Оналар Канали

2021-02-14 19:30:17 ​ТУНГИ ҚЎНҒИРОҚ...

(ҳаётий воқеа)

— Бу уйда тинчлик бўлмайди ўзи, ҳой бола, нимага пойабзалга шампунь суртиб ювасан, ота-онангнинг шампунь заводи борми? — қайнонамнинг овози болаларникига қўшилиб кетди. Яна бир ёқда эрим, буларнинг оёқ кийимини ўзига ювдирмай, ўзинг ювгин, деб танбеҳ бераркан, унинг овозига чақалоғимнинг йиғиси уланиб кетди. Йўқ, бу аҳволда жинни бўлиб қолиш ҳеч гапмас. Ҳамма иш ҳам менга, норозилиг-у, алам ҳам менга. Болаларни ухлатиб, кир-чирни ювгунимча ярим кеча бўлди. Тунги сукунатни қўл телефонимга келган хабарнинг овози бузди. Ярим кечада ким менга хабар ёзди экан, ёки яна бемаъни рекламалардир-да , деб ҳафсаласизлик билан хабарни ўқий бошладим.
“Айёмингиз билан, опажон. Бу дунёнинг тугамас ташвишлари олдида таслим бўлмай, кулишга куч топиб юрибсизми? Аслида, байрамдан бошқа вақтда сизни йўқламайдиган мендек ношуд укангиздан қанча хафа бўлсангиз, шунча кам. Жиянларим ҳам катта бўлиб қолишгандир? Узоқда бўлсам ҳам, кўнглим сизда. Сизнинг синиқ жилмайиб туришингиз, доим нималаргадир куйиб-пишиб юришингизга ўрганиб қолган эканман, мусофирчиликда ўрнингиз жудаям билинди. Иш, иш деб, ҳатто қўнғироқ қилолмаётганим учун узр. Байрам сизга жамики яхшиликларни олиб келсин, сабрингизга яраша ажр албатта қайтсин. Мен сизга бир сирни айтайми? Аслида, сизнинг, уйда ҳамма яхши, поччанг мени ер-у кўкка ишонмайди, қайнонам ҳам қизидек кўради, деган ёлғонларингизни соғиндим. Бу ерда эса, ҳамма рост гапиради. Қанийди, опагинамга ўхшаб чиройли алдашни биладиган биттагина одам бўлса эди, деб ўртаниб кетаман. Ёлғонларингиз тугамасин, опа, ҳаётнинг фақат яхшилигини айтадиган ёлғонларингизнинг хумори тутганида, сизга етиб боролмаётганим алам қилади. Ҳар урганида жигарларини эслаб ёнадиган юрагингизга улкан матонат тилаб қолувчи укангиз”.
Негалигини билмайман, аммо кўзимдан ёш чиқиб кетди. Балки укам ростдан ҳам узоқ юртдалиги учундир. Кейин рақамга қарадим. Мутлақо нотаниш. Бу хат балки бегонаникидир. Лекин шу тобда у менга ўзим анчадан бери кутаётган далдани бера олганди. Эртасига рақам эгасига хат ёзиб, кимсиз, деб сўрадим.
“Кечирасиз, янглишиб, сизга жўнатибман” деган жавоб келди. Мен эса, “тез-тез янглишиб туринг, ука” деб жавоб юбордим. Сени юпатса, ярим кўнглингга малҳам бўлолса, ўша сўз эгаси омон бўлсин, деб юбораркансан. Эҳтимол, ўша вақтда бирор қимматбаҳо буюм ҳам айни ўша нотаниш кимсанинг юпанч бериб ёзган табрикномаси ўрнини тўлдиролмасди.
Яқинларингизни кўришга вақт тополмаяпсизми? Унда бир энлик хат ёзинг, ўзининг ёлғиз эмаслигини сезсин, ҳаётида сиздек меҳрибони борлигини икки оғиз гап билан етказингки, сўзнинг улкан қудратини у ҳам ҳис қилсин.

