Respublika bolalar kutubxonasi | Rasmiy

2023-06-12 07:53:55 #Kitob_haqida_maqollar

Oltin yerdan, bilim esa kitoblardan qazib olinadi.
Do‘stni qanday tanlash kerak bo‘lsa, kitobni shunday tanlang.
Kitob ko‘rmagan kalla – giyoh unmagan dala.
Kitob – bu kichik deraza, u orqali butun dunyoni ko‘rish mumkin.
Kitobdan yaxshi do‘st yo‘q.
Kitob – eng yaxshi sovg‘a!
Yaxshi kitob yulduzchadan ko‘ra yorqinroq porlaydi.
Kitobsiz uy ruhsiz tanaga o‘xshaydi.
Kitobsiz aql – qanotsiz qush.
Kitoblar jonsiz, ammo sodiq do‘stlardir.
Kitob xazina, bilim boylik.

Kitob haqidagi maqollarni davom ettirish esa sizdan... Izohlarda o‘z fikrlaringizni yozib qoldiring.

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-12 07:13:51 #Kitob_tavsiya

Hammaga bir kunda 24 soat imkoniyat beriladi. Shu vaqtni qanday oʻtkazayotganingizni hech tahlil qilganmisiz?
Hayotda mana shu soatlardan unumli foydalana olgan insonlargina koʻproq muvaffaqiyatga erishishadi.

Piter Drukerni bejizga «Zamonaviy menejmentning otasi» deyishmaydi. Bunga uning «Har kuni Druker bilan» kitobini oʻqib amin boʻlishingiz mumkin.

Ushbu kitobda yilning 365 kuni maʼlum mavzularga bagʻishlangan boʻlib, sizga har kungi muhim eslatmalarni berib boradi. Kitobdagi har bir jumla Drukerning boshqa kitoblaridagi eng muhim taʼkidlarni oʻzida jamlagan.

Kunni aniq amaliy topshiriqlar bilan oʻtkazing. Bunda esa sizga kundalik shaklidagi ushbu kitob yordam beradi.

Hayotingiz yaxshi tomonga oʻzgarganini sezmay qolasiz ))

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-11 12:03:03 “Bu insoniy tabiatdir:
Biz eng yomon vaziyatni boshdan kechirmagunimizcha mavqeyimizni aslo ko‘rmaymiz va ega bo‘lgan ne’matlarimizni yo‘qotib qo‘ymagunimizcha hech qachon borini qadrlamaymiz...”
Asardan parcha

Siz Daniel Defoning o‘sha mashhur “Robinzon Kruzoning hayoti va ajoyib sarguzashtlari” kitobini o‘qiganmisiz? Yoki kinosini ko‘rganmisiz?

Bizning Kitob.uz saytimiz orqali ushbu sarguzashtlarga boy kitobning elektron variantini mazza qilib o‘qishingiz mumkin!

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-10 08:31:45

Maktabgacha va maktab ta’limi vazirligi huzuridagi Respublika bolalar kutubxonasi o‘z telegram botini taqdim etadi.

Siz mazkur bot orqali Respublika bolalar kutubxonasi va hududiy bolalar kutubxonalari bilan to‘g‘ridan to‘g‘ri bog‘lanishingiz va ularning faoliyati bilan yaqindan tanishishingiz mumkin bo‘ladi.

Bundan tashqari ushbu bot orqali o‘zbek va jahon adabiyotlaridan tayyorlangan sizni qiziqtirgan elektron va audiokitoblardan foydalanishingiz va kutubxona sohasiga oid zarur hujjatlar bilan tanishishingiz mumkin.

Telegram bot manzili: @Bolalar_kutubxonalari_bot

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-10 08:23:16 #HAJVIY_HIKOYA

Kayfiyat uchun...

Kun mobaynida a’lo kayfiyatda bo‘lib, ishlaringiz unumdorligi oshishi uchun ushbu hajviy hikoyani sizlarga ulashamiz! Marhamat!

