Sirdaryo | Onlayn

Гулистон шаҳрида «Аёли эъзозланган юрт» мавзусида тарғибот тадбири ташкил этилди

Унда Бош вазир ўринбосари З.Маҳкамова,  вилоят ҳокими ўринбосари — Оила ва хотин-қизлар бошқармаси бошлиғи Н.Тожибоева,  ҳамкор ташкилотлар вакиллари, «Оқила аёллар» ҳаракати аъзолари, хотин-қизлар фаоллари, бир гуруҳ ташаббускор аёллар иштирок этди.

Тарғибот тадбири қатнашчилари Янгиланаётган Конституция бахтли келажагимиз, фаровон ҳаётимизнинг муҳим ҳужжати бўла олишини, бош қомусимизга киритилаётган барча ўзгаришларнинг негизида Ўзбекистонда кечаётган ислоҳотлар моҳиятини белгиловчи «Инсон қадри учун» улуғвор ғояси ётганлиги, шунингдек, хотин-қизларнинг ҳақ-ҳуқуқларини қонун асосида ҳимоя қилишга қаратилганлигини таъкидлаб ўтдилар.

Тадбир сўнггида бир гуруҳ фаол хотин-қизларга ташаккурнома ва эсдалик совғалари топширилди.

Сирдарё хабарлари
@SirdaryoOnlayn

#Тайинлов

Боёвут тумани мактабгача ва мактаб таълими бўлимига раҳбар тайинланди

Элдор Уралов - Мактабгача ва мактаб таълими вазирининг тегишли буйруғи билан Боёвут тумани Мактабгача ва мактаб таълими бўлими бошлиғи лавозимига тайинланди.

Элдор Уралов тайинловга қадар Боёвут тумани Мактабгача таълим бўлими мудири лавозимида ишлаб келган.

Сирдарё хабарлари
@SirdaryoOnlayn

Дилфуза Уралова масъуллар билан маҳаллаларни кўздан кечирди

Сўнгги йилларда Боёвут туманида бир қатор қурилиш ва ободонлаштириш ишлари олиб борилиб, аҳолига қулай шарт-шароитлар яратиб келинмоқда.

Боёвут тумани ҳокими Дилфуза Уралова тегишли мутасадди ташкилот раҳбарлари ва жамоатчилик вакиллари билан туманнинг бир нечта маҳаллаларида бўлиб, олиб борилаётган ишлар билан танишди.

Туман ҳокими муқаддас Рамазон ойи ва вилоятимизнинг 60 йиллик тўйи арафасида маҳаллаларда ободонлаштириш ишларини жадал олиб бориш, маиший чиқиндиларни тозалаш, фуқароларга қулай шарт-шароитлар яратиб бериш лозимлигини таъкидлаб, масъулларга тегишли кўрсатма ва топшириқлар берди.

Сирдарё хабарлари
@SirdaryoOnlayn

Янгиер шаҳрида Сирдарё вилоятининг 60 йиллиги ҳамда «Конституция ўзимизники» шиори остида Конституциявий қонун лойиҳаси бўйича тарғибот тадбири, «Соғлом ҳаёт учун 5 минг қадам» ҳамда концерт дастури бўлиб ўтди.

Тадбирда талабалар, мактаб ўқувчилари, спортчи ёшлар иштирок этди. Албатта, ташаббус ёшларники бўлди, лекин бу давранинг моҳиятини янада чуқурроқ англаган янгиерликлар ҳам ўзларини четга тортишмади. Бундан ташқари, маданият ва санъат соҳаси ходимлари, фаол хотин-қизлар, иқтидорли ёшлар, шаҳримиз фахрийлари қатнашди.

Тадбир давомида сўзга чиққанлар бош қомусимизнинг мамлакатимиз ҳаётида тутган ўрни, унга киритилаётган янги қўшимчалар ва ўзгаришлар халқимизнинг турмуш-тарзи фаровонлигига, инсон қадрини бунданда юксалишига хизмат қилишини таъкидлаб, 30 апрел куни бўлиб ўтадиган референдумга бефарқ бўлмасдан, сиёсий жараёнда фаол иштирок этиш лозимлигини таъкидлади. Гала концерт дастури форматида ўтказилган тадбирда янгиерлик санъаткорларнинг чиқишлари барчага илиқ кайфият бағишлади.

@SirdaryoOnlayn

Божхоначилар томонидан тиббий дори воситаларининг ноқонуний айланувига чек қўйилди

Сирдарё вилояти божхона бошқармасининг тезкор тузилмаси ДХХ Сирдарё вилояти бошқармаси ва ҳуқуқни муҳофаза қилувчи бошқа органлар билан ҳамкорликда Тошкент шаҳри Чилонзор туманида тезкор тадбир ўтказилди.

Тезкор тадбир давомида, олдиндан тезкор кузатувга олинган «Cobalt» автомашинаси Тошкент шаҳри Чилонзор туманида жойлашган автотураргоҳ ҳудудида юкхонаси ўрнатилган тартибда кўздан кечирилди.

Натижада, автомашина юкхонасида фуқаро М.Ш.га тегишли бўлган хорижда ишлаб чиқарилган, ҳеч қандай ҳужжатлари бўлмаган ва сифати кафолатланмаган дастлабки қиймати 101,3 млн сўмлик 3 турдан иборат жами 3008 дона «Altrabac-S», «Операзон-Н», «Левофлоксацин 100 мл» номли тиббий дори воситалари борлиги аниқланиб, ашёвий далил сифатида олинди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.

Сирдарё хабарлари
@SirdaryoOnlayn