Соғлиқни сақлаш вазирлиги | Вакцина – ягона чора!

2024-01-26 07:18:32 ​ Альцгеймер касаллигидан ҳимояланишнинг осон усули топилди

Альцгеймер — кўпроқ кекса ёшли инсонларда учрайдиган хасталик. У аста-секин хотира сусайиши, бош мия фаолияти бузилиб, ақлий қобилият пасая бориши билан намоён бўлади.

Япон олимлари ушбу касаллик юзасидан олиб борган изланишлари натижасида оддий нафас машқлари орқали унинг олдини олиш мумкинлигини аниқлади.

Тадқиқот учун 108 нафар кўнгилли жалб этилиб, улардан тегишли қон таҳлиллари олинди ва хасталик хавфини кўрсатувчи биомаркерлар текширилди.

Кейин иштирокчилар икки гуруҳга ажратилди. Биринчи гуруҳ ҳар куни оддий нафас машқларини бажариб борди. Иккинчи гуруҳ эса ақлий фаолияти ва хотира бутунлигини сақлашга қаратилган медитация машғулотлари билан банд бўлди.

Ўз навбатида, ҳафтада бир бор барча иштирокчилар қон таҳлиллари олиниб, Альцгеймер биомаркерлари ҳисобланган амилоид-40 ва 42 даражалари текшириб борилди.

Тўрт ҳафтадан сўнг тадқиқотчилар ҳайратланарли натижага дуч келди. Биринчи гуруҳдаги нафас олиш машқлари билан шуғулланувчилар қонида бета-амилоид миқдори сезиларли даражада пасайгани аниқланди. Бу уларда Альцгеймер касаллиги ривожланиш хавфи камайганидан далолат беради.

Иккинчи гуруҳ натижалари эса хавотирли бўлди: 4 ҳафталик тажрибадан сўнг уларнинг қонида бета-амилоидлар даражаси ошгани маълум бўлди.

Шунга асосланиб, япон олимлари кунига 10-15 дақиқа нафас олиш машқларини бажариш Альцгеймер ривожланишининг олдини олишда самарали усул, деган хулосага келди.

Эслатиб ўтамиз, ЖССТ маълумотларига кўра, сайёрамизда ҳар 3 сонияда бир киши Альцгеймерга чалинади. Ҳозир Ер юзида 50 миллиондан ортиқ одам ушбу хасталикдан азият чекмоқда. 2030 йилга бориб бу кўрсаткич 65 миллион нафардан ошиши мумкин.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2024-01-25 12:18:07 Тиббиёт ОТМларининг 200 нафар битирувчиси етакчи хорижий ОТМларда ўқитилади

“Соғлиқни сақлаш соҳасида ислоҳотларни чуқурлаштириш бўйича қўшимча чора-тадбирлар тўғрисида”ги Президент қарорига мувофиқ, 2024/2025 ўқув йилидан:

тиббиёт ОТМларининг 200 нафар битирувчиси магистратура ва клиник ординатура дастурлари асосида етакчи хорижий ОТМлар ва марказларда ўқитилади;

тиббиёт ОТМларининг битирувчи курс талабаларида оилавий шифокор учун талаб этиладиган клиник кўникмаларни шакллантириш мақсадида кўп тармоқли тиббиёт ташкилотларида иш ҳақи тўланадиган интернатура ташкил этилади;

Тошкент тиббиёт академиясининг таълим дастурлари халқаро аккредитациядан ўтказилади;

тиббиёт йўналишидаги ОТМ талабаларининг билимлари икки босқичли баҳолаш тизими асосида баҳоланади.

Қуйидаги магистрлик йўналишлари жорий этилади ҳамда ҳар йили камида 150 нафар мутахассисларни давлат буюртмаси асосида тайёрлаш чоралари кўрилади:

“Жамоат саломатлигини ташкил этиш ва бошқариш” (Public Health and Healthcare Management);

“Жамоат саломатлиги: эпидемиология ва маълумотлар таҳлили” (Public Health: Epidemiology and data science/data analytics);

“Жамоат саломатлиги: овқатланиш” (Public Health: Nutrition);

“Профилактик тиббиёт” (Preventive Medicine);

“Жисмоний фаоллик ва реабилитация” (Physical Activity and Rehabilitation).

