Bahodir Ahmedov

2022-09-22 17:40:20 Конституциявий комиссия матбуот котиби Одилжон Тожиев маълум қилган икки ўзгариш диққатимни тортди.

1) 99-моддага қуйидаги мазмундаги янги қисм киритилиши таклиф этилмоқда:

Вилоят, туман, шаҳар ҳокими лавозимини эгаллаб турган шахс бир вақтнинг ўзида тегишли халқ депутатлари Кенгашининг раиси лавозимини эгаллаши мумкин эмас.

Шунингдек, амалдаги Конституциянинг 112-моддасига ҳам янги қисм қўшилиши кўриб чиқилмоқда:

Давлат судьянинг ва унинг оила аъзоларининг хавфсизлигини таъминлайди.

Ҳокимларнинг бу энг асосий коррупциоген ваколатларидан бири олиб ташланаётгани ҳаётимизда ўзгариш ясайди.

Судья ва унинг оиласи қўриқланиши албатта керак. Лекин энг асосийси судьяни турли қўнғироқлар, босимлардан асраш керак. Буниям қанақадир механизми ишлаб чиқилиши керак.

Ома Одилжон ака Қонунчилик палатаси Спикер ўринбосари бўлганини билмагандим. Ака Спикернинг ахборот фаолиятини мувофиқлаштириш ва оммавий ахборот воситалари билан ҳамкорлик масалалари бўйича ўринбосари экан.

Қонунчилик палатасидаги очиқлик масаласидаги ишларни сал жонлантириш керак ома! Сенат нисбатан фаолроқ, назаримда.

@bahodirahmedoff Ochish/sharhlash

2022-09-22 16:06:20 Янги қонунга кўра давлат ишларида "премия" ва устамалар бериш тартиби қандай?

"Давлат фуқаролик хизмати тўғрисида"ги Қонун яқинда кучга киради. Агар давлат ишида ишласангиз бу сизнинг бевосита чўнтагингизга таъсир қилади, ишонмайсизми?

Қонунга кўра, давлат фуқаролик хизматчисининг меҳнатига ҳақ тўлаш қуйидагиларни ўз ичига олади:

базавий лавозим маоши (оклад);
кўп йиллик хизмат учун қўшимча тўлов;
малака даражаси учун қўшимча тўлов;
давлат фуқаролик хизматчиси фаолиятининг энг муҳим самарадорлик кўрсаткичларига эришганлик учун қўшимча устама;
ҳисобот даври якунлари бўйича рағбатлантириш тўловлари.

Рағбатлантириш бўйича Қонунда аниқроқ тушунтириш берган. Амалдаги бўшлиқлар бирмунча ёпилган. Рағбатлантириш қуйидагилардан иборат:

лавозим маошига қўшимча устамалар;
пул мукофоти;
навбатдан ташқари малака даражасини бериш;
миннатдорчилик эълон қилиш;
қимматбаҳо совға, эсдалик ёки кўкрак нишони ёхуд ёрлиқ билан мукофотлаш.

Бу рағбатлантириш чораларини қўллашда бир неча ҳолатларга эътибор қаратилади. Бу критериялар:

ой, чорак, ярим йил, йил якунлари бўйича фаолиятнинг энг муҳим самарадорлик кўрсаткичларини бажарганлик ва ошириб бажарганлик;
ўта муҳим вазифаларни бажарганлик;
зиммасига юклатилган вазифанинг мураккаблиги ва муҳимлиги, шунингдек унинг фаолиятида эришилган юқори натижалар;
байрам кунлари, юбилейлар, нишонланадиган саналар ва пенсияга чиқиш.

Қонун 10.11.2022дан кучга киради

@bahodirahmedoff Ochish/sharhlash

2022-09-22 15:21:16 Беш ташаббус олимпиадасининг иккинчи мавсуми доирасида ўтказилаётган «Қувноқлар ва зукколар» турнирида иштирок этинг!

Республикамизнинг барча маҳаллаларида истиқомат қилувчи ёшлар, 20-29 сентябрь кунлари бўлиб ўтадиган маҳалла босқичини ўтказиб юборманг.

Турнирда 16 ёшдан 30 ёшгача бўлган ёшлар 14 нафар аъзодан иборат маҳалла жамоаси билан иштирок этишлари мумкин.

Ижтимоий тармоқлар:
Telegram Instagram Facebook Ochish/sharhlash

2022-09-22 14:45:32 Жириновский "уруш бу катта капитални қаерга йўналтиришни билмасликдан келиб чиқади" деб урушга изоҳ берар экан мобилизация ҳақида гапирган экан. "Қисман" деб қўшимча қилиб қўяди орқасидан.

Путин Россияси демак мобилизация ҳақида кўп ўйлаган. Нега? Чунки улар урушни, нима бўлсаям урушиб ўзларини кучли эканлигини кўрсатишни хоҳлашган. Бугун Украинани бошиша тушган кун, Украинани эмас бошқа давлатни бошига тушишиям мумкин эди. Фарқи йўқ уруш бўлса бўлди. Советча одамлар доим ғалаба эйфориясини қўмсаб яшайди.

