Соғлиқни сақлаш вазирлиги | Вакцина – ягона чора!

2021-12-14 09:09:26 13 декабрь ҳолатига кўра, юртимизда 513 268 нафар 12 ёшдан 18 ёшгача бўлган болалар Pfizer вакцинаси билан ихтиёрий равишда эмланди.

Хусусан, болаларни коронавирусга қарши эмлаш жараёни Фарғона (103 558 доза), Самарқанд (88 208 доза), Андижон (59 478 доза) вилоятларида юқори экани аҳамиятли.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-14 08:32:35 Мамлакатимизда коронавирус инфекциясига қарши қўлланилган жами вакциналар сони 36,3 миллион дозадан ошди

13 декабрда мамлакатимиз ҳудудлари бўйлаб 240 485 доза COVID-19га қарши вакцина қўлланилди. Улардан:
1-босқич эмланганлар 49 393 нафарни,
2-босқич эмланганлар 138 320 нафарни,
3-босқич эмланганлар 52 772 нафарни ташкил қилди.

Айни кунгача мамлакатимизда жами 36 304 489 доза вакцинадан фойдаланилди. Улардан:
1-босқич эмланганлар 18 299 019 нафарни,
2-босқичда эмланганлар 11 935 955 нафарни,
3-босқич эмланганлар 6 069 515 нафарни ташкил қилди.

Кеча эмлаш кўрсаткичлари бўйича юқори ўринларни:
Самарқанд вилояти (41 624 доза),
Қашқадарё вилояти (32 830 доза),
Тошкент шаҳри (25 790 доза) банд қилди.

Биринчи доза билан эмланиш кўрсаткичи эмланиши режалаштирилган қатламга нисбатан 85,3 фоизни ташкил қилмоқда.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-14 08:03:29 ​ Кеча юртимизда 136 нафар кишида коронавирус инфекцияси аниқланди. Бу – апрель ойидан буён энг паст кўрсаткич

2021 йил 13 декабрь ҳолатига кўра, Ўзбекистонда коронавирус инфекцияси қайд этилганлар сони 196094 (+136) нафарни ташкил этмоқда.

Янги касалланиш ҳолатларининг:
1 нафари Қорақалпоғистон Республикасида,
12 нафари Андижон вилоятида,
16 нафари Бухоро вилоятида,
4 нафари Жиззах вилоятида,
2 нафари Қашқадарё вилоятида,
1 нафари Навоий вилоятида,
5 нафари Наманган вилоятида,
23 нафари Самарқанд вилоятида,
3 нафари Сирдарё вилоятида,
10 нафари Фарғона вилоятида,
5 нафари Хоразм вилоятида,
11 нафари Тошкент вилоятида,
43 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Андижон вилоятида 11 нафар,
Бухоро вилоятида 6 нафар,
Жиззах вилоятида 13 нафар,
Қашқадарё вилоятида 4 нафар,
Самарқанд вилоятида 12 нафар,
Сирдарё вилоятида 4 нафар,
Фарғона вилоятида 6 нафар,
Хоразм вилоятида 4 нафар,
Тошкент вилоятида 55 нафар,
Тошкент шаҳрида 49 нафар бемор тузалиб, касалликдан соғайганлар жами 192841 (+164) нафарга етди ва соғайиш кўрсаткичи 98 фоизни ташкил этмоқда.

Шунингдек, 2 нафар коронавирусга чалинган бемор вафот этиб, касалликдан вафот этганлар сони 1442 нафарни ташкил қилди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-14 07:40:44 ​ЮРТИМИЗДА 12-14 ЁШЛИ ҚИЗЛАРНИ ОДАМ ПАПИЛЛОМА ВИРУСИГА ҚАРШИ ЭМЛАШ ЖАРАЁНИ ДАВОМ ЭТМОҚДА

Папиллома вирусининг 200 дан ортиқ тури мавжуд бўлиб, шундан 13 таси онкологик касалликларга сабаб бўлади. Хусусан, вирусга қарши ўз вақтида вакцина олинмаса, 16 ва 18-типлари бачадон бўйни саратонини келтириб чиқариши исботланган.