@ssvuz | @ssvmatbuotkotibi |Facebook | Instagram Ochish/sharhlash

2024-01-25 11:43:57 “Соғлиқни сақлаш лойиҳалари маркази” лойиҳа офиси ташкил этилади

“Соғлиқни сақлаш соҳасида ислоҳотларни чуқурлаштириш бўйича қўшимча чора-тадбирлар тўғрисида”ги Президент қарори қабул қилинди.

Қарорга кўра, Соғлиқни сақлаш вазирлиги тузилмасида давлат муассасаси шаклида “Соғлиқни сақлаш лойиҳалари маркази” лойиҳа офиси ташкил этилади.

Лойиҳа офиси қуйидаги устувор йўналишларда янги механизмларни жорий қилишга масъул этиб белгиланди, жумладан:

давлат тиббий суғуртаси тизимини ва давлат томонидан кафолатланган бепул тиббий хизматлар ва дори воситалари пакетини тўлиқ жорий этиш;

тиббий хизматлар сифати ва хавфсизлиги устидан назорат тизимини такомиллаштириш;

давлат харидлари самараси ва шаффофлигини ошириш, фармацевтика соҳасини ислоҳ қилиш;

санитария қоида ва нормаларини замонавий талаблар асосида янгилаш.

2024 йилда:

40 та санитария қоидалари, нормалари ва гигиена нормативлари тўлиқ қайта кўриб чиқилади ва халқаро стандартларга мувофиқлаштирилади;

республика ихтисослаштирилган хирургия, кардиология, эндокринология, дерматовенерология ва косметология илмий-амалий тиббиёт марказлари, Болалар миллий тиббиёт маркази ҳамда Миллий тиббиёт марказининг фаолиятига замонавий бошқарув усуллари ва тиббий ёрдам хавфсизлиги ва сифатининг юқори стандартлари жорий этилади ҳамда улар халқаро аккредитациядан ўтказилади.

@ssvuz | @ssvmatbuotkotibi |Facebook | Instagram Ochish/sharhlash

2024-01-25 07:28:30 Бугун Ўзбекистон ва Хитой ўртасидаги ҳамкорлик алоқалари соғлиқни сақлаш соҳасида ҳам жадал ривожланмоқда.

Давлатимиз раҳбарининг ушбу мамлакатга ташрифи доирасида тиббиётга оид қатор муҳим келишувларга эришилмоқда.

Хусусан, Соғлиқни сақлаш вазирлиги, Хитой Савдо-саноат палатаси ва “Henan Costar Group” компанияси ўртасида мамлакатимиз тез тиббий ёрдам хизмати учун замонавий электромобилларни етказиб бериш бўйича шартнома имзоланди.

"Ўзбекистон 24" телеканалининг юқоридаги лавҳасида шу ҳақда батафсил сўз юритилади.

@ssvuz | @ssvmatbuotkotibi |Facebook | Instagram Ochish/sharhlash

2024-01-24 15:20:00 Соҳадаги мавжуд ахборот тизимлари, электрон платформаларнинг самарали ва барқарор ишлашини таъминлаш учун мунтазам равишда профилактика ишларини олиб бориш зарур.

Шундан келиб чиқиб, ўтган бир ой мобайнида республикадаги 1 352 та тиббиёт муассасасидаги компьютер тизимлари ва тармоқларига техник хизмат кўрсатилди.

Профилактика ишлари доирасида уларнинг дастурий таъминотини янгилаш, қўшимча ускуналарнинг соз ишлашини текшириш, мавжуд муаммоларни аниқлаш ва бартараф этиш, эҳтимолий носозликларнинг олдини олиш чоралари кўрилди.

ССВ Матбуот хизмати томонидан тайёрланган юқоридаги видеолавҳада шу ҳақда батафсил сўз боради.

@ssvuz | @ssvmatbuotkotibi | Facebook | Instagram Ochish/sharhlash

2024-01-24 11:51:09 ТАЙИНЛОВ

Соғлиқни сақлаш вазирлигининг тегишли буйруғи билан Умарова Наргиза Мирзоевна Республика ихтисослаштирилган она ва бола саломатлиги илмий-амалий тиббиёт маркази Тошкент шаҳар филиали директори лавозимига тайинланди.

Н. Умарова 1995 йилда Тошкент педиатрия тиббиёт институтида бакалавр, 1996 йилда шу олий ўқув юртида интернатура, 2001 йилда Республика ихтисослаштирилган акушерлик ва гинекология илмий-амалий тиббиёт марказида клиник ординатура босқичларини муваффақиятли тамомлаган.