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-14 17:40:15 БИЗНИ СЕВМОҚ ШАРТ ЭМАС

Бизни севиш шарт эмас,
Ҳурмат бўлса кифоя.
Ишқ, муҳаббат дард эмас,
Эски эртак, ҳикоя.

Даркор эмас ошиқлик,
Чимдим меҳр етади.
Висол бахти баҳордек,
Зумда ўтиб кетади.

Авайлашга ҳожат йўқ,
Тақдир ортган заҳматдан.
Асрасангиз жон сатқа,
Маломатдан, туҳматдан.

Дард айтсанг девор эмас,
Тингласа қўл берганинг.
Қирқ жонингни бир жончун
Бир умр йўл қилганинг.

Зор этмасин эъзозга
Ҳеч инсон кўнгил гулин.
Бизни севмоқ шарт эмас,
Хақ севсин ожиз қулин.

НИЛУФАР ТОҲИРОВА

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-14 15:00:27 Солихон домла - Тўй қилмаган одам бой бўлмаса керак...

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-14 12:00:31 ТАКСИ ҲАЙДОВЧИСИ

Соатига қараб “уҳ” чекди. “Бир мижоз чиқса ҳам майли эди, уйга бўш қайтмасам эди” деб ўйлади. Эрталаб акасиникига бориши керак эди. Барвақт уйғониши учун барвақт уйга қайтишни истарди. Фақат ҳамма нарса инсон истаганидек бўлмайди бу ҳаётда. Изтироб билан акасидан ёзғирди ичида: “Эҳ, ака... Шу қимор деган балойи қазони ташламадинг-да. Қиморда ютқизиб, ҳамманинг оромини бузиб ўтирибсан энди”. Оғир “уф” тортди. “Пулни бугун топгин дегандинг, бўлмади. Эрталаб қарз-қавола қилиб пул топаман-да, сени қутқараман қиморвозларингдан. Аммо шу кетишда давом этсан мени ҳам, оилангни ҳам барбод қиласан!..” Шу ҳаёллар билан кўча кезаётиб, йўл четида қўл силкиган эркакни кўриб севинди. Тезгина унинг қаршисига бориб тўхтади. Эркак таксига ўтирди ва хавотир билан гапира бошлади:
— Илтимос, тезроқ юринг, шу орадаги кўчада...
Такси ҳайдовчиси бирор одамни олишни ўйлаганди, мижознинг гапини эшитиб юраги хижил тортди:
- Худо сақласин, жуда қўрқинчли ҳолат. Бир одамни тўрт жойидан пичоқлабдилар. Ҳозир танасидаги қон буткул оқиб кетиб, ўлиб қолиши мумкин. Биров ёрдам бермайди, ҳамма тўпланиб олиб томоша қилаяпти. Қанчалик ҳиссиз, шафқатсиз оломонга айландик! Ёрдамга муҳтож, жони узилаётган одамни томоша қилиб туришибди. Ҳайдовчининг юраги сиқилди: “Машинамга қон оқади”. Йўловчи давом этарди:
— Ҳозир иккита машина ярадорни олмади, ишонгим келмайди-я. Бир инсон қони тугаб, жон бераяпти, улар раҳм қилмай олдимиздан газни босиб ўтиб кетди. Мана, келдик, ярадор шу одамлар тўпланган жойда. Такси ҳайдовчиси:
