Соғлиқни сақлаш вазирлиги | Вакцина – ягона чора!

2021-02-01 16:07:08 Санитария-эпидемиологик осойишталик ва жамоат саломатлиги хизмати брифингида Нурмат Атабеков коронавируснинг "британча" штамми ҳақидаги энг сўнгги маълумотларни билдириб ўтди.

@ssvuz
@ssvmatbuotkotibi Ochish/sharhlash

2021-02-01 15:40:13 ​​ ССВ ҳудудий бошқармалари фаолиятидан:

Тошкент вилояти.
Чирчиқ шаҳрида ташкил қилинган “Соғлом ҳаёт учун 5000 қадам” спорт марафони ўзгача бир кўтаринкилик руҳида ўтди. Шаҳар марказидаги “Кимёгарлар саройи”да ҳамда бир нечта МФЙ ҳудудларида бўлиб ўтган тадбирда 2000 дан зиёд фуқаролар ўзларини спортга бўлган муносабатларини ифода этди.
————————————————
Вилоят соғлиқни сақлаш бошқармаси ва Ўзбек қўл жанги спорти федерацияси ҳамкорликда Нурафшон шаҳрида Президентимизнинг “Соғлом турмуш тарзини хаётга кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ижросини таъминлашга қаратилган “Саломатлик куни” тадбирини ташкил этди.

Навоий вилояти.
Бугунги кунда вилоятда ҳам аҳоли саломатлигини янада мустаҳкамлаш борасида амалий ишлар кенг қулоч ёйди. Вилоят ҳокимлиги, соғлиқни сақлаш бошқармаси ҳамкорликда ташкилотларда фаолият юритиб келаётган ходимларни мақсадли тиббий кўрикдан ўтказиш ишлари бошлаб юборилди.

Сирдарё вилояти.
Вилоятда аҳолини тиббий хатлов ва антропометриядан ўтказиш тадбирлари авж нуқтасига етди. Гулистон тумани Оқолтин маҳалла фуқаролар йиғини ҳудудида жойлашган 11-сон оилавий поликлиника вилоятда биринчилардан бўлиб бу муҳим тадбирни якунлашди.
———————————————
Сирдарёда соғлиқни сақлаш тизимини ислоҳ қилиниши натижасида бирламчи тиббий-санитария ёрдам кўрсатишнинг замонавий тизими вужудга келмоқда. Юртимизда биринчилардан бўлиб вилоятда иккита синов лойиҳа ишлари амалга оширилади. Давлат тиббиёт суғурта тизими жорий қилиниб, вилоят кўп тармоқли тиббиёт маркази ўрнида “Гулистон тиббиёт кластери” барпо этилади. Сирдарё вилоят кўп тармоқли тиббиёт марказида ўтказилган навбатдаги ўқув-амалий семинарда ана шу масалалар илгари сурилди.

Андижон вилояти.
Республика ихтисослаштирилган кардиология илмий-амалий тиббиёт маркази директори Хуршид Фозилов бошчилигидаги малакали шифокорлар гуруҳи иштирокида марказнинг Андижон филиалида вилоятда биринчи марта юракда мураккаб технологик рентген-эндоваскуляр диагностика ва кардиожарроҳлик даволаш муолажалари ўтказилди.

Жиззах вилояти.
Давлатимиз раҳбарининг “Соғлом турмуш тарзини хаётга кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармонининг ижросини таъминлаш мақсадида Зафаробод туман тиббиёт бирлашмаси ходимлари томонидан саломатлик тадбирлари ўтказилди.

Фарғона вилояти.
Вилоят болалар кўп тармоқли тиббиёт марказида Болалар миллий тиббиёт маркази мутахассислари ҳамкасблари учун маҳорат дарслари ташкил этишди. Шунингдек, бир неча кун давомида жами 291 нафар бола тиббий кўрикдан ўтказилиб, уларнинг орасидан 30 нафари саралаб олинди ҳамда шу ернинг ўзида маҳаллий мутахассислар билан ҳамкорликда 29 нафар болада пластик жарроҳлик, 1 нафар болада эса кардиожарроҳлик амалиёти муваффақиятли амалга оширилди.

