Соғлиқни сақлаш вазирлиги | Вакцина – ягона чора!

2021-12-11 08:41:21 ​ Кеча Самарқанд вилоятида 50 минг, Фарғона вилояти ва Тошкент шаҳрида 25 минг, Қашқадарё вилоятида эса 21 минг дозадан зиёд вакцина қўлланилди

10 декабрда мамлакатимиз ҳудудлари бўйлаб 234 785 доза COVID-19га қарши вакцина қўлланилди. Улардан:
1-босқич эмланганлар 62 720 нафарни,
2-босқич эмланганлар 120 154 нафарни,
3-босқич эмланганлар 51 911 нафарни ташкил қилди.

Айни кунгача мамлакатимизда жами 35 845 059 доза вакцинадан фойдаланилди. Улардан:
1-босқич эмланганлар 18 197 891 нафарни,
2-босқичда эмланганлар 11 679 390 нафарни,
3-босқич эмланганлар 5 967 778 нафарни ташкил қилди.

Кеча эмлаш кўрсаткичлари бўйича юқори ўринларни:
Самарқанд вилояти (50 732 доза),
Тошкент шаҳри (25 566 доза),
Фарғона вилояти (25 486 доза)
банд қилди.

Биринчи доза билан эмланиш кўрсаткичи эмланиши режалаштирилган қатламга нисбатан 84,8 фоизни ташкил қилмоқда.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-11 08:23:07 ​ Кеча юртимизда коронавирус инфекциясига чалинган беморлар сони кескин ошиб, биргина Тошкент шаҳрида 100 нафардан зиёд кишида касаллик аниқланди

2021 йил 10 декабрь ҳолатига кўра, Ўзбекистонда коронавирус инфекцияси қайд этилганлар сони 195524 (+278) нафарни ташкил этмоқда.

Янги касалланиш ҳолатларининг:
7 нафари Қорақалпоғистон Республикасида,
13 нафари Андижон вилоятида,
13 нафари Бухоро вилоятида,
7 нафари Жиззах вилоятида,
6 нафари Қашқадарё вилоятида,
3 нафари Навоий вилоятида,
3 нафари Наманган вилоятида,
16 нафари Самарқанд вилоятида,
2 нафари Сирдарё вилоятида,
6 нафари Сурхондарё вилоятида,
12 нафари Фарғона вилоятида,
7 нафари Хоразм вилоятида,
81 нафари Тошкент вилоятида,
102 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Қорақалпоғистон Республикасида 5 нафар,
Андижон вилоятида 23 нафар,
Бухоро вилоятида 9 нафар,
Жиззах вилоятида 8 нафар,
Қашқадарё вилоятида 9 нафар,
Навоий вилоятида 2 нафар,
Наманган вилоятида 9 нафар,
Самарқанд вилоятида 7 нафар,
Сирдарё вилоятида 2 нафар,
Сурхондарё вилоятида 4 нафар,
Фарғона вилоятида 7 нафар,
Хоразм вилоятида 5 нафар,
Тошкент вилоятида 52 нафар,
Тошкент шаҳрида 142 нафар бемор тузалиб, касалликдан соғайганлар жами 192260 (+284) нафарга етди ва соғайиш кўрсаткичи 98 фоизни ташкил этмоқда.

Шунингдек, 4 нафар коронавирусга чалинган бемор вафот этиб, касалликдан вафот этганлар сони 1434 нафарни ташкил қилди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-11 07:32:02 Уважаемые медицинские работники!

Открытый диалог Президента с представителями сферы здравоохранения на тему «Медицина Узбекистана – Во имя чести и достоинства человека», который пройдёт в ближайшее время, уникальная возможность напрямую обратиться к Президенту Республики Узбекистан по проблемам, касающимся национальной системы здравоохранения.

Ни один вопрос не останется без внимания Президента.

Присылайте предложения и инициативы по номеру 1295 и внесите свой вклад в поднятие медицины нашей страны на качественно новый уровень.

Пресс-служба Министерства здравоохранения.

@ssvuz
@ssvmatbuotkotibi Ochish/sharhlash

2021-12-11 06:00:06 Ҳурматли тиббиёт ходимлари!

