Mahalla va oila yangiliklari 🇺🇿

2022-09-07 07:40:58 “Энг яхши маҳалла раиси” кўрик-танлови ўтказилди

Тошкент вилояти

Танлов ўз ичига 1 минг 22 та маҳаллаларни қамраб олиб, якунда 22 та туман ва шаҳар босқичи ғолиблари ўз тақдимотлари билан иштирок этишди.

Бир нечта ташкилот вакилларидан тузилган ҳакамлар ҳайъати аъзолари томонидан танловининг вилоят босқичи ғолиблари аниқланди.

1 ўрин Пискент тумани “Бекобод” маҳалласи раиси Г. Ғуломхоновага
2 ўрин Зангиота тумани “Назарбек” маҳалласи раиси А. Юлдашевга насиб этди. 3 ўринга Янгийўл тумани “Қирариқ” маҳалласи раиси Л.Шоназарова, Тошкент тумани “Сохибкор” маҳалласи раиси Х.Қоплонбеков, Ангрен шаҳри “Гулзор” маҳалласи раиси А.Омиловалар лойиқ деб топилди.

Улашинг: https://t.me/mahallavaoilainfo Ochish/sharhlash

2022-09-06 19:25:52 «Маҳаллабай» ишлаш тизими самаралари

Улашинг: https://t.me/mahallavaoilainfo Ochish/sharhlash

2022-09-06 12:39:16 Швейцария билан яқин ҳамкорликни йўлга қўйиш бўйича келишилди

2022 йил 6 сентябрь куни Маҳалла ва нуронийларни қўллаб-қувватлаш вазирлигида вазир ўринбосари Абдулла Турсунов швейцариялик халқаро эксперт Э.Шлэппи хонимни қабул қилди.

Учрашув давлат бошқаруви ва номарказлаштириш соҳасидаги устувор масалалар, ҳар икки томонлама ҳамкорлик йўналишларни муҳокама қилиш, вазифаларни белгилаб олиш мақсадида ташкил этилди.

Тадбир аввалида вазирликнинг асосий вазифаларидан келиб чиққан ҳолда маҳалла ва нуронийларни қўллаб-қувватлаш соҳасида олиб борилаётган ишлар ҳақида меҳмонга батафсил маълумот берилди.

Ўз навбатида Э.Шлэппи хоним ташрифдан мақсад, республика вазирлик ва идораларида учрашувлар давомида давлат бошқаруви тизими билан танишиб, уни мақбуллаштириш, номарказлаштириш бўйича Швейцариянинг ижобий тажрибасини ўрганган ҳолда, янги лойиҳаларни ишлаб чиқишда ёрдамлашиш эканлигини ҳамда вазирлик таклиф этаётган йўналишлар бўйича ҳамкорликни йўлга қўйишни кўриб чиқилишини маълум қилди.

Учрашув самимий руҳда ўтказилиб, ҳамкорликни амалга ошириш бўйича юзага келадиган масалаларни ишчи тарзда ҳал қилиб боришга келишилди.

Улашинг: https://t.me/mahallavaoilainfo Ochish/sharhlash

2022-09-06 12:39:16 Ochish/sharhlash

2022-09-06 09:30:39 Қорақалпоғистон Реcпубликасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида

Ўзбекистон Республикаси Президентининг фармони

Батафсил

Улашинг: https://t.me/mahallavaoilainfo Ochish/sharhlash

2022-09-05 17:59:17 "Аграр соҳада белгилаб олган катта ислоҳотларимизни жадал амалга ошириш биринчи навбатда ушбу соҳа раҳбарлари Ғаниев, Хаитов, янги вазир Воитов ва ўринбосарлари фидойилигига боғлиқ.

Бандликни кўпайтириш, камбағалликни қисқартириш ҳам биринчи галда қишлоқ хўжалигидаги ўсишга боғлиқлигини улар тушуниши керак", деди Президент.

Лекин, Бош вазир ўринбосари Ш.Ғаниев, Фермер, деҳқон хўжаликлари ва томорқа ер эгалари кенгаши раиси А.Хаитов ҳали эскича ишлаётгани, баландпарвоз рақамларга берилиб кетгани танқид қилинди.