Айнан шу мобилизация Путин Россиясининг бошиша етади.

@bahodirahmedoff Ochish/sharhlash

2022-09-22 14:16:45 Тошкентдаги Инновацион ва ижтимоий-иқтисодиёт университетига қабул давом этмоқда!

Тошкентдаги Инновацион ва ижтимоий-иқтисодиёт университетига Ўзбекистон Республикаси техникумларини муваффақиятли тамомлаган битирувчилар иккинчи босқичдан ҳамда Давлат олий таълим муассасаларига кириш учун тест синовларда иштирок этиб, 56,7 ва ундан юқори балл тўплаган абитуриентлар турдош йўналишларга суҳбат асосида қабул қилинади. Қабул 15 октябргача давом этади.

Шунингдек, кундузги таълим шаклида таҳсил олаётган талабаларни қўллаб-қувватлаш мақсадида турар жой ижараси учун ўқув йили давомида ҳар ойда 100 минг сўмдан компенсация ажратилади.

Хорижий, давлат ва нодавлат олий таълим муассаларидан ўқишни кўчириш имконияти ҳам мавжуд.

Онлайн ҳужжат топшириш: http://qabul-iiiu.uz/site/register

Мурожаат учун:
+998 97 009 79 75
+998 94 609 79 75
+998 91 013 79 75
+998 33 091 00 77

Манзил: Тошкент шаҳар, Олмазор тумани, Уста Ширин кўчаси, 116-уй
Тошкент шаҳар, Янгиҳаёт тумани, Қанора кўчаси, 44-уй

Telegram | Instagram | Facebook | Veb-sayt Ochish/sharhlash

2022-09-22 11:10:22 Россия фуқаролигини оламан деб Жиноят кодекси 154¹-моддаси билан жиноятчи бўлиб қолманг.

Фируз Аллаев гапларига ҳамфикрлик.

@bahodirahmedoff Ochish/sharhlash

2022-09-22 10:27:09 Ижтимоий тармоқларда Туронбанк Россиянинг «Мир» карталаридан воз кечгани ҳақида хабарлар тарқалди.

Мазкур хабарларни текшириш асносида айни вақтда Туронбанк расмий сайтидан «Мир» карталари бўлими олиб ташлангани кузатилди.

Хабарларда айтилишича, мазкур банкда кеча соат 17:00ларга қадар «Uzcard-Мир» карталарини 36 минг сўм эвазига очиш мумкин бўлган, аммо айни дамда бу хизмат тури банк сайтидан олиб ташланган.

@bahodirahmedoff Ochish/sharhlash

2022-09-22 09:57:38 Прописка ва валюта айирбошлаш

Мурожаатчи ёзмоқда:

Ман Навоий шаҳридаги Ипотека банкнинг филиалига валюта олиш учун боргандим. У ёқдагилар банк ходимлари вақтинчалик пропискангиз муддати ўтиб кетибди деб манга сотишмади.

Саволим пропискани долларга сотиб олишга нима дахли бор. Ҳеч тушунмадим.
Яхшилаб қарасам муддати ҳали ўтмаган экан. Бошқа банкдан сотиб олдим.

Мен: очиғини айтсам бу ҳолатдан мен ҳам ҳайратдаман. Бунақасини кўрмагандим ҳали.

@bahodirahmedoff Ochish/sharhlash

2022-09-22 09:15:59 МУФТИЙ ҲАЗРАТ ДИНИЙ СОҲА ХОДИМЛАРИНИ ЖИДДИЙ ОГОҲЛАНТИРДИ

Куни кеча, 21 сентябрь куни республикадаги туман-шаҳар бош имом-хатибларининг ўта танқидий руҳда ўтган йиғилишида Муфтий ҳазрат барча диний соҳа ходимларини жиддий огоҳлантирди.

Мажлисда айрим имом-домлалар босар-тусарини билмай қолгани, амалдаги қонун талабларини менсимаётгани ва мўмин-мусулмонлар бўлинишига сабабчи бўлаётгани диний соҳага катта доғ эканини афсус билан қайд этилди.

Муфтий ҳазрат юртимиз мўмин-мусулмонлари ҳуқуқий давлат ва қонун устувор бўлган жамиятда истиқомат қилиши, барча қонун олдида тенг эканини, шу боис, нима касб қилиш ва қандай лавозим эгаси бўлишидан қатъий назар барча қонунга амал қилиши зарур эканини алоҳида таъкидлади.
Агар-да, ҳуқуқий нормаларини менсимай, одамларни тафриқага чақирса, муайян шахс, ҳудуд ё касб эгаларига нисбатан таҳқирлашларга йўл қўйса, мавжуд ҳолатни қонун доирасидан четда ҳал қилишга уринса, ҳар қандай диний соҳа ходими салоҳияти ёки қанча йил меҳнат қилганига қарамай вазифасидан озод қилинишини Муфтий ҳазрат қатъий билдирди. Қонунга итоат – раҳбарга итоат, бу эса динимиз талаби ҳисобланиши эслатилди. Асосий мезон ҳалоллик, тақво, садоқат ва итоатда экани баён этилди.