Тез кунда Президентимизнинг соғлиқни сақлаш соҳаси вакиллари билан бўлиб ўтадиган “Ўзбекистон тиббиёти — Инсон қадри учун” мавзусидаги очиқ мулоқоти тизимдаги муаммолар юзасидан мурожаат қилишингиз учун энг яхши имкониятдир!

Ҳеч бир масала Президент эътиборидан четда қолмайди.

1295 рақами орқали таклиф ва ташаббусларингизни йўлланг ва мамлакат тиббиётини янги сифат босқичига олиб чиқишга ўз ҳиссангизни қўшинг.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-02-28 12:58:00 ​#Давлат_дастури

Тиббий-ижтимоий ҳимояга муҳтож болаларни қўллаб-қувватлаш учун алоҳида фонд тузилади

2021 йилги Давлат дастурида ногиронлиги бўлган шахсларни ижтимоий ҳимоя қилиш, ногиронликни белгилаш жараёнини соддалаштиришга эътибор қаратилган.

Хусусан, Президентимиз Шавкат Мирзиёевнинг жорий йил 3 февралдаги “2017–2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид Давлат дастури тўғрисида”ги Фармонида илғор хорижий тажриба ва кенг жамоатчилик таклифлари инобатга олинган ҳолда, 2021 йил 1 июнга қадар ногиронлиги бўлган шахсларни қўллаб-қувватлашга қаратилган қуйидаги амалиёт жорий этилиши белгиланган:

муҳтож аҳолини протез-ортопедия буюмлари ва реабилитация техник воситалари билан таъминлаш амалиётини сертификат бериш тизимига ўтказиб, фуқароларга ўз танловига кўра давлат томонидан бериладиган маблағлар (сертификат) ҳисобидан исталган ишлаб чиқарувчидан протез-ортопедия буюмлари ва реабилитация техник воситалари сотиб олиш имкониятини яратиш;

ногиронлик белгилари аниқ кўриниб турган, анатомик нуқсонлари бўлган шахсларни клиник-функционал маълумотларни олишга доир қўшимча текширувдан ўтказмасдан туриб, улар ногиронлиги бўлган шахс деб топилганда ногиронлик муддатсиз даврга белгиланади.

Бундан ташқари, Давлат дастурида ижтимоий ҳимояга муҳтож болаларнинг таълим олиши ва касб эгаллашига кўмаклашиш, оғир касалликка чалинган болаларни даволаш мақсадида Болаларни қўллаб-қувватлаш фонди ташкил этилиб, унинг мақсадларини молиялаштириш учун Давлат бюджетидан 100 миллиард сўм ажратилиши белгиланган.

6-23 ойлик болалар уй шароитида тайёрланган овқатларни бойитиш мақсадида микронутриент кукуни, 6 ойликдан 5 ёшгача бўлган болалар “A” витамини, 2-10 ёшдаги болалар гельминтоз профилактикаси бўйича махсус препаратлар билан бепул таъминланади. Бунга бюджетдан 28 миллиард 870 минг сўм ажратилмоқда.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-28 09:36:52 ЖССТ маълумотларига кўра, охирги сутка давомида дунёда 420 минг нафардан ортиқ янги касалланиш ҳолати қайд этилди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 113 миллион 076 мингдан ортиқни ташкил этмоқда, шундан 2 миллион 512 мингдан зиёд киши вафот этган. Охирги сутка давомида дунёда коронавирус инфекцияси билан касалланишнинг 420 491 янги ҳолати аниқланди, 10 939 нафар бемор вафот етди.

Жонс Хопкинс университетининг ҳозирги маълумотларига кўра, дунёда касалликни 113 миллион 784 мингдан ортиқ одам юқтирган, улардан 2 миллион 525 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 28,102 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (11,079 миллиондан ортиқ), учинчи ўринда Бразилия (10,390 миллиондан ортиқ), тўртинчи ўринда Россия (4,234 миллиондан ортиқ), бешинчи ўринда эса Буюк Британия (4,163 миллиондан ортиқ).