Қашқадарё вилояти.
“Ёшим олтмишдан ўтди, лекин жисмоний машқларни сира канда қилмайман. Дўхтирларимиз, ҳамшираларимиз пиёда юринг, овқатланишга, хонадоннинг саришталигига эътибор беринг, деб бекорга жон куйдиришмаяпти. Саломатлик энг аввало ўзимизга керак”, дейди қашқадарёлик Мақсад момо Хидирова ҳудудда ташкил қилинган “Саломатлик куни” тадбирлари давомида.

@ssvuz
@ssvmatbuotkotibi Ochish/sharhlash

2021-02-01 15:29:06 Эндокринология cоҳасидаги замонавий диагностика ва даволаш ускуналаридан фойдаланиш жараёнлари, касалликларни даволаш бўйича олиб борилаётган самарали фаолият Андижон вилояти мисолида.

@ssvuz
@ssvmatbuotkotibi Ochish/sharhlash

2021-02-01 14:51:56 ​​ЯНГИ ШТАММ ТАРҚАЛИШИНИНГ
ОЛДИНИ ОЛИШ УЧУН НИМА ҚИЛИШ КЕРАК?

“COVID-19” инфекциясининг генетик шаклини ўзгартирган, жуда тез тарқалувчи, айниқса, ёшларга кўпроқ юқувчи “COVID-19” вирусининг “британча” штамми пайдо бўлди. Хўш, бу турнинг тарқалишининг олдини олиш учун нима қилиш керак? ССВ матбуот хизмати мавзу юзасидан вазирлик ҳузуридаги Коронавирусга қарши курашиш штаби аъзоси Эъзозбек Ризаев фикрлари билан қизиқди.

— Британия ва дунё олимларининг бераётган тавсияларига қараганда, янги штамм тарқалишининг олдини олишнинг ягона ва туғри йули — бу зарарланган беморни яккалаш (изоляция) ва улар билан мулоқотда бўлган шахсларни ҳам алоҳида назоратга олишдир. Фақатгина шу йул билан тез тарқалувчи “британча” штаммни тарқалиш кўрсаткичини камайтириш мумкин.

Ёдингизда бўлса, Хитойнинг Ухан шаҳрида коронавирус инфекцияси аниқланганидан сўнг ўтган йилнинг ёз ойларида унинг “Испания штамми” ҳам пайдо бўлди. Бу штамм ҳам жуда тез тарқалувчи тур, дея эътироф этилган эди. Вақт ўтиши натижасида, бу штамм тарқалишининг сабаби инсонлар миграцияси экани аниқланди. Бу ҳолат эса оддий саналган карантин қоидаларига риоя килиш ва тиббий ниқобларни доимий тақиб юриш билан бартараф этилди.

Ҳозирги кунда кўча-кўйда, транспорт, бозор ва дўконларда фуқароларимизнинг ўта хотиржамлиги, карантин талаб-қоидаларини писанд қилмаётгани, оддий ҳимоя воситаларини тақмаслигининг гувоҳи бўлаяпмиз.

Тўғри, Ўзбекистонда айни пайтда эпидемиологик барқарор вазият ҳукмронлик қилмоқда. Аммо бу коронавирус инфекцияси тарқалиш хавфи бутунлай тугади, дегани эмас. Юқорида айтилганидек, “COVID-19”нинг B.1.1.7 шакли — “британча” штаммини енгишнинг ягона йўли карантин қоидаларига амал қилишдир.

Айни пайтда мамлакатимизда карантин чекловлари босқичма-босқич юмшатилмоқда. Агар аҳолимиз мана шу юмшатилган тартибга тўлиқ риоя қилмаса, унинг оқибатлари қатъий чоралар кўрилишига сабаб бўлиши мумкин. Бир сўз билан айтганда, барчаси ўзимизга боғлиқ.

Муҳими, “COVID-19”га қарши вакцина янги штаммда ҳам фойда бериши аниқланган. Шу боис, оммавий эмлаш бизнинг юртимизда бошланишига қадар ҳар бир фуқаро ўз саломатлигига ўзи масъул бўлиб, тиббий ниқобдан мунтазам фойдаланса, карантин қоидаларига риоя қилса, шубҳасиз, биз дунёнинг қатор давлатларида давом этаётган бугунги эпидемиологик ноҳуш вазиятдан сақланиб қоламиз.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-01 13:39:09 ​​ИККИ ОЙ МОБАЙНИДА 17 ТА
ЖИҲАТИ ЎЗГАРГАН ЯНГИЧА ШТАММ

