Fitrat.uz

2023-04-26 08:31:10 #Видео #Маъруза

ЭҲСОН ВА ИХЛОС

Жасурбек домла Раупов
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram|  Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2023-04-26 06:59:56 #Ҳадис

Оиша розияллоҳу анҳодан ривоят қилинади. Бу онамиз Расулуллоҳ соллаллоҳу алайҳи васалламга «Уҳуд кунидан ташқари сизнинг устингизда бошқа яна қаттиқ кун бўлганми?» деганларида, Расулуллоҳ соллаллоҳу алайҳи васаллам: «Ҳа, қавмингдан озор етди. Буларнинг энг шиддатлиси Ақаба куни улардан етган озордир. Мен ибн Абдуёлил ибн Абдукулолга ўз даъватимни тақдим қилганимда, у мен хоҳлаган даъватга қулоқ ҳам тутмади. Шу алфозда хафа бўлиб йўлга равона бўлдим. Қарнуссаўлиб номли ерга борганимда, ўзимга келиб, бошимни кўтарсам, бир булут устимда соя бўлиб турибди. Қарасам, Жаброил алайҳиссалом турибдилар. Кейин у зот менга хитоб қилиб: «Албатта, Аллоҳ таоло қавмингизнинг айтган сўзини ва берган раддияларини эшитди. Ҳамда тоғлар фариштасини хизматингизга юборди. Нима хизматингиз бўлса, буюринг, у бажаради», дедилар. Кейин тоғ фариштаси олдига чақириб, менга салом берди. Сўнгра у: «Эй Муҳаммад, албатта, Аллоҳ таоло қавмингиз сизга айтган сўзини эшитди. Мен тоғ фариштасидирман. Аллоҳ мени сизнинг хоҳлаган буйруғингизни рўёбга чиқариш учун юборди. Агар хоҳласангиз, икки метин қояни бир-бирига урайин, улар орасида қолиб ҳалок бўлишсин», деди. Шунда Расулуллоҳ соллаллоҳу алайҳи васаллам: «Балки уларнинг Пушти камаридан Аллоҳга бирор нарсани шерик қилмай, якка Унинг ўзига ибодат қилувчи кишилар чиқиб қолиши мумкин», дедилар.

Имом Бухорий ва Муслим ривоятлари.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2023-04-26 02:38:02 БИСМИЛЛАҲИР РОҲMАНИР РОҲИЙМ!

АЛЛОҲИМ, исмингла бошлаган ушбу кунимизга файзу баракот, Ўзингнинг розилигинг учун ихлосла қиладиган ибодатларимизга шижоат, матонат, сабот бер!

АССАЛОМУ АЛАЙКУМ, ЯХШИЛАР!

Номаи аъмолингизга хайрла битиладиган кун бўлсин!..

@fitratuz Ochish/sharhlash

2023-04-25 20:07:02 “... албатта, намоз мўминларга вақти тайин фарз бўлгандир” (Нисо сураси 103-оят)

2023/1444 Ҳ. ЙИЛ, 26 АПРЕЛ ЧОРШАНБА КУНИ УЧУН НАМОЗ ВАҚТЛАРИ ТАҚВИМИ (Тошкент шаҳри вақти билан)

ТОНГ - 04:01
ҚУЁШ - 05:28
ПЕШИН - 12:26
АСР - 17:13
ШОМ - 19:16
ХУФТОН -20:42
Улашинг
https://t.me/joinchat/AAAAAEGj0hkBXGlopIDbXA Ochish/sharhlash

2023-04-25 18:35:04 #МУТОЛАА_ВАҚТИ

Муборак қўлтиқларининг ости кўринар даражада қўллари кўтарилган эди. Абу Мусо бу қулай фурсатни бой бергиси келмади:
- Эй Аллоҳнинг пайғамбари, менинг учун ҳам мағфират сўрай қолинг, - деди.
Бу истак ҳам рад этилмади:
- Аллоҳим, Абдуллоҳ ибн Қайснинг ҳам гуноҳларини кечир. Қиёмат куни уни мукаммал иззат-икром қилинажак манзилга олиб кир...

Абу Мусо учун бу дуо дунёдан-да, дунёдаги бутун борлиқдан-да қимматли ва азиз эди. Бу жангдан у олган энг катта ўлжа мана шу дуо бўлди.

Молик ибн Авф Автос водийидан қочиб, кўп сонли аскари билан бирга Тоиф қалъасидан паноҳ топди. Дарҳол қалъанинг очилиб қолган жойлари беркитилди, қулаган жойлари тузатилди, дарвозалари ёпилди.

Қария Зурайднинг жангдан олдин қилган тавсиялари ҳозир Моликнинг қулоқлари остида жаранглай бошлади. Ўшанда «Алжираб қолган чол» деб бекорга камситган экан, мана энди ўша одам энг тажрибали ва энг ақлли бўлиб чиқди.

