Ўзбекистон Республикаси Президентининг 'Уй-жой шароитини яхши | Bahodir Ahmedov

Ўзбекистон Республикаси Президентининг "Уй-жой шароитини яхшилашга муҳтож аҳолини қўллаб-қувватлаш, ипотека кредити механизмларидан фойдаланиш амалиётини янада такомиллаштириш ва кенгайтириш" бўйича қарори эълон қилинди.

Мени эътиборимни тортган жиҳати қарорда шундай банд бор:

"Вазирлар Маҳкамаси бир ҳафта муддатда аҳолига уй-жой сотиб олиш ёки якка тартибдаги уй-жойларни қуриш ва реконструкция қилиш учун субсидия ажратиш жараёнларини рақамлаштириш, шунингдек, ипотека кредити ажратиш тартибини соддалаштиришни назарда тутувчи қарорни қабул қилсин."

Мени назаримда мана шу қарорда "Ўзини ўзи банд қилган фуқаролар" нинг ҳам кредит ва ипотека олиш статусларини белгилаб беришлари керак. Бугунги кунда минглаб фуқаролар ўзини ўзи банд қилганлардир, репититорлар, фрилансерлар, уйида пишириқ қиладиганлар, ҳунармандлар, сартарошлар ва яна бир қатор аҳоли вакиллари шу тоифага киради. Аммо буларга ипотека ёки кредит бериш тизими йўқ.

Банкдагиларни ўзи ҳам билмайди уларга қандай қилиб ипотека бериш мумкинлигини. Мана шу нарсани ҳам қатъий қоидаларини белгилаб беришса яхши бўлар эди.

@nurbekalimov