ЖССТ маълумотларига кўра, бир сутка давомида АҚШда 73 351, Ҳиндистонда 16 488, Бразилияда 65 9988, Россияда 11 534, Буюк Британияда эса 8 523 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

————————————————

По данным ВОЗ, за последние сутки в мире выявлено более 420 тысяч новых случаев заражения коронавирусной инфекцией

По данным Всемирной организации здравоохранения, число зараженных коронавирусной инфекцией в мире составляет более 113 млн 076 тысяч, из них более 2 млн 512 тысяч человек умерли. За последние сутки в мире выявлено 420 491 новый случай заболеваемости коронавирусной инфекцией, 10 939 больных умерло.

Согласно актуальным данным Университета Джонса Хопкинса, в мире заразилось более 113 млн 785 тысяч человек, из них более 2 млн 525 тысяч скончались.

Лидером по количеству подтвержденных случаев остаются США, где по данным ВОЗ выявлено более 28,102 млн зараженных. На втором месте находится Индия (более 11,079 млн), на третьем — Бразилия (более 10,390 млн), на четвертом — Россия (4,234 млн), на пятом — Великобритания (4,163 млн).

По данным ВОЗ, за последние сутки в США было зарегистрировано 73 351, Индии — 16 488, Бразилии — 65 998, России — 11 534 и Великобритании — 8 523 новых случаев заболевания.

Отдел по связям с общественностью
Министерства здравоохранения.

@ssvuz
@ssvmatbuotkotibi Ochish/sharhlash

2021-02-28 08:00:21 ​​​​ 2021 йил 27 февраль ҳолатига кўра, Ўзбекистонда коронавирус инфекцияси қайд этилганлар сони 79886 (+50) нафарни ташкил этмоқда.

Янги касалланиш ҳолатларининг:
1 нафари Андижон вилоятида,
1 нафари Сирдарё вилоятида,
2 нафари Фарғона вилоятида,
6 нафари Тошкент вилоятида,
40 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Самарқанд вилоятида 32 нафар,
Сурхондарё вилоятида 2 нафар,
Фарғона вилоятида 3 нафар,
Тошкент вилоятида 7 нафар,
Тошкент шаҳрида 25 нафар бемор тузалиб, касалликдан соғайганлар жами 78442 (+69) нафарга етди ва соғайиш кўрсаткичи 98 фоизни ташкил қилмоқда.

Айни пайтда тиббиёт муассасаларида даволанаётган 822 нафар бемордан 146 нафари оғир, 27 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-27 16:08:54 ​Санитария-эпидемиологик хизмат — коронавирусга қарши курашдаги энг муҳим бўғин

Пандемия сабоқлари бизга мамлакатимизда эпидемиологик вазият барқарорлигини сақлашга алоҳида эътибор қаратишимиз зарурлигини исботлади. Ўтган йили муҳтарам юртбошимизни фармонларига кўра, мамлакатимизда шу йўналишдаги агентлик ва инспекция бирлаштирилиб, ягона Санитария-эпидемиологик осойишталик ва жамоат саломатлиги хизмати ташкил этилди. Бу эса соҳадаги ислоҳотларнинг биринчи қадами бўлди. Ҳужжатлар ижросига асосан 170 та ПЗР аппарати ва унинг сарфлов материаллари жойларга етказилди.

Шунингдек, қисқа фурсатда Миллий референс лабораторияси қурилди. Бугунги кунда хизматда 7 турдаги 10 миллион дона шахсий ҳимоя воситалари, 7 турдаги 20 тонна дезинфекцияловчи ва антисептик воситалар, 9 турдаги 25 миллиондан ортиқ лаборатория сарфлов материаллари заҳираси яратилди.

Жаҳонда бўлиб турган таҳликали вазиятни инобатга оладиган бўлсак, Ўзбекистонда барқарор эпидемиологик вазият сақланиб турган бўлса-да, хавф бутунлай бартараф этилди, деб айта олмаймиз. Шу боис доимий равишда оғир пандемик ҳолатга тайёр туриш мақсадга мувофиқ ҳисобланади.

