БИЗНИ СЕВМОҚ ШАРТ ЭМАС Бизни севиш шарт эмас, Ҳурмат бўлса | Оналар Канали

БИЗНИ СЕВМОҚ ШАРТ ЭМАС

Бизни севиш шарт эмас,
Ҳурмат бўлса кифоя.
Ишқ, муҳаббат дард эмас,
Эски эртак, ҳикоя.

Даркор эмас ошиқлик,
Чимдим меҳр етади.
Висол бахти баҳордек,
Зумда ўтиб кетади.

Авайлашга ҳожат йўқ,
Тақдир ортган заҳматдан.
Асрасангиз жон сатқа,
Маломатдан, туҳматдан.

Дард айтсанг девор эмас,
Тингласа қўл берганинг.
Қирқ жонингни бир жончун
Бир умр йўл қилганинг.

Зор этмасин эъзозга
Ҳеч инсон кўнгил гулин.
Бизни севмоқ шарт эмас,
Хақ севсин ожиз қулин.

НИЛУФАР ТОҲИРОВА

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q