Sherzod Shermatov

Maktablarni qo‘shimcha daromadini oshirib, o‘quvchilarga ham daromad topishni o‘rgatayotgan pedagoglarimizning ijobiy tajribalarini ommalashtirish zarur

Samarqand shahridan Paxtachi tumaniga ketayotganda yo‘lda maktab ko‘ringanida, bir to‘xtab ko‘raylikchi qanday ekan deb kirib juda yaxshi holatning guvohi bo‘ldik. Maktab direktori maktabning yerlaridan unumli foydalanib, turli xil ekinlar, issiqxonalar tashkil qilgani bilan birga fidoyi tasviriy san’at o‘qituvchisining mahsulotlarini ko‘rsatdi. O‘qituvchi bolalar bilan birga ko‘pgina yo‘nalishda ijod namunalarini yasab, erkin savdoga ham berib yuborar ekan.

Natijada o‘ziga, maktabga va o‘quvchilarga qo‘shimcha daromad topibgina qolmay, balki bitiruvchilarni ish bilan ta’minlanishiga o‘ziga xos poydevor yaratayapti. Samarqandda turizm imkoniyatlari keng bo‘lgani tufayli har bir sayyoh o’zi bilan esdalik uchun nimadir olib ketgisi keladi. Batafsil: https://bit.ly/2R0IKyE

1,5 stavka dars soati olgan, oliy yoki birinchi toifali CEFRga ega ingliz tili o’qituvchisi olis hududdagi qizil maktabda ta’lim bersa oyligi 10 millionga yetishi bilan birga, yillar davomida ingliz tili o’qituvchisi bo’lmagan shunday maktablardagi o’quvchilarning kelajagiga juda katta yordam bo’lishi aniq.

Nurobod tumanining olis hududida yillar davomida ingliz tili darsi o’tilmagan qizil maktabga buxorolik er-xotin ingliz tili o’qituvchilari kelgani ushbu maktab o’quvchilari uchun ta’lim sifatini oshirishga ko’mak berishni boshlaganini guvohi bo’lib, ularga minnatdorchilik sifatida “Xalq ta’limi a’lochisi” ko’krak nishonini topshirib keldik. Shunday fidoiy o’qituvchilarimiz ko’paysa, albatta, ta’lim sifati past maktablarda ham ijobiy o’zgarishlar tezroq bo’ladi.

Shuningdek, Nurobod tumanining olis hududlariga borib ishlayotgan boshqa qator, asosan yosh o’qituvchilar bilan ham uchrashdik. Ular ham o’zlari tug’ilib o’sgan mahallalarini tashlab kelib dars o’tishmoqda. Batafsil: https://bit.ly/32vnG5W