2023-02-09 08:35:58
Тадбиркор ва аҳоли ишлаб чиқарган электр энергияси давлат томонидан кафолатли сотиб олинади.
Шу йилнинг 8 февраль куни давлатимиз раҳбари пойтахтимизнинг Сергели туманига ташрифи давомида
жамоатчилик вакиллари ва мутасаддилар иштирокида йиғилиш ўтказди.
Унда мен ҳам иштирок этдим.
Йиғилишда Тошкент шаҳрининг
электр энергияси ва табиий газга эҳтиёжи тобора ортиб бораётгани, бу борада
қайта тикланувчи энергия салоҳиятидан фойдаланиш зарурлиги таъкидланди.
Шаҳарда камида
2 минг мегаваттга яқин қувватли қуёш панелларини ўрнатиш мумкинлиги қайд этилди. Бу ишлар билан кўп қаватли уйлар, ижтимоий соҳа объектлари, давлат идоралари ва тадбиркорлик биноларининг том қисми, саноат зоналари ҳудуди, автотураргоҳлар ва йирик сув иншоотлари ҳудудини қамраб олиш мумкинлиги таъкидланди.
Натижада 2023 йилда кутилаётган 240 миллион киловатт соатлик талабни
4 баравар ортиғи билан, яъни 1 миллиард 80 миллион киловатт соат ҳажмда таъминлаш имконияти пайдо бўлади.
Президентимиз
электр ишлаб чиқаришда давлат монополиясидан кетиб, рақобатли муҳит жорий қилиш зарурлигини таъкидлади.
Аҳоли ўз хонадонида панел ўрнатса, эҳтиёжидан ортиқ тармоққа сотган
электр энергиясининг ҳар бир киловати 1 минг сўмдан сотиб олинади.
Ҳар ойда ҳисоб-китоб қилиб,
маблағлар хонадон эгасининг пластик картасига ўтказиб берилади.
@a_xaitov
163 views05:35