The Delusional

2023-04-27 09:01:08 "Asakabank" bozor talabi va takliflaridan kelib chiqib, qulay shartlarda avtokredit ajratayotgan bankdir!

Joriy yilning 25-aprel kuni "Asakabank"da soat 19:00 da yangilangan shartlardagi Avtokredit hamda Mikroqarz bank mahsulotlarining taqdimot marosimi bo’lib o’tdi. Taqdimotda chet el hamda O'zbekistonda ishlab chiqarilgan, eng so'nggi rusumdagi avtomobillar olib kelinib, mehmonlarga ular haqida ham batafsil ma'lumot berildi.

Asakabank Chakana biznes departamenti direktori Bekzod Tangmatovning ma'lum qilishicha, endilikda, Asakabank rasmiy daromadga ega hamda ega bo'lmagan fuqarolar uchun bor yo'g'i 10% boshlang'ich to'lov bilan 5 yilgacha bo'lgan muddatga birlamchi bozor uchun avtokredit ajratadi. Avtokreditning yana bir qulay shartlaridan biri shuki, endi nafaqat O'zbekiston, balki chet elda ishlab chiqarilib, O'zbekistonga import qilingan avto va moto transport vositalarini sotib olish uchun ham Asakabankdan kredit rasmiylashtirib olish mumkin.

Avtokredit shartlari haqida batafsil ma'lumot

Foizi—21% dan boshlanadi
Muddati—60 oygacha
Boshlangʻich toʻlov—10% dan boshlanadi
Batafsil ma'lumot

Rasmiy daromadga ega boʻlmagan fuqarolar uchun:
Boshlangʻich toʻlov 10 foizdan 30 foizgacha shakillantirilganda kredit qaytmaslik xatari sugʻurta polisi rasmiylashtiriladi.

Boshlangʻich toʻlov 30 foiz shakillantirilganda kredit qaytmaslik xatari sugʻurta polisi talab etilmaydi.

Rasmiy daromadga ega fuqarolar uchun:
Agarda, boshlangʻich toʻlov 10 foizdan 30 foizgacha shakillantirilganda sotib olinayotgan avtotransport garovi hamda uchinchi shaxs kafilligi qabul qilinadi.

Agarda, boshlangʻich toʻlov 30 foiz shakillantirilganda kafil talab etilmaydi. Sotib olinayotgan avtotransport garoviga qabul qilinadi.

Telegram|Live|Кредитлар|Омонатлар| Ochish/sharhlash

2023-04-26 17:31:30 Президентнинг "Ёшларнинг бандлигига кўмаклашиш ҳамда уларни доимий иш билан таъминлашга оид қўшимча чора-тадбирлар тўғрисида"ги фармони қабул қилинди.

Унга кўра:

2023 йил 1 майдан бошлаб 2025 йил 1 январга қадар иш берувчиларга (бюджет ташкилотлари, давлат корхоналари, устав жамғармаси (капитали)да давлат улуши 50 фоиз ва ундан ортиқ бўлган юридик шахслар, шунингдек, ижтимоий солиқни 1 фоиз ставкада тўловчилар бундан мустасно) улар томонидан 25 ёшдан ошмаган ходимлар учун тўланган ижтимоий солиқ суммаси Давлат бюджетидан тўлиқ қоплаб берилади.

Бунда, ижтимоий солиқ суммаси ёш ходимлар олти ой давомида узлуксиз меҳнат фаолиятини амалга ошириши шарти билан еттинчи ойдан бошлаб қоплаб берилади.

Иш берувчиларга ижтимоий солиқ суммасининг қоплаб берилиши 2023 йилда Ўзбекистон Республикасининг республика бюджетидан Иқтисодиёт ва молия вазирлиги ҳузуридаги бюджетдан ташқари Пенсия жамғармасига ажратиладиган трансфертлар ҳисобидан амалга оширилади.

Telegram|Live|Кредитлар|Омонатлар| Ochish/sharhlash

2023-04-26 06:47:16 Марказий банк бошқарувининг "Тижорат банкларида бухгалтерия ҳисобининг ҳисобварақлар режасига ўзгартириш ва қўшимчалар киритиш ҳақида"ги қарори қабул қилинди.

Мазкур қарор 25.04.2023 дан кучга кирди.

Telegram|Live|Кредитлар|Омонатлар| Ochish/sharhlash

2023-04-26 06:39:46 “Банклар ва уларнинг филиаллари биноларида касса тармоқларини тузилишига қўйиладиган техник талабларни тасдиқлаш тўғрисида”ги қарорга ўзгартиришлар ва қўшимча киритилди.

“45(1)-банд. Банк бўлинмаларининг (филиал, банк хизматлари офиси, банк хизматлари маркази) нақд пуллари ва қимматликларини инкассация хизмати томонидан сақлаш учун қабул қилишда, инкассация хизматининг пул омбори мазкур Техник талабларда кўрсатилган банкларнинг пул омборига қўйилган талабларга мувофиқ бўлиши лозим.”.

Мазкур қарор 25.04.2023 дан кучга кирди.

Telegram|Live|Кредитлар|Омонатлар| Ochish/sharhlash

2023-04-25 17:45:15 Яқин кунларда, Асакабанкда жисмоний шахслар учун қулай шартларда автокредит ҳамда микроқарз ажратиш йўлга қўйилади:) Автокредит олишга шошилмай турамиз:) Telegram|Live|Кредитлар|Омонатлар| Ochish/sharhlash

2023-04-25 13:54:11 Асакабанк йирик активларини e-auksion орқали сотувга қўйганини эълон қилди!