Турли йилларда Республика перинатал марказида ультратовуш диагностика шифокори, умумий бўлим шифокори, муассаса қошидаги Клиник-диагностика поликлиникаси бўлими мудири, марказнинг акушерлик ва гинекология бўйича директори ўринбосари каби қатор масъулиятли вазифаларда ишлаган.

Тиббиёт фанлари доктори Н. Умарова тайинловга қадар Тошкент шаҳар 3-сон туғуруқ комплекси бош врачи сифатида ишлаб келаётган эди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2024-01-24 09:30:35 ССВ: Хитой билан ҳамкорлик алоқалари янада кенгаяди

Хитой – соғлиқни сақлаш соҳасида дунёда етакчилардан бўлган, мазкур йўналишда улкан илмий ва технологик салоҳиятга эга мамлакатлардан бири.

Ушбу давлат билан ўзаро ҳамкорлик алоқаларини мустаҳкамлаш, қўшма лойиҳалар портфелини кенгайтириш миллий тиббиётимизни янада ривожлантиришга хизмат қилади.

Икки томонлама ҳамкорликнинг янги йўналишларини белгилаб олиш, истиқболли лойиҳаларни амалга ошириш мақсадида айни кунларда соғлиқни сақлаш вазири ўринбосари Ф.Ташпулатов бошчилигидаги соҳа масъулларидан иборат делегация хизмат сафари билан Хитой Халқ Республикасида бўлиб турибди.

Вакилларимиз дастлаб Пекин шаҳрида “CITIC Constructions” компанияси раҳбарияти билан учрашув ўтказди.

“CITIC Group” конгломератининг шўъба компанияси бўлган “CITIC Constructions” жаҳоннинг кўплаб мамлакатларида саноат ва ижтимоий инфратузилма лойиҳалари учун бошқарув, харид ва қурилиш каби хизматларни кўрсатиб келади.

Бугунги кунда мазкур корхона дунёнинг энг йирик қурилиш компаниялари 100 талигига киради.

Мулоқот чоғида “Тез тиббий ёрдам хизматининг ҳудудий филиаллари эски бино-иншоотларини реконструкция қилиш” лойиҳаси юзасидан келишув имзолаш ва уни амалга ошириш бўйича чора-тадбирлар режасини ишлаб чиқишга келишиб олинди.

Ташриф дастурига мувофиқ Хитойнинг яна қатор нуфузли компаниялари ва молия институтлари билан тиббиётнинг турли йўналишлари бўйича инвестиция, давлат-хусусий шериклик ва грант лойиҳалари юзасидан музокаралар ўтказилиши режалаштирилган.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2024-01-24 07:26:24 ​ ЖССТ қизамиққа қарши шошилинч эмланишни тавсия қилди

Жаҳон соғлиқни сақлаш ташкилотининг Европа минтақавий бюроси "кўҳна қитъа" давлатларини зудлик билан қизамиққа қарши эмлаш кампанияларини ўтказишга чақирди.

Бу шошилинч тавсиялар бежиз айнан шу кунларда ўртага чиққани йўқ. Чунки минтақада ўтган йил давомида ушбу касалликни юқтириш ҳолатлари 2022 йилга нисбатан 30 баробар кўп қайд этилган.

Экспертлар буни пандемия даврида қизамиққа қарши вакцинация қамрови кескин пасайгани билан изоҳламоқда. Оқибатда 2023 йилнинг январь-октябрь ойларида бу касалликка чалинган беморлар сони 30 минг нафардан ошди. Ваҳоланки, мазкур статистика 2022 йилда атиги 941 тани ташкил этган эди.

ЖССТ прогнозига кўра, сўнгги ойларда қизамиқ билан касалланиш ҳолатлари яна кўпайган ва шошилинч чоралар кўрилмаса, бу тенденция давом этиши эҳтимоли юқори.

Ҳозир қизамиқ расман эндемик деб эълон қилинган давлатларда ўсиш динамикаси кузатиляпти. Хусусан, Буюк Британия хасталик кўпайиши ортидан мамлакатда миллий фавқулодда ҳолат режимини жорий этишга мажбур бўлди.

Эслатиб ўтамиз, дунё бўйича 2022 йилда эмлаш қамрови 2021 йилга нисбатан бироз ошган бўлса-да, аммо шунда ҳам 33 миллион бола қизамиққа қарши эмлаш дозалари билан қамраб олинмади. 22 миллион нафарга яқин ўғил-қиз бундай вакциналарнинг биринчи дозасини, 11 миллион нафари иккинчи дозасини қабул қилишдан четда қолган.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2024-01-23 13:32:54 Қандли ва қандсиз диабет: уларнинг фарқи нимада?

