Sherzod Shermatov

2022-08-31 14:45:37 Ўзбекистонни АйТи хабига айлантириш бўйича Президентимиз ғояларининг Мустақиллигимиз байрами арафасидаги амалий қадамлари соҳамиз учун қўшалоқ байрам бўлди

2016 йилда умумий АКТ соҳаси кўрсаткичлари асосан анъанавий алоқа соҳасидаги хизматлар ҳисобига бўларди, АйТи соҳасида эса жуда кам компания ёки фрилансер расман ишларди. 2017 йилда Президентимизнинг тегишли Фармонлари билан АйТи соҳасига алоҳида имкониятлар берилганидан кейин, жорий йилда биринчи катта натижа сифатида АйТи соҳасида банд бўлганлар сони (IT Park резидентлари ходимлари ва расман рўйхатдан ўтган фрилансерлар), анъанавий алоқа соҳасидаги (телеком, уларнинг дилерлари, почта ва ҳ.к.) банд бўлганлар сонидан ортди. Кейинги муҳим натижа яқин бир йилда энди АйТи экспорти анъанавий алоқа экспортидан ошади.

Мустақиллигимиз байрами арафасида IT Park Uzbekistan мажмуасининг биринчи биноларини ҳамда TIER III талабларига жавоб берадиган Давлат Датацентрининг очилишида Давлатимиз Раҳбарининг ўзлари шахсан қатнашишлари соҳамиз ривожи йўлидаги муҳим қадам бўлди. Буни ўша куни келган қатор халқаро АйТи компаниялар раҳбарларининг ушбу видеодаги фикридан ҳам кўрса бўлади.

Мустақиллик байрами барчамизга муборак бўлсин!

https://www.facebook.com/watch/?v=552571303334633 Ochish/sharhlash

2022-08-20 19:25:32 Деярли бир аср давомида буржуазия, чайқовчи сифатида таърифланиб, тадбиркорлик орқали бой бўлган инсонларга нисбатан тизимли равишда тазйиқ ўтказилиши сабабли, нафақат бундай қатлам чет элга кетиб ёки колонияларда қулоқ сифатида умрини ўтказишига сабаб бўлган, балки аксарият аҳоли орасида бу қатлам ҳақида жуда катта салбий фикр шаклланиб, ёшлар тадбиркор бўлишга қизиқмаслигига ва фақат ойлик маошга ишлайдиган бўлишига сабаб бўлган эди.

Айнан Янги Ўзбекистон даврида тадбиркорлар ўз фаолиятини қўрқмай бемалол амалга ошириб, бошқаларга намуна бўлишга ва ёшлар орасида тадбиркор бўлишга ҳавас уйғотишга муваффақ бўлишяпти (Албатта, ҳавас билан бирга хасад қилувчилар ҳам топилади).

Ўтган йили эса алоҳида қонун орқали 20 август "Тадбиркорлар куни" этиб белгиланди. Буни мамлакатимиз иқтисодиёти учун жуда катта аҳамияти бор. Мамлакат нафақат ер, капитал ва инсон ресурсларига эга бўлиши керак, балки улардан тўғри фойдаланиб, янги ишчи ўринлари яратадиган тадбиркорлар синфига эга бўлиши керак! Шундагина юртимиз ривожланади ва халқаро даражада рақобатбардош давлатга айланади! Ахборот технологиялари эса тадбиркорларимизга дунё бозорларига тезроқ чиқишга имкониятларни кенгайтиради.

Барча тадбиркорларни ушбу байрам билан табриклаймиз! Ишингизни баракасини берсин! Ochish/sharhlash

2022-08-17 21:24:46 Яқинда ўтказилган Халқаро конференцияда аввалги умидчилар янги авлод умидчиларига ўз тажрибаларидан келиб чиқиб, мотивация беришга ҳаракат қилдик. Хорижий нуфузли олий таълим муассасаларида ўқишни ният қилган ёшларимизга ушбу конференциядаги чиқишнинг тўлиқ видеосини кўришни тавсия этамиз.

Юқори сифатдаги видео: https://www.facebook.com/watch/?v=745291690098981 Ochish/sharhlash

2022-08-15 16:14:05 Ўтган ҳафтада “Давлат фуқаролик хизмати тўғрисидаги” қонунни қабул қилиниши давлат бошқаруви самарадорлигини ошириш йўлидаги жуда муҳим қадам бўлди. Шу билан бирга, Эл-юрт умиди жамғармаси халқаро конференцияси эса келгусида давлат фуқаролик хизматида юқори малакали, билим ва тажрибага эга бўлган мутахассислар сонини янада ортишига қўшимча имконият яратади деб умид қиламиз.

Қонуннинг тўлиқ матни билан танишиб чиқинг: https://lex.uz/docs/6145972

Мавжуд вакансияларга топширинг: https://vacancy.argos.uz/

Чет элнинг нуфузли таълим муассасаларига ҳужжат топширинг ва ўқиш харажатларини давлат томонидан қоплаб берилиши бўйича имкониятлардан фойдаланинг: https://eyuf.uz/

Дунёнинг ТОП 500 талик университетларини битириб келган бўлсангиз, давлат ишидаги ойлигингизга 75 БҲМ (22,5 млн) гача қўшимча устама берилади: https://lex.uz/docs/5512119#5513867 Ochish/sharhlash

2022-08-08 21:34:21 G’alaba barchamizga muborak bo’lsin!