Шунингдек, юқумли касалликларга қарши кураш ва эпидемияни олдини олиш тадбирларини тўлиқ ва ўз вақтида бажариш учун Санитария-эпидемиологик осойишталик ва жамоат саломатлиги хизмати моддий техник базасини мустаҳкамлашга эҳтиёж бор эди. Хусусан:
11 та туман (шаҳар) бўлимларининг биноси йўқ эди;
23 та туман бўлимлари бинолари яроқсиз ҳолатда эди;
96 таси реконструкцияга муҳтож эди;
70 тасини капитал таъмирлаш зарур эди;
577 та лабораториялардаги 18 521 асбоб-ускуналарнинг 8 242 таси (44,5 фоиз) маънан эскирган, лабораторияларнинг таъминоти 62 фоизни ташкил этарди.

Ушбу камчиликларни бартараф этиш, хизмат фаолиятининг самарадорлигини ошириш масаласига ҳам жорий йилда алоҳида аҳамият қаратилмоқда.

2021 йилги Давлат дастурига мувофиқ, Санитария-эпидемиологик осойишталик хизматининг моддий-техника базасини яхшилашга 200 миллион АҚШ доллари ажратилиб, ҳалқаро молия институтлари маблағлари ҳам жалб қилинадиган бўлди.

Ушбу маблағ:
асбоб ускуналар харид қилишга (97,5 миллион сўм);
қурилиш-таъмирлаш ишлари олиб боришга (57,5 миллион сўм);
ахборот-коммуникация технологияларини ривожлантиришга (23,5 миллион сўм);
ходимларнинг малакасини оширишга (15 миллион сўм) сарфланиши белгиланмоқда.

Бир сўз билан айтганда, жорий йилда юқумли касалликларга қарши курашда муҳим аҳамият касб этган соҳа моддий-техник базаси яхшиланиб, замонавий лабораториялар ташкил этиш орқали Санитария-эпидемиологик осойишталик ва жамоат саломатлиги хизмати фаолияти янги босқичга кўтарилади.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-27 14:07:51 «Оқ халат кийиш орзум эди»
Инсон ҳамиша умид билан яшаши лозим!

Андижон вилояти Шаҳрихон туманида истиқомат қилувчи Шаҳзода Ҳайитова 2-гуруҳ ногирони. У туғма умуртқа поғонаси қийшайиши касаллиги билан туғилган. Унинг имконияти чекланганлиги орзулари учун тўсиқ бўлмади.

Ҳозирда қаҳрамонимиз оилавий шифокорлик пунктида лаборант бўлиб ишламоқда. У келажакда шифокор бўлиб, барчага ёрдами тегишини истайди.

Андижон вилоят соғлиқни сақлаш бошқармаси
@andijonvssb Ochish/sharhlash

2021-02-27 11:34:10 ​ТЕЗ ТИББИЙ ЁРДАМ ФАОЛИЯТИ
ЯНАДА ТЕЗЛАШМОҚДА

Тез тиббий ёрдам тизими фаолиятини самарали йўлга қўйиш мақсадида Соғлиқни сақлаш вазирлиги ва Республика шошилинч тиббий ёрдам илмий марказининг соҳани рақамлаштириш йўлидаги ҳамкорлик лойиҳалари босқичма-босқич амалиётга татбиқ этилмоқда. Жаҳон банки ҳамда Ахборот-коммуникация технологияларини ривожлантириш жамғармаси томонидан молиялаштирилаётган ушбу улкан лойиҳалардан бири чақириқларни тўғридан тўғри тез тиббий ёрдам бригадаларига электрон тарзда етказиш механзмидир.

Хўш, ушбу янги тизимнинг афзалликлари қандай? ССВ Матбуот хизмати айни савол билан Соғлиқни сақлаш вазири ўринбосари Абдулла Азизовга мурожаат қилди.

— Авваллари чақириқ хақидаги барча ахборотлар диспетчер томонидан қоғозга туширилиб, сўнг телефон орқали бригадаларни йўналтирувчи иккинчи диспетчерга мурожаат қилинарди ва у ҳам маълумотларни қоғозга қайд этиб бригадага шу тўлдирилган қоғоз орқали хабар узатилар эди, — дейди А. Азизов. — Бу жараён учун кўп вақт талаб этилар ва баъзи ҳолларда тез ёрдам машинаси кечикишига ҳам сабаб бўларди.