Дунёда кузатилаётган эпидемиологик ҳолат тиббиёт соҳаси мутахассислари, қолаверса, оддий аҳолининг ҳам хавотирига сабаб бўлмоқда. Айниқса, ўтган йилнинг декабрь ойи дунё олимлари учун қийин давр бўлди. Бу пайтда “COVID-19” инфекциясининг иккинчи тўлқини, айрим давлатларда эса учинчи тўлқини бошланди. Шунингдек, ўзининг генетик шаклини ўзгартирган, жуда тез юқувчи ва тарқалувчи, айниқса ёшларга кўпроқ юқадиган “COVID-19” вирусининг “британча” штамми пайдо бўлди. ССВ матбуот хизмати мавзу юзасидан вазирлик ҳузуридаги Коронавирусга қарши курашиш штаби аъзоси Эъзозбек Ризаев фикрлари билан қизиқди.

— 2019 йил охирида Хитойнинг Ухан шаҳрида янги “COVID-19” вируси аниқланган эди. Ўтган давр мобайнида бутун дунё олимлари уни текшириш, аниқлаш ва даволаш йўлида илмий изланишлар олиб борди ва бу ишлар ҳанузгача давом этмокда.

Аммо ўтган фурсат ичида вирус ҳам ўзгариб, мутацияга учраб, янгидан янги шаклларга ўтиб борди. Айни пайтдаги вирус аввалгисидан 20 та жиҳати билан ажралиб туради. “Британча” штамм икки ой мобайнида 17 та жиҳати ўзгариб, тез мутацияга учрамоқда. Шунингдек, у ўта юқувчан ва ёшларни ҳам зарарлай олиши мумкун бўлганлиги билан ҳам хавфлидир.

Коронавируснинг янги B.1.1.7 шакли тез суръатларда тарқалиши билан дунё олимлари эътиборини тортди ва янги штамм тариқасида ифода этилди.
Вирус мутациясини узоқ вақт онкологик касалликка чалинган ва иммунитетни босувчи дори воситаларни қабул килган инсон организмида узоқ муддат мутацияга учраши натижасида юзага келгани қайд этилмоқда.

Шу боис ҳам, янги штаммни полимераза занжир реакцияси ёрдамида аниқлаш мушкул эканлиги айтилмоқда. Сабаби мутацияга учраган вирус ПЗР текширувидаги иммун жавобни айланиб ўтишга қодирлиги, уни тўғри диагностика қилиш бир оз мушкул экани билан ҳам ажралиб туради.

“COVID-19” вирусининг B.1.1.7 шакли - “британча” штамми ўз таркибидаги иккита аминокислотани йўқотиб, организмнинг иммун жавоби, яъни, антитаначаларини айланиб ўтишга муваффақ бўлади. Бу эса вирусни тез тарқалишига имкон яратаяпти. Шу боис ҳам, янгича штаммни кенг тарқалиб кетишининг олдини олишимиз керак. Бунинг учун эса, карантин талаб-қоидаларига сўзсиз риоя қилишимиз зарурлиги шубҳасиз.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-01 12:45:28 Гулистон туманининг энг чекка ҳудудида тиббий кўрик ташкил этилди

Республика ихтисослаштирилган педиатрия илмий-амалий тиббиёт маркази мутахассислари ва сирдарёлик тиббиёт ходимлар томонидан Гулистон туманидаги Боёвут оилавий шифокор пунктида чуқурлаштирилган тиббий кўрик ташкил этилди.

@ssvuz
@ssvmatbuotkotibi Ochish/sharhlash

2021-02-01 12:30:24 ​​ҚОРАҚАЛПОҒИСТОНДА ЎСМИРЛАР ДИСПАНСЕРИНИНГ ЯНГИ ИМОРАТИ ФОЙДАЛАНИШГА ТОПШИРИЛДИ

Қорақалпоғистон Республикаси Соғлиқни сақлаш вазирлигига қарашли Республика ўсмирлар диспансери янги иморатининг очилиш маросими бўлиб ўтди.

Маросимда Қорақалпоғистон Соғлиқни сақлаш вазирининг ўринбосари Акмал Асқаров ва Қорақалпоғистоннинг бир қатор даволаш-профилактика муассасалари мутасаддилари иштирок этди. Тадбир давомида йиғилганлар диспансерда яратилган шароитлар билан танишди.

