Ummat.uz

2023-06-11 21:02:10 НАМОЗ ВАҚТЛАРИ ТАҚВИМИ (Тошкент шаҳри вақти билан)

ТОНГ -     03:04
ҚУЁШ -    04:49
ПЕШИН - 12:28
АСР -        17:38
ШОМ -      19:58
ХУФТОН -21:41

Яқинларингизга ҳам улашишни унутманг!
@ummatuz Ochish/sharhlash

2023-06-11 16:41:26 #Жума_маърузадан

Умрнинг қиши учун унинг баҳорида тайёргарлик кўр!

YouTube’да кўринг




@ummatuz Ochish/sharhlash

2023-06-11 15:02:42 #ислом_тарихи

РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМНИНГ ҲАЖ МАВСУМЛАРИДА ИШТИРОК ЭТИШЛАРИ

Тоифдан қайтиб келганларидан кейин Расулуллоҳ соллаллоҳу алайҳи васаллам ўзларини турли қабилаларга очиқ-ойдин таништиришни бошладилар. Бунинг учун энг қулай фурсат ҳаж мавсумлари эди. Ҳажга атроф-теваракдаги қабилалар ҳар йили гуруҳ-гуруҳ бўлиб келишар эди. Пайғамбар соллаллоҳу алайҳи васаллам одам кўп тўпланадиган жойларга бориб, уларни Исломга чақирар, Қуръони Каримдан тиловат қилиб берар эдилар. У зот: «Эй Бану фулон! Мен сизларга Аллоҳ юборган расулман. Сизларни Аллоҳга ибодат қилишга, У Зотга бирор нарсани шерик қилмасликка буюришга амр қилинганман. У Зотдан бошқа ибодат қилаётган нарсаларингизни тарк этишга чақираман. У Зотга иймон келтиринг! Мени ўз ҳимоянгизга олинг. Токи У Зот юборган нарсани етказай», дер эдилар.

Пайғамбар соллаллоҳу алайҳи васаллам ваъзларини тугатишлари билан Абу Лаҳаб ўрнидан туриб: «Эй Бану фулон! Манави сизларни Лот ва Уззони ҳамда сизларга ошно бўлган жинларни бўйинларингиздан отиб ташлашга даъват қилмоқда. Ўзи келтирган бидъат ва залолатга чақирмоқда. Унга итоат қилманглар. Унга қулоқ османглар», дер эди.
Расулуллоҳ соллаллоҳу алайҳи васаллам даъватларини ҳеч ким қабул қилмаса ҳам, ана шундай ҳолда давом эттирар эдилар.

"Ислом тарихи" китобидан

Telegram | YouTube Ochish/sharhlash

2023-06-11 12:01:03 #фиқҳга_оид

ТАВОФНИНГ ТУРЛАРИ

Тавофлар умуман етти турли бўлади. Улар қуйидагилар:

1. Тавофи қудум: Тавофи қудум «тавофи лиқо» (кўришув тавофи), «тавофи вуруд» (ташриф тавофи) ҳам дейилади. Бу ифрод ёки қирон ҳаж қилувчи офоқийга (Ҳарам ҳудудидан ташқарида яшовчиларга) суннатдир. Маккалик ва офоқийлардан таматтуъ ёки умра қилувчи учун бу суннат эмас.

Унинг кўриниши: Ифрод ҳаж қилувчи Ҳарамга кирганидан кейин тезлик билан бир тавоф қилиб олади. Ўша тавоф «тавофи қудум» (кўришув тавофи) дейилади. Қирон қилувчи умра билан ҳажга бирга эҳромга кириб, Ҳарамга киргандан кейин биринчи умра арконларини адо қилиб бўлгандан кейин нафл тарзида бир тавоф қилади. Мана шу қирон қилувчининг тавофи қудуми ҳисобланади.

Эслатма: Қирон ҳаж қилувчининг аввал умра қилиб, кейин тавофи қудум қилиши суннатдир. Лекин бунинг аксини қилиши, яъни биринчи тавофи қудум қилиб, кейин умра қилиши суннат эмас;

2. Тавофи нафл: Нафл тавофни ким қачон хоҳласа қилиши мумкин бўлиб, унинг учун бирор муайян вақт тайин қилинмаган.