— Қани, сиз ярадорни олиб келинг, мен машинани унинг олдига олиб бораман, вақт йўқотмайлик, - деди. Йўловчи машинадан тушди ва тўпланганлар орасига кириб “йўл беринг, такси келди” деб бақирди. Аммо ярадорнинг ёнига бориб улгурмасдан, машинанинг узоқлашган овозини эшитиб ортига ўгирилди. Рақами кўринмасин деб орқа чироқларини ёқмай таксининг тезлик билан узоқлашаётганини кўрди. Эркакнинг юраги узилиб, йиғламсираган овозда “Ё Раббим! Нима бўлди бизларга?” дея ерга умидсиз чўккалади. Такси ҳайдовчиси пешойнадан орқага сўнги бор қаради. Бақир-чақирлардан жаҳли чиқди: “Менга нима? Қонга беланиб ётган ярадорни ол, машинани булға... Бошқа такси йўқми? Топилиб қолар мендан бошқаси!” Шу сўзлар билан гўё виждонини овутиб, чўнтагидан хорижий сигарет чиқариб ёқди. Сўнг ўзига ўзи мазах қилгандай гапирди: “Бу ерда нима ишинг бор эди? Қотиллардан илтимос қилмабсан-да, сени касалхона яқинида пичоқласинлар эди...”
Қўлидаги сигаретга кўз тикди: “Биз ҳақиқатдан ҳам орқада қолганмиз-да. Одамлар қандай ўлкаларда мазза қилиб яшаб юришибди. Бизнинг ҳаётимизни кўриб кулгуси қистаса керак... Тағин ҳам мен яхши пул топаман-ку, агар деҳқон бўлганимда борми, беш кило помидорнинг пулига зўрға бир қути сигарет берадия...”
Шу пайт қўл силкиб тўхташ ишорасини берган мижозни кўриб, хаёлларини йиғиштирди. “Мижоз дегани шунақа, кутилмаганда йўлингдан чиқиб қолади” дея бояги тумонат одамни ҳам, пичоқланиб ўлим ёқасида ётган ярадорни ҳам унутди.
Такси ҳайдовчиси ўша кеча бир муддат ишлаб, уйининг йўлини тутди. Яхшигина пул топиб хотиржам уйига кириб келаётганида, эшик олдида ўзини кутиб турганларга кўзи тушди. Хавотирланди. Машинасини гаражга қўйиб, сўнгра вазиятни билмоқчи эди бир қўшниси тўхтатди уни:
— Машинани жойлаштирмай тур, балки керак бўлиб қолар...
Ҳайрон бўлиб машинадан тушди. Эшик олдида йиғлаётган хотини ва болаларига яиқнлашди:
— Нима бўлди? – Хотини йиғлаганча бўйнига осилди:
— Акангиз вафот этди!
— Акам?!.. Нега?
— Пичоқлаб кетишибди. Кўп қон йўқотиб, ҳалок бўлибди.
Такси ҳайдовчиси ваҳима билан овозини баландлатди:
— Қаерда? Қачон?
– Хотинининг жавобини эшитиб ерга чўккалаб қолди. Кўз олдидан машина фараларини ўчириб қочган кўчаси ва тўпланиб турган тумонат томошабин ўтди. Тумонат ичида қонга беланиб ётган, ўзига музтар тикилиб турган бир юз кўринди гўё. Мадорсиз йиқилдию ҳушидан кетди...