Соҳа раҳбарларининг вазифаси Президентга катта-катта рақамлар билан ҳисобот бериш эмас, қишлоқдаги деҳқон, фермер масаласини ҳал қилиш, оғирини енгил қилиш экани кўрсатиб ўтилди.

Лекин, муҳим ишлар четда қолиб, қўшиб ёзишлар, номаъқул ишлар кўпайиб бораётгани қатъий танқид остига олинди.

Йўл қўйган камчиликлари учун қишлоқ хўжалиги вазирининг биринчи ўринбосари Ш.Тешаев лавозимидан озод этилгани, вазир ўринбосари Ш.Мирзаевга ҳайфсан берилгани айтиб ўтилди.

"Бундан буён Ғаниевдан ҳам, Хаитовдан ҳам, янги вазир Воитовдан ҳам жуда қаттиқ сўров бўлади", деди Президент сўзининг якунида.

Йиғилишда муҳокама қилинган масалалар юзасидан мутасаддиларнинг ҳисоботи эшитилди.

Facebook|Instagram|Twitter Ochish/sharhlash

2022-09-05 17:59:17 Йиғилишда томорқачиликни ривожлантириш масалаларига ҳам тўхталиб ўтилди.

Мутасаддиларга кўчма музлаткичлар ташкил этиш учун ер майдонларини ижарага бериш муддатларини узайтириш, 2 мингта маҳаллада кичик музлаткичлар ташкил этиш лойиҳаларини бошлаш топширилди.

Бунда, тайёр лойиҳалар янги лизинг механизми асосида тадбиркорларга берилади.

Шу билан бирга, ўсимликлар ҳимояси бўйича:

- хусусий сектор билан ҳамкорликда аҳоли томорқа ерларида ўсимликларни ҳимоя қилиш хизматларини кўрсатиш учун отрядлар ташкил этилади;

- томорқаларда фойдаланадиган кимёвий препаратлар рўйхати тасдиқланиб, улар аҳоли орасида кенг тарғиб қилинади.

Карантин хизматидан деҳқонлар норозилиги, улар кўмакчи эмас, назоратчи бўлиб қолгани танқид қилинди. Хизмат бошлиғи И.Эргашев охирги марта қатъий огоҳлантирилди.

Facebook|Instagram|Twitter Ochish/sharhlash

2022-09-05 16:27:26 Қиш-баҳор ойларида бозорларда мева-сабзавотлар нархи барқарор бўлиши учун сақлаш ва ташиш билан боғлиқ муаммоларни ҳал қилиш зарурлиги таъкидланди.

Бу масалалар бўйича лойиҳалар бўлса, уларга барча шароитлар яратиб берилиши кўрсатиб ўтилди.

Мисол учун, бугунги кунда четдан қишлоқ хўжалигига жалб қилинган 140 миллион доллар узоқ муддатли маблағлар банкларда ҳалигача ўзлаштирилмаган. Яна 330 миллион доллар тайёр кредит линиялари йил бошидан бери ҳаракатсиз турибди.

“На банклар, на лизинг компаниялари раҳбарлари, на ҳокимлар бу маблағларни тадбиркорларга бериш бўйича жон куйдирмаяпти”, деди Президент.

Вилоят ҳокимларига бир ой муддатда ушбу маблағларни ўзлаштириш бўйича ўзининг лойиҳаларини тақдим этиш топширилди.

Янги лойиҳаларни ишга туширишда “Агролизинг” акциядорлик жамияти умуман ишламаётгани танқид қилинди, унинг фаолиятини тўлиқ трансформация қилиб, деҳқон ва фермерларга молиявий кўмакчи бўладиган тизимга айлантириш топширилди.

