TentakMinds

2022-10-02 10:33:56 Кругом! Бегом марш!

Юқоридаги постдан кейин кимдир мени АҚШпарастликда айбласа яна кимдир ҳақорату таҳдид қилиб заҳар сочяпти. Лекин, фикримни рад этадиган аниқ аргумент йўқ. Фикримга қўшилганларам бор.

Мен гуманизм тарафдориман. АҚШ билан ҳам Россия билан ҳам боғлиқ жойим йўқ. Путинқул ҳам, кўрмурид ҳам эмасман. Шунчаки бир тентакман. Фикрлайдиган тентак.

Ахир, канал таърифида ҳам бир тентакнинг пойинтар сойинтар гаплари, деб ёзилган ку.

Яна бир бор эслатаман. Тўғрими, нотўғрими одам фикрлаши керак! Мен шу фикрларим эсдан чиқмасин деб шу каналга ёзаман. Ёқса шу, ёқмаса сарлавҳани ўқинг.

@tentakminds Ochish/sharhlash

2022-10-02 08:44:21 Путиннинг янги ҳудудларни ўзлаштириш бўйича чиқарган қарори - шунчаки принцип. Чунки, у ҳали борини ҳам эплаб ололаётгани йўқ. Афсуски, охиригача боришга қарор қилган кўринади. Бу эса нафақат икки давлат, балки бутун дунёга ўз таъсирини кўрсатмоқда Жамоатчилик, ҳамжамият, одамларнинг раъйига қарши борган ҳолда чиқарилган қарор доно сиёсатчига хос эмас. Бу диагноз!

Дунё ядро урушига яна бир қадам яқинлашди. Лекин, одамзод ҳали ядро қуроли билан тўғри муомала қилиш даражасига етмади. Қанчалик ишончли қўлда бўлмасин - у барибир хавфли. Хеч ким унинг хавфини тўлақонли тасаввур қила олмайди.

Ядро билан энг ёмон ҳолат содир бўлса у ҳеч кимни четлаб ўтмайди. Бу учинчи жаҳон урушига олиб келади. Путин бутун дунёни ўз қоидаларига бўйсундиришга уринмоқда. Бу эса яхшилик билан тугамаслиги аниқ.

@tentakminds Ochish/sharhlash

2022-10-01 07:44:42 Путин ўз чиқишида СССРни тиклаш истагини очиқ сездириб қўйди. Эндиям собиқ иттифоқ давлатлари андишани йиғиштириши керак деб ўйлайман.

Бу борада Қозоғистон бирмунча мустақил сиёсат юритяпти. Бироқ сиёсат андишани, кўнгли бўшликни, қўрқоқликни кўтармайди.

Путиннинг бу чиқишига бошқа давлатлар қатори Ўзбекистон ҳам ўз позициясини билдириши керак. Ҳеч бўлмаса "намёк" шаклида. Бўлмаса, "сукут-аломати ризо" сифатида баҳоланиши мумкин.

@tentakminds Ochish/sharhlash

2022-10-01 06:51:00 Устоз ва мураббийларни бугунги байрам билан табриклайман.

Бетартиб ўқувчидан, зўравон ота-онадан, ортиқча қоғозбозликдан, ичи қора ҳамкасбдан, мажбурий меҳнатдан, арзимаган маошдан, тинимсиз текширувлардан давлат сизни асрасин!

Фақат байрамингизда эмас, ҳамиша эътиборда бўлинг!

@tentakminds Ochish/sharhlash

2022-09-30 16:59:02 Твая мая чева гаварит? Маники тушунмаганский.

@tentakminds Ochish/sharhlash

2022-09-30 12:52:08 Ўша гап.

@tentakminds Ochish/sharhlash

2022-09-30 12:09:00 Инно, инновационжоним, инновационқизғалдоқ.

Агар бирор нарсанинг номи олдига инновацион сўзи қўйилганини кўрсангиз, билингки, у бошқача. У ултразамонавий, у креатив, у мўдний.

