Sherzod Shermatov

2021-07-24 20:18:06 Спорт соҳасидаги Токиода ўтаётган олимпиада сингари, фанлар бўйича 3 та энг нуфузли халқаро олимпиадаларда Ўзбекистон ёшлари ўтган йилги натижаларига нисбатан 2 баробар кўп медалга сазовор бўлишгани бугун Президентимиз туғилган кунларига ўзига хос совға бўлди

Президентимиз Қарори билан вазирликда Халқаро олимпиадалар бўйича янги Департамент тузилиб, бундай нуфузли олимпиадаларга тизимли тайёрланиш имконияти кенгайди, Фанлар Академияси ва барча бошқа таълим муассасалари мавжуд бўлган вазирлик ва идоралар ҳамкорлиги йўлга қўйилди ҳамда терма жамоани яхшироқ тайёрлаш учун чет элдан алоҳида тренерлар жалб этилиши имконияти пайдо бўлди.

Қарорга кўра Халқаро фан олимпиадалари ғолиблари қуйидаги мукофот пулларига эга бўладилар:

- олтин медаль соҳибига – 122 млн. сўм, ўқитувчисига – 110 млн. сўм;

- кумуш медаль соҳибига – 73 млн. сўм, ўқитувчисига – 61 млн. сўм;

- бронза медаль соҳибига – 49 млн. сўм, ўқитувчисига – 36 млн. сўм. Ochish/sharhlash

2021-07-18 19:40:05 Qo‘shimcha ravishda prezentatsiya video ko‘rinishiga ham keltirildi, kimgadir video varianti qulayroq bo‘lsa undan foydalanish ham mumkin bo‘ladi. Ochish/sharhlash

2021-07-18 19:37:03 Kuni-kecha Ijtimoiy tarmoqlardan maktab jamoasi va o‘qituvchilarining yaxshi tashabbuslari va yutuqlarini yoritishda, aholi bilan bevosita muloqot qilishda zamonaviy instrument sifatida samarali foydalanish hamda turli xil tuhmatlarga va trollarga uchraganda qanday harakatlar qilish bo‘yicha XTV facebook sahifasi orqali jonli efirda batafsil tushuntirgan edik. To‘liq taqdimotni ushbu havola orqali videoning 19:58 daqiqasidan boshlab ko‘rsa bo‘ladi: https://bit.ly/3irDQFj

Jonli efirda ko‘rsatilgan prezentatsiya faylini ko‘pchilik so‘ragani uchun uni telegram kanali orqali yubormoqdamiz.

Qo‘shimcha ravishda prezentatsiya video ko‘rinishiga ham keltirildi, kimgadir video varianti qulayroq bo‘lsa undan foydalanish ham mumkin bo‘ladi. Ochish/sharhlash

2021-07-16 21:36:31 #Diqqat_Ochiq_muloqot

Ижтимоий тармоқлардан самарали фойдаланиб, мактаб жамоалари имижини шакллантириш

Халқ таълими ходимларининг таълим-тарбия жараёнида ижтимоий тармоқлардаги медиасаводхонлигини ошириш, мактаб ва директор имижини шакллантириш, интернет фойдаланувчилар билан мулоқот механизмини яратиш бўйича Очиқ мулоқот ташкил этилади.

Очиқ мулоқот давомида халқ таълими тизимида фаолият юритаётган раҳбар ва ходимларга ижтимоий тармоқлардан фойдаланиш бўйича медиасаводхонлигини ошириш имкони бўлади.

Шунингдек Очиқ мулоқот давомида:

Фейсбукда саҳифа очиш;
Саҳифа юритиш;
Таълим-тарбия жараёнида медиасаводхонликнинг ўрни;
Муаммоларни тезкор аниқлаш ва унга ечим топиш механизми;
Мактаб жамоасининг ижобий имижини шакллантириш;
Савол-жавоблар бўлиб ўтади.

Очиқ мулоқотни Халқ таълими вазирлигининг ижтимоий тармоқдаги саҳифасида жонли кузатиш мумкин

Очиқ мулоқот ўтказилиш вақти:

июль соат :

Ўтказиб юборманг! Ochish/sharhlash

2021-07-15 08:24:19 Т.Жумаев таълим-тарбия соҳасини замон талаблари асосида ривожлантириш, чекка ҳудудларда яшаётган иқтидорли ёшларга замонавий таълим беришнинг “Қоракўл мактаби”ни яратишга эришди. Ҳар йили лицей битирувчиларининг 90-95 фоизи турли олий ўқув юртларига ўқишга қабул қилиниб, 3 минг 200 нафарга яқин ўқувчи республикамиз ва хориждаги нуфузли олий ўқув юртларининг талабасига айлангани ҳам бунинг исботидир.
Шу пайтгача унинг 30 нафарга яқин шогирдлари математика фани бўйича халқаро олимпиадаларда юқори ўринларни қўлга киритиб, юртимизда Беруний, ал-Хоразмий каби буюк алломаларнинг муносиб авлодлари етишиб келаётганини бутун дунёга яна бир бор намоён қилди.
Ана шундай улкан натижалари инобатга олиниб, ушбу таълим маскани Халқаро математика мактабига айлантирилди.
Т.Жумаев математика фанини ўқитишнинг илғор усулларини амалиётга жорий этиш билан бирга, бу йўналишда бир нечта ўқув қўлланмалари ҳам яратди. Бундай изланишлари учун у 1999 йилда Ўзбекистон математиклар жамияти аъзолигига қабул қилинди.
Бутун ҳаётини ёшларга маърифат улашишга бағишлаган Тўхтамурод Жумаев давлатимиз томонидан “Ўзбекистон Республикаси халқ ўқитувчиси” фахрий унвони, “Эл-юрт ҳурмати” ва “Буюк хизматлари учун” орденлари билан ҳам мукофотланган эди.
Меҳрибон устоз, самимий ва камтарин инсон Тўхтамурод Жумаевнинг ёрқин хотираси ўқитувчи ва мураббийлар ҳамда шогирдларининг қалбида умрбод сақланиб қолади.