Жаҳон соғлиқни сақлаш ташкилотининг маълумотларига кўра, бугунги кунда дунёда 400 миллиондан ортиқ киши қандли диабетдан азият чекмоқда. Мутахассислар бу кўрсаткич йилдан-йилга фақат ортиб боришини башорат қилмоқда.

Диабет деганда аксариятимиз қандли диабетни тушунамиз. Қандсиз диабет ҳам борлигини эса кўпчилик билмайди.

Хўш, қандли ва қандсиз диабет бир-биридан нимаси билан фарқ қилади?

Ушбу саволга тиббиёт фанлари доктори, профессор Замира Ҳалимова жавоб берди:

— Қандли диабет 2 турга бўлиниб, биринчиси организмда инсулин етарли даражада ишлаб чиқарилмаётганлиги натижасида пайдо бўлса, иккинчиси ҳужайраларнинг инсулинга сезувчанлигининг пасайиши туфайли келиб чиқади, — дейди мутахассис.

Қандсиз диабетни ҳам икки асосий турга ажратиш мумкин – марказий ва нефроген. Кўпинча касаллик ривожланиши организмда суюқликни ушлаб туришга жавоб берадиган вазопрессин гормонини ишлаб чиқаришдаги муаммолар билан боғлиқ бўлади.

Шу боис, хаддан ортиқ даражада, яъни кандли диабетга чалинган беморларга нисбатан кўп — бир кунда 5-15 литргача пешоб ажралиб чиқиши, кучли чанқоқлик ҳисси бу хасталикнинг асосий аломатларидан ҳисобланади.

Меъда ости безидаги паталогиялар, гормонал ўзгаришлар, айрим дори воситаларининг ножўя таъсири, ўсмалар, ирсий мойиллик ҳам қандсиз диабетга чалиниш сабабларидан бўлиши мумкин.

Бу белгилар қандли диабетда ҳам кузатилиши мумкин. Аммо қандли диабетда озиб ёки семириб кетиш, яраларнинг секин битиши, терининг қичиши каби симптомлар ҳам учраб туради. Диабетнинг бу икки турига барча ёшдаги кишилар, ҳатто, болалар ҳам чалиниши мумкин.

Қандли диабетни даволаш жараёни мунтазам равишда инсулин препаратини қабул қилиш ва парҳез тутишни назарда тутади.

Қандсиз диабетда эса, энг аввало, уни келтириб чиқарган асосий касаллик ўчоғи бартараф этилиб, кейин қўшимча вазопрессин сақловчи гормонал ўрин босувчи терапия ва бошқа муолажалар бажарилади.

Айтиш жоизки, иккала касалликни даволашда ҳам, биринчи навбатда, шифокорга мурожаат қилиб, тегишли текширувлардан ўтиш зарур. Уларнинг натижалари, хасталик босқичи, беморнинг умумий аҳволига қараб унга зарур муолажа ва дорилар тайинланади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2024-01-23 10:21:16 ​ Юртимизда болалар суяк кўмиги трансплантацияси жорий этилади

“Аҳоли саломатлиги — 2030” стратегияси лойиҳасининг 2024-2026 йилларга мўлжалланган амалий тадбирлар режасига кўра:

педиатриянинг барча йўналишларида диагностика, даволаш, профилактика ва реабилитация бўйича ихтисослаштирилган юқори технологик тиббий ёрдам кўрсатиш, жумладан, болалар хирургиясидаги — нейрохирургия, кардиохирургия, оториноларингология, офтальмология ва ортопедия каби соҳаларни ривожлантириш режалаштирилмоқда.

Шу мақсадда:

ҳар йили 3 минг нафаргача болада туғма юрак нуқсони ҳамда бош миядаги патологик ўзгаришлар (жумладан, гидроцефалия) бўйича жарроҳлик амалиётларини ўтказиш;

йилига камида 110 нафар бемор бола учун транспедикуляр тизим (фиксаторлар) тўпламларини қўллаган ҳолда сколиоз ва умуртқа поғонасининг бошқа патологияси бўйича жарроҳлик операцияларини бажариш;

суяк кўмиги трансплантацияси  амалиётини жорий этиш кўзда тутиляпти.

@ssvuz | @ssvmatbuotkotibi |Facebook | Instagram Ochish/sharhlash