Фарғона вилояти ҳокимлиги

2023-05-16 19:20:30 #Onamga_dil_izhorim

Маънавият ва маърифат маркази Фарғона вилояти бўлими томонидан “Оналарга эҳтиром” фестивали доирасида бошлатилган #Onamga_dil_izhorim челленжи Фарғона шаҳри кўчалари бўйлаб давом этмоқда! Ochish/sharhlash

2023-05-16 18:00:15 Ochish/sharhlash

2023-05-16 17:09:27 21 май куни Фарғонада татар-бошқирд халқларининг миллий байрами – "Сабантуй" бўлиб ўтади

Жорий йил 21 май куни, Фарғонада татар ва бошқирд халқларининг дўстлик, меҳнат, санъат ва спорт миллий байрами – "Сабантуй" бўлиб ўтади.

4 миллионга яқин аҳоли истиқомат қиладиган Фарғона вилоятида 400 минг атрофида ўнлаб миллат ва элат вакиллари дўстлик ва тотувликда ҳаёт кечирмоқдалар. Вилоятимизда фаолият олиб бораётган 8 та миллий маданий марказлардан бири – Татар миллий маданий маркази томонидан ташкил этилаётган ушбу байрамни вилоятимизда яшовчи 2,5 минг нафардан зиёд татар ва бошқирд миллатига мансуб аҳоли вакиллари ўзгача кайфият билан кутадилар.

Шарқий ҳарбий округ қўшинлари қўмондонлиги қошидаги Маънавият ва маърифат маркази биносида (собиқ "Нурхон" кинотеатри) ташкил этиладиган катта байрам тадбири давомида шўх қўшиқлар ва рақслар янграйди, спорт мусобақалари, қизиқарли ўйинлар, халқ амалий санъати кўргазмаси, миллий таомлар тайёрланиш жараёнлари ва намойиши, халқ сайллари, кўрик-танловлар ўтказилади. Вилоятимиз ва республика санъаткорлари ҳамда татаристонлик санъат усталари иштирокида катта концерт дастури ҳам намойиш этилади.

Байрам тадбири соат 15:00 дан 19:00 гача давом этади.

Сабантуй – "шудгор байрами" - татарлар ва бошқирдлар ўртасида ҳар йили ўтказиладиган, баҳорги дала ишлари тугашини билдирувчи халқ байрамидир. Сабантуй нафақат Россияда, балки бутун дунёда бўлиб ўтади. Ушбу байрам Татаристонда давлат байрамига, Россияда федерал байрамга ва дунёнинг кўплаб шаҳарларида расмий шаҳар байрамига айланган халқаро байрамдир.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-05-16 15:17:34 Ochish/sharhlash

2023-05-16 10:45:27 Ochish/sharhlash

2023-05-16 10:26:33 Мактабларда "Сўнгги қўнғироқ" тадбирлари "Илмни қадрланг, илмга интилинг!" шиори остида ташкил этилади

Мактабгача ва мактаб таълими вазирлиги томонидан умумий ўрта таълим муассасаларида "Сўнгги қўнғироқ" тадбирларини ўтказиш бўйича тавсиялар ишлаб чиқилди. Унга кўра:

- "Сўнгги қўнғироқ" тадбирларини 25 май куни соат 8:00 дан 9:00 га қадар "Илмни қадрланг, илмга интилинг!" шиори остида ташкил этиш;

- тадбирларга фақатгина 1-, 4-, 9-, 11-синф ўқувчиларини жалб этиш;

- мактаблар ҳудудига техника воситаларини ва бегона шахсларни киритилмаслик (ота-оналар ва ҳуқуқни муҳофаза қилиш идоралари вакиллари бундан мустасно);

- "Сўнгги қўнғироқ" тадбирларини, назорат имтиҳонлари ва якуний давлат аттестацияларини ўтказишда, таълим муассасаларини янги ўқув йилига тайёрлаш борасида ўқувчи ва битирувчилар ҳамда уларнинг ота-оналаридан турли хил пул йиғимларига йўл қўймаслик белгиланган.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-05-12 20:16:48 Жавпаяда янги ўзлаштирилган ерларда барпо этилган дастлабки интенсив ўрикзорда 400 дан зиёд оила ер эгасига айланиб, бандлиги таъминланди

Вилоят ҳокими Хайрулло Бозоров, Сўх туманининг Жавпая массивида қўшимча ўзлаштирилаётган янги ер майдонларида ташкил этилган интенсив ўрикзорда бўлиб, ҳудуд аҳолиси ва туман фаоллари билан мулоқот қилди.

Президентимизнинг фойдаланилмаётган ерларда ирригация ишларини бажариш ва сувни тежовчи технологияларни жорий қилиш, кам сув талаб қиладиган экинлар экиш ҳисобига ўзлаштириш, бу ерларни ёшларга бўлиб бериш орқали уларни иш билан, даромад билан таъминлаш борасида топшириқларидан келиб чиққан ҳолда 2022 йил бошида ўзлаштиришга киришилган Жавпая массивида жами 1000 гектарга яқин ер фойдаланишга киритилмоқда.