Бу диспансер тўлиқ реконструкциядан чиқиб, замонавий тиббий асбоб-ускуналар ва инвентарь билан таминланган. Сифатли тиббий текширувларни амалга ошириш учун ҳар бир мутахассисга алоҳида хона ажратилиб, УТТ, Рентген, лаборатория, стерилизация, шунингдек, кундузги даволаш хоналари ҳам тиббий хизмат кўрсатишга тайёр ҳолатга келтирилган.

Юртимизда аҳоли саломатлиги, жумладан ўсмирлар ва ёшларнинг саломатлигини асраш алоҳида эътибор талаб қиладиган масалалардан ҳисобланади. Юқори ва ўрта махсус ўқув юртларида ўқиётган талаба ва ўқувчи ёшларнинг соғлигини мустаҳкамлаш, уларни тиббий текширувдан ўтказиш ва улар орасида соғлом турмуш тарзини татбиқ этиш орқали келажагимиз асосини қурувчи соғлом авлод етишиб чиқиши шубҳасиздир.

Қорақалпоғистон Республикаси Соғлиқни сақлаш вазирлиги Ахборот хизмати.

@ssvuz
@ssvmatbuotkotibi Ochish/sharhlash

2021-02-01 10:44:39 Пойтахт аҳолисининг алоҳида имтиёзи бўлмаган қатлами учун тиббий ордерлар бериш тизими жорий қилинди. Ундан фойдаланиб, стационар шароитда даволаниш имкониятига эга бўлган юртдошларимизнинг тассуротлари ва тиббиёт ходимларининг мазкур янгича тизим ҳақидаги тушунтиришлари ҳақида "Ўзбекистон 24" репортажида маълумот берилади.

@ssvuz
@ssvmatbuotkotibi Ochish/sharhlash

2021-02-01 09:49:00 ​​СВВ: болалар онкология ва гематология соҳасини такомиллаштиришга қаратилган йўл ҳаритаси ишлаб чиқилмоқда

Соғлиқни сақлаш вазирлигида онкология ва гематология хизмати соҳасининг болалар саломатлиги борасида амалга ошириладиган ишлар муҳокама қилинди. Унда вазир ўринбосари Элмира Баситханова, мамлакатимизда фаолият юритаётган болалар онкология ва гематология соҳасидаги бош мутахассислар, ЖССТ экспертлари ҳамда нодавлат нотижорат ташкилотлар вакиллари иштирок этди.
Дунё миқёсида болалар онкология ва гематология соҳасида мультидисциплинар ёндошувнинг белгиланганлиги, популяцион ва госпитал канцер-регистрларининг мавжудлиги, даволаш протоколларида замонавий молекуляр, цитогенетик текширув ва илик трансплантацисининг қўлланилиши, ўзак хўжайралари банкининг шаклланганлиги, паллиатив ёрдам тизимининг фаолияти йўлга қўйилганлиги болалар ўртасида гематология ва онкология бўйича касалланиш ва ўлим кўрсаткичини 80 фоизгача камайтира олади.

Президентимизнинг Олий Мажлисга Мурожаатномасида айнан гематология ва онкология хизмати соҳасини такомиллаштириш устувор эканлиги белгилаб берилган.
Мамлакатимизда бу йўналишда бир қанча муҳим ҳаракатлар амалга ошириб келинмоқда. Жумладан, болаларда ўткир лимфобласт лейкоз касаллигини даволаш бўйича Москва-Берлин протоколи татбиқ этилмоқда.

Шунингдек, Россиянинг Дмитрий Рогачев номли Болалар гематология, онкология ва иммунологияси Миллий тиббий тадқиқот маркази, Германиянинг Шаритэ клиникаси билан ҳамкорлик йўлга қўйилган.

Хозирда болалардаги ўткир лейкозларда халқаро даволаш протоколлари нафақат Гематология ва қон қуйиш илмий-текшириш институтида, балки вилоятлардаги даволаш муассасаларида ҳам татбик этилмоқда. Соҳани етук кадрлар билан таъминлаш мақсадида ўнлаб мутахассисларимиз нуфузли халқаро клиникаларда малака ошириб қайтди. Натижада ўткир лимфобласт лейкозларда 5 йиллик яшаш давомийлиги 75 фоиз, ўткир миелобласт лейкозларда — 45 фоизни ташкил этмоқда.

