Qishloqlik o‘qituvchi – Қишлоқлик ўқитувчи

2022-11-16 10:37:33 Домла онам совқотяпти

Бугун қўшним ёзяпти: Газ, свет йўқ. Менку чидайман. Лекин онам совқотяпти...

Танамдан муздек тер чиқиб кетди.
Газ билан светга жавобгарлар бу қилмишларига хали жавоб беришади. Уларга аламли азобни эслатиб қўймоқчиман холос...
P.S. Осмон қўлимизда эмас, қўлларимиз осмонда. Фарёдларимиз етиб боради!

https://t.me/qishloqlikmuallim Ochish/sharhlash

2022-11-15 14:06:33 Гендер тенгсизлиги ёки матриархат

Мактабимизда "Гендер тенглиги" мавзусида мажлис бўлди. Мажлисга директоримиз На Си Фахон раислик қилди. Президиумга завучимиз Оф Тоб Хон опа, маънавиятчимиз Сур Ма Хон, профсоюз Ил Ти Фот Хон, психолог Хи Лола Хон, етакчи Ша Лола Хон, хамшира До Но Хон, дефектолог Мар Дона Хон, хотин-қизлар қўмитаси раисаси Нар Ги За Хонлар сайланди.
Математика ўқитувчимиз Ой Пошша опа сўзга чиқиб дарсликлар умуман талабга жавоб бермаётгани, дарсликда 56 та ўгил боланинг расми бор бўлгани холда 38 та қиз боланинг расми борлиги гендер тенгликнинг бузилганидан далолат бераётганини куйиниб гапирди.
Она тили муаллимаси Шо Ира Хон хам бу гапга қўшилишини, адабиёт дарслигида 15 та эркак ёзувчининг асари берилгани холда бор йўги 5 та аёл ёзувчининг асари берилганини куйиниб гапирди.
Завучимиз бу гапларга қўшилган холда, янги ўқув йилида мактабимизда аёл ўқитувчиларга эркакларга нисбатан икки баробар кўп дарс берилишини, ахир айнан аёллар хам ишда хам уйда тирикчиликнинг асосий юкини кўтаришаётганини айтганда гулдурос қарсаклар жаранглади.
P.S. Залда 62 нафар аёлнинг ичида ўтирган мен, физкултурачи Мар Дон, завхозимиз Ба Ходир акалар овоз бериш жараёнида бетараф бўлдик.
https://t.me/qishloqlikmuallim Ochish/sharhlash

2022-11-13 09:03:22 Якшанба куни мазза қилиб дам олсанг, демак қишлоқлик эмассан!
P.S. Хотин билан даладамиз. Молга и йўға дипломга пичан тўплаяпмиз.
Мол шаҳарда. 3 - курс, супер контрактда ўқияпти.
Дўхтир бўлади.

https://t.me/qishloqlikmuallim Ochish/sharhlash

2022-11-13 05:22:23 Тенг тенги билан ...
эмас

Энам мени жуда яхши кўрар эди. "Менинг балам кишлағнинг доно, кўркам жигити. Оқ куйлак, галастуклари бирам жарашадией, энагинанг ўргилсин. Олий маълумотли малим. Хамма хурмат килади уни"
Соддагинам энам-а...
3-4 та болачаларни хурмат килгани нима вўларди. Оддий малимни кўнглидан бошка нимаси бор....
Кўнгилнинг эса хеч кимга кераги йўқ.
Эна, эсингиздами? Ха Лим малимнинг кизига совчиликка борганингизда, "Ўглингиз яхши бола, лекин узим малимлик килганман, биламан. Мен кийналдим, битта велосипед хам ололмадим. Энди кизим кийналмасин"-деб кизини Со Бир тажангнинг 5 йил Россияда ишлаб келган углига узатгани...
Ёки туйларга борсам, менга мехмонлар утирган уйнинг пойгагидан жой тегишини...
Кунгил...
Бечора Энам инсонларга моддийлик зарурлигини, пул булса хамма нарсани сотиб олиш мумкинлигини кайдан хам билсин...
Индамадим...
P.S. Ўғлим ўзим каби малим. У Со Ли сартарошнинг қизига кўнгил берибди. Энди Россияга кетмоқчи. 5 - 6 йил ишлаб келиб уйланмоқчи...
Борақол болажоним. Севганингга етиш!
https://t.me/qishloqlikmuallim Ochish/sharhlash

2022-11-12 06:18:02 Кулгу
4 ёшли бола дадасига айтяпти:
- Дадажон, мен уйланишга қарор қилдим.
- Ажойибку ўғилтой. Кимга уйланмокчисиз?
- Бувимга! Бувим ширин овқат пиширади, мехрибон. У мени яхши кўради, мен хам уни яхши кўраман.
- Ажойибку. Фақат озгина муаммо бор ўғилтой. Бувинг мени ойимку. Мумкин эмас. Сен қандай қилиб мени ойимга уйланасан?
- Нима учун мумкин эмас экан? Ахир ўзингиз мени ойимга уйлангансизку... Ochish/sharhlash

