23.5° бурчак остида

2021-12-19 19:46:01 Литва Украинага қотиллик учун қурол етказиб беришга тайёр эканлигини эълон қилди

"Украинани ҳар томонлама қўллаб-қувватлаш зарур, Литва бунга ҳам, жумладан, ўлдирадиган қуролларни топширишга ҳам тайёр", — деди республика мудофаа вазири.

Арвидас Анушаускаснинг тушунтиришича, у ҳозирча айнан қайси турдаги қуроллар эканлигини айта олмайди.

"Бу кўп томонлама келишув масаласи, чунки бунга бир нечта давлатлар алоқадор, бунда нафақат берувчи ва олувчи давлатлар, балки ишлаб чиқарувчи ва етказиб берувчи ҳам иштирок этади", — деди у.

Аввалроқ Bild нашри Меркел ҳукумати Литвадан Украинага катта калибрли милтиқлар етказиб берилишини тўсиб қўйганини маълум қилганди.

@burchakostida Ochish/sharhlash

2021-12-19 19:22:01 Пентагон АҚШнинг Яқин Шарқдаги ҳаво ҳужумлари оқибатида тинч аҳоли ўлими ҳақидаги маълумотларни камайтиб кўрсатган — New York Times

Юзлаб ва ҳатто минглаб тинч аҳоли, жумладан, болалар Америка ҳаво ҳужумларининг Ироқ, Сурия ва Афғонистондаги ИШИД террорчилари позицияларига берилган зарбаларининг тасодифий қурбони бўлишган - аммо уларнинг ўлими ҳақидаги маълумотлар АҚШ ҳарбийлари томонидан ҳисобга олинмаган. Бу ҳақда Пентагоннинг Яқин Шарқдаги ҳарбий амалиётлари ҳақидаги 1,3 мингдан ортиқ махфий ҳужжатларни ўрганган Тhe New York Times тадқиқотида айтилган.

@burchakostida Ochish/sharhlash

2021-12-19 19:01:20 #бурчакдагитарих

Дунё тарихидаги энг узоқ давом этган уруш

Дунёдаги энг узоқ давом этган уруш — "Уч юз ўттиз беш йиллик уруш" бўлиб, 1651-1986 йилларда Нидерландия ва Силли архипелаги ўртасида бўлиб ўтган. Уруш Нидерландия ва Силли ороллари ўртасидаги энг узоқ давом этган уруш бўлиб, уруш охирида тузилган шартнома натижасида 1987 йилда икки томонлама келишув билан якунланган.

Уруш 2 давр ва 3 аср давом этган бўлишига қарамай, ишониш қийин, лекин шунча давом этган урушда ҳеч қандай тўқнашув бўлмаган. Уруш кейинчалик тузилган тинчлик шартномаси орқали тугатилган.

Нидерландия ва Силли ўртасида нима учун уруш бошлангани ҳаммани қизиқтириб келмоқда. Уруш 1568 йилда бошланиб, 1648 йилда икки томондан имзоланган Вестфалия шартномаси билан якунланган. "Саксон йиллик уруш" деб аталадиган бу урушдан кейин келишилган тинчлик, Нидерландия ва Силли ўртасидаги музни эритиш учун етарли бўлмади. Орадан ўтган уч йил ҳам улар ўртасидаги совуқликни илитмади. Нидерландия Республикаси уч йил ўтиб, 1651 йилда Силли оролларига яна уруш эълон қилди. Натижада, дунёдаги энг узоқ давом этган "Уч юз ўттиз беш йиллик уруш" бошланди.

Нега бундай узоқ давом этган урушда ҳеч қандай тўқнашув бўлмагани тарихчиларни жудаям қизиқтирган. Чунки уруш узоқ вақтни қамраб олганди. Бу даврлар ва асрларга бориб тақаладиган уруш эди. Бунчалик узоқ вақт давомида ҳеч қандай тўқнашув бўлмагани ҳали ҳамон кўпчиликда қизиқиш уйғотади. Бу билан боғлиқ кўплаб хорижий манбалар текширилиб, кўплаб назариялар ишлаб чиқилган бўлишига қарамай, ҳалигача аниқ бир хулосага келинмаган. Ҳатто баъзи тарихчилар бу ҳолатни ҳазилга олиб, улар уруш бўлаётганини унутиб қўйишгандир, деб кулишган. Нидерландия ва Силли давлатлари ўртасидаги шартноманинг номи хорижий манбаларда учрамайди. Шуниси маълумки, бизда икки давлат ўртасидаги урушнинг аниқ бир сабаби ва келишув шартлари мавжуд эмас.

@burchakostida Ochish/sharhlash

2021-12-19 18:08:37 Филиппиндаги "Раи" тўфони қурбонлари сони 75 кишига етди, деб хабар бермоқда АFP. Унинг хабарига кўра, тўпланган маълумотларни якуний деб бўлмайди, чунки алоқа муаммолари туфайли маълумотлар тўлиқ олинмаган. @burchakostida Ochish/sharhlash

2021-12-19 16:51:26 Самарқанд шаҳридаги умумий овқатланиш шохобчаларидан бирида портлаш содир бўлди

Фавқулодда вазиятлар вазирлиги хабарига кўра, тахминан соат 14:20 да газ баллонлари портлаган, ёнғин бутун объектга тарқалган.

