Девонайи Ҳақгўй

2022-01-17 00:12:17 Одамлар орасида «радикалларни жиловлаш» ҳақида гаплар юради. Ва бунда кўпроқ диндор қатлам назарда тутилади. Охирги 100 йилни тафтиш қилинса, зарар кимдан кўпроқ бўлгани ойдинлашади. Аввал дини (ёки диндорлиги) номаълум советлар, кейин эса... Ўзбекистон мустақил бўлибди-ки, 25 йил «радикал»ларни жиловлаш билан шуғулланди. Эътибор берилиши зарур бўлган иқтисодиёт, ижтимоий соҳа кабилар эса ҳаммамиз биладиган даражада қолиб кетди (ҳа, шундай, бўлмаса «Янги Ўзбекистон»га ҳаракат қилинмасди). Хоинлар ҳам асосан юқори дивизиондан, бўлиб ҳам ҳуқуқни муҳофаза қилувчи органлардан чиқди.

Бирор-бир соҳада муаммолар кўзга ташланиб қолса, дарров «радикал, экстремист»лар мавзуси пайдо бўлади ва ҳамма «улар» билан шуғулланади, яъни банд қилинади.

Қозоғистонда ҳам шу аҳвол, «диний контекст бор» деб, роса ҳаракат қилишди, нималардир кўрсатишга ҳаракат қилинди, лекин бундай эмаслигини тан олишга мажбур бўлишди.

Ўша гап, диндорлар энг ватанпарвар ва тинчликсевар ҳамда содиқ қатламдир! Улардан хоинлар чиқмайди, улар Ватанни сотмайди, Ватанига қарши душман билан ҳамкорлик қилмайди!
@gayratkhodja_journal Ochish/sharhlash

2022-01-15 09:26:50 Аммо одам бўлмайдилар...

@adolat_kuychisi Ochish/sharhlash

2022-01-14 15:15:24 Ҳайкалларнинг тагига гул қўйишдан воз кечиш вақти келмадимикан!?

Мен ушбу фикрларни эътиқодимдан келиб чиқиб, билдирмоқчи эмасман. Шунчаки, дунёвий тарафдан ҳам қарасангиз, бу иш мантиққа тўғри келмайди. Энди мен сизга фикримни асослантириб бераман.

Биринчидан, ҳайкалнинг тагига гул қўйиб, таъзим қилганингиз билан ҳеч нарса ўзгармайди: на ўлган одам тирилиб келади, на руҳи шод бўлади.

Иккинчидан, ҳукумат даражасидаги тадбирларда ўша ҳайкалларни тагига қўйиладиган гулларнинг ҳар бири ўртача 5-6 млн сўмни ташкил этади. Умумумий идоралар томонидан қўйилган гулларнинг қиймати 250 млн сўм атрофида бўлади (ҳудудлардаги маросимларни қўшиб ҳисобласангиз, 1 млрд атрофида бўлиб қолади). Гул эса икки кунда сўлиб, йўқ бўлиб кетади (аксига олиб, уни қўй ҳам емайди). Ўша пулларни ватан учун шаҳид бўлганларнинг оиласига ёки бошқа моддий шароити оғир бўлганларга тарқатиб беришса, қанақадир гул қўйишдан анча манфаатли бўлади.

Хуллас, ўзимча ақллилик қилмоқчи эмасман. Шунчаки мақсадим одамларга кўпроқ манфаат тегсин дейман. Зеро, инсон қадри қанақадир ҳайкаллардан юқори туриши шарт!

@adolat_kuychisi Ochish/sharhlash

2022-01-14 15:12:05 2022 йилнинг январь, февраль ва март ойларида эмланганлик сертификатини олган фуқаролар ўртасида қимматбаҳо ютуқли ўйин (бош соврин — автомобиль) ташкил этилар экан. Менга ўхшаб, ҳаммадан биринчи эмланганлар нима қилсин!? Айбимиз ўз вақтида эмланганимизми!?… Ochish/sharhlash

2022-01-14 13:49:57 2022 йилнинг январь, февраль ва март ойларида эмланганлик сертификатини олган фуқаролар ўртасида қимматбаҳо ютуқли ўйин (бош соврин — автомобиль) ташкил этилар экан.

Менга ўхшаб, ҳаммадан биринчи эмланганлар нима қилсин!? Айбимиз ўз вақтида эмланганимизми!? Адолат принциплари бўлиши керак-ку!

Хуллас, мен қанақадир совринга кўз тикиб турганим йўқ. Лекин ўз вақтида эмланмаганларга автомобиль берилиб, ўз вақтида эмланганларга замбаракнинг ўқи ҳам берилмаса, қанчалик адолатдан бўлади?!

Соғлиқни сақлаш вазирлиги таклифимизни инобатга олади деган умиддамиз!

@adolat_kuychisi Ochish/sharhlash

2022-01-14 09:51:55 ҚОЛОҚЛИК

Ислом мутафаккири Муҳаммад Имора айтади:
"Мажлислардан бирида илмонийлардан бири менга қараб истеҳзо билан деди:
"Китобларингиздан шуни тушунаяпманки, сиз шариат аҳкомларини татбиқ қилишни ва 100 йил орқага қайтишни хоҳлар экансиз".
Мен дедим:
"100 йил орқага қайтиш деганда султон Абдулҳамид дунёнинг ярмини бошқарган даврни назарда тутаяпсизми?

Ёки Европадаги қироллар Усмоний султон берган ваколат билан ҳукм қилган даврларни назарда тутаяпсизми?
Ёки Усмонийлардан ҳам олдинроқда дунёни мўғул-татар зулмидан халос қилган Мамлуклар даврини назарда тутаяпсизми?

Ёки улардан орқароқдаги Аббосийларнинг ер юзининг ярмини бошқарган даврни назарда тутаяпсизми?
Ёки улардан олдинроқ Умавийлар ёки Умар розиёллоҳу анҳу ер куррасининг ярмини бошқарган даврни айтаяпсизми?

Ёки халифа Ҳорун ар-Рашид Рум подшоҳига: "Мўъминлар амири Ҳорун ар-Рашиддан Румнинг итига" деб мактуб ёзиб юрган пайтларни айтаяпсизми?

Ёки Абдурраҳмон Дохил ўз қўшинлари билан Италия ва Францияни қамал қилган пайтларни назарда тутаяпсизми?
Бу сиёсий томони...

Илмий томондан:
Мусулмон олимларидан Ибн Сино, Беруний, Хоразмий, ибн Рушд, ибн Холдунлар араблар ва ғарбликларга тиббиёт, доришунослик, ҳандаса, фалаккиёт ва шеърни таълим берган замонни айтаяпсизми?

Азизлик томондан:
Кофир яҳудий биргина мусулмон аёлнинг рўмолини тортганида у аёл: "Во Муътасимоҳ!", деб додлади. Оғизма-оғиз бу гап халифа Муътасимнинг қулоғига етиб борди.

Шунда Муътасим қўшини билан келиб яҳудийларни давлат чегарасидан чиқариб юборди. Бугун эса ислом диёрларида аёллар зўрланаяпди. Ҳокимлар масрур. Ўша даврни айтаяпсизми?

Ёки мусулмонлар Европада биринчи унивеситетни очишди. Андалусда...
Ўша пайтда арабча кийим барча университетларда урф эди. Уни битирувчилар кияр эди.

Бугун ҳам ўша кийим ва тепаси текис шляпани битирувчилар кийишади. Шу шляпанинг тепасида бир пайтлар Қуъонни қўйишган битирувчилар. Шуни назарда тутдингизми?

Ёки Қоҳира дунёдаги энг гўзал шаҳар бўлган пайтларни айтаяпсизми?
Ёки бир Ироқ динори 483 доллар бўлган пайтни айтаяпсизми?

Ёки Европалик қочоқлар Искандариядан паноҳ топган, ёки Америка Мисрдан Европани очликдан қутқаришини сўраган пайтни айтаяпсизми?
Тушунтириб берарсиз...? ".

Абдулқодир Самарқандий

@adolat_kuychisi Ochish/sharhlash

2022-01-13 23:29:01 "К" ҳарфли мундир

Бир куни елканг оша мундирингга қарайсан ва беихтиёр юлдузчаларга кўзинг тушади. Шунда қачонлардир мана шу юлдузчалар ўрнида "К" ҳарфи турганини эслайсан. Ҳа, бу "К" ҳарфининг йиллари роса машаққатли ўтган, бироқ ўзига яраша шарафли ва ўзига яраша тотли ҳам эди.

Тенгдошларинг тунги клубларда ўйнаб юрган бир пайтда, сен сафда қўшиқ айтиб юрардинг. Кимлардир бир ой хизмат қилиб, кўзлари ёшланганида, сенга тўрт йиллик хизмат ҳам камдек туюларди. Қайсидир "йигит"чалар оёғларига оро бериб юрса, сен ёзнинг чилласида этикда полигонларда чопардинг.

Сени кўрганлар, бу ҳарбий-да, қаҳри қаттиқ, унча-бунча нарсани тушунмайди, дейишарди, бироқ мана шу барваста савлат остида Ватан ишқида ёнаётган ўтли юрак ва теран тафаккур борлигини англаб етишмас эди.

Бошқалар олий маълумот учун ўқиса, сен олий муҳаббат учун хизмат қилар эдинг. Сен ҳақингда фильмларни кўриш мароқли, лекин ҳаёт саҳнасида сенинг ролингни ижро этиш ҳаммага ҳам эмас!

Сен "залётчик" бўлишинг мумкин, бошинг "беш суткалик"лардан чиқмаслиги мумкин, бироқ Ватанга муҳаббатингда заррача ҳам ғубор йўқ.

Кимларнингдир луғатида "мансаб", "бойлик" деган сўзлар устувор бўлиши мумкин, сенинг луғатингда эса "шараф" ва "ғурур" сўзлари зарҳал ҳарфларда битилган.

Сен хизматдошларинг билан шунчаки дўст эмассан, балки бир зарбни қабул қилган битта қалқон ҳамда бир зарбани берган битта муштсан. Гарчи бугун уларни кўрмаганингга йиллар бўлиб кетган бўлса ҳам, юрагингдаги ҳурматнинг салмоғи камаймаган!

Гарчи бугун эрки ўз қўлида бўлган зобит бўлишинг мумкин, бироқ ярим тундаги "самаволка"ларни ҳамон хумор қиласан.

Эй "К" ҳарфли мундир, сен чекловлар ва тақиқлар даври бўлишинг мумкин, лекин мен учун доимо катта ҳаёт мактаби бўлиб қолаверасан. Ҳақиқий зобитларгина сенинг чиғириғингдан ўтади!

Ўтган йиллар учун сенга ташаккур!

"КУРСAНТ КУНДAЛИГИ"дан

Барча ватан ҳимоясига бел боғлаганларни табриклаймиз!

@adolat_kuychisi Ochish/sharhlash

2022-01-13 10:01:35 Манет Андижон вилояти Пахтаобод тумани Ҳаётбахш маҳалласидаги 53-оилавий поликлиника экан.

Ҳой, барака топгур каттаконлар! Бу ерларда ҳам одам яшайди! Думбачангиз оддийроқ ўриндиқли машинага ботса ҳам, шу халққа ёрдам қилинг. 3-4 йилда бир алмаштирадиган Малибуларинг пулига мана шу ерларда сал эпақага келтирса бўлади!

@adolat_kuychisi Ochish/sharhlash

2022-01-13 08:25:20 Қора Тойирдан шедевр маслаҳат!

Ичимсан-да, Тойир, ичимсан!!!

@adolat_kuychisi Ochish/sharhlash

2022-01-12 13:28:57 Бир пайтлари ижтимоий тармоқлардаги Исломни ҳақоратлаб ёзилган изоҳларни кўрсам, қаттиқ жазавага тушар эдим. Ҳатто, мана шу изоҳларни қолдирадиган атеист ва агностлар аксариятининг шахсий маълумотларигача излаб топганман.

Кейинчалик Пайғамбаримиз соллаллоҳу алайҳи васалламнинг сийратлари ва у зотнинг саҳобайи киромларининг ҳаёт йўлларини ўрганиб, бу тоифалар Расулимизга нубувват келганидан то қиёматга қадар бўлишини тушуниб етдим. Шуни англадимки, бу тоифаларга қарши курашиб на шараф оласиз ва на савоб оласиз.

Биз бундайлар билан тортишиб кетган вақтимизга ўз хулқимизни тузатсак ва илмимизни ошириш пайида бўлсак, уммат учун анча самарали иш қилган бўлар эдик. Дарҳақиқат, ҳар биримизнинг ахлоқмизда қусурлар бисёр. Бизнинг энг яхши жиҳодимиз нафсимизга қилган жиҳодимиздир!

Эътибор беринг, Исломда қилич билан мажбурланиб иймон келтирган бирор саҳобани биласизми? Йўқ, чунки Ислом иймонда мажбурлашдан қайтарган. Бир пайтлари мушрик бўлган саҳобалар эса, зоти шариф Пайғамбаримиз соллаллоҳу алайҳи васалламнинг хулқларидан Исломга кирди. Шунинг ўзи бизга уруш-жанжалнинг эмас, хулқимизни тузатиш пайида бўлишимиз кераклигини ўргатади.

Хулқимизни тузатайлик, биродарлар!!!

@adolat_kuychisi Ochish/sharhlash