Judo Uz

Qiziriqda o'smirlar o'rtasida Surxondaryo viloyati chempionati o`tkazildi

Qiziriq tumanida dzyudo bo'yicha 2006-2007 (2008) yillarda tug'ilgan o'smirlar va qizlar o'rtasida Surxondaryo viloyati birinchiligi tashkil etildi. Unda 250 nafar o'smir va qizlar musobaqa g'olibligi hamda O`zbekiston Kubogi yo'llanmalari uchun tatamiga chiqishdi.

Kecha viloyat chempionatida barcha vazn toifalarida g'olib va sovrindorlar nomi ma'lum bo'ldi. Ularga tashkilotchilar tomonidan diplom va esdalik sovg'alari topshirildi. Endi shohsupaga ko`tarilgan dzyudochilar mamlakat kubogida Surxondaryo viloyati sharafini himoya qiladilar.

O‘zbekiston dzyudo federatsiyasi matbuot xizmati

Обуна бўлинг Telegram

Terma jamoamizning Yaponiyadagi mashg`uloti davom etmoqda

Shu kunlarda O`zbekiston erkaklar va ayollar terma jamoalari Yaponiya davlatida o’tkazilayotgan xalqaro o‘quv-mashg‘ulot yig‘inida ishtirok etyapti.

Обуна бўлинг Telegram

O`zbekiston ayollar terma jamoasi dunyoga mashhur Kodokan International markazida

Shu kunlarda O`zbekiston ayollar terma jamoasi Yaponiya davlatida o’tkazilayotgan xalqaro o‘quv-mashg‘ulot yig‘inida ishtirok etyapti. Dzyudo vatanidagi ushbu yig‘in 7-14 may kunlari Qatar davlati mezbonlik qiladigan kattalar o`rtasidagi 36-Jahon chempionatiga tayyorgarlik vazifasini o’tab bermoqda.

Обуна бўлинг Telegram

Yoshlarimizning poytaxtdagi mashg‘uloti davom etmoqda

Qozog`istonda o`tgan Osiyo Kubogida ishtirok etib, umumjamoa hisobida ikkinchi o`rinni egallagan O‘zbekiston yoshlar terma jamoasi Toshkentda mashg`ulotlarni davom ettiryapti. Ushbu yig`in Tohir Fayziyev, Kamol Muradov va Iskandar Rasulov shogirdlari uchun poytaxtimiz mezbonligida o‘tadigan an’anaviy Uchqun Murodov xalqaro xotira turniri hamda Ozarbayjondagi musobaqaga tayyorgarlik vazifasini o`tab beryapti.

Kecha kunning birinchi yarmida dzyudochilarimiz ochiq havoda kross yugurishgan bo`lsa, kunnihg ikkinchi yarmidagi mashg`ulotlar tatamiga ko`chdi.

O‘zbekiston dzyudo federatsiyasi matbuot xizmati

Обуна бўлинг Telegram

Ramziddin Saidovni tabriklaymiz!

Bugun xalqaro toifadagi referi, "O‘zbekiston Respublikasida xizmat ko‘rsatgan sportchi", "O‘zbekiston belgisi" ko‘krak nishoni, "Shuhrat" medali sohibi Ramziddin Saidov yana bir yoshga ulg‘aydi.

Ramziddin Saidov - 1982 yil 14 aprelda Buxoroda dunyoga kelgan. Dzyudo sir-asrorlarini O‘zbekiston Respublikasida xizmat ko‘rsatgan murabbiy, "El-yurt hurmati" ordeni sohibi, Olot dzyudo maktabi asoschisi Rustam To‘rayevdan o‘rgangan. Saidov sportchilik faoliyati davomida Afina-2004 va London-2012 Olimpiadalari ishtirokchisi, Osiyo chempioni, Osiyo o‘yinlari sovrindori bo‘lgan.

Saidov referi sifatida Tokio Olimpiadasi, jahon va Osiyo chempionatlari, "Masters", "Katta Dubulg‘a", Gran-Pri musobaqalarida hakamlik qilgan va bu jarayon davom etmoqda.

O’zbekiston dzyudo federatsiyasi Ramziddin Saidovni bugungi unutilmas kun bilan muborakbod etadi.

O‘zbekiston dzyudo federatsiyasi matbuot xizmati

Обуна бўлинг Telegram

O‘zbekiston yoshlar terma jamoasining mashg‘uloti poytaxtga ko`chdi

O`tgan oy Chirchiq shahrida o‘quv-mashg‘ulot yig‘ini o`tkazgan O‘zbekiston yoshlar terma jamoasi poytaxtda yig`ildi. Yoshlarimiz kuni kecha Qozog`istonda o`tgan Osiyo Kubogida ishtirok etib, umumjamoa hisobida ikkinchi o`rinni egallagan edi.

Toshkentda boshlangan mashg`ulotlar Tohir Fayziyev, Kamol Muradov va Iskandar Rasulov shogirdlari uchun poytaxtimiz mezbonligida o‘tadigan an’anaviy Uchqun Murodov xalqaro xotira turniri hamda Ozarbayjondagi musobaqaga tayyorgarlik vazifasini o`tab beryapti.

O‘zbekiston dzyudo federatsiyasi matbuot xizmati

Обуна бўлинг Telegram