Соғлиқни сақлаш вазирлиги | Вакцина – ягона чора!

2021-02-01 09:14:02 ЖССТ маълумотларига кўра, охирги сутка давомида дунёда COVID-19 дан 12 мингга яқин бемор вафот этди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 102 миллион 083 мингдан ортиқни ташкил этмоқда, шундан 2 миллион 209 мингдан зиёд киши вафот этган (31.01.2021 йил Европа вақти билан соат 16:03 ҳолатига кўра). Охирги сутка давомида дунёда коронавирус инфекцияси билан касалланишнинг 501 930 янги ҳолати аниқланди, 11 986 нафар бемор вафот етди.
Жонс Хопкинс университетининг ҳозирги (01.02.2021 йил Тошкент вақти билан соат 10:22 ҳолати) маълумотларига кўра, дунёда касалликни 102 миллион 964 мингдан ортиқ одам юқтирган, улардан 2 миллион 227 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 25,676 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,746 миллиондан ортиқ), учинчи ўринда Бразилия (9,118 миллиондан ортиқ).

ЖССТ маълумотларига кўра, бир сутка давомида АҚШда 164 415, Ҳиндистонда 13 052, Бразилияда 59 826 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

———————————————

По данным ВОЗ за последние сутки в мире от COVID-19 умерло около 12 тысяч человек

По данным Всемирной организации здравоохранения число зараженных коронавирусной инфекцией в мире составляет более 102 083 тысячи, из них более 2 млн 209 тысяч человек умерли (по состоянию на 16:03 по центральноевропейскому времени 31 января 2021 года). За последние сутки в мире выявлено 501 930 новых случаев заболеваемости коронавирусной инфекцией, 11 986 больных умерло.

Согласно актуальным данным Университета Джонса Хопкинса (по состоянию на 10:22 часов по ташкентскому времени 1 февраля 2021 года), в мире заразилось более 102 млн 964 тысячи человек, из них более 2 млн 227 тысяч скончались.

Лидером по количеству подтвержденных случаев остаются США, где по данным ВОЗ выявлено более 25,676 млн зараженных. На втором месте находится Индия (более 10,746 млн), на третьем — Бразилия (более 9,850 млн)
По данным ВОЗ, за последние сутки в США было зарегистрировано 164 415, Индии — 13 052, Бразилии — 59 826 новых случаев заболевания.

Отдел по связям с общественностью
Министерства здравоохранения.

@ssvuz
@ssvmatbuotkotibi Ochish/sharhlash

2021-02-01 09:08:06 1 февралдан тиббиёт ходимлари оммавий эмлашга тайёргарликни бошлайди. Бу жараёнда амал қилиниши керак бўлган жиҳатлар, кўзланаётган натижалар ҳақида "Ўзбекистон 24" лавҳасида батафсил маълумот берилди.

@ssvuz
@ssvmatbuotkotibi Ochish/sharhlash

2021-02-01 08:46:01 ​​Коронавируснинг "британча" штаммининг аломатларини биласизми?

Буюк Британиянинг Миллий статистика хизмати коронавируснинг "британча" деб аталувчи янги штаммига йўтал, кучли чарчоқ, томоқ ва мушаклардаги оғриқ каби белгилар хос эканлигини, аммо ҳид ва таъм сезмаслик аломати эса аввалги штаммдагига қараганда камроқ учраётганини аниқлади.

Идоранинг хулосалари Aнглияда тасодифий танлаб олинган ва "COVID-19" ташхиси қўйилган 6 минг кишининг маълумотларини қайта ишлаш натижасида чиқарилди.

Ҳид ва таъм сезмаслик каби аломатлар янги штамм билан касалланганларда камроқ учрамоқда. Aммо улар ҳали ҳам касалликнинг учта асосий аломатлари (юқори иситма, яқинда пайдо бўлган доимий йўтал ва таъм сезувчанлигини ўзгариши) орасида.

Касалланганларнинг аксариятида ушбу учта аломатдан камида биттаси намоён бўлмоқда.

Статистика идораси ходимлари янги "COVID-19" штаммига ижобий тест олишдан олдин бир ҳафта давомида беморлар бошдан кечирган аломатларни таҳлил қилдилар. Улар "асл" (аввалги) штаммни юқтирганларнинг аломатлари билан таққосланди.

Бунда 2020 йил ноябрь ойининг ўрталаридан 2021 йил январь ойининг ўрталарига қадар касал бўлган одамларнинг натижалари ҳисобга олинди. Маълумотлар шуни кўрсатдики, янги штамм биринчи ҳолатда бўлгани каби учта эмас, иккита ген билан мос келади.