@tentakminds Ochish/sharhlash

2022-09-30 08:35:33 "Одобнома" давом этиши керак

Айрим вазирлик, хокимлик ва ташкилотлардаги матбуот котибларининг ахлоқсизлиги, раҳбари билан "ўйнашиб" юргани ҳақида инсайдлар келди менга.

Бизда АОКА деган ташкилот бор. Матбуот котибларини жиловлаб турадиган. Бир тентакка келган маълумот уларда ҳам аниқ бўлса керак.

Инсайдларни этика ва шахсий ҳаёт нормалари талабига кўра чиқармайман. Лекин, ойни этак билан ёпиб бўлмайди. Мендан бўлмаса бошқа ёқдан барибир чиқади.

АОКА интизомли ташкилот. Тез орада тегишли чора кўради, деб ишонаман.

Умуман олганда президент администрацияси раҳбарининг "одобнома дарси"ни ташкилотбай шаклда давом эттириш керак, менимча.

Жума муборак!

@tentakminds Ochish/sharhlash

2022-09-29 16:44:33 Тўлдириш

Юқоридаги ҳолат бўйича берилган муносабат қуйидагича:

Ижтимоий тармоқларда тарқалаётган видеотасвир 2021 йилнинг 14 июль куни Фарғона шаҳри ички ишлар бўлимида содир этилган бўлиб, ҳолат юзасидан прокуратура органлари томонидан Ўзбекистон Республикаси ЖКнинг 206-моддаси 1-қисми билан жиноят иши қўзғатилган ҳамда 2021 йил 2 декабрда мазмунан кўриб чиқишлик учун суд органларига юборилган.

Мазкур жиноят иши жорий йилнинг 23 август куни Фарғона вилояти ЖИБ суди томонидан апелляция тартибида кўриб чиқилиб, ходимларнинг ҳаракатларида жиноят аломатлари йўқ деб топилган ва оқлов ҳукми чиқарилган.

ИИВ Ахборот хизмати раҳбари Ш.Ғиёсов 

Бу билан бу тентак кўнгил хотиржам бўлмаяпти да. Хамма оппоқ бўлса, бу видеода биз нима кўрдик? Ўқув машғулотими? Қўлни чигалини ёзишми? Балки кино олинаётгандир?

Биз нимага ишонайлик? Кўрганимизгами ё ўқиганимизгами?

@tentakminds Ochish/sharhlash

2022-09-29 16:22:26 Бўғ, теп, ўлдир.

Блогер Олимжон Ҳайдаров эълон қилган мана бу видеога ИИВ муносабат билдиришга шошилмаяпти. Бир неча кун аввал Паркентда журналистга таҳдид қилган подполковник ҳақида ёзганимни эса биров кимга айтяпсан демадиям.

Умуман олганда ҳуқуқ-тартибот идоралари халқни ўзига душман сифатида кўриши сир эмас. Гарчи ўзлари ҳам шу халқдан чиққан бўлса-да.

Гўё улар бир куч, халқ эса таҳдид. Эскидан қолган бу қараш тизимни ҳали ҳануз тарк этмайдиган кўринади. Формалиларнинг зўравонликларини ҳамма кўриб турса ҳам муносабатларнинг кўпида улар "оппоқ" жабрланувчи эса айбдор деб талқин қилинади.

Сизга формани халқни калтаклаш учун кийдиришмаган братлар. Унга хизмат қилиш учун кийдиришган. Қасамёдингизда Ватанга содиқ бўламан, дегансиз. Ватан эса шу халқи билан ватан бўлади.

Муштга эмас, қонунга мувофиқ иш кўрилмас экан, давлат ва унинг раҳбариятига нисбатан ишончсизлик, норозилик кучаяди.

ИИВ юқоридаги видео бўйича нимадир дейишга вақти йўқ. 2 кундан бери эса Тошкентда ахборот олиш эркинлиги мавзусида халқаро тадбир бўляпти.

@tentakminds Ochish/sharhlash