TentakMinds

2022-09-26 12:41:10 Вертолёт алоқада.

Галлаоролдаги вертолёт ҳақида. Шу вертолётда учиб, аэрогеофизик тадқиқотларни амалга ошираман. Аҳолига айтинг, ҳаммаси жойида.

Ҳурмат билан экипаж

@tentakminds Ochish/sharhlash

2022-09-26 11:48:18

Жиззах вилояти Ғаллаорол тумани Қипчоқсув маҳалласи устида икки кундир ки бир нимаси осилган вертолёт учиб юрганмиш.

Одамлар хавотирда. Нима гаплигини билгиси келяпти.

@tentakminds Ochish/sharhlash

2022-09-26 10:28:46 Энди билдим, қабул керак!

Бир нарсани ҳеч тушунмасдим шу пайтгача. Шу муаммоларни жойида тезкор ечиш учун нима қилиш керак? Бугун шу саволга жавоб топдим. Оммавий қабул ўтказиш керак. Шунчалик осон экан, нега шу пайтгача шуни қилмаган эканмиз-а?

Бу масала тушунарли. Энди яна савол. Мени ботимга ҳар куни таълим мавзусида камида 10 та мурожаат келади. Турли вилоятлардан. Улар муаммосини ечиш учун нима қилсин? Эртага ЎзМУ га келсинми? Унда "жойида" деган сўз нима иш қилади?

Балки ўша боғга видеоалоқа ўрнатиб вилоятлар ҳам уланишига шароит яратилар? Мабодо мақсад ростанам муаммоларни "тезкор, жойида" ҳал қилиш бўлса-да. Агар мақсад "мана, оммавий қабул ўтказиб бунча муаммони ҳал қилдик" деб қоғоз тўлдириш бўлса, унда ўзингларга маъқулини қилаверинглар.

@tentakminds Ochish/sharhlash

2022-09-26 09:43:59 Пақа пақ.

Иркутск вилояти военкоматида ўқ отилди. Жабрланганлар бор.

Россия ҳарбий хизмат ёшидагилар ва шифокорларга ташқарига чиқиш тақиқини қўймоқчи.

Ҳарбий мажбуриятдан бўйин товлаш фонида энди жиноятчилик ҳам кучаяди. Урушдан қочса қамоқ, кетса ўлим. Ташқарига йўл ёпиқ. Ватан хоини бўлиб қамалгандан кўра, босқинчи, ўғри, безори бўлиб қамалган яхшироқ. Статьяси енгилроқ.

@tentakminds Ochish/sharhlash

2022-09-25 17:03:15 Сенинг кунинг бугун.

Эртага ДХХ ходимлари, бугун фармацевтлар куни экан. Ҳар иккала соҳа вакилларини табриклайман.

Сиз биз ҳақимизда ҳар куни қайғурасиз, биламиз. Шундай бўлса ҳам биз сизларни йилда бир марта байрамингиз кунида табриклаб юраверайлик.

Қани олдик окалар!

@tentakminds Ochish/sharhlash

2022-09-25 16:24:43 Тентак бўлсангам овсар бўлма!

Ижтимоий тармоқларда турли банкларнинг номларидан бот ёки профил очиб қарз берилишини эълон қилаётганларга алданманг. Улар шунчаки фирибгарлар.

Ахир ўйлаб кўринг. 10 млн. сўм кредит оламан деб ҳақиқий банкка борсангиз олгунча она сутингизни оғзингиздан келтиришади-ю, онлайн кредитни шундай осон бериб қўядими?

Ундан ташқари кредит олмоқчи бўлсангиз ўлган бобонгизнинг бобоси ростанам ўлганлиги ҳақида маълумотнома каби бир талай ҳужжат сўрайдиган банк шунчаки пластик "телефонингизга келган код" билан ишингизни битириб бераман, деса ғалати туюлмайдими?

Содда бўлманг. Текин пишлоқ қопқонда бўлади.

Дарвоқе, муҳокамани ўчираман. Барибир, асосий мавзу қолиб бир тентакнинг кимлиги-ю, эътиқодига ўралашиб кетишяпти. Бу ҳақда вақти соати келиб ўзим маълумот бераман.

@tentakminds Ochish/sharhlash

2022-09-25 11:05:52 Бир қадам олдинга, икки қадам орқага.

Ўтган ҳафта туризмга бағишлаб ўтказилган селектордан сўнг келган мурожаатдан парча:

...яқинда Бухорога борганимизда намоз вақти бўлганлиги учун Когондан Хўжа Али Ромитаний ва Бобойи Самосий зиёратларигача борганча ( А-380 йўли бўйлаб) 5-6 заправкага намоз ўқишга кирсак....биронтасида намозхона ишламайди, сўрасак, ИИБ ходимлари "намозхоналарни ёпинглар" деб кетишганмиш ....

Тентакизоҳ: ИИВ тизимида салла деса каллани олиш амалиёти азалдан бор. Куни кеча Тошкент вилояти Паркент тумани Сўқоқ қишлоғига "катталар" келгани муносабати билан бир журналистга фаолиятини амалга оширишга бир подполковник томонидан тўсқинлик қилинган. Ҳатто наряд чақириб "олиб бориб тиқиш"га таҳдид қилинган.

@tentakminds Ochish/sharhlash

2022-09-23 15:25:16 Пахта, пахтажоним, пахтақизғалдоқ.

Навоий (Кармана тумани)да ҳоким буйруғи билан ёшлар етакчилари, хотин қизлар фаоллари, Фарғона вилоятида эса ўқитувчилар дам олиш кунлари пахта теримига "ихтиёрий-мажбурий" жалб қилинаётгани ҳақида мурожаатлар келди.

Қашқадарёнинг Кўкдала туманида эса пахта мавсуми тугагунча тўй кунини оқсоқолни рухсати билан белгилаш буюрилибди.

Ўзбек ўзи учун қачон яшайди?

@tentakminds Ochish/sharhlash

2022-09-23 15:05:28 Эхтиёт бўлинг, эшик очилади ва ёпилмайди. Кейинги бекат Чилонзор.

Ҳурматли йўловчилар, эшик очилган тақдирда унга оёғингизни тираб туринг.

@tentakminds Ochish/sharhlash

2022-09-23 08:30:37 #Мурожаат
Xатирчида таълим тизими кимларнинг қўлида “ўйинчоқ“ бўлмоқда?

Видеода бир томоннинг мурожаати акс этган. Иккинчи томон муносабатини кутамиз.

@tentakminds Ochish/sharhlash