Фарғона вилояти ҳокимлиги

2023-04-10 12:24:14 Грант танлови эълон қилинади

Халқ депутатлари Фарғона вилояти Кенгаши ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш Жамоат фонди “Инсонга эътибор ва сифатли таълим йили” давлат дастури ижросини таъминлашда "Фуқаролик жамияти институтларининг лойиҳаларини қўллаб-қувватлаш" мавзусида қуйидаги йўналишларда давлат грантини ажратиш учун 1-танловни эълон қилади:

1. Иқлим ўзгариши ва унинг оқибатларига қарши кураш бўйича тезкор чораларни қабул қилиш.

2. Радикализм, экстремизм ва терроризм ғояларига қарши соғлом иммунитетни шакллантириш, ушбу мақсадда анъанавий қадриятлар ва бағрикенглик мафкурасини тарғиб қилиш.

3. Фуқаролик жамияти институтлари фаолиятини янада ривожлантириш, давлат ташкилотлари билан ҳамкорликни кучайтириш, уларни давлат гранти ва давлат ижтимоий буюртмаларида иштирок этишларида услубий ёрдамларни кўрсатиш.

4. Жисмоний ривожланишда турли нуқсонлари бўлган ҳамда даволаниш ва соғломлаштиришга муҳтож бўлган имконияти чекланган болаларга ижтимоий кафолатларни таъминловчи чора-тадбирлар самарадорлигини янада ошириш, уларнинг таълим ва тарбия (шу жумладан, инклюзив) таълим олишларига кўмаклашувчи мос муҳитни яратиш.

Битта лойиҳа учун ажратиладиган грант миқдори – 50 миллион сўмгача.

Ҳужжатларни қабул қилиш 2023 йил 10 апрель кунидан 10 май кунигача (шанба ва якшанба кунларидан ташқари) ҳар куни соат 9:00 дан 16:00 гача қабул қилинади.

Маълумот учун телефон: 93 732-77-87, 99 002-75-00, 91 665-08-98

Танловда қатнашиш учун тақдим этиладиган ҳужжатлар ҳамда танловнинг бошқа шартлари билан батафсил танишиш https://fergana.uz/site/view/news/11383043

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-10 10:32:39 Фарғонадан махсус репортаж | Тиббиётдаги ислоҳотлар инсон қадри учун

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-09 15:47:14 Фарғона вилояти билан Хитойнинг Қашқар шаҳри ўртасида кенг кўламли ҳамкорлик алоқалари йўлга қўйилмоқда

Вилоят ҳокими Хайрулло Бозоров, Хитойнинг Шинжон-Уйғур автоном районидаги Қашқар шаҳрининг ҳокими Ясинжан Яхеп бошчилигидаги расмийлар ва тадбиркорлардан иборат делегацияни қабул қилди. Қашқар делегацияси таркибидан шаҳар халқ ҳукумати раиси ўринбосари Мухтор Айити, Савдо-саноат палатаси раиси Мемати Турсун Зунуг, йирик тадбиркорлар ва ишбилармонлар ўрин олдилар.

Фарғона туманидаги вилоят ҳокимлиги “Қабуллар уйи”да бўлиб ўтган учрашувда савдо-иқтисодий, инвестициявий, ижтимоий, маданий, транспорт-логистика, туризм ва кўплаб соҳаларда кенг кўламли ҳудудлараро ҳамкорлик алоқаларини кенгайтириш масалалари муҳокама қилинди.

Мулоқот чоғида Ўзбекистон Президенти Шавкат Мирзиёев ва Хитой Халқ Республикаси Раиси Си Цзиньпиннинг мунтазам учрашувлари ва сиёсий иродаси Ўзбекистон-Хитой ҳар томонлама стратегик шериклик муносабатларини сифат жиҳатидан янги босқичга кўтаргани, мамлакатларимиз ўртасида барча соҳалардаги алоқалар изчил ривожланаётгани алоҳида қайд этилди.

Бугун эрталабдан вилоятимизда амалга оширилаётган йирик лойиҳалар ҳамда мавжуд имкониятлар билан танишган қашқарлик тадбиркорлар, учрашув давомида қатор инвестицон таклифларни ўртага ташладилар. Вилоятимиз ҳудудида аралаш ва бўялган газлама маҳсулотлари ишлаб чиқарувчи йирик корхона ташкил этиш, Экошаҳар ҳудудида 25 қаватли турар-жой бинолари барпо этиш, Фарғонада электромобилларга хизмат кўрсатиш марказлари ва қувватлантириш станциялари тармоғини ташкил этиш каби таклифлар вилоят ҳокими томонидан маъқулланди, уларни амалга оширишга ҳар томонлама кўмак берилиши маълум қилинди.