Энди бу жараёнлар тарихга айланмоқда. Яъни, янги яратилган тизимда бир маротаба олинган маълумотлар диспетчер томонидан электрон тарзда бригадага тўғридан тўғри узатилади ва бу билан чақирувни етказиш вақти сезиларли даражада камайишига олиб келди.

Қолаверса, янги тизимни ишга туширилиши билан:
чақириқ манзилига энг яқин бўлган бўш турган тез тиббий ёрдам бригадасига хабар узатиш;
тез тиббий ёрдам машиналари ҳаракатини онлайн кузатиб бориш;
аввал кўп вақт талаб этилган статистик маълумотларни бугунги кунда онлайн олиш;
шифокор овозини автомат шаклда матнга ўгириш;
касалликларнинг кунлик, ойлик ва йиллик динамикаларини кузатиб бориш каби қатор имкониятлар йўлга қўйилди.

Шунингдек, ушбу янги тизимда мурожаатларни қабул қилишдан беморнинг шифохонага жойлаштиришгача бўлган барча жараёнларни тўлиқ назорат қилиш имконияти бор.

Бундан ташқари, юртимиз бўйлаб тез тиббий ёрдам кўрсатиш хизматлари тизимида Сall-марказлар ташкил этилиб, у ерда шифокорлар ҳам фаолият юритмоқда.

Мутахассислар лозим бўлганида беморларга “тез ёрдам” машинаси етиб келгунича телефон орқали биринчи ёрдам кўрсатиш бўйича маслаҳат ва кўрсатмалар бериб, беморнинг ҳаётини қутқариб қолишга кўмаклашмоқда.

“103” хизматига мурожаат қилувчиларнинг барчаси ҳам тез тиббий ёрдамга ҳақиқатда муҳтож кишилар бўлавермайди. Айрим ҳолларда сурункали ҳасталиги бор фуқаролар ҳам безовталик ҳис қилса, тез тиббий ёрдамга мурожаат қилади.

Бундай беморлар оилавий шифокорга ёки уйига яқин бўлган поликлиникага мурожаат қилиши керак. Бунга сабаб бу каби беморларга унинг доимий ҳолатидан бохабар бўлган оилавий шифокори яхши маслаҳат беради ва тўғри муолажа кўрсатади.

Тиббиёт ривожланган хорижий мамлакатлар тажрибасига назар соладиган бўлсак, масалан, Данияда чақириқни тажрибали шифокор қабул қилади .

Мутахассис қисқа саволлар орқали беморнинг ҳолатини аниқлаб, заруратдан келиб чиққан ҳолда беморга ўзининг оилавий шифокорига ёки ушбу ҳудуддаги навбатчи шифокорга йўналтиради ёхуд беморга тез тиббий ёрдам бригадасини юборади. Тез тиббий ёрдам бригадасини жўнатгандан навбатчи шифокорни таксида беморнинг уйига жўнатиш давлат учун анча арзон тушади.

Умуман олганда, ривожланган мамлакатларда тез тиббий ёрдам бригадаси ташриф буюрганда 80 фоиздан ортиқ ҳолатда беморларга шошилинч равишда даво чораларини кўриш учун шифохоналарга етказилади.

Бизда эса бу кўрсаткич 15-25 фоизни ташкил этади.
Шундан келиб чиқиб, аҳолига “103” га ҳақиқатан тез ва биринчи тиббий ёрдамга муҳтож, аҳволи оғир беморлар бўлсагина мурожаат қилиш кераклигини тушунтириш зарур. Шунда тез тиббий ёрдам бригадаси янада тез ва сифатли хизмат кўрсатишига эришиш мумкин.

Бир сўз билан айтганда, кейинги йилларда мамлакатимизда тез тиббий ёрдам хизматини рақамлаштириш орқали ушбу фаолиятнинг сифат ва самарадорлигини ривожланган давлатлардаги даражага кўтаришга бел боғлаганмиз.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash