Sherzod Shermatov

2021-11-02 21:41:41 Илк бора халқаро даражадаги дарсликлар чоп этиладиган бўлди

Куни кеча Президентимиз томонидан келгуси йил давлат бюджетида дарсликларни чоп этиш учун мустақиллик йилларидаги энг катта миқдордаги маблағларни назарда тутиш топширилди.

$10 млн USAID гранти ҳисобига Cambridge University Press томонидан алоҳида бизнинг мактабларимизнинг барча синфлари учун Инглиз тили ва АКТ бўйича дарсликлар 200дан ортиқ мактабларда тажриба синовдан ўтказилаётган ва натижада уларни чоп этиш ҳуқуқи бизга тақдим этилиши режалаштирилган эди.

Amazon каби интернет дўконларидан бундай китобларни ўзингиз сотиб олмоқчи бўлсангиз, 1 донадан ўқувчи китоби ва машқ дафтари биргаликда 30-60 доллар атрофида, ўқитувчи китоби эса 50-100 доллар атрофида турар экан. Албатта, бундай нарҳлар 6,3 миллиондан ортиқ ўқувчиларимиз оилалари учун жуда қимматлик қилади. Шу сабабли, Президентимизнинг кечаги топшириқлари барча мактабларимизда халқаро даражадаги дарсликларни келгуси йилда ҳамёнбоп нарҳда ижара тизими орқали олинишига имконият беради. Ochish/sharhlash

2021-10-24 09:26:40 Сайловда қатнашдик, сиз ҳам қатнашинг!

Хизмат сафари билан Самарқандда бўлганимга овоз бериш имкониятини Самарқанддаги сайлов участкасига кўчирган эдим. Баҳонада 1680 ўринлик янги мактабимизни кўришга ҳам имкон бўлди. Ochish/sharhlash

2021-10-20 20:51:59 Bugun O‘zbek tili bayrami kuniga atab nafaqat barcha maktablarda bayram tadbirlari o‘tkazilmoqda, balki bizning tashabbuskor xodimlarimiz tomonidan ham o‘ziga xos ijodiy lavha tayyorlanibdi. Ona tilimizni hurmat qilishda o‘zimiz namuna bo‘lishimiz kerak, shundagina farzandlarimiz ham O‘zbek tilida ravon gaplashib, tilimiz barhayot bo‘ladi.

Ona tilini o‘rganish, boshqa tillarni o‘rganishga ham faqatgina yordam beradi.

#onatilimfaxrim https://www.facebook.com/watch/?v=394552505707766 Ochish/sharhlash

2021-10-12 22:27:58 Қоракўлдаги олимпиадачиларни тайёрлайдиган машҳур математика мактаби Халқаро математика мактабига айланиб, янги бинога кўчиб ўтганини ўзи ўқувчилар ва педагогик жамоа учун катта байрамга айланган эди. Бугунги Давлатимиз Раҳбарининг ушбу мактабга ташрифи уларга янада юқори марраларга ундайдиган улкан мотивация берди. Батафсил: https://t.me/shmirziyoyev/9687 Ochish/sharhlash

2021-10-10 22:43:11 Келгуси йил учун республика ва маҳаллий бюджетларни режа қилаётганда ҳатто оила бюджетини режалаштиришда ҳам энг асосий эътиборни ёшларни таълим-тарбиясига киритилаётган сармояга қаратилса мақсадга мувофиқ бўлади.

Таҳлилномада демографик дивиденд ҳақида лавҳа тайёрланган экан, кўришни тавсия этаман. Демографик дивиденд имкониятларидан фойдаланиш учун иложи борича таълимга кўпроқ эътибор қаратилиши зарур.

https://www.facebook.com/SherzodXotamovichShermatov/videos/1179785875879131/ Ochish/sharhlash

2021-10-01 22:57:29 Байрам арафасида бу йил янгидан қурилган ва таъмирланган баъзи мактаблар ҳақида қисқача ролик тайёрлашган экан, кўришни тавсия этамиз. Бундай ўзгаришлардан ўқувчилар, ўқитувчилар ва ота-оналарнинг самимий хурсандчилигини кўриб, мактабларга ёрдам бериш қанчалик муҳим эканлигига яна бир бор гувоҳ бўласиз. #maktablarga_yordam_beraylik Ochish/sharhlash

2021-09-21 21:55:46 Навоий вилояти мактаб битирувчиларининг ОТМга кириши бўйича ҳудудлар ичида ўтган йили ҳам, бу йил ҳам биринчи ўринда эканлиги, айниқса, Навоий шаҳри жуда яхши кўрсаткичларга эга эканлиги кўпчиликка маълум.

Ушбу юқори кўрсаткичли мактабларнинг ёш директор ўринбосарларидан 3 нафари Самарқанд вилоятининг умуман натижа кўрсатмаган мактабларига директор бўлиб боргани Навоий шаҳрининг ижобий тажрибасини бошқа ҳудудларга ҳам ёйишга катта ҳисса қўшади деб умид қиламиз. Улар қисқа вақт ичида келган мактабларига бошқа ҳудудлардан юқори малакали ўқитувчиларни ҳам жалб қилишга улгуришибди.

Ҳозирда таълим сифати паст ва олис ҳудудлардаги мактабларга директор бўлиб ишга келувчилар учун ҳам ўқитувчилардан кам бўлмаган ҳолда устамалар тайинлаш имконияти яратилган. Марҳамат, яхши натижа кўрсатган мактаблардаги қизиқувчилар бошқа ҳудудлардаги вакант директорлар лавозимларига онлайн ҳужжат топширишлари мумкин: vacancy.argos.uz Ochish/sharhlash

2021-09-18 10:05:53 Barcha darsliklarni ushbu havola orqali yuklab olish mumkin, Электронные версии всех учебников доступны по данному адресу: https://dr.rtm.uz/barcha-darsliklar/ Ochish/sharhlash

2021-09-16 21:25:22 Aziz o‘quvchilar!

World Cleanup Day - Butunjahon tozalik kuni dunyoda juda ko‘plab mamlakatlarda nishonlanadigan atrof-muhitni tozalash bayrami kunidir.

Butunjahon tozalik kuni 180 dan ortiq mamlakatda odamlarni birlashtirib, keng ko‘lamli ko‘ngillilar ijtimoiy harakatiga aylandi. O‘zbekistonda ham bu yil 18-sentyabr kunida ushbu sana keng nishonlanishi kutilmoqda.

Buning uchun ko‘plab maktablarimizda ekologiya bo‘yicha alohida taqdimotlar o‘tkaziladi va o‘quvchilarga atrof-muhitni asrash, chiqindilarni saralash va qayta ishlash haqida so‘zlab beriladi.

Ushbu darslarda faol ishtirok etasiz degan umiddamiz. Uyga qaytganingizda ota-onangiz, aka-ukalaringiz hamda do‘stlaringizga o‘rganganlaringiz va yurtimizni toza tutish uchun nimalar qilishingizni aytib bering.

Yurtimizni toza saqlash bizning qo‘limizda. Buning uchun tozalashdan ham ko‘ra, axlat tashlashni, ayniqsa uzoq muddatda parchalanadigan plastik, alyumin, shisha kabi idishlarni duch kelgan joyga tashlanishining oldini olishimiz zarur. Ochish/sharhlash

2021-09-15 16:43:16 “Ustoz-2021” tanlovida ishtirok eting!

Tanlovning 8 ta nominatsiya boʻyicha g’oliblariga 30 mln. soʻm pul mukofoti, zamonaviy noutbuk va qo’shimcha rag’batlantirish beriladi. 32 nafar final bosqichi ishtirokchilariga esa 5 mln. soʻm pul mukofoti, zamonaviy noutbuk va qo’shimcha rag’batlantirish taqdim etiladi.

Tanlovda ishtirok etish istagida boʻlgan nomzodlar 15-sentyabrdan boshlab ustozmukofoti.uz sayti orqali onlayn roʻyxatdan oʻtishlari mumkin. Ochish/sharhlash