Ulug‘bek Po‘latov

2022-09-01 08:00:53 #оғриқ

Миллатнинг барча гулу ойдинлари йўқ қилингач, Москвада концерт қўйилган!

1939 йил, Москва. «О, бизни доҳийимиз ўртоқ Сталиннинг ўзи томоша қиляптилар»

Мустақлиллик баландпарвоз гап эмас. Буни айрим миллатлар орзу қилади. Шунинг учун мустақилликни қадрига етиш керак. Истиқлолимизнинг 31 йиллик айёми муборак бўлсин.

@u_pulatoff Ochish/sharhlash

2022-08-31 11:37:15 Фарзандингиз талаба бўлди, кейинги режалар қандай?

Фарзанди олий таълимга ўқишга қабул қилинган ота-оналарнинг оғзи қулоғида. Олий таълимга кириш кўрсатгичи йилдан-йилга ортиб бораётгани рост. Негаки тарғибот шундай бўляпти. Ота-оналар фарзандининг қайси йўналишда бўлмасин дипломли бўлишини истамоқда. Лекин талаб ва таклиф қонуни бузилган бир пайтда бундай танлов тўғри бўлмайди.

Ҳўш фарзандинигз талаба бўлди ҳам дейлик унда 4 йилдан кейинги режалар қандай? Кўпчилик фарзандим ўқишга кириб олса бўлди, ҳаммаси беш бўлади деб ўйлайди. Лекин, ўқишни битиргач уларнинг қанчаси иш билан таъминланади? Хўп бир амаллаб иш топди ҳам дейлик, ҳўш у ўша мутахасислиги бўйича ишлай оладими? Ўзи танлаган соҳани ҳақиқий мутахасиси бўлолмаса, унда қанча даромат топади?

Масалани шу тарафларини ҳам ўйлаб кўриш керак. Аксар ёшларнинг миясида “ўқишга кириб олсам бўлди, қайси йўналиш эканлиги муҳим эмас” деган тушунча шаклланиб қолган. Ҳатто ҳукумат вакиллари ҳам ўқишга кириш истагингиз бўлса, имкон қадар пастроқ балл билан кирса бўладиган йўналишларга топширинглар деб кўрсатма бериб турибди. Бу эса хато.

Агар шахс бирон-бир соҳани ҳақиқий мутахасиси бўлишни истаса 4 йил олий таълимла ўқишга мажбур эмас. Керакли кадрлар ҳеч қачон иш қидирмайди, аксинча уларни иш қидиради. Шунинг учун ота-оналарга шуни айтаманки, фарзандингизни олий маълумот олиш учунгина ўқитманг, уни бирор соҳани ҳақиқий мутахасиси бўлиб етишиши учун ўқитинг.

https://t.me/u_pulatoff Ochish/sharhlash

2022-08-30 11:30:15 Кадрлар танлаш масаласидаги ўйинлар...

Бизнинг жамиятимизда кадрлар танлаш масаласида жуда кўп ўйинлар бўлади. Агар сиз ишга кирмоқчи бўлган жой «ёғлироқ» бўлса, унда сизнинг рақибларингиз «танка суришни» бошлайди.

Айрим лавозимларга учтадан номзод суҳбатдан ўтиши керак бўлади. Қизиқ тарафи шу лавозимга ким тайинланиши аввалдан аниқ бўлади. Сиздан эса қўғирчоқ номзод сифатида фойдаланишади. Одамга алам қиладиган жойи ҳам айнан мана шу.

Мени ҳам яқинда бир лавозимга тавсия қилишган экан. Бу ҳам бир ўйин бўлса керак деб ўйлаб, номзодимни рўйхатдан олиб ташлашларини сўрадим. Чунки мендан ҳам қўғирчоқ сифатида фойдаланиб қадримни ерга уришларини истамагандим. Улар эса бу тизимда бундай ўйинлар бўлмаслигига мени ишонтиришди.

Бугун эса ўша эски ўйинлар яна такрорланаётганини сезиб қолдим. Биз ишонаёган янги тизим ҳам шундай ғирромликлардан иборат бўлса, демак ҳали бери одам бўлмас эканмиз...

