2024-06-04 16:01:55
#patent #migrant #Rossiya
Patentga oldindan to‘langan pullarni qaytarsa bo‘ladimi?Ko‘pincha mehnat muhojirlari patent to‘lovini oldindan bir necha oyga to‘laydi. Bu bilan migratsion qaydni (регистрация) uzaytirish yoki patentni uzaytirish uchun pul topolmay qolish kabi holatlarning oldini olishmoqchi bo‘lishadi.
Ammo hayotda har xil vaziyat bo‘ladi. Masalan, Rossiyadan zudlik bilan uyga qaytish lozim bo‘lib qolishi mumkin. Shunday holatda patentga oldindan to‘lab qo‘yilgan pullar ortiqcha to‘langan soliq deb baholanadi va ularni qaytib olsa bo‘ladi.
Oldindan to‘langan patent pullari Rossiya soliq kodeksining 78-moddasi 14-punktiga ko‘ra ortiqcha to‘langan soliq tartibida qaytariladi.
Buning uchun Rossiya soliq xizmati inspeksiyasiga (ИФНС) ortiqcha to‘langan soliq pullarini qaytarish bo‘yicha ariza yozish kerak. Patentga to‘langan pullar Tula shahridagi Soliq inspeksiyasiga yuboriladi. Shuning uchun migratsion qaydingiz bo‘yicha “ИФНС”ga ariza yozishdan avval ular eksterritorial prinsip bo‘yicha arizalarni qabul qilishadimi yoki yo‘qmi, so‘rashingiz kerak. Qabul qilishsa arizani o‘sha yerda yozishingiz mumkin.
Arizada patent egasining ism-sharifi, patent uchun oldindan qilingan to‘lovlar sanasi, pullarni qaytarish uchun asos, pullarni qaysi hisob raqamiga qaytarish kerakligi ko‘rsatiladi.
Ariza bilan birga oldindan to‘langan patent pullarining cheki nusxasi va soliq deklaratsiyasi topshiriladi. Soliq deklaratsiyasi (3-НДФЛ) ni qanday to‘ldirish bo‘yicha namuna “ИФНС”da bor.
Web-sayt | Instagram | YouTube | Telegram
5.4K views13:01