Bankers.uz - Банк тизими янгиликлари

2023-05-16 19:26:40 Агробанк Ислом тараққиёт банкининг йиллик йиғилишида иштирок этди

Жорий йилнинг 11–13 май кунлари Саудия Арабистонида Ислом Тараққиёт банкининг йиллик йиғилиши бўлиб ўтди. Унда Агробанк вакиллари ҳам иштирок этдилар.

Форум давомида Агробанк Хусусий Секторни Ривожлантириш Ислом корпорацияси (ХСРИК) ва Халқаро Ислом Савдо-Молия корпорацияси (ХИСМК) билан бир нечта манфаатли келишувларга эришди. Шунингдек, банк Ислом Тараққиёт банки гуруҳига кирувчи 57 та иштирокчи давлатлар банклари орасида бир йўла 2 та махсус номинациялар бўйича эътироф этилди.

Батафсил - https://bankers.uz/news/1112


@bankers_uz Ochish/sharhlash

2023-05-16 16:32:44 Korzinka.uz тармоғи кассаларида карталардаги пулларни нақдлаштириш имкони яратилмоқда

Марказий банк 2023 йилнинг 1 май санасидан эътиборан синов тариқасида “Anglesey Food” МЧЖ ХК'га тегиши "Korzinka.uz" супермаркетлар тармоғи терминаллари орқали банк карталаридаги пулларни нақдлаштиришга рухсат берди. Бу ҳақда Марказий банк расмий телеграм каналида тегиши маълумот эълон қилинди.

Қайд этилишича, синов амалиётлари 1 ноябрга қадар давом этади.

Батафсил - https://bankers.uz/news/1111


@bankers_uz Ochish/sharhlash

2023-05-16 14:03:32 Mastercard Ўзбекистонда ўз ваколатхонасини очмоқда

Самарқандда бўлиб ўтган ЕТТБ йиллик конференцияси доирасида 16 май куни Mastercard Ўзбекистондаги биринчи расмий ваколатхонаси очилишини маълум қилди.

Конференция доирасида Mastercard'нинг инклюзив тараққиёт маркази ЕТТБ билан Марказий Осиёда келгусида ҳамкорликни кенгайтириш бўйича ўзаро англашув меморандумини имзолади. Ушбу меморандум Ўзбекистон ва Қозоғистонда микро ҳамда кичик корхоналар (МКК) рақамли имкониятларини кенгайтириш учун минтақадаги келгусидаги ҳамкорликни ўрганишга қаратилган.


@bankers_uz Ochish/sharhlash

2023-05-16 11:21:14 6 та банк энергетика соҳасида компания ташкил қилди

Энергетика вазирлиги ҳамда бир нечта тижорат банклари 20 февраль куни қайта тикланувчи энергия манбалари соҳасида ишловчи МЧЖ шаклидаги "YASHIL ENERGIYA" компаниясини ташкил қилди.

Компания устав капитали 118,4 млрд сўм бўлиб, унинг 76,4 фоизига тўртта банк — Ўзсаноатқурилишбанк, Асакабанк, Агробанк ва Ўзмиллийбанк (ҳар бирида 19,1% дан улуш билан) ўзларининг инвестицион компаниялари орқали эгалик қилади. Жамиятнинг қолган 23,6 фоиз улуши Тармоқлараро энергетикани тежаш жамғармаси (Энергетика вазирлигига тегишли), Туронбанк ҳамда Қишлоқ қурилиш банкка тегишли экани айтилмоқда.

Батафсил - https://bankers.uz/news/1109


@bankers_uz Ochish/sharhlash

2023-05-15 11:33:19 Андижон, Самарқанд ва Навоий вилоятларида имтиёзли кредит маблағларини ўзлаштирган МЧЖ раҳбарлари аниқланди

Бош прокуратура ҳузуридаги Департамент бир нечта ҳудудда аниқланган кредит маблағларининг талон-торож ҳолатлари ҳақида маълумот берди.

Хусусан, Қўрғонтепа туманида МЧЖ раҳбари тикув дастгоҳлари ва хом-ашёлар сотиб олишга ажратилган 1,5 млрд сўм имтиёзли кредитни, Ургут туманида МЧЖ раҳбари пластик қувурлар ишлаб чиқариш учун ускуналар харид қилишга ажратилган 74 500 АҚШ доллари ва 750 млн сўм имтиёзли кредитни, Хатирчи туманида эса МЧЖ раҳбарлари ва бошқалар 15 нафар фуқарога ажратилган жами 442,8 млн сўм имтиёзли кредитни ўзлаштириш йўли билан талон-торож қилганликлари аниқланган.

Батафсил - https://bankers.uz/news/1108


@bankers_uz Ochish/sharhlash

2023-05-15 07:23:30 ANORBANK’дан юридик шахслар учун валюта курслари

Банк томонидан юридик шахслар учун ҳар куни махсус валюта курслари таклиф қилинмоқда. Бундан ташқари, ойига умумий 1 миллион доллардан ортиқ миқдорда валюта сотиб олинса, валюта курси янада пастроқ бўлади. Юридик мижозлар ANORBANK'да ҳисобрақам очиб, валюта конвертациясидан фойда қилишлари мумкин.