Шу сабабли Жаҳон соғлиқни сақлаш ташкилотининг бачадон бўйни саратонини бартараф қилишни тезлаштириш бўйича глобал стратегиясида 9-14 ёшдаги қизларни одам папиллома вирусига карши эмлаш тавсия этилган.

Бачадон бўйни саратони тарқалишига кўра, жаҳонда аёлларда учрайдиган рак касалликлари орасида тўртинчи ўринда туради.

— Мамлакатимизда бу хасталик барча ёшдаги аёллар ўртасида кўкрак бези саратонидан кейинги ўринни эгаллайди, — дейди Республика санитария-эпидемиологик осойишталик ва жамоат саломатлиги хизмати бош мутахассиси Хурсаной Жамалова. — Ўлим кўрсаткичи бўйича эса барча ёшдаги аёллар ўртасида кўкрак бези ва ошқозон бези саратонидан кейин учинчи ва туғиш ёшидаги аёллар орасида иккинчи поғонада қайд этилади.

Шунинг учун ҳам бачадон бўйни саратонини келтириб чиқарувчи бу вирусга қарши эмлаш ишларини олиб бориш касалликка қарши курашишнинг энг самарали усули ҳисобланади.

Мамлакатимизда ОПВга қарши вакцина билан 9 ёшли қизларни ялпи эмлаш 2019 йилда бошланган эди. Бироқ ушбу жараёнда қўлланиладиган вакцинанинг нархи анча қимматлиги сабаб аксарият давлатларда эмлаш пулли асосда бажарилади. Юртимизда эса ўсмир қизлар давлат ҳисобидан бепул эмланади.

Айни пайтда мамлакатимиз бўйича 12-14 ёшдаги қизлар орасида вакцинация жараёнлари 3 минг 138 та эмлаш пунктида амалга оширилмоқда. Шу кунгача жами эмланиши керак бўлган 874 426 нафар қиздан 94 фоизга яқини касалликка қарши вакцина олди.

Эслатиб ўтамиз, аввалроқ юртимизга Нидерландиянинг “Мерк” корхонасида ишлаб чиқарилган 1 миллион 400 минг доза “Гардасил” вакцинаси олиб келинган ва яроқлилиги текширилиб, тасдиқланган эди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-13 16:58:11 ​ССВ: “Тез ёрдам” хизматида фаолият юритаётган шифокорлар сони қарийб 14 минг нафарга етди

Ҳар қандай соҳа ривожида етук ва малакали кадрлар муҳим аҳамиятга эга. Айниқса, инсон ҳаёти ва саломатлиги билан боғлиқ бўлган тиббиёт йўналишида бу ҳал қилувчи мезондир.

Шу сабабли бугун юртимизда соғлиқни сақлаш соҳасининг энг муҳим йўналиши бўлган “Тез ёрдам” хизматини малакали кадрлар билан таъминлаш ва улар малакасини оширишга алоҳида эътибор қаратиляпти.

Бунинг натижасида 2021 йилнинг айни шу даврига келиб, “103” хизматида фаолият олиб бораётган шифокорлар сони 13 минг 798 нафарга етди. Соҳани малакали врач кадрлар билан таъминланганлик даражаси эса 90,7 фоизни ташкил қилмоқда.

Жумладан, бу кўрсаткич Наманган ва Бухоро вилоятларида 100 фоиз, Самарқанд вилоятида 99 фоиз, Қорақалпоғистон Республикаси ҳамда Андижон вилоятида эса 95 фоизга тенг.

Тизимда фаолият юритаётган шифокорларнинг 2316 нафари юқори малака тоифасига эга бўлса, 1186 нафари биринчи, 1088 нафари эса иккинчи тоифали мутахассислардир.

Шунингдек, охирги йилларда яна бир муҳим жиҳат – “Тез ёрдам” хизматини реаниматолог-шифокорлар билан таъминлаш борасида ҳам ижобий натижалар қайд этилиб, тизимда меҳнат қилаётган ушбу мутахассислар сони 686 нафарга етди. Бу борада энг яхши кўрсаткич Самарқанд, Бухоро ва Хоразм вилоятлари ҳиссасига тўғри келиб, мазкур ҳудудларда “103” хизмати тўлиқ ушбу мутахассислар билан таъминланган.

Қолаверса, бугунги кунда соҳада меҳнат қилаётган ўрта тиббиёт ходимлари 29 минг 227 нафар, таъминланганлик даражаси эса қарийб 99 фоизни ташкил қилмоқда.

