Xushnudbek.uz

2021-05-25 15:27:10 Энди ўзбекистонликлар ҳам Amazon орқали маҳсулот сота оладилар

Ўзбекистонлик тадбиркорлар ҳам эндиликда Amazon электрон тижорат платформасида рўйхатдан ўтишлари ва ундан ўз маҳсулотларини реализация қилишлари мумкин. Фақат Amazon’да маҳсулотларини сотиш учун фуқаро Ўзбекистон ҳудудида яшаши, телефон рақами ва халқаро тўлов картасига эга бўлиши шарт.

Энг қизиғи, бу ҳақда Қозоғистон савдо ва интеграциялашув вазири Бахыт Султанов ўзининг Facebook’даги саҳифасида маълум қилди. Унинг айтишича, 2020 йил ноябрь ойидан буён Amazon билан музокаралар олиб борган ва Қозоғистонни платформага қўшишга эришишган. Шунингдек, улар Марказий Осиёдаги бошқа қўшни давлатларни, жумладан Ўзбекистонни ҳам қўшишни сўрашган. Бу минтақада умумий бизнес муҳитининг ривожланишига ёрдам беради, деб ҳисоблашган.

Бундан чиқадики, Ўзбекистонни дунёнинг энг гигант савдо платформаси - Amazon’га қозоғистонликлар қўшиб беришганми? Ўзимизнинг бир нечта вазирликлар, Савдо-саноат палатаси каби ташкилотлар-чи? Улар бунга ҳаракат қилиб кўришганми ҳеч?

Хўп, майли, қозоқлар умумий мақсадда бутун Марказий Осиё давлатларини Amazon’га қўшиб беришибди, дейлик, барака топишсин. Аммо энди-чи? Энди тадбиркорларимизга бу платформадан фойдаланиш, товарларини бутун дунёга сотиш, почта ва курьерлик хизматларида кўмак кўрсатиш учун кимдир йўл-йўриқ, амалий ёрдам берадими? Кимдир ташаббус кўрсатадими? Ёки “тадбиркорларимиз ҳали бунга тайёрмас”, деган позицияда турамизми? Қачонгача?

Бирор расмий муносабат, тушунтириш билдирилса, яхши бўларди.

Маълумот учун: бугунги кунда Amazon электрон тижорат платформасида 200дан ошиқ мамлакатда яшовчи бир неча юз миллион фаол харидор мавжуд. Amazon’нинг 2020 йилдаги жами сотув хажми 386,1 млрд АҚШ долларини ташкил этган.


@xushnudbek Ochish/sharhlash

2021-05-25 12:43:51 ​​UZREPORT TV муаллифлик ҳуқуқларини ҳимоя қилиб, «Beeline»ни судга берди

UZREPORT TV телеканали судга мурожаат қилишининг сабаби, “Unitel” МЧЖ (“Beeline” савдо белгиси) компанияси ўзига тегишли бўлган “Beeline TV” мобил иловасида UZREPORT TV билан шартнома тузмасдан UZREPORT TV ва FUTBOL TV телеканалларини намойиш қилиб, моддий манфаат кўриб келмоқда.

Мазкур ҳаракатлари билан “UNITEL” МЧЖ UZREPORT TV телеканалининг қонуний ҳуқуқларини бузмоқда, деб ҳисоблайди телеканал.

Хабарда айтилишича, UZREPORT TV томонидан бир неча бор огоҳлантирилишига қарамасдан, “Unitel” МЧЖ компанияси юқорида кўрсатилган хатти-ҳаракатларини бартараф этиш юзасидан чора кўрмаган.

UZREPORT TV суддан “Unitel” МЧЖ компанияси “Beeline TV” мобил иловасида UZREPORT TV ва FUTBOL TV телеканалларини шартнома тузмасдан намойиш этмасликни сўраган.

Маълумот учун:

UZREPORT TV (FUTBOL TV) футбол бўйича Европанинг бир қатор миллий чемпионатлари (AПЛ, Ла лига, Италия A серияси), Европа Чемпионлар лигаси, Европа лигаси, шунингдек, Жаҳон ва Европа чемпионати каби бир қатор мусобақларнинг Ўзбекистон бўйлаб эксклюзив трансляция ҳуқуқи эгаси ҳисобланади.


@xushnudbek Ochish/sharhlash

2021-05-25 12:01:01 1000 dan ortiq IT mutaxassis tayyorlagan PDP Academy yangi bosqichda

Biz 2021-yilda O'zbekistonda yuqori malakali mutaxassislarni tayyorlovchi IT-EKOTIZIM barpo etishni maqsad qilib qo'ydik. Bu maqsadni ro'yobga chiqarish uchun IT sohasiga qiziquvchi yoshlarni mutaxassis qilib tayyorlashga yo'naltirilgan bir nechta loyihalarni ishga tushirdik.

Boshqaruv va ta'lim tizimimizni qaytadan ko'rib chiqdik. Ayni vaqtda ekotizimda quyidagi loyihalar mavjud:
Dasturlashni endi boshlovchilar uchun - Foundation
O'qish yoki ishdan ajralmagan holda o'qish uchun - Odatiy shaklda
Intensiv ta'limni xohlovchilar uchun - Bootcamp

Bu loyihalar orqali Sizda Java, Python, Javascript va boshqa o'ndan ortiq yo'nalishlardan birida mutaxassis bo'lish imkoni mavjud.

Yaqin muddatda Incubator, TopClass, Career Center kabi loyihalar ham ishga tushishi kutilmoqda.

Zamon talabidagi IT mutaxassis bo'lmoqchimisiz? U holda bu maqsadingizni IT-EKOTIZIM da ro'yobga chiqaring!

Foundation sinov darslarining sana va vaqtlari:
25.05.2021 - 16:00
27.05.2021 - 19:00
29.05.2021 - 10:00

Ro'yxatdan o'tish: @PDPSupportBot | (78) 777-47-47
Sinov darsi: Bepul

Batafsil: https://telegra.ph/PDP-Ecosytem-05-17
Kanalga ulanish @pdpuz

Website | Instagram | Youtube| TikTok

Reklama Ochish/sharhlash

2021-05-25 11:02:43 Халқаро ислом академиясига ректор вазифасини бажарувчи тайинланди

ЎзАнинг хабар беришича, Ҳукуматнинг тегишли қарорига (323-сон, 25.05.2021 йил) биноан, Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари Комилов Музаффар Муротовичга Ўзбекистон халқаро ислом академиясининг ректори вазифасини бажариш юклатилди.


@xushnudbek Ochish/sharhlash

2021-05-25 09:23:44 Президентнинг тегишли фармонига биноан, Шаазим Шоисламович Миноваров Ўзбекистон Республикаси Президентининг жамоат ва диний ташкилотлар билан ҳамкорлик масалалари бўйича маслаҳатчиси лавозимига тайинланди. Бу ҳақда Президент матбуот хизмати хабар бермоқда.

Ш.Миноваров айни пайтда Ўзбекистондаги Ислом цивилизацияси маркази директори лавозимини ҳам сақлаб қолган.


@xushnudbek Ochish/sharhlash

2021-05-25 07:21:13 Бугун Халқ депутатлари Сариосиё тумани Кенгашининг навбатдан ташқари сессиясида Сурхондарё вилояти ҳокимининг ўринбосари, маҳалла ва оилани қўллаб-қувватлаш бошқармаси бошлиғи Абдусалом Хўжақулов Сариосиё тумани ҳокими этиб тасдиқланди.

Аввалги ҳоким Ўктам Тўраев бошқа ишга ўтгани муносабати билан Сариосиё тумани ҳокими лавозимидан озод қилинди.


@xushnudbek Ochish/sharhlash

2021-05-25 07:12:35 Мамлакатимиз мактабларини битирувчи ўғил-қизларга табрик
—
Поздравление всем выпускникам школ нашей страны

Prezident.uz|Facebook|Instagram|YouTube|Twitter Ochish/sharhlash

2021-05-24 17:41:08 “Сўнгги қўнғироқ” тадбирлари ўтказилишига рухсат берилди

Халқ таълими вазирлиги мактабларда “Сўнгги қўнғироқ” тадбирларини карантин қоидаларига қатъий риоя этган ҳолда, кўтаринки кайфиятда ва ортиқча харажатларсиз ўтказилиши мумкинлигини маълум қилди.

Маълумотга кўра, жорий йилда умумтаълим мактабларини 438 мингга яқин ўқувчилар битиради.


@xushnudbek Ochish/sharhlash

2021-05-24 15:16:37 ДИҚҚАТ, ФЕЙК ХАБАР!

Телеграм каналлар ва гуруҳларда худдики Ўзбекистондаги боғчада бир гўдак аёвсиз калтаклангани акс этган видео тарқалди.

Бу нотўғри, фейк хабар.

Аслида ушбу воқеа 2019 йили июнь ойида Мексиканинг Чилпансинго шаҳрида бўлган. 2 ёшли қизини аёвсиз калтаклаган аёл ҳибсга олинган. Қизалоқ эса махсус идора вакиллари томонидан шифокор кўригидан ўтказилган ва унинг саломатлиги ҳамда хавфсизлиги тўлиқ назоратга олинган.

Афсуски одамлар дуч келган хабарга ишонишга ва уни дарров бошқаларга тарқатишга ўрганиб қолишган. Аслида ўша хабар тўғрими, нотўғрими, буниси етмишинчи даражада.

Бу фақат Ўзбекистондамас, бошқа жойларда ҳам шунақа. Масалан, худди шу видео деярли барча мамлакатларда тарқатилган. Қозоқлар Қозоғистонда дейишган, руслар Россияда ва ҳ.к. Масалан, Ҳиндистонда ҳам худди шу видео DPS Rajbag мактабида бўлган деб, WatsApp орқали вирусдек тарқалган экан.


@xushnudbek Ochish/sharhlash