3,5 минг кишидан иборат янги штаммни юқтирганлар гуруҳидан:
• 35 фоизи йўтал;
• 32 фоизи чарчоқ;
• 25 фоизи мушак ва тана оғриғи;
• 21,8 фоизи эса томоқ оғриғидан шикоят қилган.

Олдинги штамм билан касалланган 2,5 минг кишилик гуруҳдан:
• 28 фоизи йўтал;
• 29 фоизи чарчоқ;
• 21 фоизи мушак ва тана ;
• 19 фоизи эса томоқ оғриганини айтган.

Маълум бўлишича, янги штаммни юқтирганларнинг 16 фоизи таъм сезувчанлигини, 15 фоизи ҳид сезиш қобилиятини йўқотган. Бу эски штамм билан касалланган одамлардагига қараганда камроқ (иккала ҳолатда ҳам 18 фоиз).

Бош оғриғи, нафас олиш қийинлишуви ёки диарея ва қайт қилиш ҳолатлари бўйича маълумотлар икки штаммда ҳам бир хил бўлган.

Олимларнинг фикрига кўра, вирус таркибидаги баъзи бир ўзгаришлар организмнинг иммун реакциясига таъсир қилиши ва инфекцияни келтириб чиқарадиган аломатларга ҳам таъсир қилиши мумкин. Янги штаммни юқтирганларнинг организмида вирус интенсив равишда кўпайиб кетиш эҳтимоли юқорироқ. Бу эса инфекциянинг бутун танага кенгроқ тарқалишига ҳамда кучли йўтал, мушакларда оғриқ ва чарчоқ пайдо бўлишига олиб келиши мумкин.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-01 08:02:47 ​​ 2021 йил 31 январь ҳолатига кўра, Ўзбекистонда коронавирус инфекцияси қайд этилганлар сони 78 755 (+44) нафарни ташкил этмоқда.

Янги касалланиш ҳолатларининг:
1 нафари Андижон вилоятида,
2 нафари Жиззах вилоятида,
1 нафари Навоий вилоятида,
3 нафари Наманган вилоятида,
1 нафари Сирдарё вилоятида,
4 нафари Хоразм вилоятида,
11 нафари Тошкент вилоятида,
21 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Жиззах вилоятида 4 нафар,
Қашқадарё вилоятида 2 нафар,
Наманган вилоятида 4 нафар,
Сирдарё вилоятида 4 нафар,
Тошкент шаҳрида 16 нафар бемор тузалиб, касалликдан соғайганлар жами 77 221 (+30) нафарга етди ва соғайиш кўрсаткичи 98 фоизни ташкил қилмоқда.

Айни пайтда тиббиёт муассасаларида даволанаётган 913 нафар бемордан 152 нафари оғир, 30 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-01-31 11:05:44 ​​Уровень опеспеченности «скорой помощи» врачами достиг 95 процентов

В нашей стране большое внимание уделяется ускоренному совершенствованию системы экстренной медицинской помощи, дальнейшему повышению скорости, качества и эффективности работы в этой сфере, увеличению потенциала кадров, повсеместному применению научных инноваций в медицинской практике.

В результате реформ в центре внимания находится вопрос усиления и координации интеграции между службой «скорой помощи» и системой первичной медико-санитарной помощи в нашей стране. В последние годы в ряде сельских семейных поликлиник открыты станции «скорой помощи». Наличие машин скорой медицинской помощи в около 1500 учреждениях первичной медико-санитарной помощи также является подтверждением этого мнения.

На сегодняшний день количество мобильных бригад, действующих по стране, составляет 2684. В результате осуществляемых в сфере реформ уровень обеспеченности скорой медицинской помощи врачами в стране поднялся до 95 процентов. В частности, в Бухарской и Наманганской областях этот показатель достиг 100, в Андижанской области — 99, а в Самаркандской области — 98 процентов.

По итогам 2020 года средний уровень обеспеченности службы «103» средним медицинским персоналом в стране достиг 98 процентов. В 11 регионах этот показатель составляет 100 процентов.

Примечательно, что из около 13 000 врачей, работающих в службе «103», 4388 имеют высокую квалификацию, 2230 — стаж 10-20 лет, а 1818 — более 20 лет.

В системе скорой медицинской помощи страны работает более 28,4 тысячи средних медработников, из них более 39 процентов имеют квалификацию. Кроме того, 6155 из них имеют стаж 5-10 лет, 5784 — 10-20 лет, а 4368 — более 20 лет.

Отдел по связям с общественностью
Министерства здравоохранения.