А.Тошқулов,
Ўзбекистон Республикаси олий
ва ўрта махсус таълим вазири

Ш.Шерматов,
Ўзбекистон Республикаси
халқ таълими вазири Ochish/sharhlash

2021-07-15 08:24:02 Ўзбекистон халқ ўқитувчиси
Тўхтамурод Жумаев

Мамлакатимизда халқ таълими ва ўрта махсус таълим тизими ривожига муносиб ҳисса қўшган моҳир педагог, фидойи ва ташкилотчи раҳбар Тўхтамурод Жумаев шу йил 14 июль куни 76 ёшида вафот этди.
Бу инсон 55 йиллик шарафли педагогик фаолияти давомида ўз соҳаси бўйича салмоқли ютуқларга эришди. 1967 йили Бухоро давлат педагогика институти (ҳозирги Бухоро давлат университети)ни тамомлади. Меҳнат фаолиятини 1961 йилда мактабда ёшлар етакчиси сифатида бошлаб, бир қанча мактабларда ўқитувчи, директор ўринбосари, директор вазифаларида сидқидилдан меҳнат қилди.
Айниқса, Қоракўл туманидаги 1-ихтисослаштирилган иқтидорли болалар мактаб-интернати ҳамда Бухоро давлат университети қошидаги 3-сон Қоракўл академик лицейида раҳбарлик қилган йилларида жуда кўплаб хайрли ишларни амалга оширди. Ochish/sharhlash

2021-07-11 14:52:22 Birinchi sinf o‘quvchilari uchun yangi matematika kitobini yaratilish jarayonlari tasvirlangan videolavhani ko‘ring

Yozda ko‘pchilik ta’til haqida o‘ylasa, ta’lim mazmuniga javobgarlar uchun esa juda ish qizg‘in va mas’uliyatli davr keladi. Yangi kitoblarni sifatli qilib o‘z vaqtida maktablarga yetkazish juda muhim vazifadir.

O‘tgan yili Prezidentimiz O'zFA Matematika Instituti yangi binosining ochilishida maktablardagi matematika darsliklarini takomillashtirish vazifasini belgilab bergan edilar. Ushbu yo‘nalishdagi hamkorlikning birinchi natijasi sifatida bu yil birinchi sinflar uchun tayyorlangan yangi darslikni ko‘rsatsa bo‘ladi.

Ta’lim mazmuni uchun mas’ul bo‘lgan vazirning birinchi o‘rinbosari Usmon Sharifxodjayev boshchiligida Respublika ta’lim markazi yangi komandasi bilan katta o‘zgarishlar boshlandi, lekin hali qilinishi kerak bo‘lgan ishlar ko'p.

Ushbu jarayonga o'z hissasini qo'shgan O'zFA Matematika Instituti, UNICEF Uzbekistan va boshqa barcha hamkorlarga minnatdorchilik bildiramiz. Ochish/sharhlash

2021-07-02 08:48:16 #мен_вакцина_олдим #men_vaksina_oldim
Ta'lim tizimini tezroq to'liq an'anaviy holatga qaytarish uchun Prezidentimiz topshiriqlariga ko'ra maktab xodimlari birinchi navbatda bepul vaksina qilinuvchilar ro'yxatiga kiritilgan edi.

Mana endi barcha aholi uchun bepul vaksinatsiya jarayoni boshlandi, shuning uchun men ham olimlarimiz bilan maslahatlashib ZF-UZ-VAC 2001 Xitoy-O'zbek vaksinasini olishga qaror qildim.

Nega aynan bu vaksina? Olimlarimiz ta'kidlashicha ushbu vaksina xavfsizroq va samaraliroqdir. 2ta dozadan ko'ra 3ga bo'lib qilinishi ham organizmga kamroq ta'sir qiladi.

ZF-UZ-VAC 2001 vaksinasini olish jarayonidan jonli efirni ushbu havolalar orqali kuzatishingiz mumkin:
https://bit.ly/3hsKDhl
https://bit.ly/3hbdXtV
https://bit.ly/3dD19KF Ochish/sharhlash

2021-06-27 10:39:53 Matbuot va ommaviy axborot vositalari xodimlarini kasb bayramlari bilan tabriklaymiz!

Prezidentimiz tashabbuslari bilan bu sohada juda katta o'zgarish boshlanganiga hammamiz guvohmiz. Albatta, ko'pchilik sohalar kabi bu yo'nalishda ham to'laqonli xolis va adolatli ishlaydigan tizim shakllanishi uchun ancha vaqt talab etiladi. Ushbu jarayonga o'z hissasini qo'shayotgan fidoiy matbuot va ommaviy axborot vositalari xodimlariga minnatdorchilik bildirib, kelgusi faoliyatlariga muvaffaqiyatlar tilaymiz!

Prezidentimiz tabriklarini nafaqat bu soha vakillari, balki barcha davlat organlari xodimlari, jumladan xalq ta'limi tizimi xodimlari ham o'qib chiqishlari foydali bo'ladi: https://president.uz/uz/lists/view/4454 Ochish/sharhlash

2021-06-24 15:52:24 Davlat Oliy ta'lim muassasalariga hujjat topshirish bo'yicha matbuot anjumanidan lavha


Tadbirning to'liq videosi:

Ochish/sharhlash