Rasul Kusherbayev

2024-05-01 11:33:46 Монополистдан навбатдаги абсурд огоҳлантириш!

"ЎзавтоМоторс" автомобиль хариди учун тузилган шартномалар бўйича тўлов белгиланган муддатга қадар амалга оширилмаса, мазкур шартномалар бекор қилиниши ҳақида истеъмолчиларни огоҳлантирмоқда.

Ажойиб: "ЎзавтоМоторс" шартномада белгиланган муддатда истеъмолчига автомобилни етказиб бермаса, унга ҳеч қандай чора йўқ, истаганча истеъмолчилар устидан кулиш мумкин. Лекин истеъмолчига келганда...

Афсуски фуқаро, истеъмолчилар ҳуқуқларини ҳимоя қилиш учун ваколат олган, қасамхўр идоралар бир гуруҳ монополистлар учун хизмат қилишга ўтиб кетган мамлакатда ҳали бунақа абсурд огоҳлантиришлар кўплаб бўлиши мумкин.

Аҳволимиз...

@r_kusherbayev Ochish/sharhlash

2024-05-01 10:52:16 Toshkentda Yaponiya fuqarolarining O‘zbekistondagi hayoti tarixiga bag‘ishlangan yangi muzey binosi ochildi Ochish/sharhlash

2024-05-01 07:45:03 МИБнинг ҳокимият адвокатига айлангани ҳақида

Қонунда суд қарорлари ижросини тенг ва холис таъминлаш учун отни калласидек ваколатлар берилган МИБ суд қарори ижрочиси эмас, ҳокимиятнинг адвокатига айланиб бўлган. Масалан, Миришкордаги мана бу ҳолатдаги каби.

Шу сабаб бу идоранинг барча ваколатларини бекор қилиб, тарқатиб юборса ҳам бўлаверади. Фақат давлат идораларига ён босадиган, фуқаро ва тадбиркорларга тупуриб қўйган бундай идора жамиятда давлатга нисбатан ишончсизлик ва эътироз уйғотишдан у ёғига ўтмаяпти.

@r_kusherbayev Ochish/sharhlash

2024-05-01 07:26:17 Бухоро шаҳар ҳокими Носиров Жамол Шуҳратович лавозимидан озод этилиб, унинг ўрнига Турсунов Қурбон Ибрагимович ҳоким этиб тайинланди.

@r_kusherbayev Ochish/sharhlash

2024-04-30 16:38:54 ANORBANK ЎЗБЕКИСТОНДА БИРИНЧИ ИСЛОМ БАНКИНИ ЯРАТИШ БЎЙИЧА КЕЛИШУВ ИМЗОЛАДИ

Ар-Риёд шаҳрида бўлиб ўтаётган Ислом тараққиёт банки гуруҳи йиллик анжуман йиғилишида иштирок этаётган ANORBANK вакиллари бир нечта муҳим келишувларга эришди.

Хусусан, ANORBANK ва Хусусий секторни ривожлантириш Ислом корпорацияси (ХСРИК) Ўзбекистонда биринчи Ислом банкини ташкил этиш лойиҳасини биргаликда ишлаб чиқиш бўйича шартнома имзолади. Ўзбекистон қонунчилигига мувофиқ ташкил этилиши режалаштирилган янги ислом банкига ХСРИК, ANORBANK ва бошқа хорижий компаниялар инвестиция киритади.

Ажойиб янгилик бўпти! Ўзининг инновацион, замонавий ечимлари билан танилган ANORBANK’ка ушбу лойиҳани амалга оширишда омад тилаб қоламиз!

Батафсил Ochish/sharhlash

2024-04-30 15:41:00 “Опен бюджет” қиморга ўхшайдими ёки бу ишда “қовун туширган” масъулларни Расул Кушербаев билан муҳокама қилдик

Шунингдек, собиқ депутат билан:
Президентдан яширилаётган хатолар;
Топшириққа қараб қўл кўтарадиган, “кнопкани” босадиган депутатлар;
“Яшил макон” кўзбўямачиликлари, қаллобликлар;
Туман ҳокимликларининг “заказ”лари ва Расул Кушербаевга ёпилган эшиклар ҳақида “Дангал гап”лашдик.

Тез кунда! darakchi.uz’нинг YouTube саҳифасида томоша қилинг.

Telegram | YouTube | Facebook | Instagram Ochish/sharhlash

2024-04-30 12:41:04 У ростанам унинг ўғлими?

Ҳамманинг диққат марказида шу масала, шу мавзу: у ростанам унинг ўғлими?

Ҳозир Ўзбекистон бошида бундан бошқа иш ҳам, муаммо ҳам йўқ.

Хатто бугун менга ҳам икки марта қўнғироқ бўлди: водийдан бир гуруҳ одамлар санъаткор Б.Қни марҳум Ш.Ж.нинг фарзанди эканлигига гувоҳлик беришмоқчи, шунга мен бу ишда ёрдам беришим керак экан.

Шу оламшумул масала бир ёқли бўлмагунча менам бошқалар каби ҳамма ишларимни йиғиштириб турсамми дейман. Қўлим ишга бормай қолди: уфф нима бўларкин?

@r_kusherbayev Ochish/sharhlash

2024-04-30 12:17:32 648 минг сўм

Ўзбекистонда 2024 йил май ойидан ҳисобланган минимал истеъмол харажатлари қиймати бир ойда киши бошига 648 минг сўмни ташкил этди. 2024 йил январда бу қиймат 621 минг сўм эди.

Минимал истеъмол харажатлари кўрсаткичидан пенсиялар ва нафақаларнинг энг кам миқдорини шунингдек, камбағал оилаларга бериладиган бошқа турдаги моддий кўмаклар белгилашда фойдаланилади.

@r_kusherbayev Ochish/sharhlash

2024-04-30 08:31:07 Автомобил рангини ўзгартириш жавобгарликка тортишга асос бўлмайди

Вазирлар Маҳкамасининг 2022 йил 22 февралдаги 86-сон қарори билан тасдиқланган низомнинг 26-иловасига мувофиқ, Автотранспорт воситаларини қайта жиҳозлаш учун рухсатнома паспорти кўрсатиб ўтилган. Паспортнинг 12-бандида автотранспорт воситаси қайта жиҳозланган деб тан олинадиган ўзгаришлар рўйхати белгиланган.

Мазкур рўйхатда автотранспортнинг капот, кузов ёки бошқа қисмлари ранги ўзгартирилиши учун рухсатнома талаб қилиниши белгиланмаган.

Шундан келиб чиқиб, МЖтКнинг 125-моддаси учинчи қисмида назарда тутилган яъни тегишли рухсатномасиз қайта жиҳозланган транспорт воситасини бошқарганлиги учун жарима жазоси қўллаш ҳамда автотранспорт воситасини ушбу Кодекснинг 291-моддаси асосида вақтинча ушлаб туриш қонунга зид ҳисобланади.

Бу Адлия вазирлиги томонидан ҳам таъкидланган.

@r_kusherbayev Ochish/sharhlash

2024-04-29 19:48:49 Ўзбекистон U-23 терма жамоаси ярим финалда Индонезия устидан 2:0 ҳисобида ғалаба қозонди.

Ушбу ғалаба Ўзбекистон жамоасига Осиё кубоги финали ва Париж олимпиадасига йўлланма беради.

Ғалаба барчага муборак бўлсин!

@r_kusherbayev Ochish/sharhlash