Panda Books

2022-08-31 18:22:48 Mustaqillik kuni

Hayotimizdagi eng muhim bayram. 31 yil oldin biz hurriyatni faqat orzu qilardik. Uni tinch, diplomatik yo'l bilan qo'lga kiritganimiz esa undanda muhimroq g'alabamiz bo'lgan.

Bilamanki, bizda qobiliyatli yoshlar va aqlli insonlar juda ko'p. Ular kelgusida mamlakatimizni yanada yuksakka ko'taradi deb ishonaman. Asosiysi, to'xtab qolmaslik.

Mustaqillik bayrami muborak bo'lsin, aziz Vatandoshlar!

@panda_books Ochish/sharhlash

2022-08-31 16:01:23 #newbook #yangikitob

Bugun "Tirilish" nashriyoti mahsuli hisoblanuvchi yangi asarlar — Brayan Treysining "Lider shaxsiyati" va Zbignev Bjezinskiyning "Buyuk shaxmat taxtasi" (The Grand Chessboard)ni qabul qilib oldim.

Zbignev Bjezinskiyning ushbu "Buyuk shaxmat taxtasi" asari zamonaviy xalqaro munosabatlar durdonasi hisoblanadi. Holbuki, u 1997-yilda yozilgan bo'lsa ham, undagi masalalar hamon dolzarb. Kamiga o'zbek tilida soha kitoblari yana bittaga ko'payganidan xursandman.

Kitoblar uchun iBook kitob doʻkoniga alohida minnatdorchilik bildiraman. Tez orada Tirilish nashriyotining ilk ijod namunalari bilan yaqindan tanishib, fikrlarimni siz, azizlar, bilan bo'lishaman degan umiddaman.

Yoqimli mutolaa!

@panda_books Ochish/sharhlash

2022-08-31 14:43:36 ​​#haqida

Gorbachev

Kuni kecha SSSRning so'nggi rahbari vafot etdi. Juda simvolik kunda. 31 yil oldin ayni shu davrda bizning davlatimiz mustaqillikka erishgan va Qizil imperiya manguga tarix omborlariga tashlangandi.

Ko'pchilik SSSRdagi "qayta qurilish" siyosati sababli Gorbachev mamlakatni qulatgan deb hisoblaydi. Balki.. fikrlar ko'p. Lekin zamon shunga qarab borayotganini hech kim tan olishni istamaydi.

Lenin, Stalin va boshqa ilk rahbarlar balki kuchli shaxsiyatga ega shaxslar bo'lgandir, lekin ular yaratib ketgan chigal va quruq byurokratik tizim bora-bora nomenklatura uchun keyingi rahbarlarni shakllantira boshladi. Gorbachev o'sha byurokratiya mahsuli edi xolos. Kuchli shaxsiyat unda hech qachon bo'lmagan.

U sotsializm va kollektivizmga ustiga qurilgan davlatda indivudualizm yaratishga urindi. Mamlakatni erkinroq qilishni istadi. Natijasini bilasiz,

Bir paytlar Stalin Ko'hna Rim imperiyasi nega inqirozga yuz tutgani haqida zo'r fikr aytgan: Rim imperiyasi, birinchi darajali muammolarni hal etish uchinchi darajali shaxslarga topshirilib qo'yilgani uchun ham inqirozga yuz tutgan.

Mustaqillik bayrami is coming!

@panda_books Ochish/sharhlash

2022-08-30 15:01:13 #mutolaa "O'g'lim, oying bilan oilaviy hayotimiz haqida" Yigit qizni uchratadi. Qiz tuflinl uchratadi. Tufli boshqa tuflilarni uchratadi. Yigit chordoqni bo'shatadi. U yer tufli bilan to'ladi. Yigit shkafni bo'shatadi. Tuflilar shkafni ham to'ldiradi. Qiz… Ochish/sharhlash

2022-08-30 14:37:00 Qizlarga qoyil! Barcha hududda qizlar peshqadam. Respect! Mana bu statistikani ko'rib shu xulosaga kelish mumkin.(#)

O'zi Panda Books'da ham doimo qizlar faolroq va kitobsevarroq bo'lishgan

@panda_books Ochish/sharhlash

2022-08-30 14:23:19 #mutolaa

"O'g'lim, oying bilan oilaviy hayotimiz haqida"

