2024-02-10 12:08:05
#Танқид #Фикр
ЙПХ мутасаддилари диққатига!Кўп қаватли уйлар атрофлари, мактаб ва боғчалар жойлашган ҳудудга киришни тақиқловчи йўл белгилари қўйилган.
Ҳолбуки, бу иш орқали шафёрлар йўл ёқасидаги уйига узоқ масофадан айланма йўллар орқали ўтишга мажбур бўлмоқда.
Йўл ҳамманики. Шафёрлар ҳам шу халқнинг вакили, кимгадир ота, она, фарзанд, бобо. Уларни менсимасдан, йўл белгиларини ўрнатиш, кейин ЙПХ ходимлари рейдини ташкил қилиб, аҳолини норози қилиш кимга керак?
Эътибор беринг, ўша мактаб ёки боғчада болалар куннинг иккинчи ярмида бўлмайди. Икки сменали ўқиш бўлган тақдирда ҳам, оқшом маҳали йўлни икки томонлама қатновга очиш мумкин.
Масалан, А373 магистрали Оҳангарон шаҳри 5-кичик туман аҳолиси машина билан уйига кириш учун мана шундай тўсиқ қўйилган, аҳоли кескин норози бўлмоқда.
Шу йўлнинг собиқ туман ҳокимлиги олдидан ўтган қисмида ҳам қатнов бир томонлама қилиб, шафёрларга ноқулайлик туғдирилган.
Саволлар туғилади:1) Тақиқловчи белгиларни вақтли қилиб жойлаш мумкинлигини Тошкент вилояти ИИББ ЙПХ биладими ўзи? Масалан, мактаб ёки боғча ҳудудига оид алоҳида белгилар соат 07:00 дан, боринг ана, кеч соат 20:00 гача амал қилсин. Бошқа пайт одатий тартиб бўлса нимаси ёмон?
2) Мана шу йўл бўйи инфраструктураси янгитдан қурилиб, режа аҳолига тақдим қилинганда ички қатновлар учун икки томонлама йўл бўлиши
ваъда қилинган. "Шахсан бош вазир Абдулла Арипов аҳоли билан мулоқотда шундай ваъда берган", демоқда оҳангаронликлар. Халқ бунга рози бўлиб, ҳовли-жойини қурилиш учун бўшатиб берган, инфраструктура бўлиши учун рози бўлган. Нега бу ваъда бузилди? Нега аҳолини бемалол алдаш мумкин деб ўйлайсизлар?
3) Йўл белгиларини ўрнатишда жамоатчилик фикри ўрганиладими ўзи?
Yoshlar kundaligi
15.0K views09:08