Батафсил маълумот олиш

Telegram|Live|Кредитлар|Омонатлар| Ochish/sharhlash

2023-04-25 07:11:17 Тенге Банк автокредит шартларини ўзгартирибди!

Расмий даромад билан:
Бирламчи бозор учун:
Камида 15% бошланғич тўловда - йиллик 24,9%;
Камида 50% бошланғич тўловда - йиллик 23,5%.
Муддати-5 йилгача

Иккиламчи бозор учун:
Камида 20% бошланғич тўловда - йиллик 25,9%.
Муддати-5 йилгача

Расмий даромадсиз:
Бирламчи бозор учун:
Камида 25% бошланғич тўловда - йиллик 25.9%.
Муддати-5 йилгача

Иккиламчи бозор учун:
Камида 25% бошланғич тўловда - йиллик 26,9%.
Муддати-5 йилгача
Батафсил маълумот
712001245

Telegram|Live|Кредитлар|Омонатлар| Ochish/sharhlash

2023-04-24 15:58:56 Референдум ўтказувчи округ ва участка комиссияларининг раиси, раис ўринбосари, котиби ва бошқа аъзоларига (транспорт, овқатланиш ва бошқа харажатларнинг ўрнини қоплаш учун) референдумга тайёргарлик кўриш ва уни ўтказиш учун ажратилган бюджет маблағлари ҳисобидан бир марталик компенсация тўлаб берилади.
Бунда тўловлар:

референдум ўтказувчи округ комиссияси раисига меҳнатга ҳақ тўлашнинг энг кам миқдорининг 2 бараварида;
референдум ўтказувчи округ комиссияси раиси ўринбосари ва котибига меҳнатга ҳақ тўлашнинг энг кам миқдорининг 1,5 бараварида;
референдум ўтказувчи округ комиссиясининг бошқа аъзоларига меҳнатга ҳақ тўлашнинг энг кам миқдорининг 1 бараварида;
референдум ўтказувчи участка комиссияси раисига меҳнатга ҳақ тўлашнинг энг кам миқдорининг 1,2 бараварида;
референдум ўтказувчи участка комиссияси раиси ўринбосари ва котибига меҳнатга ҳақ тўлашнинг энг кам миқдорининг 1 бараварида;
референдум ўтказувчи участка комиссияларининг бошқа аъзоларига меҳнатга ҳақ тўлашнинг энг кам миқдорининг 0,7 бараварида амалга оширилади.

*Айни пайтда, меҳнатга ҳақ тўлашнинг энг кам миқдори 920 минг сўм. 1 майдан эса 980 минг сўм бўлади.

Telegram|Live|Кредитлар|Омонатлар| Ochish/sharhlash

2023-04-24 11:19:36 Карталар ўртасида пул ўтказмаларини(P2P) амалга ошириш учун фойдали иловалар!

Давр банк иловасида эса Uzcard ва Humo карталари ўртасида 3.5 млн.сўмгача пул ўтказмаси 0%(лимитдан ошса 0.35%).

MKBank "Mavrid" иловасида 3 млн.сўмгача барча банк карталари ўртасида ўтказмалар бепул.

"Xazna" иловасида 5 млн.сўмгача барча банк карталари ўртасида ўтказмалар бепул.

Ziraat Bank иловасида барча банк карталари ўртасида ўтказмалар бепул.

Telegram|Live|Кредитлар|Омонатлар| Ochish/sharhlash

2023-04-24 06:47:59 Асака банк ҳузурида фармацевтика лойиҳалари маркази очилиб, тадбиркорларга ёрдам кўрсатилади!

Президент Шавкат Мирзиёев сув хўжалигида ва фармацевтика саноатида амалга оширилаётган лойиҳалар ҳамда келгуси вазифалар муҳокамаси юзасидан йиғилиш ўтказди.

Давлатимиз раҳбари тадбиркорларга кредит юкини енгиллаштириш учун Асака банк лойиҳаларнинг 25 фоизгача қисмига ўз улуши билан кириб, инвестор сифатида иштирок этиши белгиланди.

Маҳаллийлаштиришга қаратилган лойиҳаларни молиялаштириш ва айланма маблағ билан таъминлашга 300 миллион доллар узоқ муддатли кредит ресурслари жалб қилинади. Банк ҳузурида фармацевтика лойиҳалари маркази очилиб, тадбиркорларга ёрдам кўрсатади.

Кам қувватда ишлаётган корхоналарни қўллаб-қувватлаш ҳисобига, 400 турдаги янги маҳсулотларни ўзлаштириш ва 670 миллион долларлик импорт ўрнини қоплаш мумкинлиги айтилди. Бунинг учун корхоналарга 18 ойгача муддатда 1 миллион долларгача “револьвер” кредит, экспортчиларга тушум суғуртасини гаровга олган ҳолда 2 миллион долларгача кредит берилади.

Онкология ва онкогематология учун зарур бўлган дори воситалари ва моддаларни хориж технологияси асосида юртимизда ишлаб чиқариш имконияти кўрсатиб ўтилди. Соҳадаги кўплаб корхоналарни GMP сертификати талабларига мослаштириш вазифаси қўйилди.

Тошкент фармацевтика кластеридаги лойиҳаларни жадаллаштириш бўйича топшириқлар берилди.

Telegram|Live|Кредитлар|Омонатлар Ochish/sharhlash