Вазирлар Маҳкамасининг 2020 йил 27 августдаги тегишли қарорига асосан Болалар миллий тиббиёт марказида умумлаштирилган болалар гематология-онкология бўлими ташкил этилиб, у ўз фаолиятини йўлга қўймоқда.

Амалга оширилаётган ҳаракатларга қарамай, бу соҳада ечимини кутаётган масалалар талайгина. Мамлакатимизда ҳар йили болалар орасида хавфли гематологик ва онкологик касалликларини аниқланиши ўртача 1100-1200 тага тенг. Ушбу кўрсаткичнинг ўзи ҳам соҳада тизимли ёрдам кўрсатиш жараёнларини халқаро стандартларга мос бўлган туб ислоҳотларни амалга ошириш нақадар муҳим эканлигини яна бир бор тасдиқлайди.

Бўлиб ўтган йиғилишда бу борада амалга оширилаётган ишлар самарасини янада ошириш ва халқаро стандартларга мос тизимни яратиш масаласи муҳокама қилинди. Тадбир давомида болалар онкология ва гематология соҳасини халқаро стандартларга мос даражада бўлишини таъминлаш мақсадида йўл ҳаритасини шакллантириш учун ишчи гуруҳ ташкил этилди. Унинг таркибига болалар онкологияси ва гематологияси борасида етакчи миллий экспертлар, Жаҳон соғлиқни сақлаш ташкилоти вакиллари, “Ezgu amal” жамоатчилик фонди ҳамда “Zamin” халқаро жамоатчилик фонди вакиллари киритилди.

Биринчи навбатда, юртимизнинг барча ҳудудларида болалар онкология ва гематологияси борасида хизмат ҳолати жойига чиқиб ўрганилади ва натижалар чуқур таҳлил қилиниб, аниқ манзилли ва муддатли тадбирлар жой олган йўл ҳаритаси шакллантирилади.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-01 09:23:28 ​​Знаете ли вы о симптомах «британского» штамма коронавируса?

В Национальной статистической службе Великобритании выяснили, что новому, так называемому «британскому» штамму коронавируса более присущи такие симптомы, как кашель, сильная усталость, боль в горле и мышцах, а вот потеря обоняния менее выражена, чем у «китайского» варианта.

Выводы ведомства были сделаны после обработки данных отобранных случайным способом 6 тысяч жителей Англии, у которых был выявлен COVID-19.

Такие симптомы, как потеря обоняния и вкусовой чувствительности с новым штаммом проявляются реже. Но они по-прежнему входят в число трех основных симптомов заболевания: высокая температура, появившийся недавно постоянный кашель и изменения во вкусовой чувствительности.

У большинства зараженных проявляется хотя бы один из этих трех симптомов.
Сотрудники статистического бюро проанализировали симптомы, которые испытывали заболевшие в течение недели до получения положительного теста на новый штамм COVID-19. Их сравнили с симптомами тех, кто заразился «оригинальным» штаммом.

Учитывались результаты людей, заболевших с середины ноября 2020-го по середину января 2021 года. Данные указывают, что новый штамм совместим с двумя генами, а не с тремя, как в первом случае.

Из группы численностью 3,5 тысяч человек, заразившихся новым штаммом:
• 35 процентов кашляли;
• 32 процента испытывали усталость;
• 25 процентов жаловались на боль в мышцах и в целом в теле;
• 21,8 процента испытывали боль в горле.

Из группы численностью 2,5 тысяч человек, заразившихся предыдущим штаммом:
• 28 процентов кашляли;
• 29 процентов испытывали усталость;
• 21 процент жаловались на боль в мышцах и в целом в теле;
• 19 процентов испытывали боль в горле.

Выяснилось, что у 16 процентов заразившихся новым штаммом пропала вкусовая чувствительность, а 15 процентов потеряли обоняние. Это меньше, чем у людей со старым штаммом (18 процентов в обоих случаях).
Данные по головной боли, затрудненному дыханию или диарее и рвоте оказались идентичными.

Ученые считают, что определенные изменения в строении вируса могут повлиять на иммунную реакцию организма и отразиться на симптомах, которые вызывает инфекция. В организме зараженных новым штаммом, судя по всему, вирус размножается интенсивнее, из-за чего инфекция может распространиться обширнее по телу, с чем, вероятно, и связан более сильный кашель, боль в мышцах и усталость.

Отдел по связям с общественностью
Министерства здравоохранения.

@ssvuz
@ssvmatbuotkotibi Ochish/sharhlash