Айтиш лозимки, уларнинг 5411 нафари юқори малака тоифасига, 5603 нафари 10-20 йил, 3893 нафари 20 йилдан ортиқ иш стажига эга бўлган ўрта тиббиёт ходимларидир.

Соғлиқни сақлаш вазирлиги
Матбуот хизмати

@ssvuz
@ssvmatbuotkotibi Ochish/sharhlash

2021-12-13 13:11:25 ​“Омикрон”дан бирорта ўлим ҳолати қайд этилгани йўқ. Бироқ вазият эҳтиёткорликни талаб этади!

Коронавируснинг “омикрон” штамми икки ҳафта ичида дунёнинг олти қитъасини “забт” этиб улгурди. Жаҳон соғлиқни сақлаш ташкилотининг сўнгги маълумотига кўра, янги мутация шу пайтгача 63 мамлакатда қайд этилган.

ЖССТ томонидан эълон қилинган навбатдаги бюллетенда келтирилишича, “омикрон” “дельта”га нисбатан тезроқ тарқалиши мумкин. Бироқ уни юқтирганларда касаллик енгилроқ ўтмоқда.

Хусусан, Жанубий Африка Республикасидан олинган дастлабки далиллар шуни кўрсатадики, янги штаммнинг оғир асоратларни келтириб чиқариш эҳтимоли кам.

Амалдаги ПЗР ва антиген тестлар орқали “омикрон”ни аниқлаш мумкинлиги яна бир бор тасдиқланди. Шунингдек, СOVID-19нинг бошқа штаммларини даволашда қўлланилаётган усуллар бу инфекция турини муолажа қилишда ҳам самара беради.

Шунга қарамай, ЖССТ тўпланган ушбу маълумотлар “омикрон” хавфи ҳақида якуний хулоса чиқариш учун ҳали етарли эмас, деган хулосада.

Янги касаллик турининг енгил ўтаётганини бошқа расмий доиралар ҳам тасдиқлаяпти. Масалан, Европа касалликлар профилактикаси ва назорати маркази маълумотига кўра, қитъада “омикрон”дан ҳозирча бирорта ўлим қайд этилгани йўқ.

Жумладан, Европада 732 та янги мутацияни юқтириш ҳолати аниқланган. Уларнинг катта қисми Дания (195 киши) ва Норвегия (109 киши) ҳиссасига тўғри келади. Беморларнинг деярли барчасида касаллик енгил кечган.

Бундай хулосалар АҚШ Касалликларни назорат қилиш ва олдини олиш маркази томонидан ҳам эълон қилинди. Унга кўра, мамлакатда яқин кунларгача 43 та ҳолат рўйхатга олинган ва барча беморларда хасталик оғир асоратларсиз ўтган. Фақат бир киши шифохонага ётқизилган ва шунда ҳам аҳволи яхшилангач, икки кундан кейин унга жавоб берилган.

Мутахассисларнинг кузатувларига кўра, “омикрон”нинг белгилари катталар ва болаларда турлича намоён бўлмоқда. Уларни умумлаштирувчи асосий аломатлар эса чарчоқ, бош оғриғи, иштаҳа йўқолиши ва теридаги тошмалардир.

Ҳозир қатор давлатлар янги вариантнинг тарқалиш шиддатини ҳисобга олиб, эҳтиёт чораларини кучайтирмоқда. Мисол учун, Буюк Британия Бош вазири Борис Жонсон мамлакат аҳолисига мурожаат билан чиқиб, 18 ёшдан ошган фуқароларни йил охиригача бустер доза билан эмланишга чақирди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-13 10:38:09
CCВ: Юртимизда вакцина олиши кўзда тутилган аҳолининг 55 фоизи тўлиқ эмланди

Жорий йил 11 декабрь ҳолатига кўра, мамлакатимизда эмланиши кўзда тутилган аҳолининг 55 фоизи коронавирусга қарши тўлиқ эмланди.

Умумий ҳисобда тўлиқ эмлаш курсларини олган фуқаролар сони 11 797 635 нафарни ташкил қилмоқда.

Шундан:

793 431 нафари 65 ёшдан ошганлар,
421 017 нафари тиббиёт ходимлари,
420 552 нафари мактаб ўқитувчилари,
164 466 нафари мактабгача таълим ташкилотлари ходимлари,
782 182 нафари сурункали касаллиги бор фуқаролардир. Қолган вакциналар аҳолининг бошқа қатламларини эмлаш учун қўлланилган.

Эслатиб ўтамиз, шу йилнинг 22 ноябридан юртимизда COVID-19га қарши тўлиқ босқичларда эмланган фуқароларнинг бустер доза (тўлиқ эмланган фуқароларнинг касалликка қарши иммунитетини мустаҳкамлаш мақсадида қайтадан оладиган вакцина дозаси) билан ихтиёрий эмланишига старт берилган эди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-13 08:32:58 ​ССВ: 12 соатдан ортиқ давом этган операцияда она ўз фарзандига жигарини берди

Куни кеча академик В. Воҳидов номидаги республика ихтисослаштирилган хирургия илмий-амалий тиббиёт марказида илк бор Кароли синдромига чалинган беморда мураккаб жигар кўчириш операцияси ўтказилди. Эътиборлиси, ушбу жарроҳлик амалиёти хирург, профессор Миршавкат Акбаров бошчилигидаги ўзбекистонлик шифокорлар томонидан мустақил амалга оширилди.

12 соатдан ортиқ давом этган жарроҳлик амалиётида Навоий вилоятининг Қизилтепа туманидаги Работ маҳалласида яшовчи 18 ёшли бемор — Ферузбек Шамсиддиновга 44 ёшли онаси Гулчеҳра Юлдашеванинг жигаридан бир бўлаги кўчириб ўтказилди.

Ҳозир ҳар иккала беморнинг ҳам аҳволи яхши, донор эса палатага олинган. Операция олдидан Ферузбек ва онаси ўзларининг ҳис-ҳаяжонлари ва фикрларини ССВ Матбуот хизмати билан ўртоқлашган эди.

— Икки йил аввал теримда жуда кучли қичишиш пайдо бўлди, — дейди Ф. Шамсиддинов. — Кейинчалик рангим сарғая бошлади. Шундан сўнг туман кўп тармоқли поликлиникаси шифокорларига мурожаат қилдик. Топширган қон таҳлилларим менда гепатит В касаллиги борлигини кўрсатди.

Врачлар тавсияси билан тиббий муолажалар олишни бошладим, бироқ умумий аҳволимда ижобий ўзгариш бўлмади. Шундан сўнг Бухоро вилоят клиник шифохонасида қайта тиббий текширувлардан ўтдим.

Якуний таҳлиллардан кейин шифокорлар жигаримда жиддий хасталик борлигини, уни эса Республика ихтисослаштирилган хирургия илмий-амалий тиббиёт марказида операция орқали даволаш мумкинлигини айтишди. Бу ерга келгач, менда камдан кам учрайдиган оғир касаллик аниқланди. Очиғи, аввалига бироз қўрқув бўлди. Аммо шифокорларнинг тавсиялари, руҳий далдаси ушбу ҳаяжонни енгишимга катта ёрдам берди.

Беморни операцияга тайёрлаган шифокор Азимжон Усмонов бу йил ўнлаб ҳамкасблари қатори Россиянинг академик В.И.Шумаков номидаги трансплантология ва сунъий органлар миллий тиббиёт илмий марказида малака ошириб қайтган ёш жарроҳлардан.

Унинг таъкидлашича, Кароли синдроми камёб касаллик бўлиб, ҳар миллион кишининг биттасида аниқланади. Бемор ёш бўлгани ва касаллик ирсий экани ҳамда ҳеч қандай вирусли инфекция йўқлиги сабабли Ферузбек операциядан сўнг ўзини тез тиклаб олади.

Маълум бўлишича, дастлаб беморнинг акаси донорликка тайёрланаётган бўлган. Лекин текширувларнинг анатомик хусусиятлари унинг донор бўла олмаслигини кўрсатган. Кейин эса беморнинг онаси текширилиб, жигарнинг бир бўлагини олиш учун барча кўрсаткичлар мос келган. Бироқ ортиқча вазнга эга бўлгани учун Гулчеҳра опа бир ой ичида 10 килограммга озишига тўғри келган.

