"Parkent tongi" gazetasi I Расмий канал

#Инсон_қадри

Бугун “Оқ тепа” ва "Янги Навбаҳор" аҳолиси учун кўчма савдо ярмаркаси ташкил этилди

Кеча кечаси билан туманимизда қор ёғиб чиқиши одамларни зарурат бўлмаса кўчага чиқмасликка ундайди.

Ҳа, эрта тонгда қалин қорни кўрган киши борки, кўчага чиқишни хоҳламайди.

Бундай вазиятда озиқ-овқат маҳсулотларининг нархи ошиб кетиши ҳеч гап эмас!

Шу сабаб айни масала зарур чораларни талаб этади. Масалан, арзонлаштирилган кўчма савдо ярмаркаларини чекка ҳудудларга олиб бориш зарур!

Хуллас, бугун прокурор Шарифжон Акбаров ҳамда Иқтисодий жиноятларга қарши курашиш департаментининг Паркент туман бўлими бошлиғи Низомиддин Ишанкулов ташаббуси билан туманимизнинг чекка ҳудуди “Оқ тепа” ва "Янги Навбаҳор" аҳолисининг эҳтиёжи учун арзонлаштирилган савдо ярмаркаси ташкил этилди.

Унда рўзғор учун зарур бўлган ун, ўсимлик ёғи, шакар каби 27 турдаги озиқ-овқат маҳсулоти сотилди.

Бундай арзонлаштирилган кўчма савдо ярмаркаси совуқ кунда нархлар барқарорлигини таъминлаши шубҳасиз.

@PARKENT_TONGI

#Биринчи_босқич

Туманимиздаги энг яхши маҳалла раисини аниқлаш мақсадидаги сўровномамиз давом этмоқда!

Сўровноманинг биринчи босқичида йиғилган овозларни ҳисоблаб қўйдик.

Ушбу хабар расмида йиғилган натижалар билан танишиб чиқинг.

Иккинчи босқич бошланиши олдидан аввалги сўровнома постини каналдан олиб қўйдик.

Якуний натижалар шу ойнинг 19 январь кунида биринчи босқичда йиғилган натижаларга қўшиб ҳисобланади.

Марҳамат, энг яхши маҳалла раисини аниқлаш учун овоз беринг!

Сўровномамизнинг якуний натижасига кўра 1-ўрин, 2-ўрин, 3-ўрин эгаси тақдирланади.

Сўровнома 19 январь куни соат 14:00 гача давом этади.

Ушбу хабарни яқинларингизга ҳам тарқатинг!

Дарвоқе, натижаларни диққат билан ўрганиб чиқингчи, маҳалла аҳолиси ўз раисига овоз беришда қай даражада фаол?

Сўровномада овоз бериш жараёни туман Маҳалла ва нуронийларни қўллаб-қувватлаш бўлими билан ҳамкорликда таҳлил қилиниб, ҳисоблаб борилмоқда!

Овоз беришда қатнашиш учун ушбу каналга уланинг:

https://t.me/parkent_tongi

#Муҳим

Паркентда ҳақиқий қиш манзараси

Хабарингиз бор, ижтимоий тармоқларда аномал совуқ сабаб кўп жойларда қалин қор ёғиши ҳақида маълумотлар тарқалди.

Мана, ниҳоят туманимизда ҳам қалин қор ёғди. Аслида қиш қишлигини қилгани яхши. Буни деҳқончилигимизга катта фойдаси бор албатта.

Хуллас, туни билан Паркент туман йўллардан фойдаланиш корхонасининг ҳамма техникаси йўлларни қордан тозалаш ишларини бажариб чиқди.

Йўлларга қум ва туз аралашмаси сепилди. Ҳайдовчиларга қулайлик яратиш мақсадида йўлларни музлаб, сирпанчиқ бўлишини имкон қадар олди олинди.

Керакли ҳамма ишлар бажарилди, лекин қишнинг куни ўз кучини кўрсатаверади.

Йўлларда эҳтиёт бўлинг!

@PARKENT_TONGI

#Ҳушёр_бўлинг

Паркентда фоторадарлар ишламоқда

Шу ҳақда Паркент туман ИИБ ЙҲХБ бошлиғи, подполковник Дилшод Ҳалилов маълумот бермоқда.

Паркент деҳқон бозори рўпарасидаги катта йўлнинг учта нуқтасига фотокамера ўрнатилган.

Бозорнинг олдида тўхтаб турган автомобиль шу учта фотокамеранинг бирига тушиб қолиши аниқ.

Эътиборсизлик қилиб 600 минг сўм жарима тўлаб юрманг!

Бундан ташқари, 40-мактаб олдидаги светафор яқин жойга ўрнатилган.

"Қорақалпоқ" ҳудудидаги каналга яқин жойда ҳам фотокамера ўрнатилган бўлиб, тезликни 70 км. соатдан оширганларга жарима ёзиляпти.

"Паркент дарвозаси" аркасига ҳам иккита фоторадар ўртатилган бўлиб, тезлик, телефондан фойдаланиш, хавфсизлик камарини тақмаслик билан боғлиқ ҳуқуқбузарликларни қайд этиб бормоқда.

Дала ховли ҳамда туман Мудофаа бўлимининг яқинига ҳам фоторадар ўрнатилган бўлиб, тезликни оширган автомобилларни қайд этмоқда.

Сўзимиз тасдиғини расмлардан ҳам билиб олишингиз мумкин.

Яқинларингизни ҳам шу ҳақда хабардор қилинг!

@PARKENT_TONGI