Qur'on va Hadis

2023-01-07 17:20:55 #ИСЛОМ_АСОСЛАРИ





Намоз

   Исломнинг биринчи рукни намоздир. Моҳияти жиҳатидан намоз ҳар кеча-кундузда беш марта тил ва амал билан қилинадиган ибодатдир. Эрталаб уйғонганингиздан кейин бошқа ишга машғул бўлмай туриб, покиза ҳолатда Парвардигорингизнинг қўл остида гавдаланасиз. Туриб, ўтириб, рукуъ ва сажда қилиб, Аллоҳга банда эканингизга иқрор бўласиз. Ундан ёрдам, ҳимоя сўрайсиз. Ўзингиз билан Раббингиз орасидаги алоқани яхшилайсиз. Унинг розилигига етиш, ғазабидан узоқлашиш каби мақсадларингизни бир неча марта такрорлайсиз. Аллоҳнинг каломини ўқийсиз, Пайғамбарининг ҳақиқийлигига гувоҳлик берасиз, бир куни Унинг маҳкамасига қайтиб боришингизни ва у ерда ўзингизга тегишли жазо олишингизни эслайсиз. Мана шундай қилиб, кунингиз бошланади. Соатлаб ишларингиз билан машғул бўласиз. Кейин сизни муаззин Аллоҳни эслашга, ғафлатда қолмай, яна бир марта дарсингизни қайтаришга чақиради. Ўрнингиздан туриб, яна бир марта иймонингизни янгилайсиз. Сўнгра яна дунёга қайтиб, унинг ишлари билан машғул бўласиз. Бир неча соатдан кейин муаззин учинчи марта аср намозига чақиради. Кун қайтиб, кеч кирганда кунингизни нима билан бошлаган бўлсангиз, тунингизни ҳам ўша билан бошлайсиз. Яъни, кечки дарсдан ғафлатда қолмаслик учун Аллоҳни эслаб, унга ибодат қиласиз. Озгинадан сўнг ухлашдан олдинроқ хуфтон намозини ўқиш билан охирги марта Парвардигорингизни эслайсиз. Кечки сокинликдан фойдаланиб, кундузги шовқин-суронлардан ҳордиқ чиқарасиз.
    Намоз ҳар куни беш марта динимизнинг пойдеворини мустаҳкамлаб туради ва сизни мазкур ҳақиқий, катта ибодатга тайёрлайди. Намоз сизга доимо софдиллик, очиқ кўнгиллик, хушхулқлик ва яхши ишлардан иборат бўлган эътиқодларни эслатиб туради. Таҳорат олишда Пайғамбар алайҳиссаломнинг ўргатган калималарини ўқийсиз. Шундай қилишингиз Пайғамбар алайҳиссаломга итоат этишни ўзингизга вожиб деб билишингиз эмасми? Намоз ўқиётганингизда нега Қуръонни қасддан хато ўқимайсиз? Мана шунинг ўзи Қуръонни Аллоҳнинг китоби эканига ишонишингиз