Ҳайҳот, энди виждон азобидан фойда йўқ: қўшин тарқаб кетди, қанчадан-қанча хотину бола-чақа асир тушди, неча йиллар давомида минглаб киши топган водий тўла мол бир умрга қўлдан чиқди. Тажрибасизлик ва гапга қулоқ солмаслик унинг юзига жуда аламли тарсаки бўлиб тушган эди.

Аҳмад Лутфий Қозончи “Саодат асри қиссалари”

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2023-04-25 16:31:04 #Солиҳлар_гулшани

Чунки улар биродар

Бир куни Умар ибн Хаттоб розияллоҳу анҳу тўрт юз динорни бир ҳамёнга солиб, хизматкорига: «Буни Абу Убайда ибн Жарроҳга олиб бориб бергин-да, бир муддат кутиб тур, бу пулни нимага ишлатишини кўргин», деди.

Хизматкор Абу Убайданинг уйига бориб, «Мўминларнинг амири Умар ибн Хаттоб буларни сизга бериб юборди. Эҳтиёжларингизга ишлатинг экан», деди. Абу Убайда: «Аллоҳнинг Ўзи етказди, Аллоҳнинг Ўзи раҳм қилсин», деди ва жориясини чақириб, «Буларнинг бештасини фалончига, еттитасини фалончига олиб бор» деб, пуллар тугагунча уларни тарқатди. Хизматкор ҳазрати Умарнинг олдига қайтиб келиб, бўлган воқеани айтиб берди.

Ҳазрати Умар яна шунча пулни олиб, «Буни Муоз ибн Жабалга олиб бориб, унинг ҳам нима қилишини кўриб кел», деди. Хизматкор пулларни Муозга олиб бориб, Абу Убайдага айтган гапларни унга ҳам айтди. Муоз ҳам Абу Убайда сингари пулнинг ҳаммасини тарқатиб юборди. Хизматкор қайтиб келиб, ҳазрати Умарга «Иккови ҳам бор пулни муҳтожларга тарқатиб юборишди», деди.

Умар ибн Хаттоб розияллоҳу анҳу: «Чунки улар биродар-да! Аллоҳ уларнинг ҳаммасидан рози бўлсин!» деди.

«Солиҳлар гулшани» китобидан

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2023-04-25 15:00:15 #Видео #Маъруза

РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМНИНГ СУЮКЛИ ШАҲАРЛАРИ

Жасурбек домла Раупов
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram|  Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2023-04-25 13:34:05 #САВОЛ_ЖАВОБЛАР

CАВОЛ: Шаввол ойида тутиладиган рўзани бир куни жумага тўғри келиб қолса нима қилиш керак?

ЖАВОБ: Бисмиллаҳир Роҳманир Роҳим.
Шаввол рўзасини кетма-кет тутаётганда рўзанинг бир куни жума кунига тўғри келса, зарари йўқ. Лекин Шаввол рўзасини бўлиб-бўлиб тутаётганда фақат жума кунида рўза тутиш макруҳ. Жума кунининг ё аввалидан, ё ортидан яна бир кунни қўшилса, макруҳ бўлмайди. Валлоҳу аълам.

Ўзбекистон мусулмонлари идораси
Фатво ҳайъати.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2023-04-25 10:59:24 #ҲАДИС

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:
«Айтинглар-чи, агар бирингизнинг эшиги олдида анҳор бўлса, у ўшанда ҳар куни беш марта ювиниб турса, унинг киридан бирор нарса қоладими?» - дедилар. «Унинг киридан ҳеч нарса қолмайди», дейишди. У зот соллаллоҳу алайҳи васаллам: «Ана шунга ўхшаб, Аллоҳ беш вақт намоз ила хатоларни ювади», дедилар».

Бешовларидан фақат Абу Довуд ривоят қилмаган.

@fitratuz Ochish/sharhlash

2023-04-25 09:31:43 #Долзарб_мавзу

Қуръон ва суннатдан тўғридан тўғри ҳукм олиш. (14-маъруза)

Ислом шариати асослари ва ҳукмлари Аҳли сунна вал жамоага мансуб тўртта мазҳабда ҳам Қуръони карим ҳамда ҳадиси набавийдан олинади. Агар ушбу иккита манбадан топилмаган тақдирда ижмоъ ва қиёсга мурожаат қилинади. Бунга тааллуқли алоҳида илм шаклланган. Шариатнинг асосий манбаъларидан шаръий хукмларини ишлаб чиқиш қоидаларини ўрганадиган фанга “Усулул фиқҳ” дейилади.

Батафсил

Ижтимоий тармоқлардаги саҳифаларимиз:
Facebook|Youtube|Telegram| Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash