Rasul Kusherbayev

2024-04-29 19:48:49 Ўзбекистон U-23 терма жамоаси ярим финалда Индонезия устидан 2:0 ҳисобида ғалаба қозонди.

Ушбу ғалаба Ўзбекистон жамоасига Осиё кубоги финали ва Париж олимпиадасига йўлланма беради.

Ғалаба барчага муборак бўлсин!

@r_kusherbayev Ochish/sharhlash

2024-04-29 09:38:15 #Кункомменти

Изоҳга сўз йўқ!

@r_kusherbayev Ochish/sharhlash

2024-04-29 08:40:00 Ўзбекистон Республикаси Президенти Шавкат Мирзиёев қисқа муддатли меҳнат таътилидан қайтди ва бугун Президент маслаҳатчилари, қатор вазирлик ва идоралар раҳбарларининг ҳисоботларини тинглайди.

@r_kusherbayev Ochish/sharhlash

2024-04-28 16:02:02 Ta'lim siyosatiga befarq bo'lmagan pedagoglarga tavsiya qilamiz

Bu safargi "Tanaffus" podkastning navbatdagi sonida Oliy Majlis Qonunchilik palatasining sobiq deputati Rasul Kusherbayev bilan ta'lim siyosatiga oid juda ko'plab masalalarni muhokama qilgandik.

Quyidagi havolalardan birini bosib, eng aktual mavzularda bildirilgan fikrlarni bilib olishingiz mumkin:

O‘qituvchining jamiyatdagi o‘rni qanday bo‘lishi kerak?

Pedagogning maqomi to‘g‘risidagi qonundan nega imtiyozlar chiqarib tashlandi?

Bizning moliya-iqtisodiyotdagi kadrlarimizning shunday boshqaruv tizimi bo‘lsa, o‘qituvchiga imtiyoz bo‘lmaydi

Parlamentda o‘qituvchilardan vakil bor, lekin jur’at yetishmaydi ularda

O‘qituvchini tekshirmagan kim qoldi o‘zi?

O‘qituvchilar oyligini oshirish shu darajada qiyin ishmi?

Pedagoglarga ularning qurbi yetadigan imtiyozlar berish kerak

Xususiy maktablar ko‘payishi kerak

Prezident maktablari ta’limning tabaqalanishiga olib kelmaydimi?

Repetitor xizmati bizga kerakmi?

Bu oylik maosh bilan pedagoglardan sifat talab qilmaslik kerak

Rasul Kusherbayev vazir bo‘lganida ta’limda qanday islohotlar qilgan bo‘lardi?

Attestatsiyadan o‘tayotgan pedagoglarga murojaat

Boshqa soha vakillari bir kun bo‘lsa ham o‘qituvchi bo‘lib ko‘rishi kerak

O‘qituvchilar "OpenBudget"ga jalb qilinishi to‘g‘rimi?

Maktab "remonti" uchun kim pul ajratishi kerak?

O‘quvchilar hech qanday qiyinchiliksiz sinfdan-sinfga o‘tishi to‘g‘rimi?

Qaysi vazir davrida ta’limda yaxshi islohotlar bo‘ldi?

Ta’lim tizimiga umumiy baho

To'liq video —



Telegram I Facebook I YouTube Ochish/sharhlash

2024-04-28 12:50:48 Энди божхоначиларга ҳам сўз берилади

Божхона соҳасига доир "Божхоначи" номли подкаст йўлга қўйилибди. Ушбу подкастда соҳага доир масалалар муҳокама қилинар экан. Албатта ҳар бир Ўзбекистон фуқаросига бу подкастни кўришни тавсия қиламан, чунки мамлакатимизга нима кириб келаётгани ва нималар чиқиб кетаётгани барчага қизиқ бўлиши табиий.

Биринчи мавзу ноқонуний тамаки айланмасига бағишланибди. Албатта бу сонни кўриш зарур, чунки ҳар бир чекувчи ноқонуний тамаки маҳсулотини харид қилиши орқали бюджетимизга келиб тушиши мумкин бўлган маълум бир миқдордаги солиқларни айланиб ўтилишига ҳисса қўшиб қўяётган бўлиши мумкин.

Хусусан, 2023 йил 9 ноябр санасида ўтказилган селектор мажлисида президентнинг ўзи буни алоҳида қайд этган эди. Яъни, ноқонуний тамаки айланмаси туфайли бюджетга тушиши керак бўлган 1 трлн сўм йўқ бўлиб кетмоқда. Бу жуда катта рақамлар ва бунга қарши курашишда жиддий ресурслардан фойдаланиш зарур.

Подкаст: https://youtube.com/video/Opt9eiSKW_o/ Ochish/sharhlash

2024-04-28 08:37:54 Мутолаа қилмасак, уйғонмасак ҳеч қачон ўнгланмаймиз!

Шўролар сиёсати сабаб Туркистон халқлари бўлинган, ўзлигидан, тарихидан маҳрум қилинган. Халқнинг зиёли йўлбошчилари жисмонан йўқ қилинган.

Бу яқин тарих, бор йўғи бир аср олдин бўлган ишлар. Тарихи, ўзлиги ва бошларидан айрилган халқ тараққиётдан ортда қолди, бир-биридан узоқлашди, кундалик майда маиший муаммоларга ўралашди, топганини кимўзарга тўйга сарфлаш, машинага сарфлаш, кийимга сарфлаш билан яшай бошлади...

Кеча бўлиб ўтган "Мутолаа" лойиҳасининг театрлаштирилган тақдимоти ва "Қўрқма" фильми премъераси кўп мулоҳазага чорлади, фикрлашга ундади: мутолаа қилмасак, уйғонмасак ҳеч қачон ўнгланмаймиз!

Дарвоқе, театрлаштирилган тақдимотнинг китоб ўқиганларнинг қамалиши бўйича мен билан боғлиқ қисми мутлақо тасоддиф: тарихда мени китоб учун "чёрный" спискага тиқишиб, қамаворишган бўлишаркан.

Фурсатдан фойдаланиб, Ёшлар ишлари агентлиги жамоасига миннатдорлик билдираман!

@r_kusherbayev Ochish/sharhlash

2024-04-27 19:14:56 Савдо Ўзбекистонда аҳоли энг кўп банд бўлган секторлардан бири ҳисобланади. Нафақат тадбиркорлик, халққа хизмат кўрсатадиган барча соҳалар, шу жумладан давлат ишхоналарида ҳам савдо сирларини билиш ас қотади, яхшироқ хизмат кўрсатилади.

«Asaxiy Books» нашриёти «Халқ банки» билан ҳамкорликда шу муҳим соҳа учун машҳур китобни ўзбек тилига таржима қилибди. Гранд Кардоннинг «Савдо санъати» китоби айнан сотувни ўргатади.

Тадбиркорлар, уларнинг ходимлари, хизмат соҳасидаги ҳаммага тавсия қилинади.

Китобни харид қилиш: asaxiy.uz/u/savdosanati Ochish/sharhlash

2024-04-27 14:49:45 Диққат: камералар энди йўлни белгиланмаган жойдан кесиб ўтаётган фуқароларни ҳам қайд этади.

Ҳукумат қарорига асосан, фото ва видео қайд этиш тизими пиёдаларни ўтказмаслик ва фуқароларнинг йўлни белгиланмаган жойдан кесиб ўтиши каби қоидабузарликларни қайд этиши лозимлиги белгиланди.

Пиёдалар ҳам энди хушёрликни ошириши керак. Акс ҳолда у ҳам жарима тўлашига тўғри келади.

@r_kusherbayev Ochish/sharhlash

2024-04-26 18:21:51 Меъёридан ортиқ қорайтирилган ойналар учун жавобгарлик йўқ

Маъмурий жавобгарлик тўғрисидаги кодекснинг 126- моддасида "техник регламентга мувофиқ бўлмаган кўзгусимон ва (ёки) туси ўзгартирилган (қорайтирилган) ойнали транспорт воситаларидан, худди шунингдек ҳайдовчининг ўрнидан теварак-атрофни кўришни чеклайдиган қўшимча нарсалар ўрнатилган ёки қопламалар суртилган транспорт воситаларидан фойдаланиш, бундан ойналар тусини ўзгартириш (қорайтириш) учун тегишли рухсатнома берилган транспорт воситалари мустасно", деб белгиланган.

Ушбу моддада адвокат Абдумаликовичнинг айтишича, меъёридан ортиқ қорайиб кетган ойналар ҳақида гап сўз бормайди.

Демак, агар "тонировка"га рухсатнома бўлса-ю, бироқ ундаги қорайтирилган фоизи ортиб кетган бўлса, бунинг учун МЖтК 126-моддаси бўйича жарима қўллаш мумкин эмас.

Бундай ҳолатларда инспектор энг кўпи билан плёнкаларни шилиб ташлашни талаб қилиши мумкин холос.

@r_kusherbayev Ochish/sharhlash

2024-04-26 17:15:02 InfinBANK мижозларида Dibank хизматидан фойдаланиш имконияти пайдо бўлди

Dibank хизмати ўзи нима? Бу мижозларга банк операцияларини бевосита 1C ва Didox бухгалтерия тизимларида амалга ошириш имконини беради. Яъни йирик компаниялар ва бизнес вакиллари учун бир қатор жараёнларни автоматлаштиради. Оддий банк мижозлари учун эса биринчи навбатда қоғозбозлик камаяди.

Хуллас, инсон омили камайиб, ходимларнинг вақти анча тежалади. Бизнес автоматлашади. Тадбиркор ва бизнес эгаларига ҳам катта енгиллик беради.

Банкларнинг замонавий ишлаш тизимига ўтаётгани, янгилик қилишдан қўрқмай, ривожланиб бораётганини кўриш завқли. Бу ёғига ҳам InfinBANK жамоаси ўз мижозлари учун шу каби фойдали имкониятлар яратишда давом этаверсин деймиз.

Реклама Ochish/sharhlash