@ssvuz
@ssvmatbuotkotibi Ochish/sharhlash

2021-01-31 10:45:57 ​​“Тез ёрдам”нинг шифокорлар билан таъминланганлик даражаси 95 фоизга етди

Мамлакатимизда шошилинч тиббий ёрдам тизимини жадал такомиллаштириш, мазкур йўналишдаги ишларнинг тезкорлиги, сифат ва самарадорлигини янада ошириш, кадрлар салоҳиятини юксалтириш, илм-фан янгиликларини тиббиёт амалиётига кенг татбиқ этишга катта эътибор қаратилмоқда.

Ислоҳотлар самараси ўлароқ, мамлакатимизда “тез ёрдам” хизмати ва тиббиётнинг бирламчи тиббий-санитария ёрдами муассасалари ўртасида интеграцияни кучайтириш ва мувофиқлаштириш ҳам доимий эътиборда. Сўнгги йилларда бир қатор қишлоқ оилавий поликлиникаларида “тез ёрдам” шохобчалари очилди. Жойлашуви бўйича 1500 га яқин бирламчи тиббий-санитария ёрдами муассасаларида “тез ёрдам” машиналарининг мавжудлиги ҳам фикримизнинг далилидир.

Бугунги кунда юртимиз бўйлаб фаолият юритаётган сайёр бригадаларнинг сони 2684 тани ташкил қилмоқда. Соҳада амалга оширилаётган ислоҳотлар натижасида тез тиббий ёрдам хизматининг шифокорлар билан таъминланганлик даражаси республика бўйича 95 фоизга кўтарилди. Жумладан, Бухоро ва Наманган вилоятларида бу кўрсаткич 100 фоизга, Андижон вилоятида 99 фоизга, Самарқанд вилоятида эса 98 фоизга етган.

Республика бўйича “103” хизматининг ўрта тиббиёт ходимлари билан таъминланганлик даражаси эса 2020 йил охирида 98 фоизга етди. Шундан 11 та ҳудудда ушбу кўрсаткич 100 фоизни ташкил қилмоқда.

Қувонарлиси, “103” хизматида фаолият юритаётган 13 минг нафарга яқин шифокорларнинг 4388 нафари юқори малака тоифасига эга, 2230 нафари 10–20 йиллик, 1818 нафари эса 20 йилдан ортиқ стажга эга.

Мамлакатимиз тез тиббий ёрдам хизмати тизимида 28,4 минг нафардан ортиқ ўрта тиббиёт ходимлари ишлаётган бўлса, уларнинг 39 фоиздан ортиғи малака тоифасига эга. Қолаверса, уларнинг 6155 нафари 5–10 йиллик, 5784 нафари 10–20 йиллик ҳамда 4368 нафари 20 йилдан ортиқ иш тажрибасига эга.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-01-31 08:55:43 ЖССТ маълумотларига кўра, охирги сутка давомида дунёда 500 минг нафардан ортиқ янги касалланиш ҳолати қайд этилди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 101 миллион 561 мингдан ортиқни ташкил этмоқда, шундан 2 миллион 196 мингдан зиёд киши вафот этган. Охирги сутка давомида дунёда коронавирус инфекцияси билан касалланишнинг 500 985 янги ҳолати аниқланди, 13 915 нафар бемор вафот етди.

Жонс Хопкинс университетининг ҳозирги маълумотларига кўра, дунёда касалликни 102 миллион 548 мингдан ортиқ одам юқтирган, улардан 2 миллион 219 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 25,512 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,733 миллиондан ортиқ), учинчи ўринда Бразилия (9,058 миллиондан ортиқ), тўртинчи ўринда Россия (3,832 миллиондан ортиқ), бешинчи ўринда эса Буюк Британия (3,743 миллиондан ортиқ).

Соғлиқни сақлаш вазирлиги
Жамоатчилик билан алоқалар бўлими.

————————————————

По данным ВОЗ, за последние сутки в мире выявлено более 500 тысяч новых случаев заражения коронавирусной инфекцией

По данным Всемирной организации здравоохранения, число зараженных коронавирусной инфекцией в мире составляет более 101 млн 561 тысяч, из них более 2 млн 196 тысяч человек умерли. За последние сутки в мире выявлено 500 985 новых случаев заболеваемости коронавирусной инфекцией, 13 915 больных умерло.

Согласно актуальным данным Университета Джонса Хопкинса, в мире заразилось более 102 млн 548 тысяч человек, из них более 2 млн 219 тысяч скончались.

