Xushnudbek.uz

2021-06-23 09:00:26 Коррупционерлар қора рўйхати ва кучайтириладиган жазолар

Адлия вазирлиги томонидан тайёрланган ва жамоатчилик муҳокамаси учун эълон қилиниши кутилаётган президент фармони лойиҳасига кўра:

Коррупцияда айбланган шахсларнинг очиқ электрон реестри юритилади;

реестрга киритилган шахсларга нисбатан қуйидаги чекловлар ўрнатилади:
давлат хизматига қабул қилинмайди;
давлат мукофотлари билан тақдирланмайди;
назорат остида бўлган корхоналар акцияларига эгалик қила олмайди.

2022 йил 1 январдан бошлаб давлат хизматчиси, унинг турмуш ўртоғи ва вояга етмаган фарзандлари даромадлари мажбурий декларация қилинади.

Манфаатлар тўқнашуви ҳисобланадиган мансабдор шахсларнинг ҳаракатлари белгиланиб, уларни амалга ошириш қатъиян тақиқланади.

Коррупцияга оид жиноятлар учун жавобгарлик кучайтирилади. Бунда:
коррупцияга оид жиноятлар тоифасига кирувчи моддаларнинг аниқ рўйхати белгиланади;
бундай жиноятлар учун узоқ муддатли озодликдан маҳрум қилиш жазо чоралари белгиланади;
декларациялашда аниқланган ноқонуний бойлик орттирганлик ва манфаатлар тўқнашуви учун жиноий жавобгарлик белгиланади.


@xushnudbek Ochish/sharhlash

2021-06-23 07:16:39 Евро - 2020 кундалиги

Чемпионатнинг кеча - 22 июнь куни бўлиб ўтган ўйинлари натижалари билан танишинг:

Чехия - Англия :
Гол: Стерлинг (12).

Хорватия - Шотландия :
Голлар: Влашич (17), Модрич (62), Перишич (77) – Макгрегор (42).


Бугунги баҳслар (23 июнь):

E гуруҳи:
21:00 - Словакия - Испания
21:00 - Швеция - Польша

F гуруҳи:
00:00 - Германия - Венгрия
00:00 - Португалия - Франция


@xushnudbek Ochish/sharhlash

2021-06-22 19:23:57 Бугун, 22 июнь куни Москва шаҳрида Ўзбекистон ва Россия Ҳукуматлари раҳбарлари даражасидаги қўшма комиссиянинг навбатдаги йиғилиши бўлиб ўтди. Бу ҳақда ЎзА хабар бермоқда.

Йиғилиш Ўзбекистон Бош вазири Абдулла Арипов ва Россия Ҳукумати Раиси Михаил Мишустин раислигида ўтди. Якунда 10 дан ортиқ ҳужжат имзоланди.

Жумладан, Ўзбекистон Давлат божхона қўмитаси билан Россия Федерал божхона хизмати ўртасида имзоланган ҳужжатларга кўра, Ўзбекистондан Россияга экспорт қилинадиган айрим қишлоқ хўжалиги товарлари ҳамда тайёр текстиль маҳсулотлари учун божхона тартиб-таомилларини тезлаштириш имкони бўлади. Масалан, эндиликда тайёр ўзбек текстиль маҳсулотлари Россия бозорига киришида, божхона қонунчилиги бузилиши хавфи аниқланмаса, уларга нисбатан божхона кўриги ўтказилмайдиган бўлди.


@xushnudbek Ochish/sharhlash

2021-06-22 17:46:12 Кеча, 21 июнь куни жиноят ишлари бўйича Чилонзор туман судида Kun.uz сайти билан боғлиқ маъмурий иш кўриб чиқилди.

Суд қарорига кўра, сайтдаги айрим материаллар белгиланган тартиб асосида диний экспертизадан ўтказилмаганлиги учун KunUz раҳбари МЖтК 184-2-моддасида (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) назарда тутилган ҳуқуқбузарликни содир этган деб топилди ва у базавий ҳисоблаш миқдорининг 50 баробари (12 млн 250 минг сўм) миқдорида жаримага тортилди.

Эътиборли томони, кеча соат 21:00 дан буён Кун.уз сайтида бирорта хабар эълон қилинмади. Бу қисқа танаффус эканлиги, тез орада сайт яна ўз фаолиятини бошлаши айтилмоқда.

Лекин ижтимоий тармоқларда айрим фойдаланувчилар буни ўзига хос протест сифатида ҳам қабул қилишмоқда.

UPD: KunUz баёнот билан чиқди ва улар айнан айрим қонунчилик меъёрлари ҳалигача эскича қолипдалигига тоқатсизлигини ва ўз норозилигини ифодалаш учун 1 кунлик танаффус қилганини билдирди.


@xushnudbek Ochish/sharhlash

2021-06-22 16:02:37 Ниқобсиз шахслар жамоат транспортига чиқарилмайди

Республика махсус комиссияси қарорига кўра, йўналишли автобус ҳайдовчилари (кондукторлари) ва метро кузатувчилари ниқобсиз бўлган шахсларни транспорт воситалари салонига чиқармаслик (киритмаслик) чораларини кўриши белгиланди. Бу ҳақда ССВ хабар бермоқда.


@xushnudbek Ochish/sharhlash

2021-06-22 15:23:30 ​​The University of Northampton bilan hamkorlikda TMC Instituti Toshkentda ochildi. Institutga 2021 o'quv yili uchun ariza topshirish jarayoni boshlandi.

Grant o'rinlari - 10 ta. Topshirganlarning ko'rsatkichlari va moliyaviy manbalarga qarab grant o'rinlari 20 tagacha oshirilishi mumkin.

Grantga qabul qilinganlar 4 yil davomida bepul o'qish imkoniga ega bo'ladi.

Teaching Excellence Framework ro'yxatida "GOLD" statusiga ega O'zbekistondagi ilk oliygoh.
3-kursda talabalar Singapurda 6 oylik amaliyot o'tashi mumkin (oylik maosh 1000 dollargacha).

Yo'nalishlar:
- Business management
- IT
- Accounting
- Logistics
- Tourism and hospitality

Nomzodlar kamida IELTS 5.5 sertifikatiga ega bo'lishi kerak.

IELTS sertifikati bo'lmaganlar oliygohning ichki til imtihonini topshirish orqali o'qishga kirishi mumkin.

Qabul jarayoni:

Dastlab, http://www.tmci.uz/apply-form havolasi orqali ro'yxatdan o'tib, kerakli hujjatlar topshiriladi. Ingliz tili darajasini belgilaydigan sertifikati bo'lmagan abiturientlar ichki imtohon topshirishadi.

TMC instituti O'zbekistonda rasman davlat ro'yxatidan o'tgan va faoliyat yuritish litsenziyasiga ega.

Murojaat uchun:
+998953000111
+998955000999

Reklama Ochish/sharhlash

2021-06-22 14:02:04 Чегарадаги ПЗР тести харажатлари давлат бюджети ҳисобидан қопланади

Республика махсус комиссияси қарорига кўра, синов тариқасида Ўзбекистонга чегара ўтказиш пунктлари орқали кириб келган барча шахслардан, республика ҳудудига кириб келганларидан сўнг 7-кунига қадар коронавирус инфекциясига ПЗР текширувини ўтказиш ва бунда тест харажатларини Давлат бюджети маблағлари ҳисобидан қоплаш тизими жорий этилади.


@xushnudbek Ochish/sharhlash

2021-06-22 13:29:12 Коронавирусга чалиниш ҳолати Ўзбекистонда кун сайин ортиб бормоқда. Зангиота туманидаги 1-сон юқумли касалликлар шифохонасига ой бошида кунига 40-50 нафар касаллар ётқизилган бўлса, сўнгги уч кунда бу кўрсаткич 3 бараварга ошиб, кунига 140-150 нафар бемор шифохонага ётқизилмоқда.

Шунингдек, касалланганлар орасида 18 ёшгача бўлган болалар ва ўсмирлар сони ошган. Касалликка чалинишнинг асосий сабаби сифатида фуқароларнинг карантин қоидаларига амал қилмаётгани ва вакцина олишдан бош тортаётгани кўрсатилган.

Шифохонада даволанаётган аксар ёши катта инсонлар айнан вакцина олишдан бош тортганлар.

Коронавирус занжирини узишнинг ягона йўли вакцинация эканлигини тушунишимиз керак. Бошқачасига вирусни енгиб бўлмайди. Ochish/sharhlash

2021-06-22 10:01:34 Ўзбек-Афғон чегаралари ёпилди

Афғонистон Ислом Республикасида коронавирус инфекцияси билан боғлиқ эпидемиологик вазият кескинлашаётганлигини инобатга олиб, Республика махсус комиссияси ўзбек-афғон Давлат чегараси орқали фуқароларнинг ҳаракатланишини вақтинча тўхтатишга қарор қилди.

“Термиз-автойўл” чегара ўтказиш пункти орқали қуйидагиларнинг ҳаракатланишига рухсат берилади:

дипломатик ваколатхоналар, консуллик муассасалар ва халқаро ташкилотлар ходимлари ҳамда уларнинг оила аъзоларига;

халқаро юк ташиш билан шуғулланувчи ҳайдовчиларга;

ўз юртига қайтаётган Ўзбекистон ва Афғонистон фуқароларига.

Коронавирусга тест натижаси манфий бўлсагина шахслар Ўзбекистонга киритилади.

Агар тест натижаси мусбат чиқса:

Ўзбекистон фуқаролари махсус клиникаларга даволаниш учун юборилади;

Чет эл фуқаролари Ўзбекистонга киритилмайди.


@xushnudbek Ochish/sharhlash

2021-06-22 08:31:13 Коронавирусга қарши вакцина оладиганлар рўйхати кенгайди

Республика махсус комиссияси қарорига кўра, биринчи навбатда вакцина оладиганлар рўйхатига яна 2 та тоифа киритилди, дея хабар бермоқда ССВ:

50 ёш ва ундан катта ёшдаги фуқаролар (илгари 65 ёш эди);

олий таълим муассасалари профессор-ўқитувчиларини хавф ости гуруҳига мансуб аҳоли қатлами.

Ушбу тоифалар аввалгилари каби босқичма-босқич Давлат бюджети маблағлари ҳисобидан бепул эмланади.


@xushnudbek Ochish/sharhlash