Кунлик валюта курслари @anorbank каналида бериб борилади. Ochish/sharhlash

2023-05-12 19:36:38 Асакабанк акциядорларининг йиллик умумий йиғилиши 3 июнда бўлиб ўтади

"Асакабанк" АЖ Кузатув Кенгашининг 2023 йил 12 майдаги қарорига мувофиқ, банк акциядорларнинг йиллик умумий йиғилиши 2023 йил 3 июнь соат 10:00да "Асакабанк" АЖ бош офиси биносида бўлиб ўтади. Бу ҳақда банк Матбуот хизмати маълум қилмоқда.

Йиғилиш кун тартибидан бир нечта масалалар, хусусан, йил якунлари бўйича Кузатув Кенгаши ва бошқарув раисининг ҳамда банк умумий ҳисоботларини тинглаш ва тасдиқлаш, 2023 йил бизнес-режасини тасдиқлаш, Кенгаш аъзоларига йил якунлари бўйича тегишли мукофотларни тўлаш ва бошқалар ўрин олган.

Батафсил - https://bankers.uz/news/1107


@bankers_uz Ochish/sharhlash

2023-05-12 17:19:54 Яқинда эълон қилинган аҳолининг истеъмол кайфияти шарҳида аҳолининг йирик харажатлари қаторида автомобиль сотиб олиш улуши кўпайганлиги қайд этилган. Бироқ, сўралган аҳолининг 35 фоизида жамғармалар йўқлиги айтилган.

Ўзбекистонда бирламчи автомобил сотиб олиш жараёнлари тўловнинг маълум қисмини (кўпинча ярмини) тўлаб, қолган қисмини автомобилни салондан олиб чиқишда тўланишига асосланган, лекин, юқорида айтилганидек, аҳоли шу жараёнда ҳам тўловда қийинчиликларга дуч келиши мумкин.

Ушбу ҳолатда Туронбанкнинг янги автокредит маҳсулоти қўл келади. Унга кўра, автомобил учун 50 фоиз тўлов қилганлар, қолган тўловни Туронбанк кредити асосида тўлаб юбориш имконига эга бўладилар. Кредит эса 4 йилда муддатга берилади.

Маълумот учун қисқа рақам: 1220
Сайт: www.turonbank.uz


@bankers_uz Ochish/sharhlash

2023-05-12 15:32:37 Трастбанк “Кичик ва ўрта бизнес йўналишида энг яхши ҳамкор” деб эътироф этилди

Шу кунларда Саудия Арабистонининг Жидда шаҳрида бўлиб ўтаётган Ислом тараққиёт банкига аъзо мамлакатлар Кенгашининг йиллик йиғилишида Халқаро ислом савдо-молия корпорацияси томонидан Трастбанк “Кичик ва ўрта бизнес йўналишида энг яхши ҳамкор” деб эътироф этилди.

Форум доирасида ўтказилган тантанали тадбирда ушбу мукофотни Ислом тараққиёт банки раиси Доктор Муҳаммад Сулаймон ал-Жассир ҳамда Халқаро ислом савдо-молия корпорацияси бош ижрочи директори Ҳани Салим Сонбол Трастбанк Бошқарув раиси Сардор Нормухамедовга топширди.

Батафсил - https://bankers.uz/news/1106


@bankers_uz Ochish/sharhlash

2023-05-12 14:38:40 Ипотека кредитлари қолдиғининг асосий қисми 6 та банк ҳиссасига тўғри келади

Марказий банк маълумотларига кўра шу кунга қадар ажратилган ипотека кредитлари қолдиғининг ярмидан кўп улуши 3 та банк — Ипотека банк (25,3 фоиз, 12,2 трлн сўм), Қишлоқ қурилиш банк (20,6 фоиз, 9,9 трлн сўм) ва Ўзмиллийбанк (15,7 фоиз, 7,5 трлн сўм) ҳиссасига тўғри келган. Шунингдек, ЎзСҚБ (8,9 фоиз, 4,3 трлн сўм), Халқ банки (7,3 фоиз, 3,5 трлн сўм) ҳамда Асакабанк (6,7 фоиз, 3,2 трлн сўм) лар ҳам ипотека кредитлари қолдиғида салмоқли ўрин эгаллаган.

Қишлоқ қурилиш банк, Ипотека банк, Ориент Финанс банк ҳамда Халқ банки кредит портфелида ипотека кредитлари улуши юқори салмоққа эгалигини қайд этиш мумкин.

Ажратилган кредитларнинг қарийб 75 фоизи 20 йил муддатга ажратилган кредитлардир.

Батафсил - https://bankers.uz/news/1104


@bankers_uz Ochish/sharhlash