Айрим раҳбарлар ўзидан ақиллироқ кадрларни ёнига яқинлаштиришни истамайди. Уларга тошбақа учади деса, шуни тўғри деб тасдиқлайдиган «тилиёғлама» ходимлар кўпроқ ёқади. Улар учун инсон қадри бир чақа. Исталган пайт одамларни қўғирчоқ қилиб ундан фойдаланишади...

https://t.me/u_pulatoff Ochish/sharhlash

2022-08-29 20:14:08 Бу мўжиза эмасми?

30 та тилни биладиган одамга «наҳотки сиз 30 хил тилда сўзлаша оласиз, бу мўжизаку» деб айтишган экан.

Шунда ўша одам: «йўқ, сизларни 9 йил мактабда, 3 йил коллежда, 4 йил университетда ўқиб, битта ҳам тилни билмасликларинг мўжиза» деган экан.

Абдусаттор Абдураҳимов

https://t.me/u_pulatoff Ochish/sharhlash

2022-08-28 11:20:06 Бу тизимни ҳеч тушунмайман...

Қайсидир олийгоҳ раҳбарияти талабаларга уй ҳайвонлар билан бирга расмга ёки видеога тушиб ҳисобот топшириши ҳақида буйруқ берибди. Бу ректорат топшириғи экан.

Хабарда айтилишича, бу ишлар инсонлар онгида ҳайвонларга нисбатан яхшилик уйғотиш мақсадида қилинаётган экан. Шунақа бўлмағур топшириқларни қаердан ўйлаб топишаркин-а

P.S: Шунақа бемани нарсалардан безор бўлганлар “Profi University”га ҳужжат топшириши мумкин. Чунки у ерда форма ҳам, ҳар хил бемаъни расмга тушиб фото-видео ҳисобот деган нарсалар ҳам йўқ.

@u_pulatoff Ochish/sharhlash

2022-08-26 05:17:21 ​​Ўзбекистон ўртача иш ҳақи бўйича охирги ўнталикдан жой олди

Ўзбекистон ўртача иш ҳақи бўйича халқаро рейтингда 106 мамлакат ичида 96-ўринда қайд этилди. «Numbeo» нашри мазкур рейтингда солиқларни ҳисобламаганда соф иш ҳақи миқдорларини ўрганган.

Нашрга кўра, Ўзбекистонда ўртача ойлик маош 278,79 АҚШ долларига, яъни 3 млн. 40 сўмга тенг.

МДҲ давлатлари орасида энг юқори иш ҳақи Россия (846,42 доллар), Беларус (481,15 доллар) ва Aрманистон (471,29 доллар)да қайд этилган. Ўзбекистонга қўшни давлат – Қозоғистон эса 77-ўринда қайд этилган (409,3 доллар).

Мазкур рейтингда дастлабки учталикни – Швейцария (5 979,75 доллар), Сингапур (4 247,77 доллар) ва Австралия (4 143,38 доллар) банд қилган бўлса, рўйхатни Шри-Ланка (143,84 доллар), Покистон (162,02 доллар) ва Нигерия (164,78 доллар) тамомлаб берган.

Нашр Ўзбекистондаги яшаш шароитлари билан ҳам танишиб, ўзининг айрим тахминий маълумотларини ҳам келтириб ўтади. Жумладан, Ўзбекистонда тўрт кишидан иборат оиланинг ойлик тўловларини, ижарани ҳисобламаганда, – 1 426,51 доллар, бир кишининг ойлик тўловини эса, ижарасиз – 393,01 долларга тенг деб ҳисоблаган. 

@u_pulatoff Ochish/sharhlash

2022-08-25 12:25:03 #Қизиқ_факт

Бармоқ изи орақали жиноятчиларни аниқлаш методи қандай пайдо бўлган?

Криминалистикадаги бу метод пайдо бўлишига қизиқ воқеа сабаб бўлгани айтилади. 1903 йили Американинг Канзас штатида қамоқхонага бир маҳбус келади. Қизиқ томони унинг кўриниши бошқа бир узоқ муддатга қамалган жиноятчи билан деярли бир хил.

