Ulug‘bek Po‘latov

2022-07-17 09:14:29 Инсофни ҳам сомсага қўшиб еб юборишибди. Тошкентда битта форум ўтказиш учун 15 млрд сўм сарфланибди.

1 порция ош 130 минг, 1 дона сомса 70 минг сўм. Ҳайратланарли нархлар. Битта форумга шунча пул сарфлагандан кўра уни ўтказмаса давлат бюджетига фойдалироқ бўларди.

Бир кишилик дастурхонга тортилган «ноз-неъматлар» нархи билан танишинг:

1 порция қора икра 6 млн 320 минг сўм;

0,33 мл “Чортоқ” минерал сувининг бир донаси 36 800 сўм (16 июл ҳолатига 500 мл “Чортоқ” минерал суви Korzinka супермаркетларида 6490 сўмдан сотилмоқда);

1,5 литрлик Соса-соlа, Pepsi ва Sprite ичимликларининг ҳар бир донаси 32 200 сўм (Тошкент шаҳридаги тахминий чакана нархи 11 минг сўм);

“Viko” ва “Сочная долина” мевали шарбатларининг ҳар бир донаси 48 300 сўмдан (чакана бозор нархи 12-16 минг сўм оралиғида)

Булар жуда ошириб юборибди. Бу очиқдан очиқ давлат бюджети маблағларини ҳавога совуришку. Шу пулга мактаб қурса ҳам бўлади менимча.

P.S: Ҳа айтганча, форум мавзуси «Камбағаллик иқтисодиёти» экан.

@u_pulatoff Ochish/sharhlash

2022-07-14 05:58:41 2022 йилнинг 15 июлидан бошлаб номинал қиймати 200 000 (икки юз минг) сўм бўлган банкнот кўринишидаги янги пул белгилари муомалага чиқарилади.

Шу пулларни чизаётган "дизайнер" ким экан-а? Жуда қизиқ менга... Майли, ҳамма эътирозларни четга суриб, асосийсига тўхталаман. 5000, 10000, 20000, 50000, 100000, 200000 деган қийматларига наҳотки биттагина пробел қўйиб ёзиб бўлмайди?! 5 000, 10 000, 20 000, 50 000, 100 000, 200 000 қилиб ёзса, 5000 ўрнига 50000 бервориб адашиб юрмасдик. Шошилинч вазиятларда пулни қўлга олиб нолларини санаб ўтирибмиз, тавба. Ишқилиб-деее...

Жалолиддин Мирзаев

P.S: Ҳақиқатдан ҳам 200 минг сўмлик билан 20 минг сўмлик купюра бир-бирига жуда ўхшаб кетади. Шунинндек 10 минг сўм ва 20 минг сўмлик банкноталарнинг ўлчами ва ранги ўхшаш. Бир боғлам (пачка) 20 минг сўмлик ичига 10 минг сўмлик солиб юборилса — қоронғида ажратиб бўлмайди.

Ундан ташқари 5 минг ва 10 минг сўмлик купюраларнинг икки хил кўриниши мавжуд. Ҳисоб-китоб вақтида одамлар роса чалкашиб кетяпти.

@u_pulatoff Ochish/sharhlash