Қишлоқ хўжалиги вазирлигига:

– келгуси бир йилда ҳудудларда маҳсулотни сақлаш бўйича 200 минг тонна қувватларни ишга тушириш;

– 100 миллион доллар ҳисобидан интенсив боғлар ва сабзавотчилик, сақлаш омборлари, қадоқлаш ва қайта ишлаш лойиҳаларини бошлаб, тадбиркорларга лизингга беришни йўлга қўйиш;

- барча вилоятларда иссиқхона эгаларига енгилликлар бериш бўйича қарор лойиҳасини киритиш;

- аграр соҳада молиялаштириш, кредит, лизинг ва суғурта тизимини тўлиқ янгилаш бўйича қарор лойиҳасини тақдимот қилиш топширилди.

Facebook|Instagram|Twitter Ochish/sharhlash

2022-09-05 16:23:49 Бугунги кунда республика бўйича ҳар йили 300 минг тонна картошка, 6 минг тонна дуккакли, 11 минг тонна мойли экинлар уруғини тайёрлашни йўлга қўйиш зарурлиги таъкидланди.

Бу борада, картошка бўйича Самарқандда яхши тажриба бошланган. Мутасаддиларга бу тажрибани хусусий сектор билан бирга дуккакли ва мойли экинлар уруғчилигида ҳам йўлга қўйиш, бунга 26 миллион доллар йўналтириш топширилди.

Вилоят ҳокимлари олдига келгуси 2 йилда уруғ импортини 3 баравар қисқартириш вазифаси қўйилди. Ҳар бир вилоятда камида биттадан интенсив сабзавот кўчатчилик хўжаликларини ишга тушириш топширилди.

Бундан буён ҳосилдор ерларнинг барчасини интенсивга ўтказиш шартлиги кўрсатиб ўтилди. Мутасадди идораларга интенсив қишлоқ хўжалигига ўтишни рағбатлантириш ва таъсирчан солиқ механизмларини қўллаш бўйича қонун лойиҳасини ишлаб чиқиб, киритишга топшириқ берилди.

Facebook|Instagram|Twitter Ochish/sharhlash

2022-09-05 16:18:39 Давлатимиз раҳбари соҳадаги вазифалар ва янги имкониятларни айтиб ўтди.

Энг аввало:

- жорий йилда қўшимча ажратилаётган 20 минг гектар ва келгусида бериладиган 100 минг гектар экин майдонлари ҳисобидан импортни қисқартириш;
- озиқ-овқат маҳсулотлари экишни камида 300 минг гектарга етказиш.

Умуман, озиқ-овқат учун мўлжалланган ерларга экинларни жойлаштиришни бундан буён Боғдорчилик агентлиги белгилаб беради.

Мутасаддиларга 15 сентябрдан бошлаб ҳоким ёрдамчилари тавсиясига кўра, сабзавот, дуккакли ва мойли экинлар бўйича уруғлик, ўғит, ёқилғи, ўсимликлар ҳимояси ҳамда айланма маблағ учун 150 миллион сўмгача гаровсиз кредит ажратишни йўлга қўйиш топширилди.

Бунда, ушбу маблағларнинг ярмини нақд пулда ажратишга рухсат берилади. Бунинг учун, Боғдорчилик агентлигига қўшимча 300 миллиард сўм ажратилади.

Молия вазирлиги, Қишлоқ хўжалиги вазирлигига мева-сабзавотчиликни кредитлашнинг мутлақо янги тизимини жорий қилиш топширилди.

Эндиликда картошка, сабзавот, ёғ-мой экинлари экадиган кластер ва деҳқонларга ҳосилни суғурталаш харажатининг 50 фоизи давлат ҳисобидан қоплаб берилади.

Бунинг учун, келгуси бир йилда Қишлоқ хўжалиги жамғармасидан 50 миллиард сўм йўналтирилади.

Бундан буён пахта ва ғалладаги каби озиқ-овқатга кредит беришда суғурта полиси кредит таъминоти ҳисобланади.

“Бу янгилик кўплаб деҳқонларимизнинг ишини юргизиб, Қишлоқ хўжалиги жамғармасида ишлатилмай турган 700 миллиард сўмдан самарали фойдаланишга имконият яратади”, деди Президент.

Facebook|Instagram|Twitter Ochish/sharhlash