Yigit qizni uchratadi. Qiz tuflinl uchratadi. Tufli boshqa tuflilarni uchratadi. Yigit chordoqni bo'shatadi. U yer tufli bilan to'ladi. Yigit shkafni bo'shatadi. Tuflilar shkafni ham to'ldiradi. Qiz mehmonxonaga kiradi va garderobdan chiqadi. Ularda o'g'il farzand tug'iladi. Qiz bolalar oyoq kiyimini uchratadi. Yigit xetchbek sotib oladi. Qiz savdo markaziga boradi. Yigit eshik oldida turadi. Yigit qizga oldingi tuflilari eskirgunga qadar yangi tufli sotib olishni taqiqlaydi.

Qiz yigitning tuflilarini tashlab yuboradi.

F.Bakman - "Bu dunyo qanday tuzilgani haqida mening o'g'lim nimalarni bilishi kerak" kitobidan erkin tarjima

@panda_books Ochish/sharhlash

2022-08-30 13:16:31 #feedback

"Notanish odamlar bilan tanishing, suhbatlashing".

Shunday demoqda nazariyachi olim Behzod aka Hoshimov. Kecha u kishi tavsiya qilgan New-York Times'dagi maqolani o'qib chiqdim. Unda muallif Devid Bruks o'z do'sti Nikolas Epley o'tkazgan ijtimoiy tadqiqot va G'arbning eng katta ijtimoiy muammolaridan biri - yolg'izlikka to'xtalgan.

Bir kuni Nikolas Epley poнezdda Chikago universitetidagi ofisiga ketayotgan edi. Ijtimoiy soha bo'yicha olim sifatida u ijtimoiy aloqalar bizni baxtli, sog'lom va muvaffaqiyatli qilishini va umuman hayotning shirinligiga hissa qo'shishini yaxshi biladi. Shunga qaramay, u vagonga qaraydi va tushunadi: Hech kim hech kim bilan gaplashmayapti! Hamma shunchaki naushniklar va gazetalar bilan band edi.

Epley so'rovnoma o'tkazadi va ma'lum bo'ladiki, ko'pchilik begonalar bilan gaplashishni yoqtirmas ekan. Ular bu noqulay, zerikarli va charchoqli bo'lishiga ishonishadi. Onlayn so'rovda qatnashgan odamlarning atigi 7%i kutish zalida notanish odam bilan gaplashishini aytadi. Faqat 24 %i poyezdda begona bilan gaplashisharkan.

Ba'zida introvertlar bunday vaziyatlarga ayniqsa passiv fikrda bo'lisharkan. Lekin introvertlar ham, ekstrovertlar ham yolg'iz yurishdan ko'ra ko'proq suhbatdan zavqlanishi ma'lum bo'ldi. Chunki inson har qancha introvert bo'lishga intilmasin, ijtimoiy mavjudot hisoblanadi va usiz yashay olmaydi.

Maqolada aytilishicha, odamlar qo'llab-quvvatlashni so'rab murojaat qilinganda boshqalarning ijobiy javob berishini past baholarkanlar. Biz dunyoni tashvishli-dahshatli tarzda ko'ramiz, bu esa bizni "fun, educational and rewarding" bo'lgan ijtimoiy vaziyatlardan qochishga majbur qiladi.

Ko'pchiligimiz ijtimoiy munosabatlarning buzilishi haqida yozamiz. Yangi chiqayotgan kitob muqovalariga qarang deydi muallif: "Yolg'iz asr", "Munosabatlar inqirozi" yoki "Yo'qolgan rishtalar" nomli asarlar ko'paydi.

Notanish insonlar bilan tanishish kerak, bu bizga yangi bilimlar va o'rganishga nimadir beradi. Yaxshi tadbirkorni uning qanchalik ko'p tanishi borligidan ham bilsa bo'ladi. Hozirgi sizning yaqinlaringiz bilan ham qachonlardir notanish, begona bo'lgansiz.

Xullas, maqolani o'qib chiqishni tavsiya qilaman.