10 киши жароҳатлангани айтилмоқда. Улар тан жароҳатлари билан касалхонага ётқизилган.

@burchakostida Ochish/sharhlash

2021-12-19 16:23:06 Нидерландияда Омикрон блокировкаси эълон қилинди

Нидерландия ҳукумати Европа Иттифоқида биринчи бўлиб омикрон — коронавируснинг янги варианти тарқалиши сабабли блокировкани жорий қилди.

Мамлакатда 19 декабрдан 14 январгача умумий ўзини-ўзи изоляция қилиш тартиби амал қилади.

Бу даврда ноозиқ-овқат дўконлари, барлар, ресторанлар, сартарошхоналар, музейлар, кинотеатрлар ва спорт заллари ишламайди. Мактаблар камида 9 январгача ёпилади.

Маҳаллий аҳолига икки кишидан ортиқ одамни ўз уйига таклиф қилиш тақиқланади (Рождествода тўрттагача меҳмон таклиф қилиниши мумкин). Жамоат жойларида кўпи билан икки киши тўпланиши мумкин.

Омикроннинг биринчи ҳолатлари ушбу мамлакатда уч ҳафта олдин аниқланган. Тиббий прогнозларга кўра, Янги йил ва Рождество байрамларигача омикрон мамлакатда ковиднинг доминант вариантига айланади. Мамлакатда жами 2,9 миллионта COVID-19 ҳолати қайд этилган, 20 мингдан ортиқ одам инфекциядан вафот этган.

@burchakostida Ochish/sharhlash

2021-12-19 15:27:29 Ғарб давлатлари янги совуқ урушни қўзғатмаслик учун Россия билан кескинлашмаслиги керак, аксинча, Москва билан очиқ ва тўғридан-тўғри мулоқотни давом эттириш зарур, деди Франция қуролли кучлари вазири Флоранс Парли.

"Биз Совуқ урушга қайтишни истамаймиз. Бунга йўл қўймаслик учун биз кескинлашмаслигимиз ва хотиржамликни сақлашимиз керак", — деди Парли хоним.

@burchakostida Ochish/sharhlash

2021-12-19 14:44:01 #бурчакстат

Кўп соатлаб ишлаш соғлиқ учун хавф туғдириши мумкин, баъзилар ҳатто бунга дош бера олмайди

ЖССТ ва Халқаро Меҳнат ташкилоти ўтказган тадқиқотга кўра 2016 йилда узоқ вақт ишлаш туфайли 745 минг киши ҳалок бўлган, бу 2000 йилга нисбатан 29 фоизга кўп.

Иш билан боғлиқ касалликлар эркакларда энг кўп учрайди, бу ҳолатдаги ўлимнинг 72%и эркаклар орасида. ЖССТ маълумотларига кўра, ўлимларнинг аксарияти
45 ёшидан 74 ёшигача ҳафтасига 55 соат ёки ундан кўп ишлаган одамлар орасида содир бўлган.

Бу ҳолат бўйича 1-ўриндаги Жануби-Шарқий Осиёда узоқ иш соатлари туфайли 300,000дан ортиқ ўлим қайд этилган бўлса, Ғарбий Тинч океани минтақаси 200,000дан кўп кўрсаткич билан 2-ўринни эгаллади.

Тадқиқот шуни кўрсатдики, узоқ вақт ишлайдиган ходимлар сони ортиб бормоқда, бу эса иш билан боғлиқ касалликлар ва ўлим хавфини оширади. Қайд этиш жоиз, COVID-19 иш вақтини узайтириш тенденциясини таъминлади.

Тадқиқот ҳукуматларга ишчиларнинг соғлиғини ҳимоя қилиш учун чоралар кўришни тавсия қилади.

@burchakostida Ochish/sharhlash

2021-12-19 14:11:59 Ла Палма ороли уч ойлик вулқон отилишидан кейин қандай кўринишга келди?

Кумбре Виежа вулқонининг отилиши орол тарихидаги 1500 йилдан бери энг узоқ давом этган вулқон отилиши бўлди. Минглаб одамлар уйларини ташлаб кетишга мажбур бўлди, уч мингга яқин бинолар вайронага айланди, Ла Палма иқтисодиёти экспортига боғлиқ бўлган банан плантациялари ер билан бир бўлди.

Оролнинг кўриниши эса апокалиптик ландшафтларга ўхшайди: қора вулқон кули билан қопланган уйлар, далалар ва стадионлар.

@burchakostida Ochish/sharhlash

2021-12-19 13:33:26 «Уйда ёлғиз» — Кевин ва унинг оиласи янги йил арафасида ва байрамдан кейин бутун дунё бўйлаб ҳар бир уйда энг ёқимли меҳмонлардир. «Уйда ёлғиз» филми ҳикояси ҳақида сиз билмаган нарсаларни айтиб бериш вақти келди. Сиз учун жуда қизиқарли маълумотлар тайёрлаганмиз.

Ушбу видеода, албатта, барчанинг суюкли қаҳрамони Маколей Калкин роль ўйнаган дастлабки икки фильм ҳақида суҳбатлашамиз.

@fayzboguz Ochish/sharhlash