Qishloqlik o‘qituvchi – Қишлоқлик ўқитувчи

2023-07-06 19:47:56 Фарғона канали

Магазинчи Fайбулланинг ўғли юридическийни битириб магистратурага тайёрланаяпти. Айтишича она тили, тарихни сув қилиб ичиб юборибди. Устоз савол берингчи деганди, "Фарғона" канали ва унинг ишга туширилиши хақида нима биласан десам:
- Фарғона канали Телеграмдаги катта канал.
60 минг подписчиги бор. Ишга туширган админларини танимайман. Лекин Сизни хам қўшиб қўйишим мумкин дейди...
- Мен уни сўрамадим десам, агар Фарғона телеканалини сўраган бўлсангиз, мен телевизор кўрмайман дейди.

P.S. Фарғона, Фарғона деган ашула бўлар эдими, ўйнаб қўяй.

https://t.me/qishloqlikmuallim Ochish/sharhlash

2023-07-02 20:14:46 Қўшни, янги пост ёзмаяпсиз, илгаригидек шижоатингиз йўқ дейишди.
Шижоатим боооор. Лекин...
Қайси бирини ёзай? Мактабда 11 йил ўқиган фарзандингизнинг билими яхши эмаслиги, оддий физик формулаларни ёки кимёдан "хаш икки о" нима эканлигини билмаслигини ёзайми, ёки Навоийдан, Бобурдан бирон бир ғазал айта олмаслигиними? 11 синф имтиҳонида математикадан мисолларни математика ўқитувчимизнинг ўзи ҳам ишлай олмасдан, интернетдан шпаргалка тортиб олганини айтайми?
Ёки 11 йил инглиз тилини ўқиб 10 гача инглизча санашни билмаслигини айтайми? Имтиҳонга 3 кун қолганда Россияга ишлагани кетиб юборган йигитчанинг орзу ва армонларини айтайми?
Ўз жигарбандини арзимаган пулга сотаётган, хотинига зарда билан норасидаларини ўлдирган қотилни айтайми? Танасини сотаётган, наркоманга айланаётган қиз жувонларни айтайми?
Ёки табаррук хайит байрами арафасида йўлкирани 3 баробар ошириб олган номард таксичиларни айтайми? Табиатнинг соя салқин жойларини эгаллаб, энасининг уйидек хўжайинлик қилаётган, энг зарур хожатхонани пуллик қилиб қўйган "тадбиркор"ни айтайми? Фейсбукни фақат еган овқати-ю, янги кийган кийими билан мақтаниш майдонига айлантириб олган риёкорларни айтайми? Ёки тарихни "т" ҳарфини билмай туриб тарихий хулосалар бераётган файласуфларни айтайми?
Фейсбукка янги кирган вақтларимда бир ёш йигитча шундай деган эди:"Домла, фейсбук бу бекорчиликда вақт ўтказадиган жой. Асло жиддий қараманг. Жуда хаяжонлансак ёзганларингизга лайк босишимиз мумкин. Бошқа нарса кутманг. Керак бўлса бугун сизни мақтаб, эртага бошингиздан мағзава ағдарамиз. Ва энг ачинарлиси сизни ёмонлайдиганларнинг олдинги сафида "ўқитувчи" лар туришини эсдан чиқарманг!"
Э воҳ. Ўша пайт сени айрим нарсаларни тушунмаган, ёшсан, кўп нарсаларни, айниқса ҳаётни англамайсан деб камситган эдим.
Энди билсам 100 фоиз ҳақ экансан укам.
P.S. Мени айблаётган, ўқитувчини устидан кулмаслик керак, ўқитувчилик муқаддас касб деб нолиётганлар. Мен хеч кимни, хоссатан ўқитувчини устидан кулмаганман. Мен учун Устоз табаррук ном.
Фақат ўқитувчиликка нолойиқ, ҳаёт мазмуни фақат ейиш - ичиш ва нолишдан иборат тўнкалар кўпайиб бораётганидан афсусдаман. Сиз ўзингизни асло Устоз деб атаманг. Дипломингизда "педагог" деб ёзилган бўлиши сизга Устозлик мақомини бермайди.

https://t.me/qishloqlikmuallim Ochish/sharhlash

2023-06-27 11:55:53 Матбуот котиблари вобщем ўқимасин...

- Болам нима иш қиласан?
- Эна. Котта ташкилотда матбуот котибиман.
- Вааай. Шунча йил ўқиб чой ташийдиган котиба бўлдингми? Э қўй....
P.S. Изох: қўй сўзини қўй деб ўқинг.

Иссиқни иссиқ, совуқни совуқ демай фидокорлик билан қалам тебратаётган ижодкор қадрдонларим. Касб байрамингиз муборак бўлсин!

https://t.me/qishloqlikmuallim Ochish/sharhlash

2023-06-25 14:03:34 "Ишонмагин эрингга, сомон тиқар терингга"
"Тўғри гап туғдирганингга ёқмайди".
Кечаги постимдан кейин хотин тўнини тескари кийиб олган.
Ўзбек тили учун иккита удар мақол қўшдим. Энди номим тарихда қоладими?!

https://t.me/qishloqlikmuallim Ochish/sharhlash

2023-06-23 19:30:25 Чойнакнинг қопқоғи

Кеча синфдошим пойтахтга бориб "медаль" сотиб олиб келди.
Адашмадингиз. Сотиб олди. Битта фирманинг "Халқ таълимида бир бало" деган конференциясининг медали экан. 800 минг берасан медални оласан.
Фамилиясини тўғри ёза олмайдиган бу тўнканинг кўксида осилмаган чойнакнинг қопқоғи йўқ холос . Энг ачинарлиси бу каби сохта медалларни олаётган ёлғончи кимсаларнинг педагог эканлиги ва уларнинг сони минглаб эканини ҳисобга олсак фарзандларимизнинг тақдирига йиғлаш кераклигини англайсиз.
P.S. Бу хали ҳаммаси эмас. Кеча районо мудиримиз ҳам шу конференциянинг медалига сазовор бўлганини ҳеч кимга айтмайман.
Ўтган ёзда аёлим ҳам шундай медаль олиб келганида қувонганимдан 8 миллионлик қўчқоримни сўйиб бутун махаллага 3 кун зиёфат берган эдим. Мана сир очилди. Энди бу йиллик отпускнойини бир тийин қолдирмай менга топшириб пишагингман деб ўтирибди. Медалини қўлига бериб, мана шу сенга санатория, мана шу сенга орзу ҳавас дедим.
Медалига термулиб ўтирибди.
Мабодо сизда ҳам шундай темир терсак бўлса ҳеч ким кўрмайдиган жойга яширинг. Кўрганлар уятсиз ва ёлғончи эканингизни билиб қолишади.

https://t.me/qishloqlikmuallim Ochish/sharhlash

2023-06-23 19:30:13 Ochish/sharhlash

2023-06-19 13:55:37 Отпуска пули тушди.

https://t.me/qishloqlikmuallim Ochish/sharhlash

2023-06-11 21:24:04 Калтакланган ўқитувчига

Укам. Ҳамма айб ўзингда. Ёш экансан. Бало борми мактабда ишлаб? Дипломингни олдинг, секиииин сурмайсанми Россияга. Сендан 5-6 ёш кичик, дипломсиз, исмини ёзишни билмайдиган йигитлар Россияда ишлаб машина олишяпти, уй қуришяпти. Жуда Россияга бормасанг ҳам мардикор бозорига чиқмайсанми?! Кунига 150-200 дан пул топмайсанми??!
Эҳ. Қисқаси айб ўзингда. Сентябрда ишга келганингда сени огоҳлантирганман: энг аввал ўқувчиларнинг ота-оналари билан танишиб олгин. Каттакон, пулдорларни боласига етти эгилиб тазим қил. Оддий инсонларни фарзандига эса хоҳлаган муомалангни қилавер.
Йўқ. Сен ҳалолсан, гордийсан ўзингча. Болаларингга офтобда ачиган 2 минглик шафтоли берасан. Уларни қиммат болалар дам олиш масканларига олиб бора олмайсан. Айтганини бажара олмайсан. Лекин мағрурсан.
Баттар бўл бу кунингдан. Ўзингча ҳамма мени тарафимни олади, айбдорлар жазоланади деб ўйладингми? Адашасан.

P.S. Укагинам. Фурсат бор. Тезда сени калтаклаганларни уйига бориб кечирим сўра. Айб сендалигини, адашганингни айт. Ва билет олиб бу ердан сур.

https://t.me/qishloqlikmuallim Ochish/sharhlash

2023-06-09 19:53:15 Уятсиз
Учрашувда. Қиз йигитдан сўраяпти:
- Парпи ака, нима хақида ўйлаяпсиз?
- Сиз ўйлаётган нарса хақида.
Қиз йигитни юзига шапалоқ туширди: Вой уятсиз!
P.S. Ёзган постларимга умуман алоқаси йўқ.

https://t.me/qishloqlikmuallim Ochish/sharhlash

2023-06-08 15:09:33 "Хўжайин. Шу қозондаги мураббони ҳар ярим соатда аралаштириб туринг. Мен 5 минутда келаман"- деб қизим билан бозорга кетган аёлим 4 соат бўлдики халиям бозорда эмиш
Кўк чизиқ мени бозорда босадиган йўлим, қизилини эса биласиз.
Эхххх аёллар, аёллар...

https://t.me/qishloqlikmuallim Ochish/sharhlash