2023-04-15 21:33:32
794 Савол:
Намозда эркаклар аврати қаергача?!
Жавоб:
Намоздаги эркаклар аврати ва намоздан ташқаридаги аврати ихтилофлидир. Фуқаҳолар наздида, эркакнинг баданидаги аврат жойлари ҳам қаерлиги ихтилофлидир.
فعورة الرجل هي ما بين السرة والركبة عند الشافعية، والحنابلة، والحنفية،
والمالكية في المشهور عندهم. والسرة والركبة ليستا عندهم من العورة؛
إلا الحنفية، فإن الركبة عورة عندهم
Эркакнинг аврати Шофиий, Ҳанбалий ва Ҳанафий мазҳабида, киндик билан тизза орасидир. Моликий мазҳабида, киндикни ва тиззани ўзи аврат эмасдир. Орасидаги жой авратдир. Ҳанафий мазҳабида, киндик авратмас лекин, тизза авратдир. Бу тўрттала мазҳабдаги қавлдир. Яна, бунга хилоф келган қавл шуки, одам оёғи, сонлари аврат эмас деган, қавл ҳам бор. Бунга кўра, сонлар авратмас, ва аврат киндикдан сонигача бўлган қисмидир. Лекин, аксар уламолар сонни ҳам, аврат деганлар.
Бу эркакнинг баданидаги умумий суратда, очиб юриши жоиз бўлмаган еридир.
Бу масалада Ибн боз Шундай деган:
وذهب بعض أهل العلم إلى أن الفخذ ليس بعورة، ولكنه قول مرجوح، والصواب الذي دلت عليه الأحاديث عن رسول الله عليه الصلاة والسلام أنه عورة، وأن العورة ما بين السرة والركبة، هذا في جميع الأوقات
Баъзи илм аҳли, сонларни авратмас дейишган. Лекин, бу тўғри сўзмас. Расулуллоҳ соллаллоҳу алайҳи васаллам айтган кўп ҳадислари, сонни авратлигини тасдиқлайди. Аврат барча вақт учун, киндик билан тизза орасидир.
Намоздаги аврати, шу ерлари ва ундан ташқари елкасини ҳам ёпишлик дейишган.
والرجل عورة ما بين السرة والركبة مطلقًا، وفي الصلاة عليه أن يستر عاتقيه أو أحدهما بالرداء أو بأطراف الإزار، هكذا جاءت السنة عن رسول الله عليه الصلاة والسلام، والله المستعان.
Эркаклар учун киндикни ва тиззани ораси мутлақ авратдир. Лекин, намозда икки елкасини ёки биттасини ёпиши ёки изори билан ўраб қўйиши лозим. Расулуллоҳ соллаллоҳу алайҳи васаллам суннатида шундай келган.
Хулоса: Демак, аврат аслида, тизза ва киндик орасидир. Намозда елкасини ҳам бекитиши керак. Камида бир елкасини бекитади. Буни намоздаги аврат сифатида зикр қилишган. Лекин, тизза ва киндик ораси каби, бекилиши вожиб даражасида айтилмаган. Суннати шу дейилган. Бундан биламизки, тизза ва киндик ораси бекилган бўлса, намоз ўқишга шу кифоядир. Афзали елкасини ҳам бекитишликдир. Битта изор биланмас, қамис ҳам кийиб, намоз ўқиган афзал. Валлоҳу аълам.
Саҳвий
15. 04. 2023
19 views18:33