Мана шундай қўпол хато-камчиликларга йўл қўйган 15 нафар имом-хатиб, 6 нафар имом-ноиби ва 2 нафар вилоят муҳтасиби ўтган 8 ойда вазифадан бўшатилгани, шунингдек, 19 нафар диний соҳа ходимига “ҳайфсан” жазоси берилгани маълум қилинди.
Шунингдек, ушбу йиғилишнинг ўзидаёқ 4 нафар туман бош имоми ишдан олинди ва 1 нафарига интизомий чора қўлланди.

Шунингдек, барча диний соҳа ходимлари иш фаолиятини тартибга солиши тўғрисида қатъий огоҳлантирилди.

Ўзбекистон мусулмонлари идораси
Матбуот хизмати

@nurbekalimov Ochish/sharhlash

2022-09-21 17:40:00 ​Президент собиқ маслаҳатчиси Абдувоҳитовнинг топшириғи билан бўшатилган ходимлар ишга тикланди. Ноқонуний буйруқ бекор қилинди

Бугун менинг адвокатлик тажрибамда жудаям қизиқ суд мажлиси ўз ниҳоясига етди. Гап шундаки, 2021 йил 6 июлда Соғлиқни сақлаш вазирининг тегишли буйруғи билан Юридик бўлим бошлиғи Руслан Муҳаммадиев ва Комплеанс, ички аудит ва молиявий назорат хизмати бошлиғи Бахтиёр Хажихановларни ишдан бўшатилади. Ишда бўшатишга асос сифатида Президентнинг собиқ маслаҳатчиси Абдувоҳитовнинг оддий кўрсатма хати. Хат ҳам қизиқ. Кўп нарса ёзилмаган, шунчаки мазмунан фалончи фалончиларни ишдан бўшатиб юборинглар дейилган.

Вазирлик бу хатни олиб Меҳнат кодексининг 106-моддаси 6-банди билан “қонунда назарда тутилган бошқа ҳоллар”да деган пункти билан ишдан бўшатиб юборган. Қойилмисиз? Меҳнат қонунчилигида бошқа асос топилмагандан кейин вазирлик мажбур шу бандни қўллаган. Ахир, "госсоветник"нинг хати турибди-ку.

Қонун нима дейди?

"Қонунда назарда тутилган бошқа ҳоллар"да деган жойига маслаҳатчининг хати тушадими? "Норматив-ҳуқуқий хужжатлар тўғрисида"ги Қонун 7-моддасида қонун хужжатларига Конституция, қонунлар ва Олий Мажлис палата қарорлари кириши кўрсатилган. Қарангки, қуйи судлар маслаҳатчисининг хатини қонунга тенглаштириб қабул қилган ва тўғри бўшатилган деб топган. Ҳусусан, фуқаролик ишлари бўйича Шайхонтохур туманлараро суди судьяси И. Қурбонбоев ва фуқаролик ишлари бўйича Тошкент шаҳар суди томонидан бу хатни қонунга тенглаштириб қўйган. 106-модда 6-қисми бўйича тўғри бўшатилган деб топган. Қизиқ а? Ушбу масалада YURISTKADR Саидали ака бир неча марталаб танқидий чиқишлар қилган ва биринчи инстанциядан бошлаб ўз муносабатини билдириб келган.

Кассациядаги адолат

Лекин бугун ушбу масала Олий суднинг фуқаролик ишлари бўйича кассация судлов ҳайъати: раислик қилувчи О. Қодиров ва ҳайъат аъзолари И. Болтаходжаева, Ж. Тиркашев томонидан кўриб чиқилиб адолатли қарорга келинди. Муҳаммадиев ва Хажиханов ўз ишига тикланиши, ноқонуний буйруқ бекор қилинди, мажбурий прогул ва маънавий зарарлар ундирилиши белгиланди. Адолат қарор топди!

Сигналлар

Бу суддан мен бир неча сигналлар кўрдим. Биринчидан, Олий суднинг янги раиси келгани боис аввало қонунийлик таъминланишига қўрқмай эътибор қаратилмоқда. Шунингдек, Ҳалилилло Тўрахўжаев раислигидаги Олий суднинг фуқаролик ишлари бўйича судлов ҳайъатида қонунни қўллаш масаласида етарлича журъат мавжуд ва одил судловни таъминлашда жонбозлик етарли. Иккинчидан, Президент администрациясининг янги раҳбарияти ҳам судлар мустақиллиги, ҳуқуқий давлат принципларини ҳурмат қилади.

Ҳуқуқий давлатда фақат қонунларга эътибор қаратилади. Яшасин адолатли суд! Яшасин судлар мустақиллиги ва қонунийлик!

@bahodirahmedoff Ochish/sharhlash