Bankers.uz - Банк тизими янгиликлари

2023-05-12 13:08:22 Жиззахда Гарант банкнинг янгиланган филиали иш бошлади

11 май куни Жиззах шаҳрида "Гарант банк" АЖнинг янгиланган филиали очилиш маросими бўлиб ўтди. Филиал Жиззах шаҳри Шароф Рашидов кўчаси 1-уйда жойлашган.

Янгиланган филиал кенг кўламли банк хизматларини, хусусан, кредитлаш, карта амалиётлари, бизнес учун тарифлар, пул ўтказмалари, коммунал ва бошқа тўловларни амалга оширишда аҳоли ва бизнес вакилларига банк хизматларини кўрсатади.


@bankers_uz Ochish/sharhlash

2023-05-12 10:15:08 Ипотекани қайта молиялаштириш компанияси ресурслари асосан иккиламчи бозор учун йўналтирилган

Марказий банк тақдим этган "Ипотека кредитлари шарҳи"га кўра, 2023 йил 1-чорагида аҳолига 3,3 трлн сўм ипотека кредитлари (ўтган йил 1-чорагига нисбатан 1,2 баробар кўп) ажратилган. Ипотека кредитларининг жами аҳолига ажратилган кредитлардаги улуши 44 фоизни ташкил этган.

1-чорак давомида Ипотекани қайта молиялаштириш компанияси 521,3 млрд сўмлик ресурсларни ипотека кредитлари учун йўналтирган. Ушбу ресурсларнинг мутлақ катта қисми (97,5%) иккиламчи бозордан уй-жой сотиб олиш учун ажратилган. Ҳисобот даврида компания ресурслари ҳисобидан банклар бирламчи бозордаги уй-жойлар учун кредит ажратмаган.

Батафсил - https://bankers.uz/news/1103


@bankers_uz Ochish/sharhlash

2023-05-12 07:04:23 ANORBANK’дан юридик шахслар учун валюта курслари

Банк томонидан юридик шахслар учун ҳар куни махсус валюта курслари таклиф қилинмоқда. Бундан ташқари, ойига умумий 1 миллион доллардан ортиқ миқдорда валюта сотиб олинса, валюта курси янада пастроқ бўлади. Юридик мижозлар ANORBANK'да ҳисобрақам очиб, валюта конвертациясидан фойда қилишлари мумкин.

Кунлик валюта курслари @anorbank каналида бериб борилади. Ochish/sharhlash

2023-05-11 15:38:18 "Яшил кредитлар"нинг бир қисми қоплаб берилади

Бугун Ш.Мирзиёев раислигида бўлиб ўтган видеоселектор йиғилишида қайд этилишича, тадбиркорликни қўллаб-қувватлаш жамғармаси томонидан савдо ва сервис корхоналарига қуёш панеллари учун кредит тўловларининг 4 фоизи қоплаб берилади. Шунингдек, халқаро молия ташкилотларидан 100 млн доллар жалб қилиниб, мақбул шартларда аҳоли ва кичик тадбиркорлар учун “яшил” кредит маҳсулотлари яратилади. Аҳолига ажратилган кредит фоизларининг бир қисмини компенсация қилиш учун 100 млрд сўм ажратилади.

Аҳоли ва тадбиркорларга берилган “яшил" кредитлар фоизларининг бир қисмини қоплаш тизимини жорий қилинади.

Батафсил - https://bankers.uz/news/1102


@bankers_uz Ochish/sharhlash

2023-05-10 07:10:48 ANORBANK’дан юридик шахслар учун валюта курслари

Банк томонидан юридик шахслар учун ҳар куни махсус валюта курслари таклиф қилинмоқда. Бундан ташқари, ойига умумий 1 миллион доллардан ортиқ миқдорда валюта сотиб олинса, валюта курси янада пастроқ бўлади. Юридик мижозлар ANORBANK'да ҳисобрақам очиб, валюта конвертациясидан фойда қилишлари мумкин.