эмасми? Намозни Пайғамбар алайҳиссаломнинг таълимига хилоф равишда ўқишдан ёки умуман ўқимасликдан нега қўрқасиз? Ахир сизнинг нима ўқиётганингизни ёки ўқимаётганингизни текширадиган ҳеч ким йўқ-ку! Мана шунинг ўзи Аллоҳнинг сизни эшитиб туришига, махфий қилиб ўқиганингизда ҳам ундан яшира олмаслигингизга ишонишингиз эмасми? Ҳеч ким йўқ жойда сизни ким уйқудан уйғотиб, намозга чорлайди? Аллоҳнинг сизни кўриб туришига эътиқод қилишингиз эмасми? Барча машғулотингизни ташлаб, намозга шошилишга сизни нима мажбур қилади? Аллоҳ таолонинг сизга мана шу намозни фарз қилганини ҳис этишингиз эмасми? Қиш кунларида эрталаб, ёзда айни кун қизиган паллада, ҳар кеча ўйин-кулгу вақтида сизни намоз ўқишга нима мажбур қилади Бурчингизни ҳис этишингиз эмасми Қасддан ўқимаслик
ёки хато қилишдан нега қўрқасиз Бунинг Аллоҳдан ва қиёмат куни унинг қўл остида туришдан қўрқишингиздан ҳам бошқа сабаби борми? Энди менга айтинг-чи, кишини ҳақиқий мусулмон қилиш учун намоздан ҳам яхшироқ тарбия бўлиши мумкин-ми? Ҳар куни Аллоҳни эслаб туриш, Ундан қўрқиш, У Зотнинг ҳар нарсадан хабардор, билимдон эканига ишониш, қиёмат кунида унинг маҳкамасида ҳозир бўлишга эътиқод қилиш, ҳар кеча-кундузда Пайғамбар алайҳиссаломга бир неча марта итоат этиш ва мана шулардан кейин дунёвий ишлар билан машғул бўлишдан кўра яхшироқ тарбия бўлиши мумкинми? Масжиддан чиққан одам Аллоҳдан қўрқиши, Унинг қонунига итоат этиши, шайтон чиройли қилиб кўрсатаётган ҳар бир хатода Аллоҳни кўриб турганини, ундан ҳеч нарса махфий бўлолмаслигини эслаши лозим. Мана шундай олий тарбиядан кейин ҳам инсоннинг Аллоҳдан қўрқмаслиги, гуноҳ қилиши, Унинг ҳукмидан бош тортишига сабаб тарбиянинг камчилиги эмас, балки инсоннинг ўзидаги, табиатидаги нуқсон, бузуқлик, ёмонликдир.
    Яна Аллоҳ таоло мусулмонларнинг жамоа бўлиб намоз ўқишларини таъкидлаб, уларга ҳафтада бир марта жума намозини фарз қилади. Жамоа бўлиб намоз ўқиш мусулмонларни бирлаштиради, уларни бир-бирларига дўст, биродар қилиб, улардан бирлашган халқни ташкил этади. Ochish/sharhlash