2022-11-10 13:54:43 Хусусий мактаб ...
Қўшним ўғлини хусусий мактабга берди. Кеча кечқурун кетмон сўраб чиққан қўшним таассуротларини айтиб берди. (Аслида мендан боплаб аламини олди. Ичидаги бор гиналарини айтиб олди. Чунки унинг фарзанди 3 йил мени синфимда ўқиган эдида)
Нима эмиш, фарзанди 2 ойда тартибли, ақлли болага айланибди. 3 йилда карра-каррани билмаган бола хозир мураккаб интегралларни, инглиз, араб, хитой тилларини бемалол билаётган эмиш.
Сифатли овқатлар, спорт ва мусиқа тўгараклари...
Эҳҳееее...
Эшитиб туриб хусусий мактаб умуман зерикарли жой эканига амин бўлдим.
Ростда...
Торгина, нимқоронғи синф хонасига кирсанг 48 та ўқувчи ўтирмаса...
Хоналар совук бўлмаса...
Биринчи соатга 28 та бола кеч қолмаса...
Бешинчи соатдан кейин 20 та бола қочиб кетмаса...
Хар 5 минутда майнавиятчи кириб форма, пайпок, тартиб интизом хакида маъруза қилмаса...
Мажбурлаб маза матрасиз тадбирлар уюштирилмаса...
Оёқ боса олмайдиган хожатхонага кирмаса...
Дарсликлар сентябрь бўлмасдан етиб келса...
Ишламайдиган 19-асрдаги компьютерлар бўлмаса...
Мусиқа тўгараги тугул мусиқа муаллими анқонинг уруғи бўлмаса...
Жисмоний тарбия дарсида ўқувчилар 5000 дан йиғиб сотиб олган коптокларида дала чеккасида футбол ўйнамаса...
Ўқувчилар муаллимларини бир тийинга олмасдан хоҳлаган ишини қилмаса...
Ва нихоят менга ўхшаган саводсиз, тўнка, қўрқоқ ва маддох ўқитувчи бўлмаса...
Шуям мактабми.
Э умуман қизиғи йўқ.
Ўзимни мактабимдан қўймасин.
Мазза. Тадбир, тадбир ва яна тадбир.
Мана хозир ҳам 7-синфларда дарсим бор. Лекин ўқувчилар йўқ. Маҳаллада пойтахтдан келган артистлар билан учрашувга мажбуран олиб кетишди.
Зални тўлдириш керакку.
Мен энди бориб сигирларимга карай. Шулардан фойда менга.

P.S. Фарзандим 5-синфни битиряпти. Қаерда сифатли хусусий мактаб бор? Билмайсизларми?

https://t.me/qishloqlikmuallim Ochish/sharhlash

2022-11-09 11:10:00 Устозим деганинг шеърфуруш чиқса,
Суйганим деганинг эрфуруш чиқса,
Подшоҳим деганинг элфуруш чиқса, –
Чидагин, болам-а, чидагин,
Дардларинг танингга жойлансин.
Чидагин, болам-а, чидагин,
Оҳларинг қўшиққа айлансин!

Чин қолиб, ёлғонлар топса марҳамат,
Яхшимас, ёмонлар топса марҳамат,
Алдамчи замонлар топса марҳамат –
Чидагин, болам-а, чидагин,
Дардларинг танингта жонлансин.
Чидагин, болам-а, чидагин,
Оҳларинг қўшиққа айлансин!

Амир ўғри бўлса, қози – риёкор,
Вазир – шуҳратпараст, ўғри – зиёкор
Ва улар халқингдан кулсалар беор –
Чидагин, болам-а, чидагин,
Дардларинг танингга жойлансин,
Чидагин, болам-а, чидагин,
Оҳларинг қўшиққа айлансин!

Донолар қорани оппоқ десалар,
Шоирлар ҳаромни шу пок, десалар,
Қўрқсалар, душманни ўртоқ десалар –
Чидагин, болам-а, чидагин,
Дардларинг танинга жойлансин.
Чидагин, болам-ей, чидагин,
Оҳларинг қўшиққа айлансин!

Одамман, деб турса темирлар, тошлар,
Десалар: дунёдан битди кўз ёшлар.
Туғларинг устидан юрса молбошлар, –
Сен чида, болам-ей, сен чида.
Куйлагин – тўхтама бир нафас!
Сен куйла қиличнинг тиғида –
Ўшанда эл-юртинг чидамас!

УСМОН АЗИМ
Ўзбекистон халқ шоири

https://t.me/qishloqlikmuallim Ochish/sharhlash

2022-11-09 10:03:41 Виждонингга от тепсин

Аввало иймони бут, ор номусли Устозларимдан, суюклиларимдан узр сўрайман.
Аттестацияга кирмасдан 500-600 долларга тоифа олаётган ҳаромилар.
Юртнинг келажагига, таълимга, илмга хиёнат қилаётган беномуслар.
Сенлар ўқитувчи эмассанлар.
Ёзганимни жим туриб ўқишингни биламан.
Балки зиғирчаям таъсир қилмаётгандир.
Бугун ўзингча ҳаммани алдадим деб.ўйлаётгандирсан.
Лекин қиёматда мен гувоҳликка ўтаман.
Бошқалар гапирса "ўқитувчи машаққатини билмай туриб ёзманг" дейдиган ақллилар.
Мен ёзаман. Чунки мен ўқитувчиман.

P.S. "Юқоридан буйруқ шундай. Аттестациядан ўтишга мажбурлашади. Тестлар эса умуман қийин. Шунинг учун биз пора беришга мажбурмиз"- дейдиган баҳоначилар. Ҳаромдан тоифа билан яшагандан, тоифасиз ҳалол яшаганингиз афзал.
Устозларни хорлаётганлар хор бўлсин!
https://t.me/qishloqlikmuallim Ochish/sharhlash

2022-11-08 12:36:40 Е машинам
Афанди зиёфатга борибди. Унинг эски кийимларини кўрган мезбонлар уни пойгакка ўтқазишибди.
Афанди уйига қайтиб, зарбоф тўни ва қимматбаҳо салласини кийиб келибди.
Мезбонлар бу зарбоф тўн ичидаги афандини танимай зиёфатнинг энг юқорисидан жой беришибди.
Афанди ўтиргач тўнига қараб "қани, зиёфатдан е тўним" дермиш.
Авваллари тиним билмай меҳнат қилсак, олимпиада ва конкурсларда ғолиб бўлсак ҳам зиёфатларга, байрам тадбирларига биз эмас, балки хоҳлаганда мактабга келиб дарсини ўтмай эркалик қиладиган инглиз тили муаллими Бек Тош борар эди.
Бунинг сабабини энди тушундим.
Ёзда янги машина олдим.
Шундай кейин директоримизнинг менга бўлган муомаласи 180 градусга ўзгарди.
Энди шаҳарда қандай тадбир бўлса аканг қарағай биринчилардан. Директоримизни олиб елдек учираман. Завуч, майнавиятчи мендан хафа. Саби 35 соат дарсимни ўтишга мажбур. Ахир мен мухим ишлар билан бандман.
15 кун аввал янги Малибу олдим. Энди узоқ яқиндаги тўйларга, зиёфатларга шу машинада боряпмиз.
Директор бошқаларга "менинг туғишган укам бўлади, жуда яхши йигит" деб таништиради.
P.S. Аммо кеча ёммон иш бўлдида. Зиёфатда бир оз ошириб юборибман. Кайфда машина хайдаб директоримизни уйига ташлаб келдим. Бугун директоримиз "Ука. Энди озроқ ичинг. Машинада трезвий юришингиз керак" деган эди, мен "ўрто дриктр, яхшиси иккаламизга битта шофёр топайлик" дедим.
Агар жамоада хурматингиз ошишини истасангиз янги машина олинг.
https://t.me/qishloqlikmuallim Ochish/sharhlash

2022-11-08 09:37:24 Башаранг қурсин доллар...

Кеча кечқурун Россияда ишлаетган жияним телефон қилиб қолди. Астойдил хол-ахвол сўрагач муддаога ўтди.
-"Маошим келгуси хафтада чиқади. Лекин бугун уйдагиларимга 100 доллар жуда зарур экан. Илтимос, қизим уйингизга борса 100 доллар бериб юборинг. Ахир 1000 $ маош олаётган бўлсангиз. Интернетда кўриб турибмиз. Келгуси хафтада қайтараман!"
- Хўп жигарим....
Телефонни қўйгач сукут ичида колдим.
-"Жигарим, қанақасига мен 1000 $ маош оламан? 1000 $ маош олганимда сенинг эски туфлингни киймас эдим. 5 йилдан буен битмаётган уйимга шифер олар эдим, ўглимга йўлкира топиб, ишлагани Россияга жўнатар эдим. Келинойингни шахарга олиб бориб даволатар эдим.... эдим... эдим...
Кийиниб, бир челак узум узиб, қўшним Ф Аросат Бойнинг уйига чиқдим. Мендан 3 ёш кичик бўлса хам "ака" деб мурожаат қилдим.
"Ака, шу озгина камчилик бор эди. Шунга атига 1 хафтага 100 $ бериб туринг..."
Ф Аросат Бой бир менга бир челакдаги узумга қараб туриб "Малим, нима Сиз хам кредитга машина олаяпсизми? Олсангиз Малибу олинг, ўзим сотиб бераман, майли кечроқ чиқсангиз 100 $ бераман. Бир киши берадиган эди"-деди.
- Рахмат ака, мана бу узумни болалар ейишар.
Узумни бериб уйга қайтдим.
Эхххх.... Доллар, доллар....
Башаранг бунча совук...

https://t.me/qishloqlikmuallim Ochish/sharhlash