Hindistonning Chennay shahrida bo‘lib o‘tayotgan Butunjahon shaxmat Olimpiadasini butun jamoamiz bilan hayajonda kuzatib bordik. Ayniqsa, bugungi bahslar yakuni barchamizni quvontirdi.

Bugun Nodirbek yurtimizga tarixiy g‘alabani berdi.

Aql gimnastikasi bevosita bizning sohamizga juda yaqin. Aynan IT yo‘nalishida ham yoshlar o‘zining aqliy tafakkuriga, bilimiga tayanadi. Bugungi o‘tayotgan bahslardagi o‘yinlarni shuning uchun ham ko‘proq his qilyapmiz.

2026-yildagi 46-Butunjahon shaxmat olimpiadasi Oʻzbekistonda oʻtkazilishida ham ramziy ma'no bor. Bizning shaxmatchilar ana shunday katta Olimpiadalarga mezbonlik qila olishini bugun yana bir karra isbotladi.

Sizlar bilan faxrlanamiz! Ochish/sharhlash

2022-08-02 19:27:16 Смотрите передачу “Особый ракурс” о встрече Президента Узбекистана Шавката Мирзиёева с представителями IT-cферы

Видео более высокого качества доступно по ссылке:


Ochish/sharhlash

2022-08-01 22:09:30 Янги форматдаги очиқ учрашув соҳамиз вакилларига ҳақиқий мотивация бериб соҳамиз ривожи учун ўзига хос янги босқични бошлаб берди

2017 йилда баъзилар қарши бўлиб хавотир олишига қарамай, Президентимиз АйТи соҳаси учун алоҳида солиқ режимини жорий этиш бўйича таклифларни қўллаб, тегишли Фармонни имзолаб берганларидан кейин бу соҳанинг ривожига мустаҳкам пойдевор яратилди. Натижада, ўша йили атиги 600 минг доллар АйТи экспорти бўлган бўлса, бу йил 100 млн доллардан ошиши кутилаяпти. АйТи парк резидентларидаги ишчилар ва рўйхатдан ўтган фрилансерлар сони анъанавий алоқа соҳасидаги (телеком, почта ва ҳ.к.) банд бўлганлар сонидан ортди.

Айнан АйТи соҳасига Давлатимиз Раҳбарининг алоҳида эътиборларини ўтган ҳафтадаги учрашув форматидан ҳам кўрса бўлади. Администрация биносида кимларгадир чора кўришга қаратилган селектор кўринишида эмас, балки айнан АйТичилар йиғиладиган масканда, уларга яқинроқ форматда, ортиқча дресс кодларсиз, муаммо ва ечим кўринишида ташкил этилиши барча соҳамиз вакиллари учун ҳақиқий мотивация бўлди.

Албатта, учрашув давомидаги қисқа вақтда ҳамма масалаларни муҳокама қилиб бўлмайди, шунга АйТи соҳасидаги экспорт ва ишчи ўринларни кўпайтиришга қаратилган яна қандайдир таклифлар бўлса, уларни изоҳларда қолдиришингиз мумкин, имкони борича ишлаб чиқилаётган қарорлар лойиҳаларида инобатга оламиз.

Батафсил: https://www.facebook.com/watch/?v=597509288434560 Ochish/sharhlash

2022-07-27 22:57:02 Мамлакатимизда расман тўланаётган ўртача ойлик иш ҳақи энг катта ва юқори ўсувчи бўлган корхоналар айнан компьютер дастурлаш соҳасида эканлигини ушбу графикдан кўрса бўлади.

Келажак касбингизни танлашда адашманг: https://education.it-park.uz/ Ochish/sharhlash

2022-07-23 10:45:04 Cable.co.uk нашрининг навбатдаги рейтингида мобиль интернет нарҳининг арзонлиги бўйича Ўзбекистон дунёда 233 мамлакат ичида 15-ўринга чиқибди (аввалгисида 21-ўрин эди, 6 поғона кўтарилибди). Ochish/sharhlash

2022-07-21 20:43:51 Самарқанд туризм марказида 5G тармоғини тест қилишни бошладик (тезлигини скринларда кўрса бўлади). Ушбу марказ нафақат халқаро тадбирлар ўтказиладиган ва туристлар яхши дам оладиган жой бўлмоқда, балки Ўзбекистонда биринчи маротаба барча мобиль алоқа операторлар ҳамкорликда антенна инфратузилмасини битта мачтада кўтариб, бинолар ичида ҳам Active DAS тизимини ҳамкорликда ишлатиб, юқори тезликдаги сифатли хизматлар кўрсатишларига имкон яратилмоқда.

Бу эса айнан хизматлар соҳасини ривожлантириш бўйича жорий йилда қабул қилинган ПҚ-104 Президент қарори билан мобиль алоқа операторлари учун яратилган қўшимча имкониятлар сабабли амалга оширилмоқда.

Эслатиб ўтамиз, 24-27 октябрь кунлари бу йилги АКТ ҳафталиги айнан шу Самарқанд туризм марказида ўтказилиши режалаштирилган, режангизга киритиб қўйинг. Ochish/sharhlash