Кунлик валюта курслари @anorbank каналида бериб борилади. Ochish/sharhlash

2023-05-09 13:34:46 Халқ банки HUMO ва UZCARD банкоматларини интеграциялашни амалга оширди

Халқ банки ўз банкоматларида ҳам UZCARD ҳам HUMO карталарини қабул қилиш синов тариқасида йўлга қўйилганини маълум қилди.

Эндиликда Халқ банкига қарашли банкоматлардан иккала тўлов тизими карталаридаги пулларни нақдлаштириш ва бошқа хизматлардан фойдаланиш мумкин. 

Эслатиб ўтамиз, Ўзбекистонда ўрнатилган жами банкоматларнинг 35 фоизи Халқ банкига тегишли.


@bankers_uz Ochish/sharhlash

2023-05-08 17:16:06 Апрел ойида 1,2 трлн сўмлик ипотека кредитлари ажратилган

Марказий банк маълумотларига кўра, Ўзбекистон тижорат банклари томонидан ўтган 4 ой давомида 4,4 трлн сўмдан ортиқ, шу жумладан апрель ойида қарийб 1,2 трлн сўмлик ипотека кредитлари ажратган. Кредитларнинг 64 фоизи бирламчи, 36 фоизи иккиламчи бозордаги уй-жойларни харид қилиш учун ажратилган.

Жами кредитлар қолдиғида Иқтисодиёт ва молия вазирлиги ресурслари ҳисобидан ажратилган ипотека кредитлари улуши (58,6%) ортишда давом этган. Шунингдек, 25 фоиз ипотека кредитлари банкларнинг ўз маблағлари ҳисобидан, тижорий шартларда ажратилган ипотека кредитларидан иборат.

Батафсил - https://bankers.uz/news/1082


@bankers_uz Ochish/sharhlash

2023-05-08 09:38:59 Tenge Bank Андижонда ўз янги офисини очди

5 май куни Андижон шаҳрида "Tenge Bank" АТБнинг универсал БХМ форматидаги янги офиси очилиш маросими бўлиб ўтди.

Тадбирда "Tenge Bank" АТБ Бошқаруви раиси ўринбосари Улуғбек Таваккалов, Андижон шаҳар ҳокими Ғофуржон Абдураҳмонов, Марказий банкнинг Андижон вилояти Бош бошқармаси бошлиғи Ойбек Исоқов, мижозлар, тадбиркорлар ҳамда корхона раҳбарлари иштирок этди.

Батафсил - https://bankers.uz/news/1098


@bankers_uz Ochish/sharhlash

2023-05-06 16:51:36 Марказий банк раиси ўринбосари Транспорт вазири ўринбосари этиб тайинланди

2019 йилдан буён Марказий банк раиси ўринбосари лавозимида ишлаб келган Илҳомжон Абдуғаффоров транспорт вазирининг ўринбосари лавозимига тайинланди.


@bankers_uz Ochish/sharhlash

2023-05-05 15:08:42 “YANGI BANK” АЖга банк фаолиятини амалга ошириш ҳуқуқини берувчи лицензия берилди

Ўзбекистон Республикаси Марказий банки бошқаруви Тошкент шаҳрида “YANGI BANK” акциядорлик жамиятини рўйхатдан ўтказиш ва унга банк фаолиятини амалга ошириш учун лицензия бериш тўғрисида қарор қабул қилди.

Шу номдаги савдо белгиси "Yangi-Group" МЧЖ томонидан рўйхатдан ўтказилган. Жамият 2020 йил 19 июнда ташкил қилинган ва Тошкент шаҳри, Юнусобод тумани, А.Темур кўчаси, 99А-уй манзилида рўйхатдан ўтган. Корхона Сингапурдан рўйхатдан ўтган "Yangi Holding Pte. Ltd" нинг 100 фоиз таъсисчилигида ташкил этилган. Раҳбари 2020 йил август ойига қадар Ўзагроэкспортбанк Бошқарув раиси ўринбосари лавозимида ишлаган Одил Амеркулов ҳисобланади.

Батафсил - https://bankers.uz/news/1080


@bankers_uz Ochish/sharhlash