Массивнинг юқори қисмида тоғлар бағрида эса ўрик боғи барпо этилди. Ҳозирги кунда биринчи босқичда 230 гектар ерга хориждан келтириб экилган ўрик кўчатлари куртак отди. Ҳудудда томчилаб суғориш тизими ўрнатилди. Янги ўрикзор, 50 сотихдан лотларга ажратилиб, кооперация усулида маҳаллий аҳолига, ишсиз ёшларга ажратиб берилди.

Ўрик қаторлари ораларига полиз экинлари, ошқовоқ, дуккакли экинлар экишга киришилмоқда. Келгусида шунингдек фармацевтика, парфюмерия ва озиқ-овқат саноатида муҳим ҳисобланган заъфарон етиштириш йўлга қўйилади. Ер эгасига айланган маҳаллий аҳоли вакиллари билан мулоқот қилган вилоят ҳокими, Давлатимиз раҳбарининг эътиборлари билан Сўхда амалга оширилаётган бу улкан ишларнинг асосий мақсади – аҳолининг бандлигини таъминлаш, ишлаш учун хорижга бормасдан, ўз уйларида яшаб меҳнат қилиш имкониятига ҳамда доимий даромад манбаига эга бўлишларига кўмаклашиш эканини қайд этди.

Секундига 200 литр сув тортиш қувватига эга 5 та насосдан иборат станция ёрдамида Қалача ариғидан 426 мм диаметрли қувур билан 5 км тармоқ тортиб, 223 метр баландликка сув чиқариш ишлари якунланди. Бу мақсадда жами 21 миллиард сўм маблағ вилоят маҳаллий бюджети ҳисобидан йўналтирилган.Вилоят ҳокими иккинчи насос станцияси қуриш ишлари ҳам бошланганини маълум қилиб, Жавпаяда сув таъминоти билан боғлиқ ҳеч қандай масала қолмаслигини таъкидлади.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-05-12 20:16:44 Ochish/sharhlash

2023-05-12 20:04:13 Сўхда вилоят ҳокимининг навбатдаги сайёр қабули бўлиб ўтди

Бугун Сўх туман маданият марказида вилоят ҳокими Хайрулло Бозоров томонидан навбатдаги сайёр фуқаролар қабули ўтказилди.

Қабулда вилоят ҳокимининг шахсий қабулини сўраб мурожаат қилган сўхлик фуқароларнинг 85 та мурожаати вилоят ҳокимлигининг бўлимлари, вилоят бошқарма ва ташкилотлари, давлат ва тижорат банклари раҳбарлари иштирокида кўриб чиқилди.

Мурожаатларнинг асосий қисмини соғлиқни сақлаш, шу жумладан даволанишга ҳамда юқори технологик амалиётлар ўтказишга кўмаклашиш, банк кредити ажратиш ва кредит қарздорлигини сўндиришга ёрдам бериш, тадбиркорлик фаолиятини йўлга қўйиш, бандлик, моддий ёрдам, кадастр ҳужжатларини расмийлаштириш, давлат хизматлари, шунингдек, маҳаллаларни ободонлаштириш, сув таъминотини яхшилаш каби масалалар, суд-ҳуқуқ ҳамда прокуратурага оид муаммолар ташкил этди.

Фуқаролар мурожаатларининг кўпи қабул чоғида ўз ечимини топди. Субсидия асосида уй-жой олган ҳамда кредит қарздорлигини сўндиришда қийналаётган бир гуруҳ аёлларнинг мурожаати бўйича ўрганиш ўтказилиб, ҳақиқатдан моддий жиҳатдан қийналаётган, аввалдан кредит қарздорлигини ёпиш бўйича моддий кўмак кўрсатилмаган фуқароларнинг бугунги кунга қадар бўлган қарздорлиги тўла сўндириб берилиши маълум қилинди. Шунингдек, вилоят ҳокимининг кўрсатмаси билан вилоят соғлиқни сақлаш бошқармаси томонидан тумандаги юқори технологик тиббий амалиётга муҳтож эҳтиёжманд фуқаролар рўйхати шакллантириладиган ҳамда амалиёт харажатлари қоплаб бериладиган бўлди.

Ҳал этилиши учун муддат талаб этиладиган мурожаатлар бўйича мутасаддиларга қўшимча ўрганиш бўйича тегишли топшириқлар берилиб, ижроси қатъий назоратга олинди. Шунингдек, суд ва ҳуқуқни муҳофаза қилувчи идораларга доир масалалар ҳам жойида соҳа мутасаддиларига йўналтирилди.

Fergana.uz | Telegram | Facebook | YouTube | Facebook | Instagram | Twitter Ochish/sharhlash

2023-05-12 20:04:11 Ochish/sharhlash