@panda_books Ochish/sharhlash

2022-08-30 08:15:41 "Yurgan yo'lingizda Turkon xotun huzuriga kelgan shoir qo'lini bo'sh qaytardi demang deya berayotirmen, yo'qsa she'rning hech bir qiymati yo'q"

@panda_books Ochish/sharhlash

2022-08-29 15:42:25 #mutolaa

Londonda Foyles nomli juda mashhur kitob do‘koni bor. 1939-yilda o'sha do'kon egasining qizi (u urushdan keyin yarim asr davomida do'konni o'zi boshqargan) Kristina Foyl o'sha davrning uchta taniqli siyosiy arbobiga Foyles'da ma'ruza qilish va kitobxonlar bilan uchrashish uchun taklif jo'natadi.

Adolf Gitler kitob do'konida nutq so'zlash u uchun sharaf bo'lishini aytadi, ammo o'zining kechiktirib bo'lmas, shoshilinch rejalari borligi aytib rad javobi beradi (qanday ishlar ekanligini hamma biladi menimcha).

Benito Mussolini hozir bunga sira munosib vaqt emasligini, lekin keyinroq "biroz tinchroq davrlar kelganda" albatta Angliyaga tashrif buyurishdan xursand bo'lishini bildiradi.

Iosif Stalin esa taklifga umuman javob bermaydi.

@panda_books Ochish/sharhlash

2022-08-29 13:39:30 #longread

"O'g'lim, futbol haqida nimalar bilishing kerak"

Demak, shunday: futbol o'ynashing shart deb aytmayman. Albatta yo'q. Men bolalariga bosim o‘tkazadigan, tribunada turib, baqir-chaqir qiladigan otalardan emasman.

Agar qarshi bo'lmasang, futbol shaxsan menga nima berganini aytib beray.

Futbol menga qanday qilib oxirgi turgan bir kun bo'lsa ham, birinchi bo'lishini, so'nggi imkoniyat nimaligini, futbolda asosiy bahs doim hali oldinda ekanligini o'rgatdi. Yana u har doim intiladigan narsang borligi haqida, raqib oldidagi qobiliyating qandayligidan qat'i nazar, tablodagi dastlabki hisob har doim 0:0 dan boshlanishi haqida anglatdi.

Lekin shuni bilishingni istardimki, futbolga qiziqmasang ham, men seni hech qachon va hech qachon buning uchun kamroq sevmayman. Yoki sen bilan kamroq faxrlanmayman. Rabbim, axir sen mening o'g'limsan! Sen tug'ilganingda, o'pkamdagi havo gazlangan suvdek qaynab ketgandi... 25 yillik hayotimda faqat o'zim bor edim, keyin onang paydo bo'ldi, keyin esa sen. Yarim kechalari har safar ikkovingiz ham nafas olayotganingizga ishonch hosil qilish uchun bir necha bor uyg'onaman, aks holda uxlay olmayman. Tushunyapsanmi?..

Men seni yaxshi ko'raman deyishdan qo'rqmayman. Lekin men boshqa hamma narsadan o'lgudek qo'rqaman. Futbol o‘ynamasang, odamlar nima deyishidan qo‘rqaman. Uyatdan qo'rqaman. Haqoratli taxalluslar. Seni chekkalab qo'yishlaridan.

Hayotingdagi o'rnimni yo'qotadigan kundan qo'rqaman...

Ehtimol men san'at, moda haqida hech narsa bilmasman, na adabiyotda, na kompyuterlarda, na musiqada usta emasman. Lekin shuni bilamanki, har bir bolaning hayotida shunday vaqt keladiki, u otasi superqahramon emasligini anglaydi. Ahmoq emasman. Faqat bu lahza imkon qadar kechroq kelishini xohlayman. Hech bo'lmasa, sen bilan o'tkazgan ushbu yakshanba oqshomlari xotirangda qolishini istayman. Sen bilan ikkalamiz, o'zim yaxshi tushunadigan sohada birga vaqt o'tkazganimiz.

Chunki men seni yaxshi ko'rishimni aytishdan qo'rqmayman. Lekin men boshqa hamma narsadan o'lgudek qo'rqaman.

Biroq sen futbol bilan shug'ullanishingga majbur emassan.

F.Bakman - "Bu dunyo qanday tuzilgani haqida mening o'g'lim nimalarni bilishi kerak" kitobidan erkin tarjima

@panda_books Ochish/sharhlash