Фарғона ва Қашқар шаҳарлари ўртасида тўғридан тўғри авиақатновлар ҳамда автобус қатновлари йўлга қўйиш икки ҳудуд ўртасидаги ҳамкорлик алоқаларини янада фаоллаштиришга, сайёҳлик ва ишбилармонлик алмашинувини жадаллаштирилишига хизмат қилиши қайд этилди. қатновларни йўлга қўйиш масаласини икки томонлама ишлаб чиқишга келишиб олинди.

Қашқар шаҳри ҳокими, Фарғона вилояти вакилларини жорий йил 21-25 июнь кунлари Қашқарда 13-бор бўлиб ўтадиган, Марказий ва Жанубий Осиё савдо кўргазмасида иштирок этишга расмий таклиф қилди. Бу таклиф ижобий қабул қилинди.

Яқин кунларда Фарғона вилояти ва Қашқар шаҳри ўртасида биродарлашган ҳудудлар келишуви имзолашга келишиб олинди.

Учрашувда вилоят ҳокимининг ўринбосарлари Иқболжон Эргашев ва Хожиқўзижон Исақов иштирок этдилар.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-09 15:47:11 Ochish/sharhlash

2023-04-08 18:46:52 "Нефтчи" "Андижон" устидан ишончли ғалаба қозониб, 13 очко билан Суперлига пешқадамлигини давом эттирмоқда

Фарғонадаги “Истиқлол” ўйингоҳида Ўзбекистон Суперлигаси 5-туридан ўрин олган "Андижон" – "Нефтчи" баҳси бўлиб ўтди. Унда вилоятимиз футболчилари 2:0 ҳисобида ишончли ғалаба қозондилар.

Диёр Туропов (9-дақ.) ҳамда Нурилло Тўхтасинов (22-дақ.) томонидан киритилган голлар "Нефтчи" жамоасига навбатдаги 3 очкони келтирди.

Беш турдан кейин тўрт ғалаба бир дуранг билан очколари сонини 13 тага етказиб олган "Нефтчи" Суперлига пешқадамлигини давом эттирмоқда.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-08 18:46:49 Ochish/sharhlash

2023-04-08 14:46:27 Ochish/sharhlash

2023-04-07 16:56:10 7 апрель – Бутунжаҳон саломатлик кунида Фарғона шаҳрида ташкил этилган “Саломатлик сайли”да 5000 нафарга яқин аҳоли тиббий кўрикдан ўтказилди

Фарғона шаҳридаги Санъат саройи очиқ саҳнида 7 апрель – Бутунжаҳон саломатлик куни муносабати билан “Саломатлик сайли” ташкил этилди.

Соғлиқни сақлаш вазирлиги ташаббуси билан айни кунларда республика бўйлаб ўтказилаётган “Саломатлик сайллари” шу кунгача вилоятимизнинг Бағдод тумани, Марғилон, Қувасой, Қўқон шаҳарларида ташкил этилиб, минглаб аҳоли республикадан келган малакали мутахассислар ҳамда маҳаллий шифокорлар иштирокида чуқурлаштирилган тиббий кўриклардан ўтказилди.

Фарғона шаҳридаги бугун ташкил этилган сайёр тиббий кўрикларга Республика ихтисослаштирилган тиббиёт марказлари ҳамда вилоятдаги даволаш-профилактика муассасаларининг етакчи шифокорлари, тор доирадаги мутахассислар жалб этилди.

5000 нафарга яқин фуқаролар иштирок этган “Саломатлик сайли” давомида УЗИ, ЭКГ текширувлари, лаборатор таҳлиллар, диагностик текширувлар, даволаш-профилактика тадбирлари ўтказилди, шунингдек саломатлик мавзусида давра суҳбатлари, маданий-маърифий ва спорт тадбирлари ҳам бўлиб ўтди.

Текширувлар натижасида 3 минг 343 нафар фуқарога амбулатор муолажалар белгиланди, 48 нафарига стационар даволаниш учун йўлланма берилди. Ижтимоий ҳимояга муҳтож, сурункали хасталиги бор 21 нафар беморларда юқори технологик жарроҳлик амалиётлари ўтказиладиган бўлди.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-07 16:56:09 Ochish/sharhlash

2023-04-06 18:50:11 Ochish/sharhlash