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-09 14:44:15

O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan “Kitobsevar millat” shiori ostida o‘tkazilgan “Bolalar kitob festivali” davomida tashkil qilingan kitob ko‘rgazma-yarmarkasidagi faol ishtiroki uchun

Maktabgacha va maktab ta’limi vazirligi huzuridagi Respublika bolalar kutubxonasi Tashakkurnoma bilan taqdirlandi.

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-09 07:22:30 #Kitob_haqida_gaplashamiz

OQ NILUFARLAR YURTIDA

Ushbu kitobda bir millat uyg‘onishiga guvoh bo‘lgan Grigoriy Petrovning kelajak haqida kuzatuvlari va kuzatgan voqealari mavjud.

O‘z hayotini Rossiya, Bolgariya, Yugoslaviya va Fransiya kabi mamlakatlarda o‘tkazgan yozuvchi olti yuz yil davomida Shvetsiyaning, so‘ngra Rossiyaning mustamlakasi ostida kambag‘al va mazlum hayot kechirgan Finlandiyaga uyushtirgan ko‘plab sayohatlarida ko‘rgan Fin xalqining milliy uyg‘onishini bu kitobda keltirib o‘tgan.

Milliy uyg‘onishga olib boradigan yo‘l yuksak axloq, mehnatsevarlik va ishlab chiqarish orqali o‘tadi va bu faqat poydevori mustahkam bir taʼlim tizimi bilan qilinishi mumkin.

Afsuski, taʼlim tizimini mustahkam poydevor asosida qura olmaydigan jamiyatlarning taqdiri halokatlidir.

Mazkur kitobni o‘qish va uni amalda qo‘llash orqali taʼlim tizimimizning takomillashishiga, mamlakatimizning ilmiy-texnikaviy yuksalishiga katta hissa qo‘shish mumkin.

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-08 14:58:40 #Kitob_o‘qiysizmi?

Bir yilda nechta kitob o‘qiysiz? Kuningizning qancha qismini mutolaaga sarflaysiz?

Xohlaganingizdan ko‘ra kam, to‘g‘rimi? Ish-tashvishning tugamasligi yoki shunchaki hafsala, xohish yo‘qligi bahona bunga.

Tarixchi Sherzod Muminovdan shu haqidagi tavsiya va fikrlar. Batafsil...

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-08 07:46:29 #Elektron_kutubxona

Bugungi kunda elektron adabiyotlardan yanada unumli foydalanish maqsadida ko‘plab kutubxonalarda QR kodli kitoblar kutubxonasi shakllantirilgan.

Shunday kutubxonalardan biri Qoraqalpog‘iston Respublikasi Bolalar kutubxonasi bo‘lib, kutubxonaga tashrif buyurgan kitobxon o‘quvchi yoshlar QR kodlar yordamida istalgan badiiy adabiyotlarni o‘z telefonlariga yuklab olishlari mumkin.

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash

2023-06-08 07:36:07

Ikki do‘st va ayiq

Ikki do‘st o‘rmonda aylanib yurganida to‘satdan ayiqqa duch kelib qolishibdi. Ulardan biri shoshib daraxtga chiqib olibdi va ayiqning changalidan qutulib qolibdi.
Ikkinchisi esa ilojsizlikdan o‘zini o‘lganga solibdi.
Ayiq yerda yotgan kishining oldiga kelib, qulog‘ini hidlab, hatto uni turtib ham ko‘ribdi. Uni o‘lgan deb o‘ylab, unga tegmasdan ketib qolibdi.
Ayiq ketgach, haligi do‘sti daraxtdan tushib kelib:
– Do‘stim, ayiq qulog‘ingga nima deb shivirladi? – deb so‘rabdi.
– U menga qiyinchilik paytida tashlab ketadigan do‘st bilan sayohatga chiqishni yaxshilab o‘ylab ko‘rmabsan-da, dedi, xolos, – deb javob beribdi pastda qolgan kishi.

Respublika bolalar kutubxonasi Matbuot xizmati

Telegram|You tube|Facebook|Instagram|Web site Ochish/sharhlash