3. Тавофи умра: Умра қилувчига умра тавофини қилиш фарз ҳисобланиб, унда изтибоъ билан рамал суннатдир. Ушбу тавофдан кейин Сафо билан Марва тепалигида саъй қилиш вожибдир. Бу ҳақда «Умра» мавзуси остида батафсил маълумот берилди;

4. Тавофи назр: Бир киши «фалон ишим битса, Аллоҳ таоло учун бир тавоф қиламан», деган бўлса, ўша нарса «тавофи назр» дейилади ва иши битганидан кейин ушбу тавофни қилиш зиммасига вожиб бўлади;
(давоми бор)

"Мўминнинг умр сафари" китобидан

Telegram | YouTube Ochish/sharhlash

2023-06-11 09:01:29 #Фото_Ҳикмат

@ummatuz Ochish/sharhlash

2023-06-11 06:02:04 #оят

«Иймон келтирганлар учун Аллоҳнинг зикрига ва нозил бўлган ҳаққа қалблари юмшаш, айни чоғда, олдин китоб берилган, сўнг муддат ўтиши билан қалблари қотиб қолган, кўплари фосиқ бўлганларга ўхшамаслик вақти келмадими?!»

(Ҳадид сураси, 16-оят).

Telegram | YouTube Ochish/sharhlash

2023-06-11 03:01:13 #Хайрли_тонг

Ассалому алайкум ва раҳматуллоҳи ва барoкaтуҳ!

Расулуллоҳ соллаллоҳу алайҳи васаллам уйғонганларида:

6 باسْمِ اللَّهِ الَّذي لاَ يَضُرُّ مَعَ اسْمِهِ شَيْءٌ فِي الأرْضِ وَلا في السَّماءِ، وَهُوَ السَّمِيعُ العَلِيم

"Бисмиллаҳиллазий лаа йазурру маъ исмиҳи шайун фил арзи ва лаа фис самааи ва ҳувас самъиул аълийм", дер эдилар.

(Маъноси: "Ер-у осмонда Унинг исми билан бўлганда бирор нарса зиён қила олмайдиган Зот Аллоҳнинг номи ила. У ўта эшитувчи ва ўта билувчидир".)

Кимки ушбу зикрни эрталаб ва кечки пайт уч мартадан ўқиса, унга ҳеч бир нарса зиён келтирмас.

Абу Довуд ривояти.

Telegram | YouTube Ochish/sharhlash

2023-06-10 21:01:16 НАМОЗ ВАҚТЛАРИ ТАҚВИМИ (Тошкент шаҳри вақти билан)

ТОНГ -     03:05
ҚУЁШ -    04:49
ПЕШИН - 12:27
АСР -        17:37
ШОМ -      19:58
ХУФТОН -21:41

Яқинларингизга ҳам улашишни унутманг!
@ummatuz Ochish/sharhlash

2023-06-10 15:01:07 #ислом_тарихи

ЖИНЛАРНИНГ РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМГА ИЙМОН КЕЛТИРИШИ

Пайғамбар соллаллоҳу алайҳи васаллам Зайд ибн Ҳориса розияллоҳу анҳу билан Макка томон йўл олдилар.

Йўлда Пайғамбар соллаллоҳу алайҳи васалламнинг тонгда намоз ўқиётганларидаги қироатларини эшитган бир гуруҳ жинлар у зотга иймон келтирдилар ва ўз қавмларини Исломга даъват қилиш учун шошилиб кетдилар. Бу ҳақда Аллоҳ таоло Аҳқоф ва Жин сураларида хабар берган.
Мазкур ҳодисанинг оғир пайтда юз бериши алоҳида ҳикматга эга бўлиб, одамлар Пайғамбар соллаллоҳу алайҳи васалламни инкор қилиб турганларида жинларнинг ўзларидан-ўзлари иймон келтиришлари катта гап эди.

Икковлари Маккага яқинлашганларида Зайд ибн Ҳориса розияллоҳу анҳу: «Эй Аллоҳнинг Расули, уларнинг олдига қандай кирасиз? Ахир улар сизни чиқардилар-ку?!» деди.

«Эй Зайд! Аллоҳ сен кўриб турган нарсага албатта кушойиш берур. Аллоҳ Ўз динига албатта нусрат берур. Ўз набийсини ғолиб қилур», дедилар у зот.

"Ислом тарихи" китобидан

Telegram | YouTube Ochish/sharhlash

2023-06-10 12:31:56 Домла ўзининг энг катта бахти нимада эканлигини ошкор этди

YouTube’да кўринг




Telegram | YouTube Ochish/sharhlash