Уларнинг исмлари ҳам ўхшаш Уилл Вест ва Уильям Вест. Бу етмаганидек кўриниш икки томчи сувдек бир бирига ўхшаш. Улардан бири оғир жиноят содир этган қотил. Иккинчиси майда қонунбузарликка йўл қўйган. Шу пайт криминалистлар ўша пайтдаги метод саналмиш инсон юзининг белгиларидан аниқлашдан воз кечиб бармоқ изи бўйича таҳлилларни йўлга қўйишади.

Бармоқ изига иккита жиноятчи сабаб бўлган экан-да, қаранг! Тарихчи-криминалистлар орасида бу воқеа бўйича турлича баҳслар бўларкан.

Баҳодир Аҳмедов

@u_pulatoff Ochish/sharhlash

2022-08-24 11:30:57 Боллада айб йўқ.

Абитуриентларнинг статистикаси бўйича гапирадиган бўлсак, ўқишга топширган абитуриентларнинг ярмидан кўпи энг паст ўтиш балини ҳам тўплай олмаган, тармоқда кузатишим бўйича жуда кўпчилик абитуриентларни айбламоқда, лекин аслида ундай эмас деб ўйлайман, бунга бир неча яққол сабаблар бор.

Олий таълим учун энг яхши стандарт бу ўқишга кириш ҳам, ўқишнинг ўзи ҳам жуда қийин бўлиши керак, ҳеч бўлмаганда ўқишга кириш осон, ўқиш қийин бўлиши керак. Биз эса йиллар давомида умуман ўқишга киришни қийин қилиб, ўқишни осон қилиб қўйдик.

Ўқишга кириш қийин пайтларда ҳеч бўлмаса мактаблардаги бўшлиқ репититорлар орқали тўлдириб олинар эди, ўқишга кира олмаслик бир йилни йўқотиш деган қўрқув барча абитуриентни ўз устида ишлашга мажбур қилар эди. Энди эса ўқишга кириш ҳам осон, ўқишнинг ўзи ҳам осон бўлиб қолди.

Табиийки, бу ҳолатда абитуриентлар олдингидек жонини жабборга бериб ўқишмайди, чунки жуда бўлмаганда супер қилиб кираман деган хаёл бор.

Иккинчидан, биз супер орқали ўқишга киришдаги коррупцияни деярли йўқотдик, бунга супер орқали эришганимизни ҳам эътироф этиш керак, лекин биз жамиятга бир тўда сифатсиз кадрни етиштириб бера бошладик, ўша суперга кирганлар ҳозир ўқишни битиришди, аксига олиб киришни осон қилганимизга яраша ўқишни қийин қилиб қўя олмадик, бизга ҳали бу катта зарбалар беради.

Учинчидан янги авлод шаклланмоқда, бу авлод учун авторитет билим билан эмас, ТикТокда нечта обуначинг борлиги билан ўлчанади, бу авлодни тарбиялаганлар эса айнан таълимдаги малакасиз кадрларнинг ўзи ҳисобланади. Шунинг учун боллада айб йўқ, бу абитуриентларни мана шу жамиятнинг ўзи тайёрлаган.

Бунинг ягона ечими Ўзбекистон ҳозир отни қаттиқ қамчилаши керак, таълим ташкилотлари кескин кўпайтириш керак, ҳар йили 700-800 минг ёшлар кўчада қолмоқда, табиийки давлат олий таълимда барчани қамраб ололмайди, лекин хусусий, хорижий, айниқча касбий таълимга жуда катта йўл очилиши керак.

Мен бир нарсага ҳайронман, ўн кундан бери швецарияликлар билан юрибман, улар катта инвестиция билан келишмоқда, таълимга реал ўзгартиришлар киритиш режаси билан келмоқда, лекин баъзи ташкилот раҳбарлари уларни қабул қилишга вақтлари йўқ, менимча бу кетишда яна беш йилдан кейин қамчи ҳам керак бўлмай қолса керак.

Бектош Хатамов

@u_pulatoff Ochish/sharhlash

2022-08-23 12:03:58 51,2% абитуриентлар 56,7 балл ҳам тўплай олмаган

ДТМнинг mandat.dtm.uz сайтидаги очиқ маълумотларга кўра, жорий йилда 1 млн 73 минг 821 нафар абитуриент тестга кирган.