БИР-БИРИМИЗГА ЯХШИЛИК ҚИЛИШГА ОШИҚАЙЛИК, ДЎСТЛАР.

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-14 10:00:28 Қанча яхшилик қилганингиз мухим эмас. Шу яхшиликка қанча мехр қўшолдингиз, шу мухим!

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-14 08:00:15 ​​БОБУР ДАРДИ

(З.М.Бобур таваллудининг 538 йиллигига бағишланади.)

Бойлиг -у, зар йиғмадим,
Ўз юртимга сиғмадим,
Бугун қон, қон йиғладим,
Адо бўлди танда жон,
Ҳайр энди Андижон.

Подшоҳ бўлиб нетдим мен,
Дилни кўп хор этдим мен,
Ўз юртимдан кетдим мен,
Қолмади ,йўқ танда жон,
Ҳайр энди Андижон.

Шоҳ бўлгунча ёт элда,
Гадо бўлсам ўз элда,
Ўхшаши йўқ ҳеч ерда,
Соғинчларга тўлди жон,
Ҳайр энди Андижон.

Дўстдан кўп экан ғаним,
Аламлардан бўзладим,
Ҳинду сари юзландим,
Стамалардан тонди жон,
Ҳайр энди Андижон.

Жанг қилдим ёт элларда,
Жафо чекиб чўлларда,
Умрим ўтди елларда,
Ҳазон янглиғ сўлди жон,
Ҳайр энди Андижон.

Жабр бўлди тотганим,
Сабр бўлди топганим,
Кўзларимни ёпгани,
Тўпроғинга ташна жон,
Ҳайр энди Андижон.

ХУРШИД КАРИМ

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-14 07:30:09 Черника Глаз Дракона

 Россия Медицинаси томонидан ишлаб чиқарилган. Kўз кўриш қобилиятини Кучайтирувчи сироп!!!

Кўриш Қобилиятини оширади;
Кўз гавҳарга тушган (Катаракта) Пардани Йўқ қилади.
Кўз ичидаги босимни пасайтиради; 
Ретинани ёрқин нурнинг зарарли таъсиридан ҳимоя қилади; 
Кўз соғлиғи учун зарур моддалар билан таъминлайди; 
Юрак мушакларини қон билан таъминлашни яхшилайди;
Юрак-қон томир тизимини мустаҳкамлайди;
Кўзнинг қон айланишини яхшилайди; 
Ошқозон-ичак трактининг фаолиятини нормаллаштиради; 
Гипертония билан касалланиш ҳолатини яхшилайди. варикоз ва тробмофлебитни Даволайди
Кўриш чарчоқини энгиллаштиради; 
Операциядан кейинги даврда кўзни даволашни тезлаштиради: 
Кўзнинг яллиғланиш жараёнларини даволайди: 
Жигар Серрозига ёрдам беради
Қонда Шакар Миқдорини Камайтиради.

Катталар кунига 1 махал эрталаб 1 қошиқдан истемол қилинади, болалар ярим қошиқдан.

Эски нарх: 257 000
Янги нарх: 169 000

Доставка бепул Ochish/sharhlash

2021-02-14 06:00:19 ​​ОТАЛАР ҲАҚИДА

1. Ота хонадонга ташриф буюрганда ўриндан туриб, жой бўшатиш лозим.

2. Ота билан кетаётганда унинг изнисиз ундан олдин юрмаслик керак.

3. Ота фарзанд учун бирон нарса мерос қолдирмаса ҳам, ундан номус қилинмайди.

4. Ота бор уйда ўйланишга ва маслаҳат солишга муҳтож бўлинмайди.

5. Ота ёнида ёки у кириб келганда ёнбошлаб ётилмайди.

6. Ота уйда йўқ бўлиб қолинган ўринда истеъмол қилинган нарсалардан алоҳида унинг учун олиб қўйилиши фазилатдир.

7. Мансабли шахс бўлсанг ҳам отанг чақирганда отингдан тушиб, олдида ҳозир бўлишга шошил! Сен иш устида мансаблисан, отанг устида эмас!

8. Отангнинг ёнидаги солиҳ кишиларга нисбатан самимий бўлгин, агар отанг вафот топиб кетса ўшалар билан муомала-муносабатларингни узма!


ОНАЛАР ҲАҚИДА

1. Ҳадяни аввал онага сўнг отага берилиши маҳбубдир.

2. Ҳаёт бўлсалар ҳам, вафот топиб кетган бўлсалар ҳам уларнинг ҳақларига доимо дуода бўлмоқ зарур.

3. Оналарнинг юзларига тушган ажинлар, қўлларининг қадоқлари – сен ва ака-укаларинг, опа-сингилларинг сабабли эканлигини билгин!

4. Сенга берган оқ сути лутфу – хурсандлик биландир, аммо сенинг унга берган таоминг баъзида миннатли ва озорлидир. Шунинг учун берган ҳар-бир луқманг лутфли бўлиши учун камтарин бўл, камтарин бўл!

5. Унга сен ҳар куни кўриниш бер, чунки унинг сени кўриши сенинг унга минглаган хум тиллолар туҳфа қилганингдан ортиқроқдир.

6. Тириклигида бор имкониятинг ила унга тавозеъли ва ширин сўзли бўл, қачонки агар уни йўқотсанг армондан холи бўласан.

7. Ҳайит кунлари бағринга босиб, уни қучгин! У сени ҳар куни қучиб, ҳидларингдан тўйиб-тўйиб завқ олганини эсингдан чиқармагин!

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-14 04:00:17 АССАЛОМУ АЛАЙКУМ

Хайрли тонг

Қалбингиз иймонга
Уйингиз қувончга
Юзингиз нурга
Кунингиз ҳайрли солиҳ амалларга тўла бўлсин
Кунингиз ҳайрли ўтсин!

Аллоҳ паноҳида бўлинг!

https://telegram.me/joinchat/AAAAAE77ZBOqBE_0idg08Q Ochish/sharhlash

2021-02-13 19:30:18 ​​ОРЗУ

(Ибратли хикоя)

Кўп қаватли уйларнинг бирида фақиргина бир оила яшарди. Эр-хотин ва саккиз ёшли болакай. Ота-она кун бўйи ишда, бола эса уйда ёлғиз ўзи қоларди. У ҳар куни олтинчи қават деразасидан пастга - болалар майдончасида велосипед миниб юрган тенгдошларига ҳавас билан термиларди. У ҳам ўзининг шунақа велосипеди бўлишини орзу қиларди. Лекин оилада бу орзуни амалга ошириш учун на пул, на вақт ва ҳаттоки боланинг орзусини эшитадиган кимса ҳам йўқ эди. Болакай ўз орзусини ошкор қилса, ота-онасини қийнаб қўйишни англар, шунинг учун уларга лом-мим демасди. Бир куни у онасининг «Худо меҳрибон, чин дилдан нимаики сўрасанг, албатта беради» деган сўзларини эслади ва шу он қоғоз, қалам ҳозирлади. Катта қоғозни юзлаб бўлакларга бўлди ва ҳар бир қоғоз парчасига « Эй, Худойим, менга велосипед бер», деб ёзди. Болакай ўз орзуси ёзилган қоғоз парчаларини олтинчи қават деразасидан ташқарига бирин-кетин ирғита бошлади. У «Худога қоғозларимнинг бири бўлмаса, бири албатта етиб боради ва Унинг менга раҳми келиб, велосипед жўнатади», деб астойдил ишонди. Кунлар ўтиб борар, бола ҳар куни одатий ишини такрорларди - қоғозчаларни деразадан сочарди. Унинг хаёлини велосипед орзуси буткул эгаллаб олганди. Болакай қоғоз сочиб бўлгач, яна шу ишга шўнғирди. У бу юмушга дарслик дафтарларигача сарфлади. Болакай бошқа ҳамма нарсани унутиб, телбаларча қоғозларни йиртар, ёзар ва деразадан ирғитарди. Баъзан қоғозларга ручка сиёҳига болакайнинг қоп-қора кўзларидан томчилаган ёшлар сингиб кетарди. Кунлар ўтаверарди, болакай ҳар куни тонгда «Бугун Худога қоғозим етиб боради» деган умид билан янги руҳда ишини бошларди. Ниҳоят, бир куни эшик тақиллади. Болакай югуриб бориб, эшикни очди. Очдию остонадан нарида чиройли кийинган, чамаси қирқ беш ёшлардаги кимсани кўриб ҳайрон бўлди. Бегона одамнинг қўлида болакай чин дилдан орзулаган, ҳар оқшом тушларига кириб чиқадиган велосипед турарди. Нотаниш кимсанинг кўзларида мунгли табассум зоҳир эди. У енгил хўрсиниб велосипедни болага узатди.
- Қоғозинг Худога етиб борди, ўғлим, бу сенга. Миниб юр...
Болакай нима дейишни билмади. Ҳиммати зўр одам зина томон йўланаркан, бир-икки қадам ташлаб ортига ўгирилди, кўзларида ёш кўринди. У бор кучини тўплаб, деди:
- Энди Худодан бир мартагина “шу велосипедни олиб келган амакига ҳам фарзанд бер”, деб сўрагин, хўпми?!

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash