Xushnudbek.uz

2021-12-26 12:28:17 Сирдарё вилояти ҳокими Ғофуржон Мирзаев қорбобо кийимида эҳтиёжманд оилаларга бериладиган бир марталик 800 минг сўмлик моддий ёрдам ва Президент табригини тарқатиб чиқмоқда.


@xushnudbek Ochish/sharhlash

2021-12-26 07:56:38 Дам олиш кунлари машҳур саёҳатчи-блогер Антон Птушкиннинг Норвегия ҳақидаги видеосини томоша қилдим. Тўғриси, ушбу мамлакатнинг жуда кўп жиҳатлари ҳайрон қолдирди, жумладан, йўл ҳаракати хавфсизлигига бўлган муносабат.

Бу ерда ҳайдовчилик гувоҳномасини олиш учун 3000 евродан зиёд маблағ сарфлаш керак. Имтиҳонлари ҳам жуда қийин.

Ва яна Норвегияда тезликни оширганлик учун ақл бовар қилмас жарималар солинаркан. Масалан, белгиланган тезликни соатига 20 км.га оширсангиз, 1000 евро жарима тўлаш керак. Ёки 1 кун қамоқда ётасиз.

Ҳозир Норвегия ва Ўзбекистондаги нархларни солиштирмоқчи эмасман. Йўқ, асло. Чунки аҳоли даромади катта фарқ қилади. Бу ерда бошқа принцип муҳим.

Қайси давлатда одамлар қанча даромад олаётганидан қатъи назар ҳайдовчилик гувоҳномасини олиш қийин ва йўл қоидабузарлиги учун жарималар ўша давлат учун қиммат бўлиши керак.

Норвегияда ҳам 1000 евро қимматлик қилади, шу сабаб кўпчилик қамоқда ўтиришни танлайди. Натижада қамоқларда жой йўқ, қоидабузарлар ойлаб навбат кутаркан.

@xushnudbek Ochish/sharhlash

2021-12-25 18:13:35 Талабалар учун яхши хабар: бугундан барчага қишки таътилга рухсат берилди Олий ва ўрта махсус таълим вазирининг буйруғига асосан олий, ўрта махсус ва профессионал таълим муассасалари талаба ва ўқувчилари учун қишки таътил муддатининг бошланиши 2021 йилнинг… Ochish/sharhlash

2021-12-25 18:01:46 Талабалар учун яхши хабар: бугундан барчага қишки таътилга рухсат берилди

Олий ва ўрта махсус таълим вазирининг буйруғига асосан олий, ўрта махсус ва профессионал таълим муассасалари талаба ва ўқувчилари учун қишки таътил муддатининг бошланиши 2021 йилнинг 25 декабрга кўчирилди. Яъни бугундан барчага таътилга рухсат берилди.

Шу сабабли талабаларни доимий яшаш жойларига бориш ва қайтиши учун ички темирйўл ва авиақатновларга чипталарни махсус 50 фоизли чегирма билан харид қилиш имтиёзи муддати ҳам 25 декабрдан эътиборан қўлланадиган бўлди.


@xushnudbek Ochish/sharhlash

2021-12-25 16:20:22 Шавкат Мирзиёев Uzbekistan GTL заводи фаолиятига старт берди. Завод 2022 йил 1 мартдан бошлаб тўлиқ режимда ишлашга ўтади.


@xushnudbek Ochish/sharhlash

2021-12-25 15:50:53 Yangi yilgacha sanoqli kunlar qoldi!

Demak, yaqinlaringizga sovg'alar hadya qilishning ayni vaqti

Mijozlarimiz uchun yana bir imkoniyat.

Hoziroq sovg'ani xarid qiling, to’lovni esa keyingi yil amalga oshiring!

Internet-do'kon MAGO.UZ sizga smartfon, televizor, parfyumeriya, maishiy texnika va zargarlik buyumlarini
eng arzon narxlarda hamda muddatli to’lov asosida taklif qiladi

MAGO.UZ saytiga tashrif buyuring va muddatli to'lov xizmatini onlayn tarzda rasmiylashtiring.

71-202-06-06
Instagram / Sayt
Reklama Ochish/sharhlash

2021-12-25 14:48:06 «Авиакеросин қимматлиги учун Тошкентга эмас, Чимкентга қўнганмиз» — Алексей Матвеев

Uzbekistan GTL заводи очилишида хорижий ҳамкорлар ҳам сўзга чиқди. Жумладан, “Газпромбанк” бошқаруви раиси ўринбосари Алексей Матвеев ўз бошидан ўтган воқеани гапириб берди.

— Ушбу завод аҳамияти ҳақида кўп гапириш мумкин. Хусусан, завод ишга тушиши натижасида авиакеросин нархи сезиларли арзонлаши кутилмоқда. Ҳозир ҳеч кимга сир эмас, Ўзбекистонда авиакеросин муаммоси бор. Биргина мисол, ўзим ҳам шу муаммога дуч келганман. Бир сафар узоқроқ парвозни амалга ошираётгандик, Москвагача қўнмасдан, узлуксиз учишнинг иложи йўқ эди. Ўртада ёқилғи қуйиш учун қаергадир тўхташимиз керак бўлди.

Қарасам, биз Чимкентга қўндик. Албатта, Чимкентни ерга уриш ниятим йўқ, аммо ҳар томонлама Тошкентга қўниш яхшироқ эди, деб ўйладим. Чунки катта шаҳар, турли фавқулодда вазиятларда инфратузилма яхшироқ, самолёт билан бирор носозлик юзага келса, таъмирлаш имкони юқори, халқаро рейсларга қулай ва ҳ.к. Аммо нега Тошкентга эмас, Чимкентга қўндик, деб сўрасам, жавоб оддий бўлган: «Чунки Тошкентда авиакеросин қиммат!».

Бу биттагина мисол холос, бунақа воқеалар яна кўп бўлганига ишонаман. Uzbekistan GTL заводи эса шу каби муаммоларни бартарафга этишга ёрдам беришига ишонаман, — деди Алексей Матвеев.


@xushnudbek Ochish/sharhlash

2021-12-25 14:01:53 «Қилолмайсизлар, қўлларингиздан келмайди, дейишганди»

Шавкат Мирзиёев завод қурилиши бошланганда, бунга шубҳа билан қарашгани ҳақида шундай деди:

«Тўғриси, биз GTL лойиҳасини бошлаганимизда, кўпчилик буни уддалашимизга шубҳа билан қараган эди. «Қилолмайсизлар, қўлларингиздан келмайди» дейишганди.

Лекин, биз қатъий интилиш ва машаққатли меҳнатимиз билан, барчамиз биргаликда мураккаб синов ва қийинчиликларни енгиб ўтиб, мана шундай янги ва замонавий, юқори технологик мажмуани барпо этишга эришдик. Бу билан ҳар қанча фахрлансак, арзийди.

Айниқса, коронавирус пандемияси даврида 10 мингдан ортиқ ишчи карантин талабларига қатъий амал қилиб, узоқ вақт оиласи, яқинларидан олисда ишлаб, ҳақиқий қаҳрамонлик намунасини кўрсатди, десак, ҳар томонлама тўғри бўлади.

Фурсатдан фойдаланиб, қиймати 3,4 миллиард доллар бўлган, GTL заводи қурилишида муносиб иштирок этган барча мутахассислар, фидойи қурувчи, муҳандис ва лойиҳачилар, ҳурматли хорижий ҳамкорларимизга чуқур миннатдорчилик билдираман».


@xushnudbek Ochish/sharhlash

2021-12-25 13:30:00 Шавкат Мирзиёев Uzbekistan GTL заводи очилиш маросимининг расмий қисмида нутқ сўзламоқда. Жумладан, завод имкониятлари ҳақида шундай деди:

«Мажмуада йилига 3,6 миллиард метр куб табиий газ қайта ишланиб, қиймати 1 миллиард доллардан зиёд бўлган 1,5 миллион тонна тайёр суюқ маҳсулотлар (авиакеросин, дизель ёқилғиси, нафта, суюлтирилган газ) тайёрланади.

Натижада йилига 500 млн долларлик импорт ўрни қопланади, 200 млн долларлик экспорт ва 2 трлн сўмлик солиқ тушумлари таъминланади», — деди давлат раҳбари.

Бунга асослар қуйидагича:

бу ерда чиқарилган авиакеросин бошқа заводларникига нисбатан жуда тоза ва сифатли, энг замонавий самолётларга мўлжаллангани учун, унга ҳамиша талаб юқори;

заводда чиқариладиган дизель ёқилғиси камида Евро-6 стандартларига жавоб беради, минтақамизда бундай тоза маҳсулот ишлаб чиқарадиган корхона умуман мавжуд эмас;

натижада Ўзбекистонда авиация хабларини ташкил қилиш ҳамда юк ташишда хизмат қиладиган йирик логистика компанияларини ривожлантириш мумкин.


@xushnudbek Ochish/sharhlash

2021-12-25 13:12:42 Шавкат Мирзиёев ва Uzbekistan GTL мажмуасининг марказий бошқарув пульти оператори Қуанишбек Тлемуратов ўртасидаги суҳбат.

Видео охирида завод ходимлари шароитига ҳавас қилиб, «Журналистларга ҳам иш йўқмикин», деб ҳазиллашдим


@xushnudbek Ochish/sharhlash