Лидером по количеству подтвержденных случаев остаются США, где по данным ВОЗ выявлено более 25,512 млн зараженных. На втором месте находится Индия (более 10,733 млн), на третьем — Бразилия (более 9,058 млн), на четвертом — Россия (3,832 млн), на пятом — Великобритания (3,743 млн).

Отдел по связям с общественностью
Министерства здравоохранения.

@ssvuz
@ssvmatbuotkotibi Ochish/sharhlash

2021-01-31 08:02:07 ​​ 2021 йил 30 январь ҳолатига кўра, Ўзбекистонда коронавирус инфекцияси қайд этилганлар сони 78 711 (+39) нафарни ташкил этмоқда.

Янги касалланиш ҳолатларининг:
4 нафари Самарқанд вилоятида,
5 нафари Сурхондарё вилоятида,
12 нафари Тошкент вилоятида,
18 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Жиззах вилоятида 4 нафар,
Қашқадарё вилоятида 2 нафар,
Наманган вилоятида 2 нафар,
Сирдарё вилоятида 2 нафар,
Тошкент вилоятида 9 нафар,
Тошкент шаҳрида 26 нафар бемор тузалиб, касалликдан соғайганлар жами 77 191 (+45) нафарга етди ва соғайиш кўрсаткичи 98 фоизни ташкил қилмоқда.

Айни пайтда тиббиёт муассасаларида даволанаётган 899 нафар бемордан 152 нафари оғир, 30 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-01-30 16:28:31 ССВ: ​​Ўзбекистонда коронавируснинг “британча штамм”и қайд этилди

Бутун дунёда коронавируснинг тарқалиши янги босқичга киргани ҳеч кимга сир эмас. Бунга эса, инфекциянинг "британча штамм"и ҳам сабаб бўлмоқда.

Минг афсуски, “COVID-19”нинг “британча штамм”и юртимизда ҳам илк бор қайд этилди. Бу ҳақда ССВ Матбуот хизматига Соғлиқни сақлаш вазири ўринбосари – Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев хабар берди.

2010 йилда туғилган пойтахтлик фуқаро Ш. оила аъзолари билан биргаликда Бирлашган Араб Амирликларининг Дубай шаҳрига сафар қилиб, 2021 йилнинг 23 январь куни Тошкентга қайтган.

Ўрнатилган тартибга кўра, халқаро аэропортда фуқародан экспресс усулида тест олинганда, унда мусбат натижа қайд қилинган. Шундан сўнг, бемор зудлик билан юқумли касалликлар шифохонасига тез ёрдам машинасида олиб келинган. Шифохонада ўша куннинг ўзида функционал-клиник текширувлардан ўтказилди ва унга “COVID-19”нинг симптомсиз кечиши ташхиси қўйилди.

— SARS-CoV-2 вируси геномини ўрганиш учун Инновацион ривожлантириш вазирлиги ҳузуридаги Илғор технологиялар марказига юқумли касалликлар шифохонасидан ПЗР усулида олинган 33 та мусбат натижали томоқ-бурун намунаси “британча штамм”ни аниқлаш мақсадида юборилганди, — дейди Баҳодир Юсупалиев. — Ушбу намуналар ПЗР скрининги орқали биринчи босқич текширувидан ўтказилган. Натижада, улар орасида мутацияга учраган намуналар ҳам аниқланган. Куни кеча иккинчи тест босқичида мутация аниқланган намуналардан бирининг геном қисмларида “британча штамм”га хос бўлган қўшимча мутация мавжудлиги тасдиқланган. Бу намуна эса 10 ёшли бемор Ш. (қиз бола)га тегишли экани маълум бўлган.

Ҳозирда беморнинг умумий ҳолати қониқарли, шикоятлари йўқ, тегишли тиббий стандартлар бўйича даво муолажаларини олмоқда. Бемор билан бирга бўлган оила аъзоларида манфий натижа аниқлангани сабабли уй шароитида изоляцияга рухсат берилган.

Соғлиқни сақлаш вазирлиги ана шу вазиятдан келиб чиқиб, яна бир бор аҳолини ҳушёрликка, жамоат ҳамда иш жойларида тиббий ниқобни тўғри ва доимий тарзда тақиб юришга, ижтимоий масофани сақлаш, қўлларни мунтазам ювиб туриш каби кундалик одатларни канда қилмасликка чақириб қолади.

Юртдошларимиздан зарурат бўлмаганда чет эл сафарларига вақтинча чиқмай туришларини сўраймиз.

Азиз юртдошлар! Ўзингиз ва яқинларингизни асранг! Саломатлигингиз ўз қўлингизда!

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash