Rashid Usmonov live

2021-09-10 18:14:03 ​​Савол келиб тушди:

Ассалому алайкум. Ёшим 62 да, скандинавча юраман. Юриш технологиясига амал килган холда. Бу юриш хакида фикрингизни билмокчиман.

Скандиваниячасига юриш деб номланган машғулот тури мавжуд, бунда скандинавия таёқчалари (ҳассаси) ёрдамида пиёда юрилади.

Бу икки ҳасса ёрдамида юришнинг ҳар хил техникалари мавжуд, деярли ҳаммаси одамни танасини оғирлиги тўлиқ оёқларга тушмаслигини таъминлаш, қўл ва елка мушакларига юклама бериш шунингдек қомадни тикка тутиб юришга хизмат қилади.

Мисол учун пиёда юрган пайтда икки оёғингизга 80 кг оғирлик тушадиган бўлса, ҳассалар ёрдамида юрганда 60 кг оғирликни юкини олиши мумкин, бу семизлар, умуртқасида муаммоси борлар ва тизза артрозига чалинганлар учун айни керак нарса.

Бу таёқчалар билан пиёда юрган одамни умуртқасига ва оёқларига ортиқча юклама тушмаслигини инобатга олсак (Албатта қоидаси билан юрилса) оёқларда оғриқ кузатилмайди, умуртқадаги дардлардан қутилишингиз ёки остеохондроз ва чурра каби касалликларни олдини олишингиз мумкин.

Одам пиёда юрганида уни организмини тахминан 40 фоизи ҳаракатланса, сканданавия таёқчалари ёрдамида танани 90 фоизи ҳаракатга келади, буни нақадар фойдали эканлигини шундан билиб олса ҳам бўлади.

Лекин буни ўрганиш осон эмас, камдан-кам одамлар интернет орқали дарсликларни кўриб ўрганиб кетади, бу учун мураббий маслаҳати албатта керак бўлади. (Мен жуда кам ишлатиб кўрганман)

Бу таёқчалар ўзимизда ҳам сотилмоқда, нархи бир жуфти тахминан 150 минг сўмдан 300 минггача, турига қараб албатта.

Саломатлик тарғиботчиси Рашид Усмонов Ochish/sharhlash

2021-09-10 16:48:17 Савол келиб тушди:

Хафтасига неча марта югуриш оптимал? Албатта, хар кун югуриш яхши, аммо унчаликни иложи йук.

Ҳар куни югуришни одат қилса бу жуда ҳам зўр, албатта буни ҳар кунлик сизнинг организмингиз, оёқ мушакларингиз кўтарадиган даражада юклама, тезлик ва техникасини тўғри танлаб олиш керак бўлади.

Масалан ҳар куни югурмоқдасиз, оёқ мушакларингиз бунга бардош бера олмасдан оғриқлар кузатила бошлади, бу ҳолатда ҳар кунлик югуриш юкламасини камайтирасиз ёки орада бир кун дам олиб оёқ мушакларингизни тикланишига замин яратасиз, шу билан кун ора югуриш сиз учун мослигини аниқлаб олса бўлади.

Югуришда оёқларни оғриши бу сизнинг бу машғулотни нотўғри қилганингиз билан ёки ёшликдаги спорт билан шуғулланмаганлигиз сабабли оёқ мушакларини бунга заифлик қилиши билан боғлиқдир.

Ёшликда олинган илм, тошга ўйилган дастхат каби муҳрланганидек, ўсмирликда бажарилган спорт машғулотлари сизнинг организмингиз учун бир умрга бақувват мушакларни шакллантириб беришини унутманг.

Чиройли берилган саволларга албатта жавоб беришга ҳаракат қиламиз.

Саломатлик тарғиботчиси Рашид Усмонов

Саломатлик каналига обуна бўлинг
| Telegram | Youtube | Facebook | Ochish/sharhlash

2021-09-10 09:07:05 Савол келиб тушди:

Тонги югуриш зарарли деб ўқигандим. Ўзи тонги югуришнинг сиз айтган фойдаларидан ташқари зарарли жиҳатлари ҳақида ҳам тўхталсангиз?

Тонг саҳардан уйғонибоқ югуриш албатта зарарли, лекин уйғониб тахминан 30 дақиқа ювиниш, кийиниш ва ҳоказо юмушларга вақт сарфлаб кейин югуришга чиқишни соғлом одамлар учун ҳеч қандай зарари йўқ.

Югуришдан олдин 10-15 дақиқа пиёда юриб ўзизни эрталабки югуришга тўғри тайёрлаб олишингиз ҳам мумкин, аслида югуришни секин пиёда юриш билан бошлаб, яна секин пиёда юриш билан тугатиб олиш керак бўлади.

Масалан махсус тайёрланган ҳарбийларга уйғонибоқ даров югуриш мумкин улар ўзларини организмларини шунга мослаб олганлар.

Носоғлом одамга эса бошқа хоҳлаган вақтида ҳам бирдан югуриш мумкин эмас, чунки унинг организми жуда ҳаракатсизликка кўникма ҳосил қилган, бирдан зўриқса юракка оғир юк тушиши кўп кузатилади.

Чиройли берилган саволларга албатта жавоб беришга ҳаракат қиламиз.

Саломатлик тарғиботчиси Рашид Усмонов

Саломатлик каналига обуна бўлинг
| Telegram | Youtube | Facebook | Ochish/sharhlash

2021-09-10 07:01:23 ​​Югуриш ва пиёда юриш бўйича маслаҳатлар

Агар ҳозирдан югуришни бошламасангиз, вақти келиб ҳаёт сизни шифохонама-шифохона югуртиради. Шундан хулоса қилиб, ўз вақтида тоза ҳавода югуришни одат қилиб олинг. Ишонинг, бу сиз ўйлаганингиздан-да завқли машғулот.

Мен сизларга ўзимнинг тажрибаларим, изланишларим ва спорт йўналишида ўқиб-ўрганганларимдан келиб чиқиб, югуриш бўйича маслаҳатларимни бермоқчиман.

Қайси пайтда югуриш керак?

Аслида хоҳлаган пайтингизда югуришингиз мумкин, асосийси бу ишни одат қилиб олишингиз керак. Лекин эрта тонгда югуришнинг фойдали томонлари жуда ҳам кўп, булар қуйидагилар:

— эрта тонгда ҳаво жудаям тоза бўлади. Чунки кечқурун автомашиналар кам юради ва кечаси билан нам тушиши натижасида ҳаво намлиги югуриш учун оптимал даражада бўлади;


— эрталабки тоза ҳаводан тўйиб олишнинг ўзи биз учун жудаям фойдали, бундан янада самарали фойда олиш учун эса ҳарсиллаб югуришимиз керак. Сабаби ўпкамиз ҳарсиллаганда ундаги мушаклар чиниқиб, тозаланади, ҳаводаги ҳар хил зарарли заррачаларга қарши курашувчанлик хусусиятини тиклаб олади, шу тариқа бутун организмимиз яхши ишлай бошлайди;

— саҳар-тонгни иш вақтидан холи эканлиги, яъни сиз кундузги вақтингизни ишга, ишдан кейин эса оилангизга сарфлашингизга имкон туғдиради;

— эрта тонгда югуриш, бу — сизнинг эрталабдан чаққон ва тетик ҳолатда ишга киришингизга катта туртки беради;

— эрталабдан энергия сарфлайсиз, бу сизни эрталабки нонуштани иштаҳа билан қилиб олишингизга замин яратади, иштаҳасиз ейилган овқат зарарга, иштаҳа билан ейилгани фойдага хизмат қилади дейишади табибларимиз;

— албатта, ишингиз ёки бошқа сабаблар туфайли сизга кечки вақт мос бўлса, кечаси югуришниям кундузги чарчоқларни чиқариб олишга фойдаси жудаям катта.

Мақолани тўлиқ ўқиш учун: http://usmonov.uz/?p=53

Саломатлик тарғиботчиси Рашид Усмонов

Саломатлик каналига обуна бўлинг
| Telegram | Youtube | Facebook | Ochish/sharhlash

2021-08-25 15:03:54 "Фақат тиббиёт ва шифокорларни танқид қиласиз, сохта табиблар ҳақида ҳам ёзинг", деган маънода эътироз бўлди, ўйлаб қарасам бир неча йил олдин ёзган эканман, шуни архивдан топиб улашишга қарор қилдим.

Қишлоғимизга табиб келди

Ишхонамнинг дерезасидан маҳалла гузаридан ўтадиган одамлар кўриниб туради. Ўтган йили баҳорда онахонлар қўлларига беш литрлик идишларда қадоқланган тоза сув ва бошқа совғалар билан йўлдан ўтишни одат қилиб олишди. Бир куни қарасам ўзимизнинг қариндошлар ҳам ўтаётган экан “Қаерга бориябсизлар”, деб сўрадим. Манга жавобан: “Табиб келган, шу ерга, даволанишга”, дейишди. Одамларнинг кучли иштиёқини кўриб табибга қизиқиб қолдим ва яхшилаб суриштиришга киришдим.
Табибнинг қабулига совға билан беш литрлик қадоқланган сув олиб бориш керак экан. Табиб сувни ўқиб, суфлаб, бир қултумини оғзига олиб чайқаб, оғзидаги сувни қолган идишдаги сувга аралаштириб берар экан. Бемор шу сувни уч суткага ичиб яна сув кўтариб у кишининг қабулларига келиши керак экан.

Содда одамлар табибга лаққа тушиб қатнай бошлади, табиб эса даромад олиш мақсадида ўзини мақтар, ўзи ёзган «китоб»ларни қишлоқдагиларга тарқатар эди. Тарқатмаларига табибнинг тушига пайғамбар кириб, унга сан одамларни даволашинг керак дегани ва кўп кишиларни оғир касалликлардан даволагани ҳақида ёзилган. Табиб барча касалликларни даволашини ва бахтсизларни бахтини очиб беришини айтиб ўтган.

Қизиғи айрим одамларга бу табибнинг руҳий таъсири ва оғзида чайқаб берган суви шифо келтирарди. Бунга сабаб қилиб қуйидагиларни санаб ўтаман:
Соғайишни жудаям истаган содда одамларимиз табибни оғзида чайқалган сувни жирканмасдан ичади ва табибнинг таъсирчан гапларидан руҳан соғайишга таёр бўлади. Шу тариқа айримларнинг организмидаги касалликлар ва руҳиятидаги салбий нуқсонлар яхшилана бошлайди. Айрим касалликлардан соғайишга ишониш орқали ҳам соғайиб кетса бўлади.

Кўпчилик одамларимиз инсон танаси яхши ишлаши учун ҳар куни ичилиши лозим бўлган 1.5-2 литр тоза сувни ичишмайди. Ундан ташқари Бухоронинг суви шўр, қадоқланган сувни таркиби эса фойдали микроэлементлар билан тўлдирилган. Беш литр сув уч кунга ичилади ва одамларнинг организми тоза сув билан яхши ишлай бошлайди, шу тариқа айрим одамлар ўзларини яхши ҳис қилиб, табибни пуфлаган суви фойда берар экан деган гап тарқатишади.
Икки ойдан кўпроқ вақт мобайнида табибга қатновлар бўлиб турди, табибга ишониб ўз уйидан жой қилиб берган қишлоқдошимиз ҳам, бир тузалиб қайтиб касал бўлганидан ва ташвишлар жонига тегиб кетганидан уни уйидан ҳайдаб юборди.

Ҳар ким ўзиги-ўзи табиб бўлиб, ишонч ва ақл билан шифо топишнинг йўлини излашга ҳаракат қилиши лозим. Ҳар ким учун энг яхши табиб – бу унинг ўзи!

P.S Табобат доим бўлган ва у ҳеч қачон ўлмайди. Табобатсиз замонавий тиббиёт чўлоқ, бу гапни такрор-такрор таъкидлаймиз

Саломатлик тарғиботчиси Рашид Усмонов

Саломатлик каналига обуна бўлинг
| Telegram | Youtube | Facebook | Ochish/sharhlash

2021-08-25 05:28:24 ​​Тўғри овқатланиш билан барча касалликларни даволаса бўлади, ҳа барчасини!

Агар бемор тинимсиз тўғри овқатланиш илмини ўрганса ва шу йўналишда изланиш олиб борса у саратонга ёки қандли диабетга чалинган бўлса ҳам, инсулт, инфарк, умуртқа чурраси, фарзандсизлик, хуллас ҳар қандай дардига шунчаки дори-уколсиз, гиёҳ-маъжунсиз шифо топа олади.

"Мен тўғри овқатландим, фойда қилмади" дейдиган беморлар тўғри овқатланмапти. Улар шунчаки бошқа бир кишини тўғри овқатланишини ўзида қўллаб кўрган бўлиши мумкин, ҳар бир тана алоҳида характерга эга. Яна бир ҳолат бўладики табиб нотўғри маслаҳат беради ёки табибни бемор яхши тушунмайди, ихлос ила айтганидек овқатланмайди, кейин шунчаки "Фойда бермади", деб юради.

Умуман овқатланмасдан очлик қилиш ҳам ким учундир жуда шифо бўлувчи тўғри овқатланиш бўлиши мумкин.

Яна шуни айтиш керакки, замонавий тиббиётни тавсияларидан кўра табибларни тўғри овқатланиш тавсиялари анча кучлидир, мизожга мос овқатланиш керак. (Лекин унақа кучли табиблар жуда кам)

Қўшимчасига ҳар бир иқлим, ҳудуд, минталитетни ўзини мутахассислари маслаҳат бергани маъқул, Британиялик олимни маслаҳатлари бизни иқлимга тескари ишлаши ҳам мумкин. Шунингдек бошқа иқлимни овқатлари ҳам бизга мос тушмаслигини инобатга олиб қўйинг.

Хуллас ўша гап, аввало 100 йил ортга қайтинг мақоласини ўқинг, ота-боболаримиз жуда тўғри овқатланган, буни яна қайта фан кашф қилиши шарт эмас ва улар билган даражада қила олмайди ҳам.

Аслиятга қайтайлик, ҳаракатни канда қилмасдан тўғри овқатланайлик дўстлар.

Саломатлик тарғиботчиси Рашид Усмонов.

Саломатлик каналига обуна бўлинг
| Telegram | Youtube | Facebook | Ochish/sharhlash

2021-08-22 07:37:18 ​​Жийда меваси ҳақида

"Табиати совуқ-қуруқ. Меъдани қуритади, заҳарланишдан пайдо бўладиган ич кетишни тўхтатади.

Пўстидан дамланган чой иситмани туширади. Жийда камқонликда, бўй ўсмаслигида, танада туз-сув мутаносиблигини сақлаш учун, одамнинг фикрлаш қобилиятини ошириш учун ҳам истеъмол қилинади.

Жийда қайт қилишни тўхтатади, пешоб ҳайдайди, меъда фаолиятини яхшилайди, сафрони босади, ичдан қон кетиш ва бавосилга фойда беради."

Манба: https://t.me/dardgadovo

Мен ҳар йили жийда пишганда 3-4 кг уйда олиб қўяман ва кейинги мавсум меваси пишгунигача ҳафтасига икки-уч бор 6-8 донадан еб юраман.

Жийдани меваси билан бавосилни (геморойни) даволаса бўлади, яъни бу ўта кучли қабзият ҳолатларида ични юмшатиш хусусиятига эга ҳисобланади, аксинча ич кетишида ични тўхтатиш хусусиятига ҳам эгадир.

Ундан ташқари жинсий қувватни ошириш ва простата бези касалликларида ҳам кони фойдалиги синовдан ўтган.

Хуллас, бир сўз билан жийда минг дардга даво мева ҳисобланишини айтиш жоиз.

Саломатлик каналига обуна бўлинг
| Telegram | Youtube | Facebook | Ochish/sharhlash

2021-08-15 10:31:51 Ош пишириб дам олиб юрипмизда яқинлар билан

Парҳез қилмаяпман лекин тартибли, тўғри овқатланияпман.

Айтганча вазним 85 кг. -2 кг. Ochish/sharhlash

2021-01-31 12:36:37 Tadbirkor: Rashid Usmonov
——————————————————
Doim band boʻling
——————————————————
"BATADBIR" biznes kanalida eng saralangan qisqa videolarni ko'rasiz.



Telegram kanalga obuna bo'ling

Telegram guruhga obuna boʻling

Youtube kanalga obuna bo'ling Ochish/sharhlash

2021-01-30 20:18:40 Ҳамма аёллар кир ювиш машинасини уйидан чиқариб ташласин энди

Саломатлик каналига обуна бўлинг
| Telegram | Youtube | Facebook | Ochish/sharhlash