Xushnudbek.uz

2021-12-25 12:44:02 Журналистларгаям иш йўқмикин?

Шавкат Мирзиёев GTL заводининг марказий бошқарув пультида ишлаётган ёшлар билан суҳбатлаша туриб, оператор Қуанишбай Тлемуратовдан қанча ойлик олаётганини сўради.

-15 миллион.
- Уйга қанча юборасиз?
- Ҳаммасини. 3 маҳал овқат, ётоқ-жой, транспорт текин-да.

Президент биз томон қаради.
- Эшитдиларингизми?

Kun.uz мухбири Аброр Зоҳидов ҳазиллашди:
- Мендан ҳам кўп оларкансиз.
Хушнудбек Худойбердиев ҳам ҳазиллашди:
- Журналистларга иш йўқмикин?

Ҳамма кулиб юборди.

@qurbonova_a Ochish/sharhlash

2021-12-25 12:11:36 “Бу заводлар ўзбек халқига манфаат олиб келиши керак” — Шавкат Мирзиёев

Давлат раҳбари тақдимотда Ўзбекистоннинг ер ости бойликлари халқники эканлиги ва шундай бўлиб қолиши кераклиги ҳақида шундай деди:

“Бу заводлар, топилаётган конлар энг аввало ўзбек халқига манфаат олиб келиши керак. Ҳар бир “скважина”ни “сиз” дейишимиз керак. Ахир бу Аллоҳнинг халқимизга берган неъмати-ку. Буни қадрига етишимиз керак.

Афсуски, узоқ йиллар биз унақа қилмадик. Қаердан кон топсак, сотдик. Топдик, сотдик. Энг алам қиладигани, ўзимизни бойликларни хориждагиларга ялингудек бўлиб сотдик. Халқни ўйламадик. Худди Ўзбекистонда вақтинча яшаётгандай иш тутдик, “эртага бу юртда нима бўлса ҳам менга қизиғи йўқ” деган принцип бўлди.

Энди бунақа бўлмайди. Аллоҳ таоло ўзбек халқига берган бойликлари фақат халқимизга хизмат қилиши керак. Бошқача бўлишига йўл қўймайман.

Энди газимизни арзонгаровга четга сотмасдан, ўзимиз қайта ишлаймиз ва кўпроқ даромад оламиз. Мана, пахта бўйича худди шу тизимни йўлга қўя олдик-ку, газда ҳам шунақа қиламиз”, - деди Шавкат Мирзиёев.


@xushnudbek Ochish/sharhlash

2021-12-25 11:05:32 Шавкат Мирзиёев Uzbekistan GTL лойиҳаси тақдимоти билан танишмоқда. Давлат раҳбари шу жойнинг ўзида мутасаддиларга кўрсатмалар бермоқда.

Жумладан, Президент ва “Ўзбекнефтгаз” АЖ раҳбари ўртасида қуйидагича суҳбат бўлиб ўтди:

— Жорий йил геологияга қанча маблағ сарфладинг?

— 1,1 трлн сўм. Келаси йили 1,4 трлн сўм ажратмоқчимиз.

— Йўқ, бу маблағни 2 баробар кўпайтиришимиз керак. Таълимга, олимларга кўпроқ пул берайлик. Афсуски биз геология соҳасини йўқотдик, таълимни ўлдирдик, ўқимай қўйдик. Мен бекорга бугун ректорларни ҳам чақирганим йўқ. Улар бугунги китоби билан яхши мутахассис чиқара олмайди. Талабалар амалиётни шу заводларда ўташи керак. Зўр-зўр ёшларимиз бор, фақат уларни топиш, уларга ишонишимиз керак.


@xushnudbek Ochish/sharhlash

2021-12-25 09:22:24 Uzbekistan GTL заводи очилиши учун барча нарса тайёр. Завод — гигант! Инновацион ва технологик жиҳатдан энг замонавий вариантлар ишлатилган.

Маълумот учун: GTL қисқартмаси “Gas to liquid”, яъни “газдан суюқликка” сўзларидан келиб чиққан. Бу газни қайта ишлаб қимматроқ бўлган суюқ ёқилғига (керосин, дизел, нафта, суюлтирилган газ) айлантириш технологиясини англатади.

Айтишларича, бундай завод шу пайтгача жаҳонда фақат 4 та давлатда – Қатар, Нигерия, ЖАР ва Малайзияда бор экан. Ўзбекистон бешинчи бўляпти.


@xushnudbek Ochish/sharhlash

2021-12-25 08:40:51 Янги агентликка раҳбар тайинланди

Иқтисодий тараққиёт ва камбағалликни қисқартириш вазирининг ўринбосари – Маҳаллабай ишлаш ва тадбиркорликни ривожлантириш агентлиги директори лавозимига Убайдуллаев Мирзохид Муродилович тайинланди.

У бунга қадар Фарғона шаҳар ҳокими эди.


@xushnudbek Ochish/sharhlash

2021-12-24 15:49:05 #ибратли_ҳикоя

Айтишларича, Бухорода бир ёлғиз кампир яшаган экан. Биттагина эчкисини соғиб, сутидан бир миқдорини ичиб, қолганини сотиб кун кечирар экан. Иттифоқо кечаси ухлаб қолганда, шу эчкисини ўғирлаб кетишади. Кампир арз қилмаган жой қолмайди. Охири амир ҳузурига боради. Амир ундан не арз билан келганини сўрайди.

Кампир нима бўлганини айтади.

— Ия, — дейди амир. — Эчкини қўриқламай, донг қотиб ухлаган экансиз-да, эна!

Кампир жавоб қилди.

— Тўғри, ухлаган эдим, амир ҳазратлари. Лекин сизни уйғоқ деб ўйлагандим. Қаранг-а, сиз ҳам ухлаган экансиз-да!

Амир лол-у ҳайрон бўлиб, боши эгилади. Кампирнинг бир оғиз “сиз ҳам ухлаган экансиз-да”, деган гапи унинг юрак-юрагига бориб етади. Шу биргина жумла амирга ўз масъулиятини эслатиб қўйган эди.


@xushnudbek Ochish/sharhlash

2021-12-24 15:22:02 ISHONCH дўконлар тармоғи Қашқадарёнинг Косон ва Ғузор туманларида ўзининг 44 ва 45-филиалларини ишга туширди!

Бу ердан сиз 7000 дан ортиқ турдаги маҳсулотларни муддатли тўловга харид қилишингиз мумкин!
Муддатли тўлов учун эса паспорт кифоя (бюджет ташкилоти ходимлари ва нафақадагилар учун).

ISHONCH дўконлар тармоғи янгиликлари, акциялар, фойдали маслаҳатлар барчаси @ishonchsavdo каналида! Обуна бўлинг ва кузатиб боринг.

Батафсил: +998735152222

Барча филиаллар манзили бу ерда!

Реклама Ochish/sharhlash

2021-12-24 11:48:24 Шу йилнинг 20-21 декабрь кунлари Тошкент шаҳридаги Congress Hall залларида ўтказилган Ёшлар форуми тадбирларида вазирлар ва бошқа мутасаддилар ёшлар билан бевосита мулоқот олиб борди. Ёшлар ўзларининг “ўткир” саволлари билан масъулларни анча қийнаб қўйишди. Асосийси Форум доирасида амалдорлар ва ёшлар ўртадаги кўринмас девор йўқолди, самимийлик ва дўстона муносабатлар пайдо бўлди.

Форумда нафақат мамлакатимиздан, балки қўшни давлат Қозоғистондан ҳам ёшлар иштирок этишди. Ochish/sharhlash

2021-12-24 11:34:47 Golden House’дан Янги йил акцияси

Сеҳрли ва байрамона кайфият учун ажойиб фурсат. Йилнинг энг ғаройиб байрами арафасида биз хонадон ва тижорий майдонлар хариди учун ноёб чегирмаларни тақдим этамиз.
Фақатгина декабрь ойида сиз каттагина суммани тежаб қолишингиз мумкин — 20 фоизгача миқдорда.

Қулай шартлар асосида кўчмас мулк харид қилишга шошилинг! Акцияда иштирок этаётган хонадонлар сони чегараланган.

+99878 113 03 93
gh.uz | Telegram | Савдо офиси

Реклама Ochish/sharhlash