. Лекин орадан 15 кун ўтиб эълон қилинган маълумотларда ва бугунги маълумотларда ЯИМнинг ўсиши 7.4% ни ташкил этганлиги кўрсатилган(балки бир йилдан кейин 8% бўлар).

Балки, обуначиларга 0.3 ёки 0.4% лик фарқлар жуда кичик туюлиши мумкин лекин аслида ундай эмас, масалан, 2020 йил учун хатолик даражасида бўлиб кўринаётган фарқ, илк кўрсатгичлардан 19% га кўпроқ.

Агар вақт ўтиши билан (ёки икки ҳафтада) берилган кўрсатгичларда сезиларли фарқлар кузатилинаверса, статистикага бўлган ишонч ҳеч қачон ошмайди.

@Mirkonomika Ochish/sharhlash

2022-01-18 21:31:14 Геосиёсий хавфлар яна кун тартибига қайтди

Россиянинг SWIFT'дан узилмаслигига оид хабар билан бошланган кун тенденциясини бошқа ёмон хабарлар таъсири ўзгартириб юборди.

New York Times'да Россия дипломатлари Украинадан оила аъзоларини кўчира бошлагани тўғрисидаги хабарлар, музокараларнинг янги раунди натижаларига нисбатан умидларнинг пастлиги рубль ва рус қимматлик қоғозлари котировкаларига жуда салбий таъсир кўрсатди.

Одатда дипломатлар оила аъзоларини уруш бўлиши аниқ бўлгандан кейин кўчира бошлашади. Россия томони New York Times келтирган маълумотларни рад этмаган.

Доллар/рубль яна 77га қайтди. РТС Индекси 7 фоизга қулади. Рус компанияларнинг акциялари, соҳасидан қатъий назар қуламоқда. Яндексдан Сбербанкгача, Газпромдан Роснефтгача. Ochish/sharhlash