2023-04-16 10:24:27
“KITOBXONLIK FESTIVALI” ANDIJONDA
Maktabgacha va maktab ta'limi vazirligi huzuridagi Respublika bolalar kutubxonasi, Axborot va ommaviy kommunikatsiyalar agentligi hamda O‘zbekiston Milliy kutubxonasi aholi o‘rtasida kitobxonlik madaniyatini shakllantirib, kitob mutolaasiga bo‘lgan qiziqishlarini oshirish maqsadida, respublika bo‘ylab yil davomida har oyning yakunida viloyatlar ketma-ketligida tashkil etiladigan
2023-yilgi "Kitobxonlik festivali" ga start berilganligini e'lon qilgan edi.
Navbatdagi festival Andijon viloyatida bo‘lib, festival doirasida quyidagi kitobxonlik koʻrik-tanlovlari tashkil etiladi va oʻtkaziladi:
“Eng kitobxon maktab”
“Eng faol kitobxon oʻquvchi”
“Ijodkor bolalar”
“Eng kitobxon oila”
“Eng faol kutubxonachi”
“Kitobxonlik festivali” 20-aprelga qadar davom etadi va
festival
“Kitobxonlik haftaligi”, “Kitob sovgʻa qil va maʼnaviyat ulash” kitob aksiyalari, viktorinalar, shoir va yozuvchilar bilan ijodiy uchrashuvlar, konferensiyalar, maktab kutubxonachilari uchun oʻquv-seminarlar, kitob koʻrgazmasi va davra suhbatlari, sayillar, konsertlar, sayrtomosha va boshqa tadbirlarni o‘z ichiga oladi.
Diqqat! Barcha kitobxonlarni ushbu festivalga chorlab qolamiz!
Festival gʻoliblari va faol ishtirokchilarga qimmatbaho sovgʻalar, diplomlar, sovrinlar va festival ramzlari tushirilgan esdalik sovgʻalari topshiriladi.
Respublika bolalar kutubxonasi Matbuot xizmati
Telegram|You tube|Facebook|Instagram|Web site
1.4K views07:24