Минг афсуслар бўлсинким, уларнинг 550 минг нафари (51,2%) ўтиш балининг энг қуйи чегараси бўлган 56,7 бални ҳам тўплай олмаган. Бу ярмидан кўпи дегани! Бу даҳшат! Даҳшат, ўртоқлар!

Ўтган йилги ҳолат билан солиштирганда аҳволимиз янада оғирлашган. Ўтган йили 36% абитуриентлар 56,7 балл ҳам тўплай олмаганди, жорий йилда бу кўрсаткич 51,2% га чиқди. Албатта, бунда мажбурий блокдаги осон саволларга бериладиган баллар миқдори камайтирилиб, мутахассислик фанига катта урғу берилгани ҳам сабаб бўлди.

2022 йилда энг ёмон кўрсаткич, худди ўтган йилда бўлганидек Тошкент вилоятида (55,9%), нисбатан яхшироқ натижа эса худди ўтган йилдагидек Тошкент шаҳрида (45,2%) қайд этилган (юқоридаги жадвалга қаранг).

Демак, Тошкент вилоятида халқ таълими даражаси бутун Республика бўйича энг ёмон.

9 та ҳудудда абитуриентларнинг 50 фоиздан кўпроғи 56,7 баллдан паст балл олишган. Фақат 5 тагина ҳудудда бу кўрсаткич 50 фоиздан камроқни ташкил қилган. Бу қайси ҳудудлар, деб ўйлайсиз? Албатта, бу ҳудудлар таълим даражаси бирмунча яхши бўлган — Тошкент шаҳри, Бухоро, Фарғона, Хоразм ва Самарқанд вилоятларидир. Лекин умумий олганда бу ерларда ҳам аҳвол хурсанд бўладиган ҳолатда эмас.

56,7 балл — бу тўплаш мумкин бўлган энг юқори 189 балнинг 30%и дегани. Яъни абитуриент ҳеч бўлмаса 30% билимга эга бўлса, ушбу кўрсаткични тўплай олади. 30% билим эса рейтинг тизимидан қиёс олсак, ҳатто 2 баҳо ҳам эмас! 1 баҳо десак тўғри бўлар балки.

Яъни 2 баҳога ўқиганлар ҳам тахминан 35-55% натижа кўрсата олиши керак (66 баллдан юқори).

Тасаввур қиляпсизми, яқин ўртада мактабларимизни тугатган абитуриентларнинг 51,2% фоизи, аниқроғи 550 минг ёшлар (балки орасида кам сонли ёши катталар ҳам бордир) тест топширилган фанларни 2 баҳога ҳам билишмайди

ЯРМИДАН КЎПИ!!!

(албатта, тест билимларни баҳолашнинг энг мақбул варианти эмас, аммо бу умуман бошқа масала)


@xushnudbek Ochish/sharhlash

2022-08-22 18:45:12 Одамларга кўп ёрдам берсанг сени мазах қилишга ўтишади(ми?)

Бир нарсага ҳайрон бўламан. Кимгадир яқиндан ёрдам бериб, уни оғирини енгил қиламан десам кўпинча у томондан мазах оҳангидаги муносабатни сезаман.

Индамайман. Чунки бу ўзимнинг ўта сезувчанлигимдан ёки кичик ҳодисаларни ҳам ўта бўрттириб юборишимдан бўлиши мумкин. Фақат ундай муносабатлардан сўнг ўзимга хулоса чиқариб оламан. Энг асосийси ҳам мана шу деб ўйлайман. Қолгани ҳеч нарса эмас.

Шунинг учун кимдир сизга ёрдам қўлини чўзганда уни ҳазил оҳангида бўлсада мазах қилишдан тийилинг. Баъзида бу сизнинг зарарингизга хизмат қилиб қўйиши мумкин.

P.S: Ҳа айтганча, мен шу ердаман. Анчадан буён пост ёзолмаганимга қарамай канални кузатишда давом этаётган 2 минг 235 нафар обуначиларга рахмат. Яхшиям борсизлар.

@u_pulatoff Ochish/sharhlash