2023-01-05 19:26:46 УНУТМАНГ:




«Қачон дуо қилмоқчи бўлсангизу вақтингиз кам ва эҳтиёжларингиз қалбингизни сиқаётган бўлса, ҳар бир дуоингизда Аллоҳ сизни афв қилишини сўранг. Агар Аллоҳ сизни афв қиладиган бўлса, ҳар бир ҳожатингизни сўрамасангиз ҳам бериб қўяди».







http://t.me/Quron6 Ochish/sharhlash

2023-01-05 08:16:09 Жуда кўпчилик бир бирини орқасидан айблайди,

http://t.me/Quron6 Ochish/sharhlash

2023-01-04 09:22:24 ИСЛОМ АСОСЛАРИ







Ибодатнинг маъноси


Ибодат маъно жиҳатидан ҳам, моҳият жиҳатидан ҳам бандалик қилишдир. Сиз — банда, Аллоҳ эса маъбудингиз. Банданинг маъбудига итоат этган ҳолда қилган ишлари ибодатдир. Масалан, сиз одамлар билан гаплашган вақтингизда Аллоҳ қайтаргани учун ёлғон гапирмайсиз, ғийбат қилмайсиз, беҳаё сўзларни айтмайсиз ва Аллоҳ буюргани учун рост сўзлайсиз, адолатли бўласиз, яхшилик ва эзгуликлар қиласиз. Мана шу гапингиз гарчи дунёвий ишларингиздан бўлса-да, Аллоҳ таолога қилган ибодатингиздир.
Бозорларда юриб, одамлар билан олди-берди муомалалар қилганингизда, ота-она, ака-ука, оила билан бўлганингизда, дўстлар ва қариндошлар билан ўтирганингизда Аллоҳ буюргани учун ҳар бирининг ҳаққини адо қилсангиз, Аллоҳ қайтаргани учун бирортасининг ҳам ҳаққига хиёнат қилмасангиз, мана шу ишларда Аллоҳ таолога ибодат қилган ҳолда ҳаёт кечирган бўласиз.
Шунингдек, обрў-эътибор қозониш каби шахсий манфаатни ўйламасдан, холис Аллоҳнинг розилиги учун мискинга таом, мазлумга ёрдам беришингиз, очни тўйдиришингиз, касални бориб кўришингиз ҳам Аллоҳга қилган ибодатларингиздан ҳисобланади. Савдо ёки ҳунармандчиликда олди-берди қилганингизда, ёки бирор юмушни бажараётганингизда устингиздаги вазифани Аллоҳдан қўрқиб, ҳалоллик, ростгўйлик билан адо этишингиз ҳамда ҳалолдан касб қилиб, ҳаромдан ўзингизни тийишингиз ҳам, гарчи ўз ризқингизни топиш учун бўлса-да, ибодатдир.
Хуллас, фақат Аллоҳ таолодангина қўрқиб, ҳар бир ҳолатда Унинг розилигини кўз олдингизга келтиришингиз, Унга гуноҳ қилиш билан етадиган ҳар қандай фойдадан воз кечишингиз, Унга тоат қилиш билан етадиган ҳар қандай зарарга сабр этишингиз Аллоҳга бўлган ибодат сирасига киради. Ушбу йўлдаги ҳаётингиз бошдан охиригача ибодатдир. Мана шу ҳаётдаги ейиш ёки ичиш, уйқу ёки бедорлик, ўтириш ёки гапириш ёки сукут сақлашларнинг барчаси ибодатдир.
Ибодатнинг ҳақиқий маъноси мана шудир. Исломнинг мақсади инсоннинг ҳар бир ҳолатда Аллоҳга ибодат қилишидир. Ислом мана шу мақсадда инсонни катта ибодатга тайёрлаш учун унга бир неча ибодатларни фарз қилади. Гўёки бу ибодатлар инсонни кўзда тутилган мазкур катта ибодат учун бир тарбиядир. Кимки мана шу тарбияга яхши эриша олса, ҳақиқий ибодатни мақсадга мувофиқ ҳолда адо этади. Шунинг учун ҳам бу ибодатлар исломда фарзи айн (бажарилиши шарт бўлган бурч) қилинди ва уларни диннинг рукнлари, яъни дин биносини кўтариб турган устунлар дейилди. Ҳеч бир бино устунсиз қурилмаганидек, исломий ҳаёт биноси ҳам мана шу устунларсиз барпо бўлмайди. Ким уларни бузса, Ислом биносини бузган бўлади.







http://t.me/Quron6 Ochish/sharhlash

2023-01-03 16:49:23 УНУТМАНГ:




«Қалб ерга ўхшайди. Агар у Аллоҳни яккалаш, яхши кўриш, таниш, зикр қилиш ва дуо қилишдан холи қолса, қуриб қолади».





http://t.me/Quron6 Ochish/sharhlash

2023-01-02 17:13:59 Юнус алайхиссаломнинг дуоси

http://t.me/Quron6 Ochish/sharhlash

2023-01-01 13:11:12 ИСЛОМ АСОСЛАРИ






БЕШИНЧИ БЎЛИМ: ИБОДАТЛАР


Ўтган бўлимда айтганимиздек, Муҳаммад алайҳиссалом бизни қуйидагича беш нарсага ишонишимизни буюрган: Шериксиз, ягона Аллоҳ таолога, фаришталарга, китобларга, хусусан, Қуръонга, пайғамбарларга, хусусан, уларнинг охиргиси Муҳаммад алайҳиссаломга, охират ҳаётига. Исломнинг асоси мана шудир.
Сиз мана шу беш нарсага ишонганингиздан кейин мусулмонлар қаторига қўшилиб, улардан бири бўлиб қоласиз. Лекин бу билан тўла мусулмон бўла олмайсиз. Зеро, инсон Пайғамбар алайҳиссалом Аллоҳ тарафидан келтирган ҳукму фармонларига итоат этмагунча тўла мусулмон бўла олмайди. Иймондан кейинги мана шу итоат қилиш Исломдир. Аллоҳни ўзингизга маъбуд деб иқрор бўлганингизнинг маъноси, У Зотнинг буюрадиган, таъқиқлайдиган, хўжайин экани, сиз эса, Унинг буйруғи ва тақиқига итоат этадиган, хуллас, айтганини қиладиган қул эканингиздир. Мана шундан кейин Унга осийлик қилсангиз, хўжайинга бўйсунмаган қулнинг жиноятини қилган бўласиз. Қуръон Аллоҳнинг Китоби эканига иқрор бўлдингиз, Қуръоннинг ҳар бир сўзи Аллоҳ тарафидан юборилган ҳақиқат эканини эътироф этдингиз. Демак, ундаги ҳар бир фармон ва тақиққа риоя этишингиз лозим. Муҳаммад алайҳиссалом Аллоҳнинг пайғамбари эканига иқрор бўлдингиз, бу билан у киши буюрган ёки тақиқлаган ҳар бир нарса Аллоҳ тарафидан эканига иқрор бўлдингиз. Демак, у кишига итоат этишингиз вожиб. Мана шундан кўриниб турибдики, қилаётган ишингиз иймонингизга мувофиқ бўлгандагина комил мусулмон бўласиз. Қилаётган ишингиз билан иймонингиз орасидаги фарқ қанча катта бўлса, иймонингиз шунча камаяверади.
Келинг, сизга ҳаётимизни Аллоҳнинг розилигига мувофиқ ҳолда ўтказишимиз учун Муҳаммад алайҳиссалом белгилаб берган йўлни баён этайлик. Қуръондаги бирламчи буйруқ сифатида фарз қилингани-Ибодатлардир.







http://t.me/Quron6 Ochish/sharhlash

2022-12-31 12:43:27 УНУТМАНГ:



«Агар Қиёмат кунида одамларнинг амаллари савоби устидан парда кўтарилса, савоби (улуғлиги) жиҳатидан зикрдан афзалроқ амални кўрмайдилар. Ўша пайтда одамлар: «Биз учун (ҳаёти дунёда) зикрдан ҳам енгилроқ амал йўқ эди», дея ғамга ботадилар».





http://t.me/Quron6 Ochish/sharhlash

2022-12-29 18:36:46 Хар йили бирхил муаммо

http://t.me/Quron6 Ochish/sharhlash

2022-12-29 07:33:36 ИСЛОМ АСОСЛАРИ







Калимайи тоййиба


Ислом бешта эътиқод асосига барпо бўлган. Бу беш асос қисқача “Аллоҳдан бошқа илоҳ йўқ, Муҳаммад Аллоҳнинг пайғамбари” деган жумлада мужассамлашган. “Аллоҳдан бошқа илоҳ йўқ” дейиш билан бошқа сохта худоларга эмас, ягона Аллоҳгагина банда эканингизга иқрор бўласиз. Шунингдек, “Муҳаммад Аллоҳнинг пайғамбари” дейишингиз билан Муҳаммад алайҳиссаломнинг Аллоҳ тарафидан одамларга юборилган пайғамбарлигини тасдиқлайсиз. Муҳаммад алайҳиссаломнинг пайғамбарлигини тасдиқлашингиз у киши баён қилган Аллоҳ таолонинг борлигига, унинг сифатларига, фаришталарига, китобларига, пайғамбарларига ва охират кунига ишонишингизни ва Аллоҳга бандалик, унинг ҳукм ва фармонларига эргашиш учун у киши бошлаган йўлдан боришингизни тақозо этади.





http://t.me/Quron6 Ochish/sharhlash