Фарғона вилояти ҳокимлиги

2023-04-05 14:51:49 Маълумки, Президент ташаббуси билан Тошкент вилоятида “Менинг биринчи уйим” дастури бошланади.

Шу мақсадда Қурилиш вазирлиги ҳузурида махсус уй-жой компанияси ташкил этилади. Унга Зангиота туманидан 36 гектар ер майдони ажратилиб, ушбу ҳудудни комплекс ривожлантириш лойиҳаси ишлаб чиқилади.

Ушбу ҳудудда 2,5 минг оилага мўлжалланган, барча стандартларга жавоб берувчи қулай
ва энергия тежамкор 58 та кўп қаватли уй-жой барпо этилади.

Ушбу уйлардаги 2 ва 3 хонали хонадонлар учун ойлик тўлов миқдори амалдаги субсидияли ипотека тўловларидан арзон бўлади.

Қурилиш вазирлиги, Тошкент вилояти ҳокимлигига бир ҳафта муддатда “Менинг биринчи уйим” шаҳарчасининг мастер режасини якунлаш, лойиҳани экспертлар ва жамоатчилик муҳокамасидан ўтказиш топширилди.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-05 14:33:38 Ушбу чора-тадбирларни молиялаштириш мақсадида 2023 йилда:

- тижорат банкларига 31 минг оилага уй-жой ипотекаси учун 9 триллион сўмлик ресурс йўналтириш;

- дастлабки бадал учун ва фоизларни қоплашга 1,6 триллион сўм субсидия ажратиш;

- ипотека кредитига ресурс бериш ва қурилиш корхоналарининг айланма маблағларини кўпайтириш учун 100 миллион доллар ва 1 триллион сўм қўшимча маблағ ажратиш;

- яна 20 минг оилага банклар ҳисобидан 5,7 триллион сўм ипотека кредити ажратилишини таъминлаш;

- 10 минг аҳолига ўзининг ҳовлисини кенгайтириш ёки қўшимча қурилиш қилиш учун 1,5 триллион сўм кредит ажратиш;

- Ипотекани қайта молиялаштириш компанияси орқали аҳолига 5,5 мингта хонадон сотиб олишлари учун қўшимча 1,7 триллион сўм кредит ресурслари йўналтириш топширилди.

Тижорат банклари балансида ипотекадан қайтиши керак бўлган маблағларни актив сифатида ишлатиб, ипотека облигациясини чиқариш орқали қўшимча 10 триллион сўм ресурс жалб қилиши мумкинлиги кўрсатиб ўтилди. Мутасаддиларга икки ой муддатда “Ипотека облигацияси тўғрисида” қонун лойиҳасини киритишга кўрсатма берилди.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-05 14:23:58 Давлатимиз раҳбари қурилиш ҳажмларини ўз вақтида таъминлаш ҳар бир вилоят иқтисодий кўрсаткичларининг ўсишига катта туртки беришини таъкидлади. Шу боис, аҳоли ва қурувчилар учун янги енгиллик ва имкониятлар яратилади.

Жумладан, ипотека кредити ва субсидия билан кўпроқ аҳоли қамраб олинади:

- 1 майдан бошлаб расмий даромади етарли бўлмаган аҳолига ҳам ипотека кредити олиш имкони яратилади. Бунда уларнинг тўлов қобилиятини аниқлашда банк картасидаги айланма, ижара, коммунал ва бошқа харажатларга тўланган пуллари ҳам ҳисобга олинади;

- дастлабки бадални кўпроқ тўлаган фуқаролар банкдан арзонроқ кредит олиш имкониятига эга бўлади;

- субсидияга ажратилган маблағларни тезроқ ишлатиш учун субсидия хабарномасининг амал қилиш муддати 12 ойдан 4 ойга туширилади. Яъни, бу муддат қисқартирилиши орқали субсидиядан кўпроқ аҳоли фойдаланиши учун имконият яратилаяпти.

Шу билан бирга, 4 ой давомида сертификатидан фойдаланмаган фуқароларга субсидия олиш учун яна қайта мурожаат қилиш ҳуқуқи берилади.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-05 14:11:45 2022 йилда 31 та “Янги Ўзбекистон” массивларини қуриш дастури бошланган эди.

Йиғилишда бу борадаги ишлар Андижон ва Хоразмда яхши кетаётгани таъкидланиб, Бухоро, Қашқадарё, Навоий, Самарқанд, Сурхондарё ва Сирдарёдаги массивларда ҳокимларнинг эътиборсизлиги оқибатида бирорта уй фойдаланишга топширилмагани қаттиқ танқид қилинди.

“Янги Ўзбекистон” массивлари бўйича Фарғонада 80 та, Самарқандда 36 та, Тошкент вилоятида 15 та, Наманганда 14 та уйни фойдаланишга топшириш чўзилиб кетаётгани кўрсатиб ўтилди.

Шу муносабат Бухоро, Қашқадарё, Навоий, Наманган, Самарқанд, Сурхондарё, Сирдарё, Фарғона ва Тошкент вилояти ҳокимларининг қурилиш бўйича ўринбосарлари, Марказий банкнинг вилоят бўлинмалари раҳбарларига ҳайфсан эълон қилинди ва вазиятни ўзгартириш учун бир ой муҳлат берилди.

Умуман, 2023 йилда янги уй-жой қуриш ҳажмини 1,5 бараварга ошириб, 90 мингтага етказиш вазифаси қўйилди.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-04 10:20:48 Ochish/sharhlash

2023-04-03 13:05:22 Ochish/sharhlash

2023-04-02 20:12:04 Сўхнинг Қайроқ массивида ўзлаштирилаётган 1400 гектардан зиёд майдоннинг дастлабки 200 гектарида малина плантацияси барпо этишга киришилди

Вилоят ҳокими Хайрулло Бозоров, вилоят секторлари раҳбарлари билан Сўх туманида бўлиб, туманнинг Қайроқ массивида ўзлаштирилаётган ерларда малина плантацияси барпо этиш жараёнлари билан танишди.

Ўтган йили қуриб фойдаланишга топширилган, лойиҳа қиймати 91 миллиард сўмни ташкил этувчи икки кўтармали “Қайроқ” насос станцияси, 1 метр диаметридаги 4 км. қувур тармоғи орқали 211 метр баландликка обиҳаёт чиқариб, Қайроқ массивидаги 1400 гектардан зиёд яйлов ерларни ўзлаштириб, фойдаланишга киритиш имконини берди.

Ҳозирги кунда ўзлаштирилаётган майдоннинг дастлабки 200 гектарида малина плантацияси барпо этишга киришилди. Малина плантациясида хориждан замонавий малина кўчатлари келтириб экилади, бу ерда етиштирилган малина кластер тизимида тўла қайта ишланиб, хорижга экспорт қилинади, маҳсулотни етиштиришдан уни қайта ишлаб истеъмолчига етказиб беришгача бўлган тўла занжир яратилади. Ушбу жараёнда 400 дан зиёд сўхлик ёшларнинг доимий бандлиги таъминланади.

Иккинчи босқичда 185 гектар майдонда картошка етиштириш йўлга қўйилади. Шунингдек, Қайроқ массивида ёнғоқ, олма ва нок боғлари, тут ҳамда доривор гиёҳлар плантациялари барпо этилиши кўзда тутилган. Жами 3 минг нафардан зиёд ёшлар иш билан таъминланади.

Вилоят ҳокимининг сўхлик нуронийлар, фаоллар ҳамда ёшлар билан мулоқотида янги ўзлаштирилаётган ерларнинг туманда иш ўринлари яратиш, камбағалликни қисқартириш ва оилалар даромадини кўпайтириш борасидаги муҳим аҳамиятига эътибор қаратилиб, Президентимизнинг туманнинг ривожи учун алоҳида эътиборларини ҳар кун, ҳар жабҳада ҳис этиб туришганини таъкидлаган сўхликлар, давлатимиз раҳбарига ўз миннатдорчиликларини изҳор қилишди.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-02 20:11:59 Ochish/sharhlash

2023-04-02 18:11:00 Жавпаяда янги ўзлаштирилган ерларда барпо этилган ўрикзорда илк кўчатлар куртак ёзди

Вилоят ҳокими Хайрулло Бозоров, вилоят секторлари раҳбарлари билан Сўх туманида бўлди

Туманнинг Жавпая массивида қўшимча ўзлаштирилаётган янги ер майдонларида 510 гектар майдонда интенсив ўрикзор ташкил этиш жараёнларини кўздан кечирган вилоят раҳбари, туман фаоллари билан мулоқот қилди.

Президентимизнинг фойдаланилмаётган ерларда ирригация ишларини бажариш ва сувни тежовчи технологияларни жорий қилиш, кам сув талаб қиладиган экинлар экиш ҳисобига ўзлаштириш, бу ерларни ёшларга бўлиб бериш орқали уларни иш билан, даромад билан таъминлаш борасида топшириқларидан келиб чиққан ҳолда 2022 йил бошида ўзлаштиришга киришилган Жавпая массивида жами қарийб 1000 гектар ер фойдаланишга киритилмоқда.

Секундига 200 литр сув тортиш қувватига эга 5 та насосдан иборат станция ёрдамида Қалача ариғидан 426 мм диаметрли қувур билан 5 км тармоқ тортиб, 223 метр баландликка сув чиқариш ишлари якунланди. Бу мақсадда жами 21 миллиард сўм маблағ вилоят маҳаллий бюджети ҳисобидан йўналтирилган.Вилоят ҳокими Жавпая насос станциясида бўлиб, амалга оширилган ишлар билан танишди. Станция, икки-уч кун ичида тўла қувват билан ишлашга бошлаши маълум қилинди.

Массивнинг юқори қисмида тоғлар бағрида эса ўрик боғи барпо этиш ишларига киришилди. Ҳозирги кунда биринчи босқичда 154 гектар ерга ўрик кўчатлари экиш ишлари давом этмоқда, ҳовузлар барпо этилиб, томчилаб суғориш тизими ўрнатилди. Хориждан 37 минг тупдан зиёд ўрик кўчатлари келтирилиб, бугунги кунга қадар 56 гектарга экиб якунланди. Ташкил этилаётган янги ўрикзор, 50 сотихдан лотларга ажратилиб, маҳаллий аҳолига, ишсиз ёшларга ажратиб берилди. Экилган кўчатларнинг дастлабкилари куртак ёзиб улгурди. Яқин кунларда яна 300 гектардан зиёд ер ўзлаштирилади.

Ўрик қаторлари ораларига полиз экинлари, ошқовоқ, дуккакли экинлар, шунингдек фармацевтика, парфюмерия ва озиқ-овқат саноатида муҳим ҳисобланган заъфарон етиштириш йўлга қўйилади. Сердаромад ҳисобланган заъфарон ўсимлигидан биринчи йил гектарига ўртача 4 килограмм, иккинчи йили 7-8, кейинги йилларда 15-16 килограмм ҳосил олинади. Жаҳон бозорида 1 килограмм хомашёнинг нархи 1000 долларгача баҳоланади. Вилоят раҳбари, заъфарон туганак пиёзларини харид қилиш учун аҳолига имтиёзли кредит ҳам тақдим этилишини маълум қилди.

Хайрулло Бозоров ҳамда вилоятнинг бошқа раҳбарлари ер эгасига айланган сўхликлар билан бирга кўчат экдилар.

Қуръон тиловат қилиниб, давлатимиз равнақи, юрт тинчлиги ва халқимиз фаровонлиги, янги ўзлаштирилган ерлар ҳамда ташкил этилаётган боғлар серҳосил бўлиши, меҳнат қиладиганларнинг рўзғорларига барака киритиши борасида дуойи хайрлар қилинди. Яхши ниятлар билан, новвос сўйилиб, жонлиқ гўшти тумандаги кам таъминланган оилаларга тарқатилди.

Ишлаш учун хорижга бормасдан, ўз уйларида яшаб меҳнат қилиш имкониятига ҳамда доимий даромад манбаига эга бўлган сўхликлар, ўзларига бўлган алоҳида эътибор учун Давлатимиз раҳбарига миннатдорчиликларини изҳор қилишди.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-04-02 18:10:57 Ochish/sharhlash