— Ҳар қандай она учун фарзандининг хасталиги энг оғир синов, — дейди Г. Юлдашева. — Ўғлимнинг дардга чалиниши менга қаттиқ зарба бўлди. Бошида тушкунликка тушиб қолдим. Сабаби авваллари жигар кўчириш операцияси чет мамлакатларда ўтказилар, бунга эса ҳар кимнинг ҳам қурби етавермасди.

Бироқ юртимизда ҳам бу касалликни даволаш йўлга қўйилганини билгач, кўнглим таскин топди. Жигаримнинг "бир парчаси" соғайиб кетиши учун нафақат жигаримнинг бир бўлагини, балки жонимни беришга ҳам тайёрман. Фурсатдан фойдаланиб, фарзандимнинг соғлиги учун курашаётган барча шифокорларга миннатдорлик билдираман.

Маълумот ўрнида айтиш лозимки, айни пайтда республикамизда 5 минг нафар бемор жигар циррозидан азият чекади. Улардан 500 нафари жигар трансплантациясига муҳтож. Президентимиз томонидан соҳага қаратилаётган эътибор натижасида шу йилнинг ўзида академик В. Воҳидов номидаги Республика ихтисослаштирилган хирургия илмий-амалий тиббиёт марказида ўзбекистонлик шифокорлар томонидан мустақил 6 та жигар кўчириб ўтказиш операцияси амалга оширилди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-13 08:00:13 ​ Кеча юртимизда коронавирус инфекциясига чалинган беморлар 211 нафар, касалликдан соғайганлар 216 нафарни ташкил қилди

2021 йил 12 декабрь ҳолатига кўра, Ўзбекистонда коронавирус инфекцияси қайд этилганлар сони 195958 (+211) нафарни ташкил этмоқда.

Янги касалланиш ҳолатларининг:
11 нафари Андижон вилоятида,
17 нафари Бухоро вилоятида,
7 нафари Жиззах вилоятида,
1 нафари Навоий вилоятида,
7 нафари Наманган вилоятида,
15 нафари Самарқанд вилоятида,
2 нафари Сирдарё вилоятида,
1 нафари Сурхондарё вилоятида,
10 нафари Фарғона вилоятида,
15 нафари Хоразм вилоятида,
61 нафари Тошкент вилоятида,
64 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Қорақалпоғистон Республикаси 7 нафар,
Андижон вилоятида 15 нафар,
Бухоро вилоятида 20 нафар,
Жиззах вилоятида 2 нафар,
Навоий вилоятида 2 нафар,
Наманган вилоятида 13 нафар,
Самарқанд вилоятида 19 нафар,
Сирдарё вилоятида 8 нафар,
Сурхондарё вилоятида 5 нафар,
Фарғона вилоятида 8 нафар,
Хоразм вилоятида 8 нафар,
Тошкент вилоятида 50 нафар,
Тошкент шаҳрида 61 нафар бемор тузалиб, касалликдан соғайганлар жами 192677 (+216) нафарга етди ва соғайиш кўрсаткичи 98 фоизни ташкил этмоқда.

Шунингдек, 4 нафар коронавирусга чалинган бемор вафот этиб, касалликдан вафот этганлар сони 1440 нафарни ташкил қилди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-12 11:24:25 ​ Тезкор хабар

ССВ: Ўзбекистонга олиб келинган ва юртимизда ишлаб чиқарилган коронавирусга қарши вакциналар миқдори 50 миллион дозага яқинлашди

Бугун юртимизга Хитойдан 1 000 000 доза ZF-UZ-VAC2001 вакцинаси олиб келинди.

Шундай қилиб, Ўзбекистонда фойдаланилаётган вакциналар миқдори 49 036 368 дозани ташкил қилиб, 50 миллион дозалик маррага яқинлашмоқда.

Улардан:

2 404 480 дозаси AstraZeneca;

37 789 938 дозаси ZF-UZ-VAC2001;

1 341 790 дозаси "Sputnik V";

3 000 060 дозаси Moderna;

2 316 600 дозаси Pfizer/BioNTech;

1 976 000 дозаси Sinovac;

207 500 дозаси Sputnik Light вакцинасидир.

Шундан 36 064 004 дозаси эмлаш жараёнларида қўлланилган.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash