2023-04-29 19:11:43
851 Савол:
Assalomu alaykum ustoz yaxshimisiz
Savol Ustoz shayh deyishlik oʻlchov mezoni qanday oʻzi? Qanday ilmiy darajaga yetsa hofiz ul-Qurʼon boʻlib sahih hasan zaif hadislardan qanchasidan xabardor boʻlishi talab etiladi shayh deyish uchun? Sizni shayh desak boʻladimi?
Жавоб: Валекум ассалом ва раҳматуллоҳи ва баракотуҳу
Шайх дегани, биздаги халқ тилидаги, оқсоқол деган, маънони билдиради. Ёши ўтган кишиларга айтилади.
يقول الراغب الإصفهاني في كتابه (المفردات في غريب القرآن): «يقال لمن طعن في السن : ( الشيخ ) وقد يعبّر به فيما بيننا عمن يكثر علمه ، لمَّا كان مِن شأن ( الشيخ ) أن يكثر تجاربه ومعارفه».
Роғиб ал Исфаҳоний айтади: Кимни ёши ўтган бўлса, шунга шайх деб айтилади. Бу билан унинг ёши улуғлигига ва шу билан бирга тажрибаси ва илми кўплигиг эътиборга олиниб айтилади.
وقيل أن الشيخ هو من جاوز الخمسين من عمره، وقيل الواحد والخمسين، وقيل هو من كان عمره بين الخمسين إِلى الثمانين، وتطلق أيضا على من أدرك الشيخوخةَ وهي غالبا عند الخمسين، وهو فوق الكهل ودون الهرم.
Яна айтилдики: Кимни ёши элликдан ошган бўлса, шунга айтилади. Баъзилар, элликдан то етмиш ёшгача бўлганларга айтилади, деганлар. Баъзилар, элликдан ошган ёшдагиларга айтилади деган. Бу ўрта ёшдан каттароқ ва қариб мункиллаб қолмаган даврдир.
Шулардан биламизки, бу сўз маъноси, қари чол, ёши ўтган одам деган, мазмундадир. Лекин, жуда қариб қолмаган ва лекин ўрта ёшдан ошган одамдир. Бу луғавий маъноси.
Лекин, Ислом оламидаги, илмий даражаларга келсак, улар ҳаммаси аввали исломда бўлмаган ва кейинчалик пайдо бўлган номлар ва атамалардир. Улар орасида ҳғам шайх сўзи бўлмаган.
1. Имом. Давлат раҳбари ёки намозни ўқиб берувчи киши.
2. Муфтий, у бу масалада фатво берувчи киши.
3. Қози, жиноят қилган кишиларга, шаръий жазо чиқарувчи киши.
4. Ҳофизул қуръон. Қуръонни ўн хил қироатдан бирида, мукаммал ёд олган киши.
5. Қори. Қуръонни тўлиқ тўғри ўқий оладиган киши.
6. Мулла, (бу сўз асосан, форс ва турк мусулмон оламида, Диний маросимларни бажарувчи кишига нисбатан қўлланилган.
7. Воиз. Ёки Хотиб. Минбарда хутба ўқувчи, нотиқ киши.
8. Доий, даъватчи одам.
9. Мужтаҳид, қуръон ва ҳидисларни маъносини чуқур тушунадиган ва улардан ҳукмлар чиқарадиган киши.
10. Муҳаддис. Ҳадисларни тўплаб, уларни саҳиҳ ва носаҳиҳларга ажратувчи мутахассис одам.
Булар орасида шайх деган махсус унвон бўлмаган. Саҳобалар даврида ва ундан кейинги тобеъинлар даврида ҳам, шайх калимаси диний олимга нисбатан ишлатилмаган. Ундан кейинги даврларда, хусусан Усмоний турклар Халифалигида бу термин қўлланила бошлаган. Бу титулда машҳур бўлган киши Шайхул ислом ибн Таймийядир. Бу киши мелодий 1263 йилда туғилган. Бу ҳижратнинг олтинчи асридир. Унгача бўлган уламоларда бу ном учрамайди. Масалан саҳобалар ва тобеъинларда йўқ. Ваҳолонки, улар илмда буларга устоздирлар. Ҳозирда ҳам, ҳеч ким Шайх Абу Ҳанифа демайди. Бу атамани уларга ёпишмагани сабаби, бу атама ўзи, улардан анча кейин тарқалган. Султон Муҳаммад Фотиҳ Истамбул Қозисига, Шайхул ислом унвонини бергани маълумдир. Бу унвон унгача бўлмаган бўлсада, шу даврдан бошлаб, диний уламоларга нисбатан қўлланиш урфга кирган. Бу асосан сарой муллаларига нисбатан, султонлар томонидан берилган. Бу султонлар қилган ишларини бу шайхлар, тўғри деб фатво бериб ўтиришган. Сарой муллалари силсиласи шулардан бошланган. Бугунга келиб, бу термин арабу ажамда кенг тарқалган. Лекин, шунга қарамасдан, бу терминни берувчи бирорта ташкилот йўқ. Буни бериш учун, кишида мавжуд бўлиши талаб қилинадиган илмий даража, рўйхат йўқ. Кимга ва ким томонидан берилиши ҳам аниқмас. Кўпроқ ҳолларда, бу авом халқ томонидан, у бу кимга, ўзлари севган одамига, уни мақташлик учун, улуғлаш учун айтиладиган гапдир. Бу гап билан у одам, улуғ бўлиб қолмайди. Лекин, бу номда танилиши мумкин. Араб оламида бу термин, нисбатан илмли ва машҳур кишиларга нисбатан айтилади. Биз ўзбекларда эса, аксинча, на қрилиги жиҳатидан ва на илми жиҳатидан мос бўлмаган кишиларга ҳам айтилаверади. Бу сўзни ҳам бугун тутуриқи қолмаган деса, бўлади. Қолаверса, бу сўз эгасини илмли эканига далолат ҳам қилмайди. Валлоҳу аълам.
21 views16:11